Rost24 | Расмий канал

⚡️
"Чиройли ҳисоботдан бошқа балониям билмайди”
Президент ИИВ ва пойтахт ИИББ масъулларини кескин танқид қилиб, ички ишлар тизимида жиноятларни фош этиш ва профилактика ишлари етарли даражада олиб борилмаётгани айтди.
Шавкат Мирзиёев тергов бўйича вазир ўринбосари Рамазон Ашрафов икки йилдан бери лавозимда бўлса-да, аммо амалда ходимлар билан ишлаб, жиноятларни очишга ўргатмаётганини айтди.
“Нега хонасидан чиқиб, терговчиларни жиноятни фош қилишга ўқитмайди?”, деган президент.
Тошкент шаҳар ИИББ бошлиғининг тергов-қидирувга масъул биринчи ўринбосари Фарҳод Хасанов ҳам танқид қилинди, маълум бўлишича, у жиноятчиликни 2 мингтага камайтирдик, деб чиройли ҳисобот беришдан бошқа иш қилмаяпти.
📱
ROST24.uz
📱
Telegram
📱
Facebook
📱
Instagram
📱
YouTube
📱
Tezkor

⚡️
Энди абонент пули тўланмаса ҳам телефон рақами бир йилгача сақланади
Телекоммуникация хизматлари қоидалари янгиланиб, абонентлар учун муҳим қулайликлар жорий этилди.
Рақамни сақлаш муддати узайтирилди.
Мобил алоқа абонентлари шахсий ҳисобида маблағ хизмат кўрсатишни давом эттириш учун етарли бўлмаганда мобил алоқа оператори ва абонент ўртасида тузилган шартномани бекор қилиш
(мавжуд бўмаган рақам ҳолатига ўтказиш)
муддати
2 ойдан 1 йилга
узайтирилади.
Шунингдек, тарифни бепул алмаштириш мумкин.
Абонентлар амалдаги тариф режасини исталган бошқа тариф режаси билан бепул алмаштириши мумкин бўлади (бундан муайян гуруҳ ёки маълум чекланган ҳудуд учун ишлаб чиқилган алоҳида тариф режаларига ўтиш мустасно).
Олдиндан огоҳлантириш мажбурий қилинди.
Амалдаги тарифлар шартлари ўзгарганда, абонентлар бу ҳақда камида 15 кун олдин оммавий ахборот воситалари, расмий веб-сайт ёки СМС хабарномалар орқали мажбурий тартибда хабардор қилинади.
Энди уйга бориб хизмат кўрсатиш йўлга қўйилади.
Аҳолига қўшимча қулайлик яратиш мақсадида, хизмат кўрсатиш пунктига келиш имконияти бўлмаган фуқаролар учун яшаш жойига бориш, олис ва етиб бориш қийин бўлган аҳоли пунктларида сайёр мобил алоқа хизматларини кўрсатиш йўлга қўйилади.
📱
ROST24.uz
📱
Telegram
📱
Facebook
📱
Instagram
📱
YouTube
📱
Tezkor

⚡️
Давлат активлари агентлиги директори ишдан олинди, “Ўзбекнефтгаз”да тафтиш давом этмоқда
Шавкат Мирзиёев ҳозирда “Ўзбекнефтгаз” АЖ ва Давлат активларини бошқариш агентлигида кенг кўламли тафтиш ишлари олиб борилаётганини маълум қилди. Давлат раҳбари ушбу идораларда миллиардлаб сўмлик талон-тарожликлар аниқланганини қайд этди.
Жумладан, Давлат активларини бошқариш агентлигининг мансабдор шахслари бозор қиймати камида 250 миллиард сўм бўлган ер участкасини ёпиқ аукцион орқали 120 миллиард сўмга сотиб юборгани маълум бўлди.
Ушбу ҳолатлар сабаб агентлик директори А. Ортиқов лавозимидан озод этилди.
Президент мазкур идораларда йиллар давомида коррупция авж олган бўлса, хавфсизлик учун масъул тузилмаларнинг фаолияти ҳам қониқарсиз бўлганини танқид қилди.
Давлат хавфсизлик хизмати раисига “Ўзбекнефтгаз” АЖ ва Давлат активларини бошқариш агентлиги учун масъул бўлган ходимларнинг жавобгарлигини кўриб чиқиш топширилди. Шунингдек, давлат мулкларининг сотилиши билан боғлиқ барча ҳолатларни синчковлик билан текшириб, коррупциявий схемаларни фош қилиш ва жазо муқаррарлигини таъминлаш вазифаси қўйилди.
📱
ROST24.uz
📱
Telegram
📱
Facebook
📱
Instagram
📱
YouTube
📱
Tezkor

