PORTAL24 | Rasmiy kanal
❗️
Jarqo‘rg‘onda cho‘milishga borgan 18 yoshli uch yigit daryoda cho‘kib ketdi. Ikki kishining jasadini g‘avvoslar olib chiqqan
Surxondaryo viloyatining Jarqo‘rg‘on tumanida yozgi mavsumning dastlabki mudhish fojialaridan biri yuz berdi. Tumandagi “Namuna” mahallasi hududidan oqib o‘tuvchi daryoga cho‘milish maqsadida borgan olti nafar tengdosh yigitdan uch nafari kuchli oqim sabab suvga cho‘kib, halok bo‘ldi. Viloyat Favqulodda vaziyatlar boshqarmasi xabariga ko‘ra, qurbonlarning barchasi 2008-yilda tug‘ilgan, yangi hayotga endigina qadam qo‘ygan yoshlar edi.
🌊
Voqea tafsilotlariga ko‘ra, daryo bo‘yiga kelgan yigitlardan biri suvga tushmay, qirg‘oqda qolgan. Qolgan besh nafari esa jazirama issiqdan jon saqlash uchun daryoga sho‘ng‘igan. Biroq kutilmaganda kuchli va tezkor oqim yoshlarni o‘z domiga torta boshlagan. Atrofdagi guvohlarning tezkor harakatlari natijasida ikki yigit suvdan sog‘-salomat qutqarib qolingan bo‘lsa-da, qolgan uch nafarini shiddatli oqim oqizib ketgan.
Qutqaruv operatsiyasi natijasida o‘sha kunning o‘zida yigitlardan birining, 9-iyun kuni esa ikkinchisining jasadi daryodan olib chiqilgan. Hozirda g‘avvoslar va qutqaruvchilar tomonidan uchinchi yigitning jasadini topish bo‘yicha ishlar davom etmoqda.
👉
Obuna bo‘ling – “Portal 24”
🤴🏼
Marokashning “premium” shahzodasi – Maulay Hasan
👉
Obuna bo‘ling – “Portal 24”
🔥
JCH-2026 da eng ko‘p chipta O‘zbekiston o‘yiniga sotildi
Hozirgacha O‘zbekiston — Kolumbiya bahsi uchun 74 725 ta chipta sotilgan. Bu ko‘rsatkich JCH-2026 musobaqasidagi barcha o‘yinlar orasida eng yuqori natija hisoblanadi.
Mazkur uchrashuv chipta savdosi bo‘yicha turnirning ochilish o‘yini bo‘lgan Meksika — JAR (73 373 ta) hamda Braziliya — Marokash (73 719 ta) bahslarini ortda qoldirdi.
O‘yin Mexiko shahridagi 81 070 tomoshabinga mo‘ljallangan mashhur “Asteka” stadionida bo‘lib o‘tadi. Hozirning o‘zida stadion sig‘imining qariyb 92 foizi uchun chiptalar sotib bo‘lingan.
Eslatib o‘tamiz, O‘zbekiston — Kolumbiya uchrashuvi 18-iyun kuni Toshkent vaqti bilan soat 07:00 da boshlanadi.
👉
Obuna bo‘ling – “Portal 24”
Ilon Mask dunyo tarixidagi birinchi trillioner bo‘ldi – Reuters
Milliarder Ilon Mask insoniyat tarixidagi ilk trillioner unvonini qo‘lga kiritib, mutlaqo yangi davrni ochdi. Bunga uning SpaceX kompaniyasi AQSH tarixidagi eng yirik aksiyalarning dastlabki ommaviy joylashtirilishi (IPO)ni muvaffaqiyatli o‘tkazgani sabab bo‘ldi. Reuters nashrining yozishicha, kompaniya bir dona aksiyasini 135 dollardan baholab, rekord darajadagi 75 milliard dollar jalb qildi va o‘zining umumiy bozor qiymatini naqd 1,77 trillion dollarga yetkazdi.
Ushbu tarixiy IPO ortidan Maskning faqatgina SpaceX’dagi ulushi 866 milliard dollarga ko‘tarildi. Agar uning Tesla, X (Twitter) va boshqa startaplardagi ulkan aktivlari ham qo‘shib hisoblansa, milliarderning umumiy boyligi 1,1 trillion dollardan oshib ketadi. Shu tariqa, u sayyoramizning eng boy insonlari ro‘yxatida marrani mutlaqo yetib bo‘lmas darajaga olib chiqdi.
Biroq, bu muvaffaqiyat ortida Maskning Marsni zabt etish haqidagi ulkan orzusi yotibdi. The Washington Post nashrining aniqlik kiritishicha, milliarderga taqdim etilgan maxsus aksiya paketlari shunday shartga egaki, ular faqatgina SpaceX koinotda misli ko‘rilmagan qiymatga erishsa va Marsda ilk insoniyat koloniyasini barpo eta olsagina to‘liq Maskning mulkiga aylanadi. Agar ushbu “Mars shartnomasi” hisobga olinmasa, uning sof boyligi hozircha bir trillion dollarga bir oz yetmay turgan bo‘lardi.
