RTA Pashto - ملي راډیو تلویزیون
تېرو څو میاشتو کې د زندانونو چارو د سمون ادارې له لوري د کابل ولایت مرکزي زندانونو کې ۱۲ فکري او اصلاحي سمینارونه جوړ شوي دي.
#مليتلویزیون
د ریاستالوزرا اداري مرستیال مولوي عبدالسلام حنفي له یو شمېر سیاسي شنونکو او ځینې رسنیزو څېرو سره ناسته او یو ځايي روژه ماتی کړی.
ښاغلي حنفي په دې غونډه کې د سیاسي شنونکو د فعالیتونو ستاینه کړې او ویلي یې دي، چې اوسنی اسلامي نظام د ملت د قربانیو پایله ده او د ساتنې لپاره یې ټول متحد دي.
نوموړي زیاته کړه «موږ له هېچا سره جګړه او ستونزې نه غواړو او د متقابل درناوي پر بنسټ له ګاونډیو هېوادونو، د سیمې له هېوادونو او نړۍ سره د ښو اړیکو غوښتونکي یو؛ خو که څوک زموږ ملي حاکمیت نقض کړي، د ملت او نظام دفاع پر ټولو لازمه ده.»
ښاغلي حنفي د وروستیو بریدونو له امله د ملکي وګړو پر تلفاتو خواشیني څرګنده کړه او ویې ویل، دا جګړه پر افغانستان تپل شوې ده او افغانان تر دې مهاله د ملت په ملاتړ او سلا مشورو د شته ګواښونو پر وړاندې بریالي شوي دي.
#مليتلویزیون
#تازه
افغان ځواکونو د خوست غلام خان بندر ته څېرمه له فرضي کرښې ها غاړې د پاکستاني عسکرو پر پوستو انتقامي بریدونه پيل کړي دي.
#مليتلویزیون
#تازه
شېبه وړاندې د پکتیکا، برمل ولسوالۍ ته څېرمه په فرضي کرښه د پاکستاني عسکرو اړوند د شنه سر پر پوسته هم انتقامي عمليات پيل شول.
#مليتلویزیون
د افغاني سرې میاشتې ټولنه وایي، په پکتیا ولایت کې یې له ۳ زره بېځایه شویو کورنیو سره یې نغدي مرسته کړې دي.
د دغې ادارې د معلوماتو له مخې، ۴۵ میلیونه افغانۍ پر یادو کورنیو وېشل شوې دي چې د هرې کورنۍ برخه ۱۵ زره افغانۍ ټاکل شوې ده.
#مليتلویزیون
د ملي دفاع وزارت هوايي ځواکونو د تېرې شپې د بریدونو د غچ اخیستنې په موخه په جنوبي وزیرستان کې د پاکستاني پوځ په یوه ځانګړي کمپ برید کړی.
#مليتلویزیون
#تازه
خوست کې د پاکستاني پوځي رژيم له لوري د هاوانونو او توپونو بريدونو کې دوه ماشومان شهيدان او دوه تنه نور ټپیان شوي دي.
د خوست ولایت د سپېرې ولسوالۍ اړوند د افغان دوبۍ په سیمه کې د پاکستاني پوځي رژيم له لوري د عامو خلکو پر کورونو د هاوانونو او توپونو بريدونه شوي دي. د دغو بريدونو په پايله کې دوه تنه ماشومان شهيدان شوي او دوه تنه نور ټپیان شوي دي. دغه راز د سيمې د عامو خلکو يو شمېر کورونه هم تخريب شوي دي.
#مليتلویزیون
#تازه
د پاکستان فوځي رژیم نورستان ولایت په کامدیش ولسوالۍ کې یو ملکي کور په نښه کړی.
د اسلامي امارت مرستیال ویاند ملا حمدالله فطرت وايي، په دغه برید کې یو تن شهید شوی او کور په بشپړه توګه له منځه تللی.
#مليتلویزیون
د غزني ولایت یو تن مجاهد وايي، افغان دفاعي ځواکونو له پاکستاني رژیم څخه د خپلو بې ګناه وګړو غچ اخیستی او تل به یې پر وړاندې ولاړ وي.
#مليتلویزیون
د افغانستان ملي راډیو ټلویزیون رهبرۍ له لوري د کارکوونکو د ستاینې او د یاد ریاست د مرستیال هدایتالله هدایت د خدای پامانۍ مراسم د یوې غونډې په ترڅ کې ترسره شول.
#مليتلویزیون