⚡️
Россия элчиси Ташқи ишлар вазирлигига чақиртирилди
Вазирликда ўтказилган учрашувда Ўзбекистон томонидан Россия Федерациясининг ҳудудларида фаолият юритаётган
Ўзбекистон Республикаси бош консуллари иштирок этган
. Бу эса жойлардаги амалий иш тажрибасини инобатга олган ҳолда
кўтарилган масалаларни аниқ ва атрофлича кўриб чиқиш имконини бериши
таъкидланмоқда.
Россия томонидан эса дипломатик ваколатхонанинг
консуллик бўлими раҳбарияти, миграция масалалари бўйича масъул ходимлар
ҳамда
ҳуқуқни муҳофаза қилувчи органлар вакиллари
қатнашган
.
Ўзбекистон томони
миграция текширувлари ва рейд тадбирлари ўтказилаётган жараёнда
Ўзбекистон Республикаси фуқароларининг
ҳам қонунга риоя қилаётган, ҳам миграция қонунини бузган фуқароларнинг ҳуқуқлари ва инсоний қадр-қимматини камситишнинг ҳар қандай шаклига йўл қўйилмаслиги принципиал аҳамиятга эга
эканини алоҳида таъкидлаган.
Алоҳида ҳолатлар, хусусан рус пропогандачиларининг миллатлар ўртасида қарама-қаршиликларга сабаб бўлувчи гаплари, юртдошларимизга нисбатан қилинган ноқонуний ҳаракатлар ҳақида Ўзбекистон ТИВнинг хабарида ҳеч нарса дейилмаган.
📱
ROST24.uz
📱
Telegram
📱
Facebook
📱
Instagram
📱
YouTube
📱
Tezkor

⚡️
Профилактика инспекторлари учун янги имтиёзлар жорий этилади
Йиғилишда ички ишлар тизимида кадрлар қўнимсизлигига барҳам бериш, малакали ва фидойи ходимларни қўллаб-қувватлаш масалалари муҳокама қилинди. Ички ишлар вазирлиги асосан қурилиш ва техникага эътибор қаратаётгани, қуйи бўғиндаги ходимларнинг ижтимоий муаммолари эса етарлича кўтариб чиқилмаётгани танқид қилинди.
Маълум қилинишича, юздан ортиқ профилактика инспекторлари билан ўтказилган суҳбатларда уларнинг моддий ва ижтимоий муаммолари йиғилиб қолгани аниқланган. Шу муносабат билан профилактика инспекторларини қўллаб-қувватлаш ва уларнинг жамиятдаги нуфузини ошириш бўйича қатор янги чора-тадбирлар белгиланди.
Хусусан, жорий йил 1 июлдан пойтахтдаги профилактика ходимларига ушбу соҳада кўп йиллик иш стажи учун 5 миллион сўмгача ойлик устама тўланади.
Шунингдек, 1 февралдан юридик олийгоҳни тамомлаб, ички ишлар тизимига ишга кирганларнинг ўқиш даври хизмат стажига қўшилади.
Вилоятлардан келиб, Тошкентда хизмат қилаётган ички ишлар ходимларининг уй ижараси учун бериладиган ойлик компенсация 1,8 миллион сўмдан 3,1 миллион сўмга оширилади.
Бундан ташқари, 1 февралдан ички ишлар ходимлари учун қурилаётган уй-жойларнинг 30 фоизи профилактика инспекторларига ажратилади.
📱
ROST24.uz
📱
Telegram
📱
Facebook
📱
Instagram
📱
YouTube
📱
Tezkor

