Qalb iLa TinGlanG🫀

Хаққа эргашиш осон эмас, чунки унинг натижаси арзон мукофот эмас.
Хаққа эргашиш, унда собит туриш, уни ўрганишлик ортидан келади.
Динга вақт ажратмасангиз, умрингизнинг бир бўлагини унга бермасангиз, борингиз билан дунёга шўнғиб яшасангиз, ҳаёлингизда нима еб-ичаман, нима кийаман, қандай уйда яшайман бўлса, унда сиз фақат дунёда яшайсиз, охиратда эса бундайларга ҳаёт йўқ.
Охиратда яхши манзилга кириш учун бугун унинг ғами бўлиши керак сизда.
Охират диёрида нима еб-ичаман, нима кияман, қаерда яшайман деган ғами бўлмаганга охиратда ҳаёт йўқ.
Кўзингизни очиб, тафаккурингизни ишлатинг.
Етти қават осмоннинг фақат бир қаватини кўриб турибсиз, сиз кўрмаган яна олтита қавати бор. Сиз ернинг устки қатламида турибсиз, сиз кўрмаган унинг яна олтита қатлами бор.
Улар нега бу даражада буюкликда яратилди?
Улар кўр кўзларга нур улашиш учун, кар қулоқларга маърифат етказиш учун, онгларга тафаккур эшигини очиш учун яратилди.
Эй, ўзини мусулмон деб билган инсон, ўйланинг ва ҳаракатни бошланг.
60–70 йилга уй қураётганда, 600 миллиард йилдан кўпроқ яшайдиган уйингизни ҳам қуриб бораётганингизни унутманг.
Тилингиздан чиқаётган сўзлар билан, тўғрилик ёки эгрилигингиз билан, содиқ ёки ёлғончилигингиз билан, ҳалол ёки ҳаром ишлар билан шуғулланаётганингизда сизга охиратда уйлар қурилмоқда.
Бугун бошқани алдаб, эртага содиқлар кирадиган жойга кираман деб ўйлайсизми?
Ҳаёти дунёда нафсингизга қулдай хизмат қилиб, охиратда Аллоҳга қул бўлганлар қаторида туриб мукофотлар кутасизми?
Бугун ҳатто ҳижобнинг шартларини инкор қилган аёллар эртага Қиёматда Аллоҳ буюргандек сатр либосига ўраниб ўтган Хадичалар билан бирга тураман деб ўйлайсизми?
Бугун қош-кўзини бўяб, ойнаи жаҳонда: «Ё Расулуллоҳ, сизни соғиндик», деб миллионлаб эркакларнинг кўзини қувнатиб, тебраниб, тўлғониб турган аёллар…
Эртага маҳшарда уйларини лозим тутган пайғамбарингиз аёллари сафида тураман деб ўйлайсизми?
Бугун рўмоллар устидан дўппи қўндириб юрган “муслималар” эртага ҳисоб куни, ҳатто тобутдаги жасадини бирор эркак кўришини истамаган Фотималар билан бирга бўламан деб ўзингизни алдаяпсизми?
Эссиз умр, эссиз илм, эссиз сизга берилган фурсат.
Динни ниқоб қилиб, қалблар дунёга тўймайди.
Бутун дунёга танилиб, Аллоҳ даргоҳида хор бўлишини унутган бечора “муслималар”.
Ўзингизни хўп алдадингиз, қалбингизга савол беринг:
Мана шу қилмишларимдан Аллоҳ розими мендан, денгчи.
Агар зарра имон қолган бўлса, қўлингизни тавбага кўтарасиз.
«Аллоҳим, мен ёлғончини кечир», деб фарёд урасиз.
Одамларга панд-насиҳат қиляпманку деб ўзингизни алдаманг, аввало ўзингизга панд-насиҳат қилинг.
Гапларингизда охират, қалбингизда эса кибр тошмоқда.
Ҳаммани эҳсонга чақирасиз, ўзингиз эҳсон еб ётасиз, қарз ёмон дейсиз-да, қарзга ботиб кетгансиз, лекин бурнингизни осмонларга қадаб юрасиз. Ўзингизга айтинг, сиз кимсиз?