👉
Obuna bo‘ling – “Portal 24”
🏆
Palovlarni patentlash chempionati davom etmoqda: Endi “Chust oshi” ham qonun himoyasida!
O‘zbekistonda milliy brendga aylangan taomlarni huquqiy himoya qilish harakati davom etmoqda. Intellektual mulk agentligi xabariga ko‘ra, Farg‘ona vodiysining eng mashhur taomlaridan biri bo‘lgan “Chust oshi” rasman geografik ko‘rsatkich sifatida davlat ro‘yxatidan o‘tkazildi. Shu paytgacha Toshkent to‘y oshi, Samarqandning sofi oshi va Andijonning devzira oshi kabi gastronomik durdonalar ham xuddi shunday brend maqomini qo‘lga kiritgan edi.
⚡️
Ushbu huquqiy maqom “Chust oshi”ning nomi va uning asrlarga teng an’anaviy tayyorlash texnologiyasini soxtalashtirishdan himoya qiladi. Endilikda ushbu nom ostida tayyorlanadigan taom sifatining davlat me’yorlariga mosligi qat’iy kafolatlanadi.
Bu o‘zgarish hududning gastronomik turizm salohiyatini oshirish, mahalliy oshpaz va tadbirkorlarni qo‘llash hamda o‘zbek milliy oshxonasini xalqaro miqyosda kengroq targ‘ib qilishga xizmat qiladi.
👉
Obuna bo‘ling – “Portal 24”
🇰🇷
Dronlar ortidagi fitna: Janubiy Koreya sobiq prezidenti 30 yilga “kesildi
”
Janubiy Koreya sudi mamlakatning sobiq prezidenti Yun Sok Yolni Shimoliy Koreya hududiga dronlar yuborib, ataylab provokatsiya uyushtirganlikda aybdor deb topdi va 30 yilga ozodlikdan mahrum qildi. Prokuraturaga ko‘ra, eks-prezident 2024-yil oktyabr oyida Pxenyan ustiga dronlar yuborish orqali qo‘shni davlatning javob zarbasini qo‘zg‘atishni va shu bahona bilan mamlakatda harbiy holat joriy etishni rejalashtirgan.
⚖️
Seul okrug sudi mazkur harbiy operatsiya niqobidagi fitnani davlatga xiyonat va mansab vakolatini suiiste’mol qilish deb baholadi. Sud hukmida ta’kidlanishicha, Yunning bu qaltis harakati ikki mamlakat o‘rtasida real harbiy mojaro xavfini keskin oshirib yuborgan.
Sobiq davlat rahbarining o‘zi esa Janubiy Koreya tarixida qamoqda saqlangan holda ayblov e’lon qilingan ilk amaldagi prezident sifatida qayd etilgan.
Ushbu yirik siyosiy jinoyat ishi doirasida nafaqat prezident, balki uning “gumashtalari ham qattiq jazolandi. Xususan, sobiq mudofaa vaziri Kim Yon Xyon ham 30 yilga panjara ortiga ravona bo‘ldi. Mudofaa kontrrazvedka qo‘mondonligining sobiq rahbari Yo In Xyonga 15 yil, Dron operatsiyalari qo‘mondonligining sobiq rahbari Kim Yon Dega esa 3 yillik shartli qamoq jazosi tayinlandi.
Janubiy Koreyaning prezidentlik silsilasida
mamlakatning deyarli barcha sobiq amaldagi va tirik prezidentlari (Li Myon Bak, Pak Kin Xe va boshqalar) korrupsiya, davlatga xiyonat yoki isyon ayblovlari bilan uzoq muddatli qamoq jazolariga hukm qilinishi allaqachon odatiy holga aylangan.
👉
Obuna bo‘ling – “Portal 24”
❗️
Zavoddan ming litrdan ziyod dizel yoqilg‘isini o‘g‘irlab chiqayotgan UAZ haydovchisi ushlandi
11-iyun kuni Zarafshon shahar sanoat zonasida to‘xtatilgan UAZ avtomashinasidan hech qanday hujjatlarsiz noqonuniy olib ketilayotgan
1230 litr dizel yoqilg‘isi
aniqlandi
. Avtomashina egasi yoqilg‘ini sotish yoki shaxsiy ehtiyojlari uchun ishlatishni maqsad qilgan.
Hozirda shahar ichki ishlar bo‘limi surishtiruv ishlarini olib bormoqda.
Avvalroq, Sho‘rtan gaz-kimyo majmuasining ishlab chiqarish quvvatini kengaytirish loyihasi doirasida 643,2 milliard so‘m miqdoridagi byudjet mablag‘lari talon-toroj qilingani
aniqlangandi
.