⚡️
Президент Администрацияси вакили пойтахт туманларининг бири учун масъул этиб белгиланмоқда
Тошкент шаҳрида хавфсиз муҳитни яратиш учун “пойтахт намунаси” лойиҳаси ишга туширилади. Ҳар бир вазирга битта туман бириктирилади. Шунингдек, Президент Администрацияси вакили ҳам алоҳида туман учун масъул этиб белгиланади. Лойиҳа ҳудудларда хавфсизликни кучайтириш ва давлат органлари жавобгарлигини оширишга қаратилган.
Шунингдек, энди тунги хизмат учун ички ишлар ва Миллий гвардия ходимларига компенсация тўланиши айтилди.
Ички ишлар ва Миллий гвардия ходимларига тунги хизматининг ҳар соатига базавий ҳисоблашнинг 5 фоизи миқдорида компенсация тўланади.
Аҳолининг ҳуқуқларини таъминлаш ва қулай шароит яратиш мақсадида судлар, адвокатура, суд-тиббий экспертизанинг ҳам марказлашган тунги навбатчилигини ташкил этиш бўйича хорижий тажрибани ўрганиш топширилди.
Илғор тажриба асосида аҳоли гавжум жойларда дрон ёрдамида патруллик кузатуви йўлга қўйилади.
Чилонзор тумани ички ишлар ходимлари соҳаси ва ҳудудидан қатъи назар, фуқаро мурожаатини қабул қилади, кўчада формали ходимга қилинган мурожаат “102”га хабар берган билан тенг бўлади.
Тумандаги барча 55 та маҳалладаги профилактика инспекторининг хизмат хонаси эшиги у билан тезкор боғланиш учун алоқа тугмаси билан жиҳозланади. Яъни профилактика инспектори қаерда бўлмасин, аҳоли уни қўл телефони ва планшетига тун-у кун боғланиши мумкин бўлади.
Профилактика инспектори учун замонавий, халққа ёқадиган кўринишда формани тайёрлаш топширилди. Инспекторларнинг иши рақамлаштирилади, “овозли тушунтириш хати” олиш амалиёти йўлга қўйилади.
Шунингдек, туман ички ишлар тергов бўлимида материалларни кўриб чиқадиган терговга қадар текширув гуруҳлари тузилади.
Бундан буён профилактика инспекторига КПИ қўйишда протокол тузиш мезон бўлмайди. “Ҳуқуқбузарликлар профилактикаси тўғрисида”ги қонун ҳам жуда декларатив ёзилгани, ҳақиқий ҳолат асосида амалда ишлайдиган янги қонун лойиҳасини ишлаб чиқиш, Маъмурий жавобгарлик тўғрисидаги кодексни ҳам профилактикага йўналтирган ва таъсирчанлигини оширган ҳолда янгилаш муҳимлиги таъкидланди.
📱
ROST24.uz
📱
Telegram
📱
Facebook
📱
Instagram
📱
YouTube
📱
Tezkor

Ёшлар ишлари агентлиги, Мактабгача ва мактаб таълими, Олий таълим, фан ва инновациялар вазирликларида
гиёҳвандликка нисбатан тоқатсизлик муҳитини шакллантириш мақсадида
раҳбарнинг алоҳида ўринбосари лавозими жорий этилади.
📱
ROST24.uz
📱
Telegram
📱
Facebook
📱
Instagram
📱
YouTube
📱
Tezkor

⚡️
Қайтарув гуруҳлари ташкил қилинади
Йиғилишда юртимизда эътиқод эркинлиги Конституция билан мустаҳкамлангани ва диний бағрикенглик сиёсатини давом эттирилиши таъкидланиб, аммо бугун турли радикал ва экстремистик ғоялар ахборот технологиялари орқали ёшларимиз онгини заҳарлашга уринаётгани айтилди.
Фақат жазо ва тақиқ билан бу муаммони ҳал қилиб бўлмаслиги, маақсад – адашганни тўғри йўлга қайтариш, жаҳолатга қарши маърифат билан курашиш экани таъкидланди.
Бундан буён пойтахтнинг ҳар бир туманида “Қайтарув гуруҳлари” фаолияти доимий асосда ташкил қилиниши маълум қилинди.
Ушбу гуруҳларга Ўзбекистон халқаро исломшунослик академияси, Тошкент ислом институти, «Кўкалдош» ўрта махсус ислом билим юрти, Ўзбекистон Миллий университетининг етук мутахассислари жалб қилинади. Гуруҳ аъзолари моддий рағбатлантирилади.
📱
ROST24.uz
📱
Telegram
📱
Facebook
📱
Instagram
📱
YouTube
📱
Tezkor