Илм олинг, амал қилинг, сўнг чақиринг. Пахтадай “оппоқ” қалбингизни ҳар куни тозалаб, ҳасад илонлари, кибр чаёнларидан поклаб туринг.
Мен ёмон бандангман, мен энг илмсиз, ҳар илм олганим сари жоҳиллигим ошиб бораётган оми қулингман.
Сенинг афву мағфиратингга муҳтожингман, деб ёлборинг.
Сизга ва бизга очилган тавба эшиклари юзимизга ёпилмасидан, Аллоҳ содиқ тавбани насиб этсин.
Тавба қилиш учун эса ҳаққа қалбингизни очиб беринг, кўзингизни Аллоҳ туширган Қуръон нури ила, қалбингизни Аллоҳ юборган Расулининг ўгитлари ила яшнатинг.
Унутманг, ҳар тонгда энг катта ғамингиз:
Қиёматда қаерга бораман, ҳисобим қандай бўлади, у ерда нима еб, нима кияман бўлсин.
Шундагина Аллоҳнинг содиқ қуллари сафида бўласиз, шайтон безаган йўлдаги ёлғончиликдан қутуласиз.
Ҳидоят Аллоҳдан…
⭕️
⭕️
⭕️
⭕️
⚡️
⚡️
⚡️
⚡️
⚡️
⚡️
⚡️
⚡️
ᴏʙᴜɴᴀ ʙᴏ’ʟɪɴɢ
🌆
@qalb_ila_tinglang
🌴
‌‌

ТАКЛИФ ВА САВОЛАР БЎЛСА МУРОЖАТ ҚИЛИНГ АДМИН
@Abdullohqul123

🎤
БИР СЕКУНДЛИК ЎЙИН ДЕБ ОИЛAНГИЗДAН АЖРАЛМОҚЧИМИСИЗ
❓
​Шайх Судайс ўз саҳифаларида қалбни титратадиган, бугунги кунимиз учун жуда аччиқ бир воқеани бўлишибди:
​Катта уламоларимиздан Шайх Баррок ҳафизаҳуллоҳга бир киши телефон қилиб, фатво сўради. Мен ҳам эшитиб тургандим.
​Ҳалиги одам айтяпти: «Бир танишим билан шунчаки ўйин ўйнаётган эдик. Қизишиб кетиб: "
Агар мени ютсанг, хотиним талоқ бўлсин!" деб юборибман... У мени ютиб қўйди. Энди нима бўлади, устоз?
»
​Шайх бу гапни эшитиб, чуқур афсус билан шундай дедилар: «
Ахир, арзимас бир ўйинни деб оилангни, жуфти ҳалолингни барбод қиляпсанми
»
​Ҳалиги одам эса қилган ишининг вазнини ҳис қилмай, тезроқ ҳукмни билишга шошиларди. Шайх унга: «
Тўхта, шошилмай тур! Аввал насиҳатни эшит!»
дедилар. Уни роса тергаб, насиҳат қилдилар ва кейин фатвосини бердилар.
​
📍
Бу воқеадан бизга нима сабоқ бор
❔
​Бу жуда катта ва оғриқли муаммо. Баъзи эркакларнинг тили шунчалик енгил бўлиб қолганки, кўчада, чойхонада, оддий ҳазил ёки арзимас баҳслар устида ҳам дарров «
хотиним талоқ бўлсин
» деб қасам ичадиган бўлишган.
🚪
​Биродарлар, аёл киши сизга Аллоҳнинг омонати! Муқаддас оила ўйинчоқ эмас, ўйин устида гаровга тикиладиган матоҳ эмас.
​Тилига шу сўз ёпишиб қолганлар Аллоҳдан қўрқсин ва бугуннинг ўзидаёқ бу ёмон одатдан тавба қилсин.
Аллоҳни ва Унинг шариатини улуғлайлик
.
⭕️
⭕️
⭕️
⭕️
⚡️
⚡️
⚡️
⚡️
⚡️
⚡️
⚡️
⚡️
ᴏʙᴜɴᴀ ʙᴏ’ʟɪɴɢ
🌆
@qalb_ila_tinglang
🌴
‌‌

ЭРТАГА —
🌟
🌟
🌟
🌟
🌟
🌟
🌟
🌟
Агар қодир бўлсангиз,
рўзадорлар карвонига қўшилинг!
