Qibray tuman hokimligi Axborot xizmati

#Bildirish
Qibray tumani Yuqori yuz mahallasidagi ko'p qavatli uylarga issiqlik yetkazib beruvchi qozonxonada yuzaga kelgan nosozlik (avariya) sababli issiqlik ta'minotida uzilish kuzatilmoqda.
Hozirda mutaxassislar jalb qilinib, avariyani bartaraf etish va ko'p qavatli uylarda issiqlik ta'minotini qayta tiklash bo'yicha zarur choralar ko'rilmoqda.
Keltirilgan noqulayliklar uchun fuqarolardan uzr so'raymiz.
✍️
Qibray tumani hokimligi Axborot xizmati
💬
telegram
📱
facebook
📱
Instagram
🌐
Website
📱
Youtube

#Tibbiyot
Bo‘ston mahalla fuqarolarining tibbiy xizmatlar bo'yicha murojaatlari o'rganildi
Xususan, Xalq deputatlari Qibray tuman Kengashi deputati Sh.Kamilova tashabbusi bilan, tuman tibbiyot birlashmasi bosh shifokori N.Axmedov hamda o'rinbosari M.Isayevlar tumandagi “Bo‘ston” mahallasida aholining tibbiy xizmat yuzasidan murojaatlari o'rganildi.
Aholi o‘rtasida kassalikni erta aniqlash va aholiga ko'rsatilayotgan tibbiy xizmat sifatini oshirish maqsadida o'tkazilayotgan bu kabi uchrashuvlar davomida bemor fuqarolarga tarqatilishi lozim bo'lgan bepul dori vositalarini yetkazib berish holati ham muhokama qilinmoqda.
Shuningdek, aholiga O‘zbekiston Respublikasining 2019-yil 11-martdagi “Fuqarolarning reproduktiv salomatligini saqlash to‘g‘risida”gi O’RQ-528 Qonunida belgilab o'tilgan imtiyozlar haqida tushunchalar berilmoqda.
👉
Manba
✍️
Qibray tumani hokimligi Axborot xizmati
💬
telegram
📱
facebook
📱
Instagram
🌐
Website
📱
Youtube

#jarayon
Hududlarda obodonlashtirish ishlari davom etmoqda
Jumladan, Qibray tumani Obodonlashtirish boshqarmasi xodimlari tomonidan hududlarni toza, ozoda va tartibli saqlash bo‘yicha rejali ishlar amalga oshirilmoqda.
Shuningdek, ko'p qavatli uylar, yo’l chetlari hamda ariqlar chiqindilardan tozalanmoqda.
✍️
Qibray tumani hokimligi Axborot xizmati
💬
telegram
📱
facebook
📱
Instagram
🌐
Website
📱
Youtube

#odamlar_manfaati_yo‘lida
Yo‘llar obod bo‘lsa, odamlar ham shod bo‘lar
Viloyatdagi barcha shahar va tuman obodonlashtirish boshqarmalarining moddiy-texnika bazasini mustahkamlash maqsadida ichki xo‘jalik yo‘llarini qurish va ta’mirlash jarayonlarida foydalaniladigan maxsus yo‘l kesish avtomashinalari xarid qilindi.
⚙️
Mazkur tashabbus orqali yo‘llarda yuzaga keladigan nosozliklarni qisqa fursatlarda aniqlab, ularni tezkor joriy ta’mirlash imkoniyatlarini kengaytirish, yo‘l ta’mirlash ishlarining sifatini oshirish, xarajatlarni optimallashtirish hamda aholiga qulay va xavfsiz transport harakatini ta’minlash mumkin.
🤔
Ushbu texnikalar hududlarda amalga oshirilayotgan obodonlashtirish ishlari samaradorligini yanada oshirib, ichki yo‘l infratuzilmasini yaxshilash borasidagi vazifalarning o‘z vaqtida bajarilishiga xizmat qiladi.
✅
Telegram
🌐
Website
📹
YouTube
✅
Facebook
🕊
Twitter

