Rost24 | Расмий канал

⚡️
Автомобил йўллари қўмитасига нисбатан жиноий иш очиладими?
Қурган йўллари битта ёмғирга чидамайдиган қўмитанинг йўл ўтказгичи ҳам битта ёмғирга дош бермади
.
Мирзо Улуғбек туманидаги «Буюк Турон» кўпригининг қурилганига ҳали икки йил ҳам тўлмасдан, йўл  ўпирилиб тушди. 2024 йил август ойида фойдаланишга топширилган, тахминан 130 миллиард сўм сарфланган бу иншоотнинг бунчалик қисқа вақтда яроқсиз ҳолга келиши қурилиш сифати ва хавфсизлик масаласини кескин кун тартибига олиб чиқди. Биргина ёмғирдан кейин кўприкнинг бундай аҳволга келиши жиддийроқ бирор қурилиш борасида сифат даражаси бўйича бир қатор саволларни келтириб чиқаради.
Тошкент шаҳар ҳокимлиги матбуот хизмати бу кўприк «Ўзавтойўл» буюртмаси асосида қурилганини айтиб, гўёки масъулиятни бошқа томонга юкламоқда. Бироқ, пойтахт ҳудудида жойлашган, катта маблағ сарфланган объект бўйича ҳокимият мутлақо четда турган бўлиши мумкинми? Объект қабул қилинаётганда ҳокимият ва мутасаддилар қаерга қараган?
Қурилиш меъёрлари ва техник назорат органлари бундай объектларда қурилиш жараёнини босқичма-босқич текшириши шарт. Агар текширувлар ўтказилган бўлса, нега натижа бундай бўлди? Агар текширув бўлмаган бўлса, бу янада оғирроқ саволларни туғдиради. Тегишли масъулларнинг жавобгарликка тортилиши билан тугамаса, бу жараён давом этаверади.
Яхшиямки, ўпирилиш пайтида кўприк устида автомобиллар ёки одамлар бўлмаган. Акс ҳолда оқибатлар жуда оғир бўлиши мумкин эди.
Бу ҳолатга «ёмғир сабаб бўлди» деган изоҳ беришнинг ўзи ўта кулгили ва уятли баҳона. Сардобадаги тўғон ёрилишига балиқлар, кўприк қулашига ёмғир, бу каби баҳоналарнинг рўйхати тугамайди. Ўзи бизда бирор мутасадди, бирор раҳбар, бирор масъул шахс жавобгар бўладими ҳеч? Бу қадар жиддий талофатлардан сўнг, қурилиш вазири, шаҳар ҳокими, Автомобиль йўллари қўмитаси раҳбари биргаликда чиқиб, талафотларни тўлаб, истеъфо берса ҳам арзийди. "Жабрланганлар йўқ" дея берилаётган баёнотларда сизнинг ҳеч қандай ҳиссангиз йўқ, жаноблар. Агар бу ўпирилиш тиғиз вақтларда бўлганида эди, қандай даҳшатли оқибатларга олиб келганини ўйлашнинг ўзи ҳам қўрқинчли бўлган бўлар эди.
Қолаверса, гап юз миллиардлаб халқ маблағи сарфланган иншоот ҳақида кетмоқда. Шунинг учун, лойиҳадан тортиб қабул қилишгача бўлган барча босқичлар очиқ текширилиши, масъуллар эса, албатта, жавоб бериши керак.
📱
ROST24.uz
📱
Telegram
📱
Facebook
📱
Instagram
📱
YouTube
📱
Tezkor

⚡️
Ўзбекистонда уй-жой ва автомобиль хариди 1 апрелдан фақат нақд пулсиз тартибда амалга оширилади
Ўзбекистонда 2026 йил 1 апрелдан бошлаб айрим тўловлар фақат нақд пулсиз шаклда амалга оширилади. Яъни энди банк карталари ёки электрон тўлов тизимлари орқали ҳисоб-китоб қилиш тартиби
жорий этилади.
Бу ҳақда президентнинг 10 декабрда қабул қилинган «Нақдсиз ҳисоб-китобларни оммалаштириш ва яширин иқтисодиёт улушини қисқартиришга қаратилган қўшимча чора-тадбирлар тўғрисида»ги фармонида белгиланган.
Фармонга мувофиқ, қуйидаги тўловлар нақд пулсиз шаклга ўтказилади:
— давлат органлари томонидан кўрсатиладиган хизматлар учун тўловлар;
— электр энергияси, табиий газ ва ичимлик сувидан фойдаланганлик учун ҳисоб-китоблар;
— алкоголь ва тамаки маҳсулотлари учун тўловлар;
— АЁҚШлар орқали нефть-газ маҳсулотларини сотиб олиш, шунингдек, электромобилларни қувватлаш хизматлари;
— қиймати 25 миллион сўмдан юқори бўлган товар ва хизматлар;
— кўчмас мулк объектлари, шунингдек, ишлаб чиқарилганига 10 йилдан ошмаган M, N, O ва G тоифасига кирувчи транспорт воситалари ҳамда махсус автотранспортларни сотиш ва сотиб олиш билан боғлиқ битимлар.
Ҳужжатга кўра, 2030 йилгача мамлакатда икки муҳим мақсадга эришиш режалаштирилган. Улардан бири — ялпи ички маҳсулотга нисбатан кузатилмайдиган иқтисодиёт улушини 1,3 бараварга қисқартириш. Иккинчиси эса савдо ва хизмат кўрсатиш соҳаларида аҳоли томонидан амалга ошириладиган нақд пулсиз тўловлар улушини 75 фоизга етказишдан иборат.
📱
ROST24.uz
📱
Telegram
📱
Facebook
📱
Instagram
📱
YouTube
📱
Tezkor

