Xalq deputatlari Toshkent shahar Kengashi
#deputatlar_nazorati
#poytaxtdeputatlari
#deputatlik_faoliyati
❗️
Sayyor qabulda fuqarolar murojaatlari tinglandi
🏛
Uchtepa tumanidagi 23-Istirohat saylov okrugiga qarashli “Istirohat” mahalla fuqarolar yig‘inida aholi bilan sayyor qabul o‘tkazildi. Mazkur qabul xalq deputatlari Toshkent shahar Kengashi deputati Muxtor Ilhomov tashabbusi bilan tashkil etilib, unda xalq deputatlari Uchtepa tumani Kengashi deputati Bobur Xalmatov ham ishtirok etdi.
📝
Sayyor qabul avvalida mahalla “yettiligi” tomonidan hududda amalga oshirilayotgan ishlar, mavjud muammolar hamda kelgusidagi rejalar yuzasidan hisobot tinglandi. Shundan so‘ng fuqarolar bilan ochiq muloqot o‘tkazilib, ularning turli masalalarga doir murojaatlari qabul qilindi.
📁
Uchrashuv davomida fuqarolar tomonidan ijtimoiy himoya, tibbiy xizmat, kommunal soha, bandlik hamda hudud infratuzilmasiga oid qator masalalar ko‘tarildi. Deputatlar har bir murojaatni alohida o‘rganib chiqib, ayrim masalalarni joyida hal etish choralarini ko‘rdilar, qolgan murojaatlar bo‘yicha esa tegishli tashkilotlar bilan hamkorlikda o‘rganish ishlari olib borilishi hamda zarur choralar ko‘rilishi ta’kidlandi.
🔎
Qabul jarayonida fuqarolardan biri sog‘lig‘i bilan bog‘liq muammo yuzasidan murojaat qilgan bo‘lib, unga mamlakatimizda sog‘liqni saqlash tizimini rivojlantirish doirasida joriy etilayotgan yangiliklar, xususan, aholining tibbiy xizmatlardan foydalanish imkoniyatlarini kengaytirish, bepul dori-darmonlar ta’minoti hamda davolanish jarayonida qo‘llanilayotgan yangi mexanizmlar haqida tushuntirishlar berildi.
📉
Shuningdek, murojaatchini tegishli oilaviy poliklinika tomonidan muntazam tibbiy nazoratga olish bo‘yicha mas’ullarga topshiriqlar berildi. Deputat Muxtor Ilhomov o‘z nutqida fuqarolar bilan ochiq va samimiy muloqot olib borish, ularning muammolarini joyida o‘rganish hamda imkon qadar tezkor yechim topish deputatlik faoliyatining muhim yo‘nalishlaridan biri ekanini alohida ta’kidladi.
🗣
Mazkur sayyor qabul fuqarolarni qiynayotgan masalalarni aniqlash, ularni tizimli ravishda hal etish hamda aholi bilan doimiy muloqotni mustahkamlashga xizmat qilgani bilan ahamiyatli bo‘ldi. Deputatlar tomonidan bunday uchrashuvlar kelgusida ham muntazam ravishda davom ettirilishi qayd etildi.
🟦
🟦
🟦
🟦
🟦
🟦
📱
Telegram
📱
Instagram
📱
Facebook
📱
YouTube
#deputatlar_nazorati
#poytaxtdeputatlari
#deputatlik_faoliyati
❗️
Ichki turizmni rivojlantirishga qaratilgan ma’naviy-ma’rifiy sayohat tashkil etildi
🏛
Xalq deputatlari Toshkent shahar Kengashi deputati Vasila Alimova tashabbusi bilan okrug hududida istiqomat qiluvchi fuqarolar uchun ma’naviy-ma’rifiy sayohat tashkil etildi. Mazkur tadbir xalq deputatlari Yakkasaroy tumani Kengashi raisi Tolib Sayfullayev bilan hamkorlikda o‘tkazilib, fuqarolar uchun Islom sivilizatsiyasi markaziga sayohat uyushtirildi.