📖
Расулуллоҳ соллаллоҳу алайҳи васаллам дедилар:
“Амаллар ҳар душанба ва пайшанба куни (Аллоҳга) кўрсатилади. Мен амалим мен рўзадор бўлган ҳолимда кўрсатилишини яхши кўраман.”
☝️
(Имом Термизий ривояти)
📖
Расулуллоҳ соллаллоҳу алайҳи васаллам дедилар:
“Ким Аллоҳ учун холис бир кун нафл рўза тутса, Аллоҳ уни дўзахдан етмиш йиллик масофага узоқлаштиради.”
☝️
(Имом Муслим ривояти)
🤎
Бир кун келиб биз бу ажр ва савобларга жуда ҳам муҳтож бўламиз…
Имкони бўлса, нега шу кунни ғанимат билиб, рўза тутмайлик?
🤎
Бизнинг ҳар бир нафасимиз ҳисобда.
Ҳар бир амалимиз ёзилади.
Қайси кун рўза тутишга яроқли бўлса, ўша кунда тўпланган ажрлар абадий ҳаётимиз учун зийнатдир.
🔔
Шунинг учун:
Эртага нафл рўза тутайлик!
Аллоҳ учун, холис ният билан…
🌙
Аллоҳ таоло бу рўзаларни қабул қилсин, гуноҳларимизга кафорат, дўзахдан қалқон ва жаннатга йўл қилсин.
🫴
🌹
🌹
🌹
🌹
🌹
⭕️
⭕️
⭕️
⭕️
ᴏʙᴜɴᴀ ʙᴏ’ʟɪɴɢ
🌆
@gunohoqibati
🥳
•••┄┄┄┄┄༻❅༺┄┄┄┄

Талоқ одобларидан:
Ибн Қудома роҳимаҳуллоҳ айтади:
Никоҳга оид масалаларнинг ўн иккинчиси — бу талоқдир. Талоқ асл ҳақиқатида рухсат берилган (жоиз) амаллардан бўлса-да, бироқ у жуда ҳам нохуш (макруҳ) ишдир.
Эркак кишига ҳеч бир сабабсиз ва аёл томонидан бирор хато-камчилик ўтмай туриб, тўсатдан хотинини талоқ қилиши макруҳдир.
Аёл кишига эса шаръий узрсиз эрини талоқ қилишга мажбурлаши ҳалол эмас.
Агар инсон барибир талоқ қилишга қарор қилган бўлса, у қуйидаги тўртта қоидага риоя қилиши лозим:
Биринчиси:
Хотинининг идда муддатини узайтириб юбормаслик учун, у билан яқинлик қилмаган поклик даврида (ҳайздан пок бўлган ва ҳали қовушилмаган вақтда) талоқ қилиши лозим.
Иккинчиси:
Борди-ю кейинчалик ўз қароридан пушаймон бўлса, хотинини қайтариб олиш имкониятини сақлаб қолиш учун фақат битта талоқ билан чекланиши керак.
Учинчиси:
Талоқ пайтида олижаноблик ва юмшоқлик кўрсатиб, аёлга моддий мадад бериши ва чиройли муомалада бўлиши лозим.
Ривоят қилинишича, Ҳасан ибн Али розияллоҳу анҳу хотинларидан бирини талоқ қилиб, унга ўн минг дирҳам юборади. Шунда у аёл:
«Ажралишаётган маҳбубдан келган кичик бир совға...» — деган экан.
Тўртинчиси:
Аёлнинг сирларини фош қилмаслик ва эр-хотин ўртасида бўлиб ўтган ишларни одамларга сўзлаб бермаслик.
Имом Муслим келтирган саҳиҳ ҳадисда шундай дейилади:
«Қиёмат куни Аллоҳнинг ҳузурида мавқеи (даражаси) энг ёмон бўладиган инсонлардан бири — аёли билан яқинлик қилиб, аёли ҳам у билан яқинлик қилганидан кейин, унинг сирларини одамларга ёйиб юрадиган эркакдир»
.
Шунингдек, солиҳлардан бири ҳақида ривоят қилинади: у киши хотинини талоқ қилмоқчи бўлибди. Ундан:
— Аёлингнинг нимаси сени қониқтирмаяпти (нимасини ёқтирмадинг)? — деб сўрашибди.