“Хотин-қизлар дафтари” орқали минглаб аёлларга ёрдам кўрсатилгани айтилади. Бу рўйхатга кирган аёлларнинг қанчаси ҳақиқатан ҳам муаммосини ҳал қилиб, доимий иш ёки барқарор даромадга эга бўлган?
📱
ROST24.uz
📱
Telegram
📱
Facebook
📱
Instagram
📱
YouTube
📱
Tezkor

⚡️
Эрон президенти: АҚШ ва Исроил энг йирик ислом давлатларини парчалашга уринмоқда
Эрон президенти Масъуд Пезешкиён АҚШ ва Исроил энг йирик ислом давлатларини парчалашга интилаётганини
билдирди.
У бу ҳақда жума куни кечқурун Миср президенти Абдулфаттоҳ ас-Сиси билан бўлиб ўтган телефон мулоқоти чоғида айтган. Пезешкиённинг таъкидлашича, Вашингтон ва Тель-Авив минтақада Эрон, Миср, Туркия ва Саудия Арабистони каби йирик давлатларнинг мавжудлигини истамайди.
Телефон суҳбати давомида икки мамлакат раҳбари АҚШ ва Исроилнинг Эронга ҳужумидан кейин юзага келган сўнгги минтақавий ва халқаро воқеалар юзасидан фикр алмашди. Пезешкиённинг айтишича, Эрон музокаралар жараёнида иштирок этиб турган бир пайтда яна ҳужумга учраган.
«Шу тариқа Вашингтон ҳақиқий тинч йўл билан ҳал этишдан манфаатдор эмаслиги исботланди», — деди у.
Эрон президенти яна бир бор АҚШ ва Исроил Эрон, Миср, Туркия ва Саудия Арабистони каби йирик ислом давлатларининг минтақадаги ўрни ва таъсирини қабул қила олмаётганини таъкидлади. Шунингдек, Пезешкиён АҚШ президенти Дональд Трампнинг Эронни терроризмда айблаган баёнотларига ҳам муносабат билдирди.
Унинг сўзларига кўра, «америкалик ва исроиллик тажовузкорлар Эрон раҳбарлари, олимлари, қўмондонлари ва оддий фуқароларига қарши оммавий қирғинлар уюштирган, шунингдек, кўчалар ва жамоат йиғинларида мактаб ўқувчиларини ҳам ўлдирган».
Пезешкиён ислом мамлакатларини мусулмон оламини бўлиб ташлашга қаратилган уринишларга нисбатан ҳушёр бўлишга чақирди. У минтақа давлатлари томонидан бирликни мустаҳкамлаш, барқарорликни тиклаш ва тинчликни таъминлашга қаратилган ҳар қандай ташаббусни қўллаб-қувватлашини билдирди.
Миср президенти Абдулфаттоҳ ас-Сиси эса сўнгги АҚШ-Исроил тажовузи оқибатида ҳалок бўлган Эрон фуқаролари муносабати билан таъзия билдирди. У Миср минтақада уруш, беқарорлик ва хавфсизликка таҳдид солувчи ҳаракатларга қарши эканини яна бир бор таъкидлади.
Ас-Сисининг таъкидлашича, баҳс ва зиддиятлар фақат дипломатик йўл билан ҳал қилиниши керак. У можаронинг давом этиши минтақавий ва глобал барқарорликка таҳдид солиши мумкинлигидан огоҳлантириб, барча томонларни босиқликка чақирди. Шунингдек, у Миср урушни тўхтатиш, тинчлик ва хавфсизликни тиклаш йўлида барча саъй-ҳаракатларни амалга оширишга тайёр эканини билдирди.
📱
ROST24.uz
📱
Telegram
📱
Facebook
📱
Instagram
📱
YouTube
📱
Tezkor