📝
Sayohat davomida ishtirokchilar markazda jamlangan boy tarixiy meros, qadimiy qo‘lyozmalar, ilm-fan va madaniyat rivojiga oid noyob eksponatlar bilan yaqindan tanishdilar. Markazda yurtimiz hududida shakllangan islomiy ilmiy maktablar, buyuk allomalar merosi hamda xalqimizning ko‘p asrlik madaniy qadriyatlari haqida batafsil ma’lumot berildi.
📁
Fuqarolar ayniqsa Islom sivilizatsiyasining asosida ilm-fan, ma’rifat va madaniyat yotishi, yurtimiz tarixan buyuk ilmiy markazlardan biri bo‘lib kelgani haqida bildirilgan ma’lumotlarni katta qiziqish bilan tingladilar. Nuroniylar esa bunday maskanlar milliy o‘zligimizni anglash, yosh avlodni tarixiy merosga hurmat ruhida tarbiyalashda muhim ahamiyatga ega ekanini alohida ta’kidladilar.
🔎
Mazkur tashabbus mahalliy Kengash deputatlari faoliyatining muhim yo‘nalishlaridan biri bo‘lgan aholining madaniy-ma’rifiy saviyasini oshirish, hududdagi madaniyat muassasalari va tarixiy maskanlar faoliyati bilan fuqarolarni yaqindan tanishtirish hamda ichki turizmni rivojlantirishga qaratilganligi bilan ahamiyatlidir. Shuningdek, bunday sayohatlar fuqarolarning bo‘sh vaqtini mazmunli tashkil etish, yoshlar va nuroniylar o‘rtasida ma’naviy muhitni mustahkamlashga ham xizmat qilmoqda.
💡
Tadbir yakunida fuqarolar ko‘rsatilayotgan e’tibor va yaratilayotgan imkoniyatlar uchun minnatdorlik bildirib, bunday ma’naviy-ma’rifiy sayohatlar kelgusida ham davom ettirilishi maqsadga muvofiq ekanini qayd etdilar.
🟦
🟦
🟦
🟦
🟦
🟦
📱
Telegram
📱
Instagram
📱
Facebook
📱
YouTube
#qonunchilikdagi_yangiliklar
#poytaxtdeputatlari
#deputatlik_faoliyati
1️⃣
2️⃣
3️⃣
4️⃣
5️⃣
📰
Yoshlar yetakchisining vazifalari nimadan iboratligini bilasizmi?
🇺🇿
O‘zbekiston Respublikasi Prezidentining 2023-yil 21-dekabrdagi PF-209-son Farmoniga ko‘ra, mahalladagi yoshlar yetakchisining asosiy vazifalari quyidagilardan iborat:
🔺
Yoshlarning o‘ziga bo‘lgan ishonchini oshirish, jamiyat uchun foydali va umummilliy manfaatlarga xizmat qiladigan loyihalarni mahalla darajasida amalga oshirish.
🔺
Yoshlarning shaxsiy rivojlanishiga ko‘maklashish, ularning iqtidor va iste’dodini ro‘yobga chiqarishga qaratilgan tadbirlarni tashkil etish hamda “Besh tashabbus olimpiadasi”ni yoshlar o‘rtasida keng targ‘ib qilish.
🔺
Mehnat bozoriga kirib kelayotgan yoshlarning tadbirkorlik ko‘nikmalarini rivojlantirish, ularning o‘z taqdiri uchun mas’uliyat hissini kuchaytirish orqali bandligiga ko‘maklashish.
🔺
“Yoshlar daftari”ga kiritilgan yoshlarga ko‘rsatiladigan yordamning ijtimoiy hamkorlik tamoyili asosida tashkil etilishini ta’minlash.
⚠️
Izoh: Yoshlar yetakchilarini ularning vazifa va faoliyat yo‘nalishlari bilan bog‘liq bo‘lmagan yig‘ilish va tadbirlarga jalb qilish, faoliyatiga asossiz aralashish hamda ularga taalluqli bo‘lmagan vazifalarni yuklash taqiqlanadi.