У:
— Ақлли инсон бировнинг сирини очмайди, — деб жавоб берибди.
Талоқдан кейин ундан яна:
— Хўш, нега у билан ажрашдинг? — деб сўрашганда,
У:
— Энди менга хотин бўлмаган ёт бир аёл билан нима ишим бор (нега уни гапиришим керак)? — деб жавоб берган экан.
⭕️
⭕️
⭕️
⭕️
⚡️
⚡️
⚡️
⚡️
⚡️
⚡️
⚡️
⚡️
ᴏʙᴜɴᴀ ʙᴏ’ʟɪɴɢ
🌆
@qalb_ila_tinglang
🌴
‌‌

Аёлларнинг қабр зиёрати ҳақида уламоларнинг тўрт хил машҳур қараши бор:
⭕️
суннат,
⛔️
мубоҳ (жоиз),
🚫
макруҳ ва
❌
ҳаром.
Қуйида ҳар бир қавлнинг далиллари келтирилади.
АЁЛЛАР УЧУН ҚАБР ЗИЁРАТИ СУННАТ ДЕГАН ҚАВЛ
Бу қавл жумҳур уламоларнинг машҳур қавли эмас, лекин баъзи уламолар умумий далилларга таяниб, эркаклар каби аёллар ҳам қабр зиёратидан ибрат олишлари учун
🛑
Мустаҳаб деганлар.
Далиллари:
Пайғамбар ﷺ дедилар:
«كُنْتُ نَهَيْتُكُمْ عَنْ زِيَارَةِ الْقُبُورِ فَزُورُوهَا»
«Мен сизларни қабр зиёратидан қайтарган эдим, энди зиёрат қилинглар».
Саҳиҳ Муслим
Улар айтадилар: Ҳадис умумий бўлиб, эркак ва аёлларни ҳам ўз ичига олади.
Яна бир ҳадисда:
«فَإِنَّهَا تُذَكِّرُ الْآخِرَةَ»
«Чунки у охиратни эслатади».
Охиратни эслаш эркакка ҳам, аёлга ҳам керак.
🛑
АЁЛЛАРГА ЖОИЗ (МУБОҲ) ДЕГАН ҚАВ
Л
Бу қавлни
Яҳё ибн Шараф ан-Нававий
,
Ибн Ҳазм
ва бошқа уламолар кучли деб кўрганлар.
Уларнинг далили:
Анас розияллоҳу анҳу ривоят қилади:
Пайғамбар ﷺ қабр олдида йиғлаб турган бир аёлни кўрдилар ва:
«اتَّقِي اللَّهَ وَاصْبِرِي»
«Аллоҳдан қўрқ ва сабр қил», дедилар.
Ҳадис
Саҳиҳ ал-Бухорий
ва
Саҳиҳ Муслим
да.
Уламолар айтадилар:
Агар қабр зиёрати ҳаром бўлганида, Расулуллоҳ ﷺ уни қабр олдида тургани учун ҳам қайтарган бўлар эдилар. Лекин фақат йиғлаганини инкор қилдилар.
Яна:
Оиша розияллоҳу анҳо акаси Абдурраҳмоннинг қабрини зиёрат қилганлари ривоят қилинган.
Ундан:
«Расулуллоҳ қабрларни зиёрат қилишни буюрмадиларми?» деб сўралганда,
«Ҳа, аввал ман қилган эдилар, кейин буюрдилар», деганлари ривоят қилинади.
🛑
МАКРУҲ ДЕГАН ҚА
ВЛ
Бу ҳанафий ва баъзи шофеъий фуқаҳоларнинг қавлларидан.
Далиллари: Аёлларнинг ҳиссиёти кучли бўлиб, кўпинча йиғи, нола ва сабрсизлик содир бўлиши мумкин.
Шунинг учун улар: Агар фитнадан қўрқилса ёки йиғи-сиғи бўлса макруҳ.
Агар бундан омон бўлса жоиз, деганлар.
Улар икки хил ҳадисни жам қилишган:
Бир тарафдан умумий рухсат бор.
Иккинчи тарафдан лаънат ҳақидаги ҳадис бор.
Шунинг учун макруҳ деганлар
.