#jarayon
Mashaqqatli soha xodimlarining mehnati sabab noqulayliklarning oldi olinmoqda
O'tgan yog‘ingarchilik kunlarda markaziy ko‘chalarda suv to‘planishi va harakat xavfsizligiga putur yetmasligi uchun Qibray tuman yo‘llardan foydalanish davlat muassasasi xodimlari kunning sovuq va yomg‘irli ob-havosiga qaramay, ariqlarni loy, barg va turli chiqindilardan tozalash ishlarini davom ettirdilar.
Rasmlarda ko‘rganingizdek, xodimlar yomg‘ir ostida, sovuq suv ichida bo‘lsa ham, ko‘chalarimizni xavfsiz va tartibli saqlash uchun tinimsiz mehnat qilmoqda. Ularning ushbu fidokorona mehnati natijasida suv toshishi xavfi kamayib, yo‘l harakati uchun qulay sharoit yaratilmoqda.
✍️
Qibray tumani hokimligi Axborot xizmati
💬
telegram
📱
facebook
📱
Instagram
🌐
Website
📱
Youtube

Uchrashuvda
qishloq xo‘jaligi sohasi xodimlari bilan ochiq muloqot
bo‘lib o‘tdi. Prezidentimiz ularning
qo‘shimcha takliflari va fikrlarini tingladi.
“
O‘zining mashaqqatli mehnati bilan rizq-ro‘z yaratayotgan insonlar bilan suhbatlashish, ularning taklif va fikrlarini eshitish
menga hamisha alohida huzur bag‘ishlaydi.
Bejiz
“Yerni yaxshi ko‘rgan – Vatanni yaxshi ko‘radi”,
deyishmaydi. Zero,
umrini, mehnatini saxovatli zaminimiz bilan bog‘lagan siz kabi fidoyilar – haqiqiy vatanparvardir.
Fursatdan foydalanib, Vatanimiz ravnaqi yo‘lidagi
halol mehnatingiz, erishgan yuksak natijalaringiz uchun butun xalqimiz nomidan yana bir bor chuqur minnatdorchilik bildiraman
”
,
– dedi davlatimiz rahbari uchrashuv yakunida.
Facebook
|
Instagram
|
X

“Men bir gapni takror aytishdan charchamayman.
Ilm va izlanish bo‘lmagan sohada rivojlanish ham, yuksalish ham, taraqqiyot ham bo‘lmaydi
”
,
– dedi davlatimiz rahbari.
Bugun
agrar sohada 22 ta ilmiy markaz, 260 ta laboratoriya,
ularda juda katta salohiyatga ega
yuzlab olim va ilmiy xodimlar
faoliyat yuritmoqda.
Mazkur salohiyatdan to‘liq foydalanish uchun
“ilm-fan – ta’lim – ishlab chiqarish” integratsiyasini
ta’minlaydigan
Qishloq xo‘jaligi fanlar akademiyasi tashkil etilishi
e’lon qilindi. Ushbu akademiya
qishloq xo‘jaligidagi fundamental va amaliy tadqiqotlarni rivojlantirishga
mas’ul bo‘ladi.
O‘tgan yilda 4 ta institut negizida
Qishloq xo‘jaligi kadrlarining malakasini oshirish instituti
tashkil etilgan edi. Ushbu institutda yiliga
8 mingdan ortiq soha vakillari,
xususan, fermer, dehqon va klasterlar xodimlari zamonaviy agrotexnologiyalardan foydalanishga o‘qitiladi.
Mutasaddilarga
Gollandiya, Ispaniya, Italiya, Turkiya va Xitoydan malakali agronomlarni
olib kelib,
dehqon va fermerlarni yangiliklarga doimiy o‘qitib boradigan tizim qilish
topshirildi.
Bundan tashqari, paxta-g‘alla yo‘nalishidagi eng ilg‘or
200 nafar fermer
, meva-sabzavot yo‘nalishidagi eng mirishkor
200 nafar bog‘bon va dehqon,
qishloq xo‘jaligi yo‘nalishidagi eng faol
100 nafar eksportchi
Xitoy, Turkiya, Gollandiya, Fransiya kabi davlatlarga
yuborilib, o‘qitiladi. Ushbu 500 nafar fermer, bog‘bon va eksportchilarning
yo‘lkira va mehmonxona xarajati to‘liq qoplab beriladi.
Facebook
|
Instagram
|
X