⚡️
Рамазон ҳайити ва Наврўз туфайли баъзи ходимлар 4 кун кетма-кет дам олади
Туркий давлатлар ташкилотига аъзо мамлакатлар Фатво қўмитаси ҳисоб-китобига кўра, 2026 йилда Рамазон ойи 19 февралда бошланган, Рамазон ҳайити эса 20 март, жума кунига тўғри келиши кутилмоқда. Ўзбекистонда Рамазон ойининг 19 февралдан бошланиши президент қарори билан маълумот учун қабул қилинган.
Шу сабаб, агар Ҳайит 20 март куни нишонланса, 5 кунлик иш ҳафтасида ишловчилар 20 март — жума, 21 март — шанба, 22 март — якшанба ва 23 март — душанба кунлари дам олади. Бунда 23 март дам олиш куни 21 мартдаги Наврўз байрами 5 кунлик иш ҳафтасидаги дам олиш кунига тўғри келгани учун кўчирилади.
6 кунлик иш ҳафтасида ишловчилар эса 20, 21 ва 22 март кунлари дам олади. Улар учун 23 март, душанба иш куни бўлади. Бу ҳолат дам олиш куни байрамга тўғри келганда кейинги иш кунига кўчирилиши ҳақидаги Меҳнат кодекси қоидасидан келиб чиқади.
Шунингдек, ишланмайдиган байрам куни арафасида иш вақти камида бир соатга қисқартирилади. Шу боис 19 март, пайшанба куни иш куни қисқартирилган тартибда бўлиши кутилмоқда.
📱
ROST24.uz
📱
Telegram
📱
Facebook
📱
Instagram
📱
YouTube
📱
Tezkor

⚡️
Президентимиз Халқ қабулхоналари фаолиятини янада кучайтириш чора-тадбирларини белгилаб берди
Президент Администрациясига ҳокимлар билан биргаликда Халқ қабулхоналарига муаммоларнинг моҳиятини тушунадиган замонавий кадрларни жамлаш, мурожаатларни тизимли таҳлил қилиш бўйича алоҳида назорат гуруҳи фаолиятини йўлга қўйиш топширилди.
Президент Администрацияси Коммуникациялар департаменти ҳар ойда Халқ қабулхоналарига келиб тушган мурожаатларни таҳлил қилиб, умумлаштиради, вазирлар ва ҳокимларга етказиб, ижросини назорат қилади. Одамлар кайфиятига таъсир қилаётган масалалар бўйича раҳбарлар ҳисоботини эшитиб боради, энг муаммоли масалалар бўйича таклифларни Ҳукуматга киритади.
Ҳукуматда вазирлик ва идораларнинг раҳбар ходимларидан иборат Тезкор штаб тузилади. Кўтарилган масалалар ҳудуд ва тармоқлар кесимида жойига чиққан ҳолда ҳал қилинади.
Халқ қабулхоналарига мурожаатларни кўриб чиқиш тартибини бузган идораларга мажбурий бўлган кўрсатмалар бериш ваколати берилади.
Коммуникациялар департаментига мурожаатлар билан ишлаш бўйича давлат идоралари рейтингини йўлга қўйиш ва ҳар олти ойда эълон қилиб бориш топширилди.
Бош прокурорнинг комплаенс бўйича ўринбосари олдига бу борадаги барча топшириқлар ижросини қатъий назоратга олиш вазифаси қўйилди.
📱
ROST24.uz
📱
Telegram
📱
Facebook
📱
Instagram
📱
YouTube
📱
Tezkor

✅️
#Рамазон_ҳикмати
Жуда кўп нарсани ҳис этиб, англаб турган зотнинг ҳаёти қийин кечади. Ҳаётни жуда қисқа қилиб бўлиб олиб, буёғи меники, нариги ёғи билан ярим тийинлик ишим йўқ, дейдиган одам бахтлидир...
✍️
Рауф Парфи
🌸
Кунингиз хайрли ўтсин!
ROST24.uz
|
Telegram
|
YouTube

⚡️
Яқин шарқдаги уруш навбатдаги босқичга ўтди
Яқин Шарқдаги уруш янги ва хавфли босқичга кирди: АҚШ ва Исроилнинг Эронга кенг кўламли ҳужумлари ортидан минтақада минглаб қурбонлар, юз минглаб қочқинлар ва кескин геосиёсий таранглик юзага келди. Тўқнашувлар нафақат Эрон ва Исроил, балки бутун минтақани олов ичида қолдирмоқда.
Ютубда кўриш:
https://youtu.be/jAhR3XOgnvg
📱
ROST24.uz
📱
Telegram
📱
Facebook
📱
Instagram
📱
YouTube
📱
Tezkor

