Qiziriqmuslim

ШОМ НАМОЗИДАН 45 ДАҚИҚА ЎТГАНДАН КЕЙИН ХУФТОН ВАҚТИ КИРАДИМИ?
#намоз
❓
2132-САВОЛ: Шу кунларда (Ёз фаслида) баъзи масжидларда соат кечки 21:00 бўлмай хуфтонга азон айтилар экан. Тақвим бўйича Хуфтон 21:26 да кираркан. Чунки баъзи илмли кишилар хуфтоннинг вақти шомдан 45 дақиқа ўтиб киради, бемалол ўқиш мумкин деган гап айтишар экан. Бу қанчалик тўғри?
💬
ЖАВОБ:
Бисмиллаҳир Роҳманир Роҳим. Шом намозининг вақти қуёш ботгандан бошлаб, шафақ ғойиб бўлгунича давом этади. Бу барча фиқҳий китобларнинг жавоби ҳисобланади. Шафақ борасида имом Абу Ҳанифа раҳимаҳуллоҳ билан икки шогирдлари ўртасида икки хил фикр мавжуд бўлиб, шогирдлари уфқдаги қизилликни шафақ десалар, Абу Ҳанифа раҳимаҳуллоҳ шу қизилликдан кейин пайдо бўладиган оқликни шафақ деганлар. Мутааххир уламолар қизиллик деган сўзни фатво учун қабул қилганлар ва ана шу қизиллик йўқолгандан кейин хуфтон вақти киради деганлар.
Аллома Абдулғаний Майдоний раҳимаҳуллоҳ бу ҳақда шундай деганлар:
وفي شرح المنظومة: وقد جاء عن أبي حنيفة أنه رجع عن قوله وقال: إنه الحمرة؛ لما ثبت عنده من حمل عامة الصحابة الشفق على الحمرة، وعليه الفتوى
“Шарҳи манзума”да шундай келган: Батаҳқиқ, Имом Абу Ҳанифа (раҳмаҳуллоҳ) ўз қарашидан қайтгани ва шафақ қизилликдир, деб айтгани ривоят қилинган. Бунга сабаб саҳобаларнинг оммаси шафақ сўзини қизиллик деб тушунганликлари у кишининг ҳузурида собит бўлганидир”. (“Лубоб” китоби).
Фатво ҳам мана шу қарашга кўра берилади” Мазкур қизиллик мамлакатларнинг географик жойлашуви ва фаслларга қараб турли вақтда йўқолади. Айнан бизнинг ҳудудларда 45 дақиқада йўқолиши кузатилмайди, балки энг ками 1 соату 15 дақиқа бўлиб, бу асосан қиш кунларига тўғри келади. Энг узоғи эса 1 соату 39 дақиқа бўлиб, бу асосан ёз кунларига тўғри келади.
Ҳеч қандай илмий асосга таянмасдан қоронғу тушди, бўлди, хуфтон вақти кирди деб хуфтонни ўқиб қўйиш битта намозни қазо бўлишига олиб келади. Чунки вақти кирмасдан ўқилган намоз нафлга ўтади. Сабаби Аллоҳ таоло ояти каримада ҳар бир намозни вақтида адо этишга буюрган ва бу нарса унинг вақтини тўғри топиш билан бўлади.
Шом вақтида уфқни кузатиб осмондаги қизиллик ва оқликни ажратиш оддий одамлар учун қийинчилик туғдиради. Шу боис, намоз вақтлари масаласида масъул уламолар томонидан тасдиқланган тақвимлардан фойдаланиш, яъни ишончли тақвимга қараб намоз вақтларига риоя қилиш лозим.
Фатво маркази уламоларидан бир қисми турли фаслларда, уфқни тўлиқ кузатиш мумкин бўлган минтақаларга бориб, уфқни кузатиб, шомдан кейинги шафақнинг ғойиб бўлиши ҳамда субҳи содиқнинг киришини бир неча бор кузатганлар ва уларнинг хулосаси асосида ҳозирги кундаги тақвим тузилган. Юртимиз мўмин-мусулмонлари ибодатларини ана шу тақвим асосида адо этсалар, иншааллоҳ, ўз вақтида адо этган ҳамда турли хил ихтилофдан, бефойда тортишишлардан омонда бўладилар. Валлоҳу аълам.
Ўзбекистон мусулмонлари идораси
Фатво маркази.
👍
YouTube
👍
Instagram
👍
Facebook
👍
Ummalife
😎
РАСМИЙ САҲИФА
✅
УЛАШИНГ
🗣

#муфтий_минбари
📹
Мўминнинг сармояси
🎙
Шайх Нуриддин Холиқназар ҳазратлари
@diniysavollar

Эртага 16 июн - Муҳаррам ойининг 1-чиси,
янги 1448 - ҳижрий сананинг 1- куни
📜
Абу Ҳурайра розияллоҳу анҳудан ривоят қилинади:
«Расулуллоҳ соллаллоҳу алайҳи васаллам: «Рамазондан кейинги энг афзал рўза Аллоҳнинг ойи муҳаррамдадир. Фарз намоздан кейинги энг афзал намоз тунги намоздир»,
дедилар».
Имом Муслим ривояти.
@qiziriqmuslim