Yana bir masala – respublikada ekin maydonlaridan o‘tgan
70 ming kilometr uzunlikdagi ochiq drenaj va kollektorlar
bor.
Agar ular
bosqichma-bosqich yopiq tizimga o‘tkazilsa, ekin ekish uchun qo‘shimcha maydon ochiladi, zovurlarni tozalash xarajatlari karrasiga tejaladi.
Bu masala,
ayniqsa, yer tanqis bo‘lgan vodiy viloyatlari uchun juda dolzarb.
Shu bois,
ochiq drenaj va kollektorlarni yopiq tizimga o‘tkazish bo‘yicha alohida dastur
qabul qilinib, bu maqsadlar uchun
100 million dollar
ajratilishi belgilandi.
Viloyat hokimlari tajribali tadbirkorlar bilan kelasi yilning o‘zida
kamida 10 ming kilometr drenajni yopiq tizimga o‘tkazib, 20 ming gektar qo‘shimcha ekin maydoni ochish
uchun mas’ul bo‘ladi.
Facebook
|
Instagram
|
X

Qishloq xo‘jaligi vazirligida
dron xizmatlarini ko‘rsatuvchi alohida markaz
ishga tushirilgani bu sohada mutaxassis tayyorlash va dronlarga servis xizmatini ko‘rsatish imkonini berdi.
Shu yilning o‘zida
100 dan ortiq dron yordamida
yer maydonlari va ekinlar monitoringi, ilg‘or agrotexnik tadbirlar amalga oshirildi.
Keyingi yil Xitoydan
yana 50 dan ortiq zamonaviy agrodron
olib kelinadi.
Har bir viloyatda kamida 2 tadan dron mobil kompleksi
orqali agroxizmatlar ko‘rsatish yo‘lga qo‘yiladi.
Agrar sohada
dronlar uchun belgilangan uchish og‘irligi hozirgi 100 kilodan 250 kilogacha oshiriladi.
“O‘z faoliyatiga
raqamli texnologiya va sun’iy intellektni olib kirib, kam xarajat bilan yuqori hosildorlikka erishayotgan fermer va klasterlarimiz soni ham ko‘payib borayotgani
meni xursand qiladi”
,
– dedi davlatimiz rahbari.
Facebook
|
Instagram
|
X

“Qishloq xo‘jaligi sohasini qo‘llab-quvvatlashga ajratilayotgan mablag‘larni yildan-yilga oshirib boryapmiz.
Bundan keyin ham sohaga qancha mablag‘ kerak bo‘lsa, topib berishga tayyorman.
Lekin bu
mablag‘lar o‘z vaqtida egasiga yetib borishi va hosildorlikni yanada oshirishga xizmat qilishi uchun ochiq va shaffof tizim bo‘lishi kerak
”
,
– dedi Prezidentimiz.
Qishloq xo‘jaligidagi
subsidiyalar shu paytgacha 6 ta vazirlik tomonidan ajratilayotgan edi.
Shu bois,
barcha subsidiyalar bo‘yicha moliyaviy xizmatlarni bir joyda ko‘rsatadigan Agrar sohada to‘lovlar agentligi
tashkil etildi.
Agentlik tomonidan kelasi yil dehqon va fermerlarga
2 trillion 200 milliard so‘mlik subsidiya
beriladi. Bunda subsidiya ajratish jarayoni hozirgi
4 bosqichdan 2 bosqichga,
uni olishga ketadigan vaqt esa
1 oydan 15 kunga qisqaradi.
Eng muhimi,
har bir subsidiya fermerlarga ma’qul bo‘ladigan shartlarda, ularga mablag‘ eng zarur paytda beriladigan tizimga
o‘tiladi.
Keyingi yildan
suv nasosiga sarflangan elektr energiyasi uchun subsidiyalar meva-sabzavot, moyli ekin, kartoshka va ozuqa ekinlari yetishtiruvchi fermerlarga ham ajratilishi
e’lon qilindi.
Facebook
|
Instagram
|
X