🛑
ҲАРОМ ДЕГАН Қ
АВЛ
Бу қавлни
Абдул Азиз ибн Боз
, кўп ҳанбалий уламолар ва бир қанча муҳаддислар ихтиёр қилганлар.
Асосий далил:
«لَعَنَ اللَّهُ زَوَّارَاتِ الْقُبُورِ»
«Аллоҳ қабрларни зиёрат қилувчи аёлларни лаънатлади».
Ҳадисни
Муҳаммад ибн Исо ат-Термизий, Ибн Можа
ва бошқалар ривоят қилганлар.
Лаънат шаръий далилларда катта гуноҳ белгиси ҳисобланади.
Улар яна айтадилар:
«زوّارات» сўзи кўп зиёрат қилувчи аёлларни билдирса ҳам, баъзи ривоятларда:
«زائرات القبور»
яъни оддий “зиёрат қилувчи аёллар” лафзи ҳам келган.
Шунинг учун ҳукм умумий, деганл
ар.
⛔️
ИХТИЛОФНИНГ АСОСИЙ С
АБАБИ
Ихтилофнинг марказида икки ҳадис турибди:
«فَزُورُوهَا» — “Қабрларни зиёрат қилинглар”.
«لَعَنَ اللَّهُ زَوَّارَاتِ الْقُبُورِ» — “Аллоҳ қабр зиёрат қилувчи аёлларни лаънатлади”.
🖱️
Биринчи гуруҳ:
Рухсат берувчи ҳадис кейинги ҳукм бўлиб, аввалги манни бекор қилган, дейди.
🖱️
Иккинчи гуруҳ:
Рухсат эркакларга, лаънат эса аёлларга хос, дейди.
🖱️
Учинчи гуруҳ:
Лаънат кўп-кўп зиёрат қилувчи аёлларга тегишли, оддий зиёрат эса жоиз, дейди.
Шунинг учун бу масала қадимдан ихтилофли бўлиб келган ва ҳар икки томонда ҳам кучли далиллар мавжуд. Аммо эҳтиёт нуқтаи назаридан кўп уламолар, аёлларнинг қабрларни зиёрат қилишдан сақланишларини афзал деб кўрганлар.
❌
Муҳим эслатма.
Қабрларни хайит куни зиёрат қилиш ва мархум чиққан уй эшикларини хайит куни очиб аза очишлик Ислом динига зид амаллардандир.
Мусулмонларга икки хайит байрам қилинган кун у кунлари аза очиб мотам кунига айлантириш дин душманлари тарафидан ўргатилган ишлардан биридир.
🛑
Эҳтиёт бўлинг, дин-ғайри динга эргашишлик билан эмас, Росул алайҳиссаломга эргашишлик билан исбот қилинади.
⭕️
⭕️
⭕️
⭕️
⚡️
⚡️
⚡️
⚡️
⚡️
⚡️
⚡️
⚡️
ᴏʙᴜɴᴀ ʙᴏ’ʟɪɴɢ
🌆
@qalb_ila_tinglang
🌴
‌‌

Эрнинг аёли олдидаги зарур одобларидан
«Эр киши хотини билан муносабатда ўн икки нарсада ўртача йўлни тутиши ва яхши хулқли бўлиши лозим.
Биринчи: Валима қилиш. Чунки валима қилиш мустаҳаб амалдир.
Иккинчи: Хотинларга яхши муомала қилиш ва уларнинг баъзи озорларига сабр қилиш. Зеро, аёлларда баъзи нуқсонлар ва заифликлар бор.
Саҳиҳ ҳадисда Расулуллоҳ ﷺ дедилар:
«Аёлларга яхши муомала қилинглар. Чунки аёл қовурғадан яратилган. Қовурғанинг энг эгри жойи унинг юқори қисмидир. Агар уни тўғрилашга уринсанг, синдириб қўясан. Агар ўз ҳолига қўйсанг, эгрилигича қолади. Бас, аёлларга яхши муомала қилинглар».
Билгинки, аёлга яхши муомала қилиш фақат унга озор бермасликдан иборат эмас. Балки унинг баъзи хулқларига сабр қилиш, ғазаби ва жаҳли чиққан пайтларда мулойимлик кўрсатиш ҳам яхши муомала жумласидандир. Бу борада Расулуллоҳ ﷺ энг гўзал намуна эдилар.