⚡️
Чет элда юртимизнинг обрўсига путур етяпти — Президент
Йиғилишда уч йил олдин Ички ишлар вазирлигида ташкил қилинган кибержиноятчиликка қарши курашиш бошқармасининг иши ҳали кўринмаётгани қайд этилди.
Президентнинг маълум қилишича, ўтган йили пойтахтда кибержиноятлар сони 16 мингдан ортиб, фуқаролар қарийб 2 триллион сўм моддий зарар кўрган бўлса, уларни фош этиш 8 фоизга ҳам бормаяпти.
Жиноятчилар банк тизимидаги бўшлиқдан, аҳолининг ишонувчанлигидан ва технологик билими етишмаслигидан фойдаланмоқда.
Давлат раҳбари ички ишлар ва прокуратурага бу йўналишда барча масалаларни ҳал қилиб берганини айтиб, натижа сўради. «Банк ва тўлов ташкилотларида ҳимоя тизимларини жорий этиш қачон якунланади?” – деган президент.
Шунингдек, Мирзиёев наркожиноятчилик ва уюшган гуруҳларга қарши кураш бўйича наркоканалларнинг охирги манбаси ва ҳомийларигача етиб бориш учун масъулларда қатъият йўқлигини танқид қилди.
Пойтахтда наркожиноятларнинг сони 4 мингдан ошган. Қўлга олинган 112 та уюшган жиноий гуруҳ 1 минг 300 дан ортиқ жиноят қилган.
Мазкур жиноятлар учун айбли деб топилганлар жазони ярмини ҳам ўтамасдан озодликка чиқмоқда. Оқибатда бу жиноятни такроран қилганлар уч йилда 125 фоизга кўпайган.
Президент Администрацияси шуғулланишни бошлагандан кейин бу масалада ўзгариш бўлгани таъкидланди. Сўнгги уч ойда республика бўйича 50 га яқин йирик наркогуруҳлар қўлга олиниб, ярим тонна наркотиклар муомаласига чек қўйилган.
“Энг ёмони, чет давлатларда ҳам ўзимизнинг фуқаролар уюшган гуруҳлар тузиб, юртимиздан борганларга нисбатан товламачилик, зўравонлик, тадбиркорлигига рахна солиш билан шуғулланяпти. Ўзбекларнинг чет элдаги оммавий муштлашувлари юртимиз обрўсига путур етказяпти”, – деди президент.
Ўтган йилнинг ўзида чет элда оғир аҳволга тушган 3 минг 700 нафар фуқароларимиз мамлакатимизга қайтарилиб, 192 нафар фуқаро одам савдоси қурбонига айлангани таъкидланди.
📱
ROST24.uz
📱
Telegram
📱
Facebook
📱
Instagram
📱
YouTube
📱
Tezkor

⚡️
Солиқ тизимини тубдан тозалаш бошланди
Шайхонтоҳур тумани солиқ инспекцияси бошлиғи
Х.Муллажонов
ва Тошкент шаҳар солиқ бошқармаси бошлиғи
Й.Насимджановни ишдан олиб, уларнинг ф
аолиятини синчиклаб ўрганиш вазифаси топширилди.
Солиқ қўмитаси раисига Тошкентдаги
барча туман солиқ бошлиқларини ишдан олиб
, уларни вақтинчалик бажарувчи қилиб қўйиш вазифаси берилди.
Раис
Ф.Пўлатов
ва янги комплаенс ўринбосари
А.Солиев
га коррупцияга
муросасиз муҳит
, раҳбарларни
шижоатли ёшлар
билан алмаштириш вазифаси топширилди.
Бош прокуратура департаменти раҳбар ўринбосари
А.Ғаниев
бугуннинг ўзида ишдан олинган
, унга қўштирноқ остидаги “тадбиркор”ларга
солиқдан қочишда йўл кўрсатиш
айблови қўйилган.
📱
ROST24.uz
📱
Telegram
📱
Facebook
📱
Instagram
📱
YouTube
📱
Tezkor