#Видео
#ғусл
📹
Ғусл вожиб бўлган инсон соч-соқол олиши мумкинми?
🎙
Ёрқинжон домла Жумабоев
Ўзбекистон мусулмонлари идораси
Фатво маркази мутахассиси
👨‍💻
Тўлиқ ҳолда кўриш
✅
Улашинг:
@diniysavollar

🌙
✨
ЯНГИ ҲИЖРИЙ ЙИЛ МУБОРАК БЎЛСИН!
✨
🌙
#ҳижрий_1448_йил
#янги_ой_эълони
#янги_ҳижрий_йил
🌙
Муҳаррам ойининг
1-куни — 2026 йил 16 июнь, сешанба
кунига тўғри келмоқда.
📖
Муҳаррам
— ҳижрий тақвимнинг биринчи ойи бўлиб, Қуръони каримда зикр қилинган тўрт улуғ ва ҳурматли ойлардан биридир.
🤲
Пайғамбаримиз соллаллоҳу алайҳи васаллам янги чиққан ойни кўрганларида шундай дуо қилардилар:
اللَّهُمَّ أَهِلَّهُ عَلَيْنَا بِالْيُمْنِ وَالْإِيمَانِ وَالسَّلَامَةِ وَالْإِسْلَامِ رَبِّي وَرَبُّكَ اللهُ
🕊
Ўқилиши:
«Аллоҳумма аҳиллаҳу алайна бил-юмни вал-иймани, вас-салаамати вал-Ислами, Роббий ва Роббукаллоҳ».
🌿
Маъноси:
«Эй Аллоҳим! Бу ойни бизларга барака ва имон, саломатлик ва Ислом ойи қилгин! Эй ҳилол, менинг ҳам, сенинг ҳам Роббинг Аллоҳдир!»
🕌
Янги 1448-ҳижрий йилда Аллоҳ таоло хонадонларимизга тинчлик ва барака, қалбларимизга мустаҳкам иймон берсин ва ҳаётимизда бизни солиҳ амалларга муваффақ айласин!
🌙
1448 ҳижрий йил — муборак бўлсин!
Ўзбекистон мусулмонлари идораси
Фатво маркази.
👍
YouTube
👍
Instagram
👍
Facebook
👍
Ummalife
😎
РАСМИЙ САҲИФА
✅
УЛАШИНГ
🗣

#муфтий_минбари
📹
Тингламаган англамайди
🎙
Шайх Нуриддин Холиқназар ҳазратлари
@diniysavollar

ҚУРБОНЛИК ҚАБУЛ БЎЛГАНИНИ ҚАНДАЙ БИЛСА БЎЛАДИ?
#қурбонлик
❓
2131-САВОЛ: Инсон қилган қурбонлиги қабул бўлганини қандай билса бўлади?
💬
ЖАВОБ:
Бисмиллаҳир Роҳманир Роҳим. Қурбонлик қабул бўлганини аниқ белгиси инсонга маълум қилинмайди, чунки қабул қилиш Аллоҳ таолонинг ишидир. Бунинг ҳикматларидан бири - банда амалига суяниб қолмаслиги, ихлосини сақлаши ва умид ҳамда хавф орасида яшаши учундир. Чунки инсон амали қабул бўлганига аниқ ишонса, ғурурга кетиши ва аксинча, рад бўлганини билса, ноумид бўлиб қолиши мумкин. Шунинг учун мўмин амални қилиб бўлгач уни қабул бўлишидан умидвор бўлиб илтижолар қилиб яшайди.
Қурбонликни ҳам бошқа амаллар қатори қабул бўлганини қатъий била олмаймиз, лекин ҳалол топилган маблағдан ихлос билан қилинган бўлса, қабул этилишини умид қиламиз. Шу маънода Моида сурасининг 27-оятида Аллоҳ таоло
“Аллоҳ фақат тақводорлардан қабул қилади”
, деб марҳамат қилган. Шунинг учун динимизда амалларни қабул бўлганини билишга эмас, балки уларни ихлос ва тақво билан қилишга буюрилган. Банда унга буюрилган амалларни ихлос ва муҳаббат ила бажариб, қабулини Аллоҳ таолодан сўраб дуо қилади. Иброҳим алайҳиссалом ўғиллари Исмоил алайҳиссалом билан биргаликда Аллоҳ таолонинг амри билан Каъбаи муаззамани қурганларидан кейин қабул бўлишини сўраб  дуо қилганлари ҳар бир мўминга ибрат бўлиши керак. Валлоҳу аълам.
Ўзбекистон мусулмонлари идораси
Фатво маркази.
👍
YouTube
👍
Instagram
👍
Facebook
👍
Ummalife
😎
РАСМИЙ САҲИФА
✅
УЛАШИНГ
🗣