🟦
🟦
🟦
🟦
🟦
🟦
📱
Telegram
📱
Instagram
📱
Facebook
📱
YouTube
#deputat_soʻrovi #poytaxtdeputatlari #deputatlik_faoliyati
📍
Sergeli tumanida elektr ta’minoti masalasi deputatlik so‘rovi orqali ko‘tarildi
🏛
Toshkent shahri Sergeli tumanida o‘tkazilgan o‘rganishlar davomida hududdagi elektr ta’minoti bilan bog‘liq qator…
#hashar
#poytaxtdeputatlari
#deputatlik_faoliyati
❗️
Deputatlar umumxalq hasharida faol ishtirok etdi
🏛
Mamlakatimizda 13–14-mart kunlari o‘tkazilayotgan umumxalq xayriya hashari doirasida Yakkasaroy tumanidagi 26-sonli umumta’lim maktabida obodonlashtirish va ko‘kalamzorlashtirish ishlari tashkil etildi.
📝
Mazkur tadbirda Oliy Majlis Senati senatorlari, xalq deputatlari Toshkent shahar va tuman Kengashi Kengashi deputatlari, Yakkasaroy tuman hokimligi mas’ullari, O‘zbekiston Ekologik partiyasi vakillari, ko‘ngilli o‘qituvchilar hamda o‘quvchi yoshlar faol ishtirok etdilar.
📁
Tadbirni dastlab Xalq deputatlari Yakkasaroy tuman Kengashi raisi T.Sayfullayev hamda Oliy Majlis senati Agrar suv xo‘jaligi masalalari va ekologiya qo‘mitasi raisi o‘rinbosari S.Abdikarimovalar kirish so‘zi bilan ochib berdi. Shuningdek, tadbirda Xalq deputatlari Toshkent shahar Kengashi deputatlari S.Fayziyeva, V.Alimovalar ishtirok etib, tadbir qatnashchilariga ushbu hasharning ahamiyati va kelgusida bu kabi aksiyalarda faol bo‘lishga chaqirdi.
🔎
Hashar davomida maktab hududida keng ko‘lamli tozalash va obodonlashtirish ishlari amalga oshirildi. Xususan, hududdagi yashil maydonlar tartibga keltirildi, daraxtlar atrofi tozalandi, yo‘laklar va maydonlar chiqindilardan tozalandi. Bunday amaliy ishlar nafaqat hududni yanada ozoda va chiroyli qilishga, balki atrof-muhitni asrash, ekologik madaniyatni oshirishga ham xizmat qilmoqda.
📉
Tadbir davomida bahorning yangilanish va yasharish ramzi sifatida “Yashil makon” umummilliy loyihasi doirasida maktab hududida 20 tup mevali va manzarali daraxt ko‘chatlari ekildi. Ekilgan ko‘chatlar kelgusida hududning ekologik holatini yaxshilash, havoni yanada musaffo qilish hamda maktab atrofini ko‘rkam maskanga aylantirishga xizmat qiladi.
🔺
Tadbir ishtirokchilari bunday xayrli tashabbuslar jamiyatda ekologik mas’uliyatni kuchaytirish, tabiatni asrab-avaylash g‘oyalarini keng targ‘ib qilish hamda yosh avlod qalbida tabiatga mehr va e’tibor tuyg‘ularini shakllantirishda muhim ahamiyat kasb etishini ta’kidladilar.
🔺
Umumxalq xayriya hashari doirasida amalga oshirilayotgan bunday obodonlashtirish ishlari yurtimizda ekologik muhitni yaxshilash, hududlarni yanada ko‘kalamzorlashtirish hamda aholining ekologik madaniyatini yuksaltirishga xizmat qilmoqda.
🟦
🟦
🟦
🟦
🟦
🟦
📱
Telegram
📱
Instagram
📱
Facebook
📱
YouTube
#deputat_soʻrovi
#poytaxtdeputatlari
#deputatlik_faoliyati
📍
Yunusobod tumanida ko‘cha yoritish masalasi deputatlik so‘rovi orqali ko‘tarildi
🏛
Yunusobod tumani “Xalqabog‘” mahallasida aholi va mahalla yettiligi bilan o‘tkazilgan uchrashuv davomida hudud infratuzilmasi o‘rganilib, fuqarolar tomonidan bir qator muammolar ko‘tarildi. O‘rganishlar jarayonida ayrim hududlarda ko‘cha yoritish tizimi yetarli emasligi aniqlangan. Mazkur murojaatlar asosida xalq deputatlari Toshkent shahar Kengashi deputati Fotima Mannapova tomonidan Yunusobod tumani hokimi A. Saidaliyev nomiga deputatlik so‘rovi yuborildi.
