Qirqqishloq News
Katta yoʻlda oʻzi va boshqalarning hayotini xavf ostiga qoʻyib bunaqa ish qilish notoʻgʻri.
1 millionta tomosha va layk yigʻsa ham.
Baxmal tumanidagi 34 ta mahalla fuqarolar yig‘ini ijtimoiy xodimlariga zamonaviy kompyuterlar va printerlar topshirildi
2026-yil — “Mahallani rivojlantirish va jamiyatni yuksaltirish yili” doirasida ijtimoiy himoya tizimini takomillashtirish, aholining ehtiyojmand qatlamlarini manzilli qo‘llab-quvvatlash hamda kambag‘allikni qisqartirish davlat siyosatida ustuvor yo‘nalish sifatida belgilandi.
Bu jarayonda mahalla instituti va unda faoliyat olib borayotgan ijtimoiy xodimlarning o‘rni va mas’uliyati yanada ortib bormoqda.
Baxmal tumanida ijtimoiy himoya sohasida joriy etilayotgan yangi yondashuvlar aynan shu maqsadlarga xizmat qilmoqda.
Xususan, “Inson” ijtimoiy xizmatlar markazi tomonidan mahallalar kesimida yo‘lga qo‘yilgan ishlar aholining real ehtiyojlarini aniqlash, muammolarga o‘z vaqtida yechim topish hamda ijtimoiy xizmatlar sifatini oshirishga qaratilgani bilan ahamiyat kasb etmoqda.
Bugun ijtimoiy himoya tizimi faqat nafaqa yoki moddiy yordam bilan cheklanib qolmayapti. Aholining turmush sharoitini yaxshilash, ishsizlik va ijtimoiy himoyaga muhtojlikning ildiz sabablarini bartaraf etish, kambag‘allikni qisqartirishga qaratilgan kompleks chora-tadbirlar amalga oshirilmoqda.
Bu esa har bir oila bilan individual ishlash, “mahalla — oila — inson” tamoyili asosida manzilli yordam ko‘rsatishni taqozo etmoqda.
Shu bilan birga, ijtimoiy xodimlar faoliyatida zamonaviy yondashuvlar, raqamli texnologiyalar va tahliliy usullarni joriy etishga alohida e’tibor qaratilmoqda. Bu aholining muammolarini tezkor aniqlash, xizmatlar qamrovini kengaytirish hamda ko‘rsatilayotgan yordam samaradorligini oshirish imkonini beradi.
Mahallalarda faoliyat yuritayotgan ijtimoiy xodimlarni moddiy-texnik jihatdan qo‘llab-quvvatlash ham muhim ahamiyatga ega.
Jumladan, tumandagi 34 ta mahalla fuqarolar yig‘ini ijtimoiy xodimlariga zamonaviy monoblok kompyuterlar va printerlar topshirilishi ularning kundalik ish faoliyatida shaffoflik, tezkorlik va samaradorlikni ta’minlashga xizmat qilmoqda.
Umuman olganda, 2026-yilda belgilangan ustuvor vazifalar doirasida ijtimoiy himoya tizimida amalga oshirilayotgan islohotlar mahallalarni rivojlantirish, jamiyatda ijtimoiy adolat va barqarorlikni mustahkamlash yo‘lida muhim qadam sifatida namoyon bo‘lmoqda.
📲
https://gov.uz/oz/jizzax
sayti va sahifalari:
👇
Telegram
|
jizzaxviloyatihokimi
|
Facebook
|
YouTube
|
Instagram
|
ok.ru
|
@jizzaxuz_bot
|
X
|
Hangoma
Qor yog‘ardi bo‘ralab,
Qolishmasdi dovuldan.
To‘yga aytib ketishdi
Shundoq qo‘shni ovuldan.
Yo‘lga chiqdi ikki chol,
To‘yga borish qarz beshak.
Birovi otga mindi,
Birovi mindi eshak.
Qor-chi, hamon yog‘ardi,
Yogar edi gupillab.
Yo‘lni eshak boshladi,
Ot ergashdi lo‘killab.
Gapga tushdi ikki chol,
Suhbat u yoq-bu yoqdan.
O‘tgan-ketgan, baland-past,
Goh kalla, goh tuyoqdan.
Suhbat degan soz narsa,
Qolmasang bas surgashib.
Yo‘rg‘alar eshak hamon,
Ot boradi ergashib.
Asta-sekin kun qaytar,
Ufqlarda o‘chgan rang.
Qor oralab qayerdadir
Bir yulduz chaqnar arang.
Chollar-chi, hamon yo‘lda,
Suhbat o‘sha-o‘shaydi.
Biri dedi: — Oqsoqol,
Kun botganga o‘xshaydi.
Yo‘g‘-e, usta, — der biri —
Ko‘zdan qolibsiz butkul.