Саҳиҳ ҳадисларда Умар ибн Хаттоб розияллоҳу анҳудан ривоят қилинишича, Расулуллоҳ ﷺнинг баъзи завжалари у зот билан тортишар, ҳатто баъзан кун бўйи ранжиб юрар эдилар. Бу ҳақдаги ҳадис машҳурдир.
Учинчи: Эр киши хотини билан ҳазиллашиб туриши, меҳр ва мулойимлик кўрсатиши лозим.
Расулуллоҳ ﷺ Оиша розияллоҳу анҳо билан югуриш мусобақаси қилганлар ва завжалари билан ҳазиллашар эдилар.
Шунингдек, Жобир розияллоҳу анҳуга:
«Нега бокирага уйланмадинг? Сен у билан ўйнардинг, у ҳам сен билан ўйнар эди», — деганлар.
Тўртинчи: Бу ишларнинг барчасида меъёрни сақлаш лозим. Эр киши ҳаддан зиёд юмшоқ бўлиб кетиб, хотини наздида ўз ҳайбати ва раҳбарлигини йўқотмаслиги керак. Балки ўртача ва мувозанатли йўлни тутиши лозим.
Бешинчи: Рашкда меъёрни сақлаш.
Яъни, оқибатидан қўрқиладиган ишларга нисбатан бепарво бўлиб кетмаслиги лозим. Шу билан бирга, ҳаддан ортиқ шубҳа қилиш, ёмон гумонга берилиш ва асоссиз гумонлар билан яшаш ҳам тўғри эмас.
Расулуллоҳ ﷺ эркак кишига кечаси оиласи олдига кутилмаганда кириб келишни ман қилганлар.
Олтинчи: Нафақа ва харажатларда ўртача бўлиш.
На исрофгарчилик қилиш ва на бахиллик қилиш керак.
Эр киши ўзи учун яхши таом ажратиб, аҳли-оиласини ундан маҳрум қилиб қўймаслиги лозим. Чунки бу қалбларда ранжиш ва адоват пайдо қилади.
Еттинчи: Эркак киши ҳайз ва унга боғлиқ аҳкомларни ўрганиши лозим.
У хотини билан ҳайз вақтида қандай муносабат қилишни билиши керак. Шунингдек, хотинига тўғри ақидани ўргатиши, агар қалбида бидъат ёки хато эътиқод бўлса, уни бартараф этиши ва намоз, ҳайз ҳамда истиҳоза аҳкомларини таълим бериши лозим.
Саккизинчи: Агар унинг бир нечта хотини бўлса, улар ўртасида адолат қилиш мажбурдир.
Адолат кечани тақсимлашда ва моддий таъминотда вожибдир. Аммо муҳаббат ва қалб мойиллигида адолат талаб қилинмайди. Чунки бу инсон ихтиёридаги иш эмас.
Агар сафарга чиқиб, хотинларидан бирини ўзи билан олиб кетмоқчи бўлса, улар ўртасида қуръа ташлайди. Қуръа кимнинг номига чиқса, ўша хотинини ўзи билан олиб кетади.
Тўққизинчи: Агар хотин томонидан нушуз (эрга бўйсунмаслик, исёнкорлик) содир бўлса, эр уни тарбия қилиши ва ўз вазифаларини бажаришга чақириши мумкин.
Бироқ бу иш босқичма-босқич амалга оширилади:
↤ аввал насиҳат қилиш ва Аллоҳдан қўрқитиш орқали;
↤ агар бу фойда бермаса, ётоқда ундан юз ўгириш, алоҳида ётиш ёки у билан гаплашмаслик. Бу эса уч кундан ошмаслиги керак;
↤ агар бу ҳам таъсир қилмаса, енгил, зарар етказмайдиган тарзда жазолаш мумкин. Яъни қон чиқармайдиган, жароҳат етказмайдиган ва юзга урилмайдиган даражада.
Ибн Қудома роҳимаҳуллоҳ
⭕️
⭕️
⭕️
⭕️
ᴏʙᴜɴᴀ ʙᴏ’ʟɪɴɢ
🌆
@gunohoqibati
🥳
•••┄┄┄┄┄༻❅༺┄┄┄┄