🔎
O‘rganish natijalariga ko‘ra, “Xalqabog‘” mahallasidagi 11- va 28-uylar qarshisiga jami 8 ta yoritkich ustuni o‘rnatish zarurligi aniqlangan. Shuningdek, 14-, 15- va 18-uylar yonboshida ko‘cha yoritish chiroqlari umuman mavjud emasligi ma’lum bo‘lgan. Bu esa ayniqsa kechki va tungi vaqtlarda piyodalar harakati, jamoat tartibi hamda aholi xavfsizligi uchun noqulaylik va xavf tug‘dirayotgani qayd etilgan.
📝
Shu munosabat bilan deputat tomonidan mazkur hududda zamonaviy ko‘cha yoritish ustunlarini o‘rnatish, hududni to‘liq o‘rganib chiqish hamda zarurat bo‘lsa qo‘shimcha yoritish vositalarini joylashtirish yuzasidan tegishli choralar ko‘rish so‘ralgan.
🗣
Deputatlik so‘rovida ko‘tarilgan masalalar yuzasidan o‘rganish natijalari hamda amalga oshiriladigan ishlar bo‘yicha 10 kun muddatda asoslantirilgan ma’lumot taqdim etish talabi qo‘yilgan. Mazkur masala deputat tomonidan nazoratga olingan.
🟦
🟦
🟦
🟦
🟦
🟦
📱
Telegram
📱
Instagram
📱
Facebook
📱
YouTube
#deputatlar_nazorati
#poytaxtdeputatlari
#deputatlik_faoliyati
❗️
Mirzo Ulug‘bek tumanidagi yo‘l o‘tkazgichdagi holat deputat tomonidan o‘rganildi
🏛
Mirzo Ulug‘bek tumanida Temur Malik va Buyuk ipak yo‘li ko‘chalari kesishmasida joylashgan yo‘l o‘tkazgich hududida yuzaga kelgan holat yuzasidan o‘rganish ishlari olib borildi. Mazkur jarayonda xalq deputatlari Toshkent shahar Kengashi deputati Nodira Gaibnazarova voqea joyiga borib, mahalla faollari hamda hudud aholisi bilan suhbatlashdi.
📝
Ma’lum bo‘lishicha, “Buyuk Turon” ko‘prigi (xalq orasida “Troitskiy most” nomi bilan ham tanilgan) Temur Malik ko‘chasini rekonstruksiya qilish loyihasi doirasida barpo etilgan bo‘lib, ushbu hududdagi tunnel yo‘lining tayanch devorlaridan bir qismi qisman o‘pirilgan. Mazkur holat yuzasidan tegishli xizmatlar tomonidan hududda tezkor ravishda tiklash va mustahkamlash ishlari olib borilmoqda.
🔎
Deputat Nodira Gaibnazarova voqea joyida mutasaddi tashkilotlar vakillari bilan suhbatlashib, amalga oshirilayotgan ishlar jarayoni bilan tanishdi hamda xavfsizlik choralariga alohida e’tibor qaratish zarurligini ta’kidladi. Shuningdek, hududda yashovchi fuqarolar bilan muloqot o‘tkazilib, ularning fikr-mulohazalari va xavotirlari tinglandi.
📉
Hozirda hududga maxsus xizmatlar va texnikalar jalb etilgan bo‘lib, yuzaga kelgan holat oqibatlarini bosqichma-bosqich bartaraf etish ishlari olib borilmoqda. Yo‘l harakati xavfsizligini ta’minlash, piyodalar hamda haydovchilar uchun qulay va xavfsiz sharoit yaratish maqsadida zarur choralar ko‘rilmoqda. Tiklash ishlari kun-u tun davom ettirilayotgani ham qayd etildi.