To‘rt chaqirim ovulga
Nahot yursak bir kun yo‘l.
Ammo bu gap rost edi.
Yulduzlar chaqnar bot-bot,
Oldinda eshak borar,
Orqada lo‘killar ot.
Ovuldan-chi, darak yo‘q,
Oppoq edi qir-qiya,
“Adashib ketdikmikan,
Kuppa-kunduz kuni-ya?
Gap bosdimi yo g‘aflat,
Tavba, bu qandoq o‘yin?”
Qor tindi-yu, chollarning
Ichiga kirdi quyun.
— Qora qishda to‘y qilmay,
Battar bo‘lgur nokas, gov.
Bachchag‘arning aslida,
Fe’li sovuq edi-yo‘v.
Qayerdadir cho‘zib-cho‘zib
Uvlab qoldi-ku qashqir,
Kim ham, ayting, bundoq choq
Tashvishga tushmas axir?
Xususan, keksayganda
Xafa bo‘lib ketasan.
Aytaylik, o‘sha qashqir
G‘ajib ketsa netasan?
Qora sovuq tish qayrab
Qovurg‘ani ezardi.
Keng sayhonda ikki chol
Yo‘l axtarib kezardi.
Yo‘l qayoqda, to‘rt taraf
Qalin, oppoq qor edi.
Eng battari — sovuqda
Jon saqlash mushkul edi.
Qaytay desa iziga,
Belgi ham yo‘q, iz ham yo‘q.
Qaltiraydi ikki chol,
Taskin ham yo‘q, so‘z ham yo‘q.
Ne bo‘lsa ham topshirdik
Yaratganning o‘ziga!
Tavakkal deb, ot boshin
Qayirdilar iziga.
Peshonada borini
Ko‘rar inson degan zot.
Yo‘l soldilar qayergadir,
Ot boshin qo‘yib ozod.
Bir kor-hol bo‘lmay endi,
Uyni topib borsak bas, —
Surg‘aladi ot horg‘in,
Orqada eshak besas.
To tonggacha ikki chol
Yurdi, turdi, surindi.
Uzoqlarda bir mahal
Qora narsa ko‘rindi.
Bo‘g‘oti bor, haytovur,
O‘xshab turar qishloqqa.
“Xudoga ming shukr”, deb
Yurdilar o‘sha yoqqa.
Tuman ichra dov-daraxt,
Turar edi yaltirab.
Tongga yaqin qishloqqa
Kirishdilar qaltirab.
Tugagandi bardosh ham,
Tugagandi bor sabot.
Yetmay bir darvozaga
To‘xtab qoldi sho‘rlik ot.
Joy so‘raylik, narig‘i
Bir gap bo‘lar, oqsoqol.
Qamchin bilan taqa-tuq,
Darvozani qoqdi chol.
Izg‘irin-chi, izg‘irin,
Yeru ko‘kda horg‘in tus.
Bir kampir chiqdi shu tob,
Qo‘lida xira fonus.
So‘z boshladi chol titrab,
Halqumiga kelib jon:
Bir kechaga bizlarga
Joy bersangiz, yangajon.
Qora quyun charx urib
Ko‘z oldini tutardi.
Kampir kelib yaqinroq
Fonusini ko‘tardi.
Hoy, senmi bu, yer yutgur,
Imoningdan kechdingmi?
Aljiraysan yo to‘yda
Aroq-paroq ichdingmi?
Alqissa shu: ot yo‘lni
Uy tomon burgan ekan.
Chol-chi, o‘z kampiridan
Joy so‘rab turgan ekan.
Abdulla Oripov
1972
She’rga ham, ijroga ham, videodagi manzaraga ham gap yo‘q.
Video muallifi va ijrochi —
Bobur aka Mallayev
.
Instagram uchun havola:
https://www.instagram.com/reel/DS-HIWbDUDM/?igsh=MW56NzZ3N2lmNmhpcA==
#satira
/
#kinoya
/
#haqiqat
Uyat emasmi, 87 yoshli qaynonangiz oilangizni boqsa, o‘zining JEEPlarida sizni olib yursa, kottejlaridan birini sizga berib qo‘ygan bo‘lsa, magazin va qurilish kompaniyalarini boshqarsa-yu, siz, kap-katta erkak bo‘lib, kun bo‘yi hokimiyatda o‘tirib, qog‘oz titkilasangiz?!
©
Erkin tarjima
Зарафшон дарёсининг асосий сув олиш бош манбаси Тожикистон тоғ ҳавзасига ҳам жуда катта қор тушмоқда.
Каналимиз кузатувчиси қўшни мамлакатдан туриб, бизга ушбу видеони бўлишмоқда.
📍
Геолокация
Maktabga ketayotgan o‘qituvchi.
Navoiy viloyati, Langar qishlog‘i