​​УЙИМИЗГА ШАЙТОН КИРМАСИН ДЕСАК:
▪️
Ибодатларга лоқайд бўлмаслигимиз керак. Аёллар намозларини қолдирмасликлари лозим, эркаклар эса уйларида нафл намозлар ҳам ўқиб туришлари керак.
▪️
Уйимизда зикрлар қилинсин. Кунлик Қуръондан вазифаларимиз бўлиши керак. Буларни жиддий татбиқ қилиш лозим.
▪️
Уйимиз илм билан машғул инсонларнинг уйи бўлиши керак: қанча ҳадис ўқилди, қанча ҳадис ёдланди, қайси суралар ўқилди ва тафсирлар ўқишнинг аҳамияти катта. Илмсиз, жоҳил инсон шайтондан қандай қилиб ҳимояланолсин?! Уйимизда ҳафталик , ойлик дарслар бўлиши керак. Эшикларимизни илм шайдоларига очишимиз, китоблар мутоала қилишимиз керак.
▪️
Телевизор, компьютер каби жиҳозларга сарфлайдиган вақтимизни чегаралашимиз лозим. Уларни жиддий назорат қилиб фойдаланиш керак.
▪️
Уйимизга келадиган меҳмонларнинг қандай инсонлигига аҳамият беришимиз керак, келганлар уйимизга фитна олиб келишига йўл қўймаслигимиз керак.
▪️
Уй зиндон каби бўлмаслиги керак, шариатимизга уйғун бўлган жойларда сайр қилиш ва дам олиш учун имконият яратиш керак.
▪️
Илмий ва шаръий мажлисларга қатнашиб туриш керак.
▪️
Уйларимиз эшиги қариндошларга ҳар доим очиқ бўлиши керак.
▪️
Солиҳ инсонларни, илм аҳилларини оила аъзолармизнинг улардан ўрнак олишлари ва уларнинг насиҳатларини эшитишлари учун уйимизга чақириб туришимиз керак.
▪️
Уйларимизда ит боқмаслигимиз ва жонли нарсаларнинг расмлари бўлмаслиги керак.
▪️
Уй аҳли ҳеч бўлмаганда йилда бир марта Бақара сурасини ўқишлари керак.
Набий соллаллоҳу алайҳи васаллам: «Уйларингизни қабрга айлантирманглар. Бақара сураси ўқилган уйга шайтон кирмайди», дедилар». (Термизий ривоят қилган).
@qiziriqmuslim

Ассалому алейкум вараҳматуллоҳи вабарокатух
ДУШАНБА ТОНГИ МУБОРАК
🌹
🌹
🌹
🌹
🌹
🌹
🌹
🌹
🌹
🌹
🌹
🌹
🌙
ЯНГИ ТОНГ
🌹
🌹
🌹
МУБОРАК БЎЛСИН!
🌹
🌹
🌹
🌹
🌹
🌹
🌹
🌹
🌹
🌹
🌹
🌷
Томирида барака..
🍀
Бутоғида иймон..
🌷
Новдасида ҳурмат
🍀
Ифорида жаннат...
🌷
Юрагингиз нурга тўлсин
🍀
Қалбларингиз иймонга...
🌷
Оқибат тарк этмасин
🍀
Ошно бўлинг исломга...
🌷
Урди янги кунга бонг...
🍀
Барчага хайрли тонг...!
✨
☀️
Яна бир янги тонга етказган
Роббимизга хамду санолар
бўлсин!
@qiziriqmuslim

ҚУРБОНЛИК УЧУН ҲАЙВОННИ ОЛДИНДАН СОТИБ ОЛИШНИНГ САВОБ ЭКАНЛИГИ
#қурбонлик
❓
2130-САВОЛ: Қурбонликка сўйиладиган ҳайвонни олдинроқ олиб келиб, уйда бир неча кун боқса савоби кўпроқ бўлади, деган гап шариатда борми?
💬
ЖАВОБ:
Бисмиллаҳир Роҳманир Роҳим. Қурбонлик қилишдаги мустаҳаб бўлган амаллардан бири мавжуд қўйларидан бирини қурбонлик учун ажратиб қўйиши, йўқ бўлса, сотиб олиб алоҳида парвариш қилишидир. Чунки қурбонлик улуғ бир ибодат бўлгани боис банданинг бундай қилиши худди бошқа бир улуғ амалларда ҳам бўлгани каби мазкур ибодатга аҳамият билан қараши ва улуғлаши саналади.
Улуғ фақиҳлардан бири аллома Косоний раҳимаҳуллоҳ “Қурбонлик қилинадиган ҳайвонни ҳайит кунларидан бир неча кун олдин боғлаб қўйиш мустаҳабдир. Чунки бунда ибодатга тайёргарлик кўриш билан бирга унга бўлган рағбат ҳамда ихлосни изҳор қилиш бордир ва бу иш учун кишига ажру савоблар берилади”, деганлар. Валлоҳу аълам.
Ўзбекистон мусулмонлари идораси
Фатво маркази.
👍
YouTube
👍
Instagram
👍
Facebook
👍
Ummalife
😎
РАСМИЙ САҲИФА
✅
УЛАШИНГ
🗣