🗣
Deputat tomonidan mazkur masala doimiy nazoratga olinib, ishlarning belgilangan muddatlarda va sifatli amalga oshirilishi yuzasidan tegishli tashkilotlar bilan hamkorlikda monitoring olib borilishi ta’kidlandi. Mazkur o‘rganishlar hududda xavfsizlikni ta’minlash va aholining manfaatlarini himoya qilishga qaratilgan amaliy qadam bo‘ldi.
🟦
🟦
🟦
🟦
🟦
🟦
📱
Telegram
📱
Instagram
📱
Facebook
📱
YouTube
#deputatlar_nazorati
#poytaxtdeputatlari
#deputatlik_faoliyati
❗️
Mahalladagi muammolar va ijtimoiy ishlar deputat tomonidan o‘rganildi
🏛
Chilonzor tumanidagi “Ko‘tarma” mahalla fuqarolar yig‘inida mahalla “yettiligi” ishtirokida hududdagi muammolar, erishilgan natijalar hamda amalga oshirilayotgan ijtimoiy ishlar yuzasidan o‘rganish olib borildi. Jarayonda xalq deputatlari Toshkent shahar Kengashi deputati Jamila Shermuhammedova mahalla faollari bilan uchrashib, hududdagi mavjud holat bo‘yicha fikr almashdi.
📝
Uchrashuv davomida mahalla raisi Nargiza Shukurova hamda jamoatchilik vakillari tomonidan hududda olib borilayotgan ishlar haqida ma’lumot berildi. Xususan, profilaktika inspektori tomonidan jinoyatchilikning oldini olish, ayniqsa yoshlar o‘rtasida huquqbuzarliklarning kamaytirish bo‘yicha olib borilayotgan profilaktik tadbirlar haqida axborot taqdim etildi. Ta’kidlanishicha, muntazam profilaktik ishlar natijasida yoshlar o‘rtasida salbiy illatlar kamayib, ularni ish bilan ta’minlash va ijtimoiy hayotga jalb etish bo‘yicha amaliy choralar ko‘rilmoqda.
📁
Mahallada yoshlar va xotin-qizlar bilan ishlash borasida ham ijobiy natijalar qayd etildi. Xususan, xotin-qizlar uchun tashkil etilgan tikuvchilik sexi, novvoyxona hamda boshqa kichik ishlab chiqarish faoliyatlari orqali bir qator fuqarolar ish bilan ta’minlangan. Bu esa yoshlar va ayollar bandligini ta’minlash hamda ularni hunar o‘rganishga jalb etishda muhim ahamiyat kasb etmoqda.
🔎
Deputat Jamila Shermuhammedova mahallada yoshlar bilan olib borilayotgan ma’naviy-ma’rifiy ishlar, seminar-treninglar, kitobxonlik tadbirlari hamda ta’lim muassasalari bilan hamkorlikda o‘tkazilayotgan uchrashuvlar yoshlarning bo‘sh vaqtini mazmunli tashkil etish va ularning ijtimoiy faolligini oshirishga xizmat qilayotganini alohida ta’kidladi.
📉
Shuningdek, uchrashuv davomida ijtimoiy himoyaga muhtoj fuqarolar holidan xabar olish, ularga amaliy yordam ko‘rsatish masalalari ham muhokama qilindi. Xususan, mahallada yashovchi bir nafar fuqaroning davolanishi uchun zarur bo‘lgan moddiy yordam masalasida tegishli tashkilotlarga murojaat yuborilib, muammoni hal etish bo‘yicha choralar ko‘rilayotgani bildirildi.
💡
Uchrashuv chog‘ida hudud infratuzilmasiga oid ayrim masalalar ham ko‘rib chiqildi. Xususan, mahalladagi ayrim ko‘p qavatli uylar yo‘laklarida asfalt qoplamalarini yangilash bo‘yicha fuqarolar murojaati deputat tomonidan joyida o‘rganilib, mas’ul tashkilotlarga ushbu masalani tezkor hal etish yuzasidan tegishli ko‘rsatmalar berildi.