⚡️
Ҳокимлар KPI ортидан қувса, ҳудуд ривожланиб кетадими?
Маҳаллий раҳбарлар фаолиятини баҳолаш учун турли KPI кўрсаткичлари қаторида, ҳокимларга пилла бўйича ҳам KPI белгиланибди. Яъни, ҳудуд раҳбари қанча пилла етиштирилгани орқали ҳам баҳоланади. Қизиқ, ҳокимнинг иши ҳақиқатан ҳам пилла ёки бошқа бир маҳсулот ҳажми билан ўлчаниши керакми? Бу у раҳбарлик қилаётган ҳудуд ривожланишида муҳим аҳамиятга эгами?
Аслида ҳоким фермер ёки тадбиркор эмас. Унинг асосий вазифаси ҳудудда тизимни ишлатиш, иқтисодий муҳитни яхшилаш ва одамларга қулай шароит яратиш. KPI тизими баъзан муаммолар устида эмас, рақамлар, ҳисоботлар учун ишлашга олиб келади. Оқибатда эса, ҳокимлар реал ислоҳотдан кўра, статистикани тўғрилаш билан банд бўлиб қолиши турган гап.
KPI нимага қаратилган бўлиши керак?
Ҳокимлар фаолияти самарадорлигини баҳолаш, уларнинг фаолияти билан аҳоли турмуш даражасини дунё миқёсига чиқариш пилла, пахта билан белгиланмаслиги керак. Буларни балки, ҳудудда янги иш ўринлари қанча яратилгани, тадбиркорлик қилиш қанчалик осонлашгани, қанча инвестиция жалб қилингани, аҳоли даромадининг ўсгани, коммунал хизматлар сифати яхшилангани, йўл, мактаб, тиббиёт каби инфратузилма қай даражада ривожлангани билан белгилаш тўғрироқ бўлмасмиди? Аслида, мазкур тизим ишга туширилганда айнан шу мақсадлар кўзда тутилмаганмиди? Ҳақиқий мақсад ҳам шу эмасми?
Пилла ёки пахта ҳажми қишлоқ хўжалиги тармоғининг натижаси. Ҳокимнинг вазифаси эса, фермерни мажбурлаш эмас, балки унинг ишлашини осонлаштиришдир. Ҳозир юқоридаги талаб билан ҳокимнинг фермерга босими ортиши табиий ҳол.
Бу ўзини кўрсатиш фонида, ҳокимликлар фаолиятида пиар тобора кучайиб бормоқда. Ҳар бир ташриф, ҳар бир йиғилиш, ҳатто оддий топшириқ ҳам катта ахборот кампаниясига айланиб, телеграм каналлар, видеолар, репортажларда, имкон қадар бўрттиришга уринилади, бу ишда матбуот котиблари гўёки мусобақалашишаётгандек.
Албатта, очиқлик ва ахборот бериш муҳим, аммо ҳамма нарсада ҳам мазмун, натижа биринчи ўринда бўлиши керак-ку? Бундай ҳолат эса жамоатчиликда ҳокимлар ишлаяптими ёки ишлаётгандек кўринишга ҳаракат қиляптими, деган савол туғдириши табиий.
Аслида муаммо алоҳида бир ҳокимда эмас. Муаммо тизимга нотўғри ёндашилаётганида. Агар баҳолаш фақат режа ва рақамга боғланса, ҳар қандай раҳбар шу рақамни бажаришга уриниш билан овора бўлади, бу эса реал иқтисодий ривожланишга эмас, ҳисобот учун ишлашга олиб келади.
Ҳокимларнинг ишини баҳолаш пилла, пахта ёки бошқа бир маҳсулот билан эмас, ҳудуддаги ҳаёт сифати билан боғланиши керак. Акс ҳолда, KPI кўрсаткичлари билан ҳақиқий ривожланишга эмас, фақат ҳисоботларнинг ўсиб боришига эга бўламиз холос.
📱
ROST24.uz
📱
Telegram
📱
Facebook
📱
Instagram
📱
YouTube
📱
Tezkor

⚡️
Водийдаги заправкаларда газ танқислигининг олдини олиш учун кўчма контейнерлар ишга туширилади “Ҳудудгазтаъминот” масъулининг ОАВ вакилларига маълумот беришича, ҳар йили қиш мавсумида водий вилоятларидаги автомобилларга газ қуйиш шохобчаларидаги газ танқислигининг…