👉
Obuna bo‘ling – “Portal 24”
Yo‘l bezoriligi uchun avtomashinani musodara qilish taklif etilmoqda
O‘zbekistonda yo‘l harakati qoidalarini qo‘pol ravishda buzgan haydovchilarga nisbatan javobgarlikni kuchaytirish bo‘yicha yangi takliflar ishlab chiqildi. Bu haqda YHXX boshlig‘i Sherzod Ibragimov ma’lum qildi.
Uning aytishicha, idoralararo ishchi guruh tomonidan tayyorlangan takliflar davlat rahbariga taqdim etilgan.
Takliflarga ko‘ra, besh turdagi qo‘pol qoidabuzarlik uchun transport vositasini vaqtincha olib qo‘yish, voyaga yetmaganlarga avtomobil boshqarishni topshirganlik uchun alohida ma’muriy javobgarlik joriy etish hamda noqonuniy poygalar uchun jazoni kuchaytirish rejalashtirilmoqda.
Shuningdek, transport boshqarish huquqiga ega bo‘lmagan yoki bu huquqdan mahrum etilgan shaxs tomonidan sodir etilgan yo‘l bezoriligi uchun avtomashinani musodara qilish yoki vaqtincha olib qo‘yish taklif qilinmoqda.
Yana bir muhim taklifga ko‘ra, mast holatda transport boshqargan shaxslarga nisbatan 15 sutkagacha ma’muriy qamoq jazosi qo‘llash, qo‘pol qoidabuzarlik sodir etgan haydovchilarni esa bir yil davomida jarimani chegirma bilan to‘lash huquqidan mahrum qilish ko‘zda tutilgan.
Bundan tashqari, voyaga yetmagan shaxsga avtomobil boshqarishni topshirish oqibatida odamlar jarohat olsa yoki halok bo‘lsa, bu holatlar uchun to‘g‘ridan-to‘g‘ri jinoiy javobgarlik belgilash taklif etilmoqda.
Mazkur takliflar qabul qilinsa, yo‘l harakati xavfsizligi sohasidagi jazo choralari sezilarli darajada kuchayadi.
👉
Obuna bo‘ling – “Portal 24”
Rossiyada 16 yoshli migrant qotillikka qo'l urdi. U o‘zbekistonlik bo‘lishi mumkin
Podmoskovyening Naro-Fominsk tumani yaqinidagi Tyornovka qishlog‘ida og‘ir jinoyat sodir etildi.
OAV xabarlariga ko‘ra,
16 yoshli migrant tungi vaqtda xonadonga bostirib kirib, 56 yoshli erkakka pichoq bilan hujum qilgan. Oqibatda erkak voqea joyida halok bo‘lgan. Uning 13 yoshli o‘g‘li esa og‘ir tan jarohatlari olgan.
Ma’lumotlarga ko‘ra, gumonlanuvchi uyda bo‘lgan pullarni olib, marhumga tegishli avtomobilni minib voqea joyidan qochib ketgan. Hodisa vaqtida uyda marhumning yana bir kichik yoshli o‘g‘li ham bo‘lgan, biroq u yashirinib qolishga muvaffaq bo‘lgan.
Keyinchalik gumonlanuvchi Moskva halqa avtomobil yo‘li (MKAD) hududida qo‘lga olingan. Rossiya Ichki ishlar vazirligi ma’lumotiga ko‘ra, u Markaziy Osiyo davlatlaridan birining fuqarosi hisoblanadi. Hozircha uning O‘zbekiston fuqarosi ekani yoki emasligi rasman tasdiqlanmagan.
👉
Obuna bo‘ling – “Portal 24”
“
Amerika orzusi” barbod bo‘ldi: AQSH 5 oy ichida 150 dan ortiq o‘zbekistonlikni mamlakatdan quvdi
AQSHda noqonuniy yo‘llar bilan yurgan o‘zbekistonliklarni vataniga qaytarish operatsiyalari davom etmoqda. Kecha, 11-iyun kuni migratsiya qonunchiligini buzgani uchun ushlangan yana 24 nafar O‘zbekiston fuqarosi maxsus charter reys orqali Toshkentga
olib kelindi.
Bu galgi qaytarilish ikki davlat rasmiy idoralarining o‘zaro hamkorligi doirasida amalga oshirilgan. Tomonlar noqonuniy migrantlarning shaxsini aniqlash va xavfsiz olib kelish bo‘yicha barcha huquqiy va tashkiliy tartib-taomillarni tezkorlik bilan hal qilishgan.
Rasmiy ma’lumotlarga ko‘ra, bu joriy yil boshidan beri o‘zbekistonliklarning AQSHdan ommaviy ravishda quvilishiga oid to‘rtinchi holatdir. Bundan avval 21-yanvarda
44 nafar
, 11-martda
65 nafar
va 1-mayda
26 nafar
fuqaro deportatsiya qilingan edi. Shunday qilib, 2026-yilning o‘tgan 5 oyi davomida jami 159 nafar o‘zbekistonlik AQSHdan majburiy chiqarib yuborildi.
👉
Obuna bo‘ling – “Portal 24”