🔺
O‘rganish yakunida deputat Jamila Shermuhammedova mahallada olib borilayotgan ijtimoiy ishlar, aholi bilan doimiy muloqot va muammolarni birgalikda hal etish bo‘yicha olib borilayotgan sa’y-harakatlarni yuqori baholab, hududdagi dolzarb masalalarni deputatlik nazoratiga olish hamda ularni bosqichma-bosqich hal etish bo‘yicha ishlar davom ettirilishini ta’kidladi.
🟦
🟦
🟦
🟦
🟦
🟦
📱
Telegram
📱
Instagram
📱
Facebook
📱
YouTube
#deputatlar_nazorati
#poytaxtdeputatlari
#deputatlik_faoliyati
❗️
Deputat mahallalarda infratuzilma holatini o‘rgandi
🏛
Xalq deputatlari Toshkent shahar Kengashi deputati Otabek Jiyanbayev “Abdulla Avloniy” hamda “Mirobod” mahalla fuqarolar yig‘inlarida bo‘lib, hududlarda mavjud infratuzilmani yanada yaxshilash, xususan, avtobus bekatlari holati, piyodalar harakati uchun yaratilgan sharoitlar hamda yo‘lovchilar qulayligini ta’minlash masalalarini joyida o‘rgandi.
📝
O‘rganish jarayonida ayrim muammoli holatlar ham aniqlandi. Jumladan, “Abdulla Avloniy” mahallasida Mirobod dehqon bozori oldida joylashgan, yo‘lovchilar va jamoat transporti qatnovi uchun xizmat qilib kelayotgan avtobus bekati tadbirkor tomonidan buzilib, uning o‘rnida savdo shoxobchasi qurish maqsadida temir ustunlar noqonuniy ravishda o‘rnatilayotgani ma’lum bo‘ldi. Mazkur holat deputat tomonidan zudlik bilan to‘xtatilib, masala yuzasidan tegishli tashkilotlarga murojaat qilindi hamda vaziyat nazoratga olindi.
🔎
“Mirobod” mahallasida esa avtomobillar uchun yetarli turarjoylar mavjud emasligi sababli ayrim haydovchilar transport vositalarini piyodalar yo‘laklarida qoldirib ketayotgani, bu esa piyodalar harakatiga jiddiy noqulaylik tug‘dirayotgani qayd etildi. Ushbu muammo yuzasidan ham mas’ul tashkilotlar bilan tegishli choralar ko‘rish bo‘yicha muhokamalar olib borildi.
📉
Shuningdek, hududlarda ta’mirga muhtoj bo‘lgan ichki va asosiy yo‘llar ham aniqlanib, ularni bosqichma-bosqich ta’mirlash bo‘yicha mas’ul tashkilotlarga tegishli murojaatlar yo‘llandi. Qayd etish joizki, deputatga avvalroq mahalla aholisidan avtobus bekati o‘rnatish yuzasidan murojaat kelib tushgan edi. Xalq vakili ushbu murojaatni ko‘rib chiqib, tegishli tashkilotlar bilan hamkorlikda yangi bekat o‘rnatilishiga erishdi. Bugungi kunda mazkur bekat hudud aholisi va yo‘lovchilarga xizmat qilib kelmoqda.
📁
Joylarda o‘tkazilayotgan o‘rganishlar hududlardagi mavjud muammolarni bevosita joyida aniqlash, ularni tezkor bartaraf etish hamda aholi uchun yanada qulay va xavfsiz infratuzilma yaratishda muhim ahamiyat kasb etadi. Eng muhimi, bu kabi amaliy yondashuvlar fuqarolarning murojaatlarini ijobiy hal etish, mahallalarda tartib va obodonlashtirish ishlarini kuchaytirishga xizmat qilmoqda.
🟦
🟦
🟦
🟦
🟦
🟦
📱
Telegram
📱
Instagram
📱
Facebook
📱
YouTube
#deputat_soʻrovi #poytaxtdeputatlari #deputatlik_faoliyati
❗️
Yashnobod tumanida yo‘l harakati va infratuzilma xavfsizligi masalalari yuzasidan deputatlik so‘rovlari yuborildi
🏛
Xalq deputatlari Toshkent shahar Kengashi deputati Sevara Fayziyeva tomonidan…