SAFAR

Тошкентдан уй олиш — ҳалиям жозибали инвестициями ёки риск?
Ўзбекистонда кўчмас мулк бозори ҳозир қизиқ нуқтада:
Уйлар ўртача
14,6%
даромад келтирмоқда.
Марказдаги кичик (1-2 хонали) хонадонларнинг рентабеллиги баъзан
50% гача
чиқиши мумкин. Бу дегани, агар уйни тўғри танласангиз, у офисдаги йиллик премиялардан кўпроқ фойда келтириши ҳеч гапмас.
Германия ёки Швейцария каби давлатларда аҳолининг 50% дан ортиғи умрбод ижарада яшайди. Бу уларга мобиллик беради: янги иш таклифи чиқса, тезгина бошқа шаҳарга кўчиб кетишади.
Аммо АҚШ ва Буюк Британияда уй сотиб олиш — бу асосий
"retirement plan"
(пенсия жамғармаси) ҳисобланади.
Тошкент шароитида ҳам уй — бу нафақат яшаш жойи, балки келажакдаги молиявий "хавфсизлик ёстиқчаси"дир.
Уй
олаётганда унда яшашни эмас, уни сотишни ёки ижарага беришни ўйланг. Локация, метрога яқинлик ва бизнес-марказлар атрофидаги уйлар ҳар доим трендда.
Умуман Тошкентдан уй олиш — агар ҳисоб-китоб билан қилинса, энг тўғри инвестиция. Аммо бозордаги янги қоидаларни билмаслик қимматга тушиши мумкин.
Шу каби таҳлиллар, банк, молия ва иқтисодиётга оид маълумотларни
@Bankir
каналида кузатиб боринг.
Батафсил

Туркиялик йигит дастурчиликни ташлаб, пиццахона очди.
"Мен код ёзардим ва ой охиригача қандай кун кўраман деган хаёл билан яшардим. 12 соатлаб компьютер қаршисида ўтирсам ҳам, яшашим учун етарли пул топа олмасдим.
Пиццачилик иши жисмонан чарчатиши мумкин, аммо мен илк бор хотиржамлик нималигини ҳис қилдим. Миям тинчланди. Олдин кечалари хатоларим ҳақидаги хабарномалардан уйғониб кетардим, ҳозир эса хамир ошганини текшираман холос.
Мен ишимни ёмон кўриб қолганим учун эмас, бундай ҳаёт мени емира бошлагани учун кетдим.
Корпоратив мажлисларда муҳокама қилинган нарсаларнинг ҳеч бири реал ҳаётга алоқадор эмасди.
Пиццахона очганимни одамлар ҳазил деб ўйлаяпти, бироқ ҳозир мен нима учун пул олаётганимни ҳис қила бошладим".
Бундан 5-6 йил олдин пединститутни битирганлар бозорда нарса сотса ёки молияни битириб, таксичилик қилаётганларни кўрсак ҳайрон қолардик, мана энди бутун дунё шунақа ҳолатга келяпти. СИ туфайли яна қанча дипломли одам қўл меҳнати талаб қилинадиган ишларга ўтиб кетса, ажабмас.
@safarblog

Миянинг узоқ вақт соғлом ва ёш бўлиб қолиши юриш тезлигига боғлиқ экан (JAMA Network тадқиқоти).
Ҳаммаси жуда оддий: тез-тез юришга кўниккан одам биологик жиҳатдан секинроқ қарийди. Уларнинг бош мия қобиғи зичлиги юқорироқ ва юзи ҳам ёшроқ кўриниши аниқланган.
Секин юрадиган одамларнинг когнитив функциялари эса аксинча, тезроқ пасаяр экан.
Шу ўринда, куни офисда ўтадиган бизга ўхшаган шўрпешоналарга маслаҳат: тушликни офисга буюртма қилиш ўрнига яқин-атрофдаги тамаддихонага тез-тез юриб бориб келган маъқулми дейман. Бу нафақат жисмонан тетикроқ бўлиш, балки қариганда хотира сустлигидан азият чекишга қарши том маънодаги реал қадамлар бўлади.
@safarblog

Баъзи одатлар сабаб одам доимий стресс ҳолатида юради. Нейроэндокринолог ва Стенфорд университети профессори Роберт Сапольски 10та мана шундай зарарли одат рўйхатини тузган:
1. Ҳали содир бўлмаган нарсадан хавотирланиш:
«Зебра шерга 30 сонияга яқин вақт давомида диққат қаратади, кейин хотиржам ўтлашда давом этади» —ҳали бўлмаган нарса учун олдиндан хавотирга тушиш руҳиятни издан чиқаради.
2. Суҳбатларни мияда айлантириш.
Орадан кўп йил ўтган бўлса-да, бирор ёқимсиз суҳбатни ҳадеб мияда такрорлайвериш сизни ўша ҳолатга қайта туширади, чунки мия ўтмиш ва ҳозирнинг фарқига бормайди.
3. Қувватингизни сўриб олувчи муҳитда қолиш:
Сапольски кўп йиллик тадқиқотлари давомида аниқлаганки, нобарқарор гуруҳларда жониворлар ва инсонлар доимий стрессда яшайди. Токсик иш, дўстлик ва муносабатларда ҳам худди шундай.
4. Янгиликлар лентасини мақсадсиз варақлаш:
мунтазам равишда низолар, фожеалар ва йўқотишлар ҳақида ўқиш миллион йиллик қадимий стресс механизмларини ишга туширади.
5. Дам олишни орқага суриш:
агар сиз ҳафта давомида доимий босим остида яшаб, фақат якшанбада дам олсангиз, бу - хато. Яхшиси ҳар кун оз-оздан дам олиб туриш керак.
6. Назоратингизда бўлмаган вазиятлар учун қайғуриш:
атрофдаги ҳамма нарсани назоратда ушлашга уриниш одати сурункали стрессга олиб келади.
7. Меъёридан ортиқ драма ёки зўравонлик билан боғлиқ контент:
бундай контентни ўқиш ёки кўришнинг ўзи ҳам тўлақонли стресс реакциясини ишга туширади. Айниқса, кечки пайт.
8. Одамларга қўшилмаслик:
мулоқот ва қўллаб-қувватлаш бўлмаса, стресс доимий тус олади. Ҳатто дўстлар билан оддий сайр ҳам фойдали.
9. Доим дофамин ортидан қувиш:
мунтазам хурсандчиликка интилиш асаб тизимини толиқтиради ва оқибатда стрессни кучайтиради. Ҳаёт - аттркационлар парки эмас, баъзида зерикиш, ёқмайдиган ишларни бажариш бу - нормал ҳолат.
10. Медитацияларга муккасидан кетиш:
бундай амалиётлар ҳаммага ҳам мос келмайди. Сапольскининг айтишича, баъзан мусиқа ёки хоббининг фойдаси кўпроқ.
Ўйлаймиз ва хулоса чиқарамиз.
@safarblog

39% одам ишда йиғлайди
1018 нафар ходим ўртасида ўтказилган Resume Now тадқиқоти натижаларидан маълум бўлишича, Америка фирмалари ходимларининг 14% фоизи мунтазам равишда иш вақтида йиғлайди. 21% йиғлаворай-йиғлаворай деб турибди.
Ва бунга золим раҳбар айбдор эмас, шунчаки ходимларнинг 52%и ишини йўқотишдан қўрқади.
Шу сабабли ходимларнинг 41% иш вақтида резюмесини янгилаб туради.
Бизда вазият жуда йиғлайдиган эмасу, лекин давлат идораларида ишлайдиган танишларим оиласига вақт ажрата олмаётгани, соғлик ва шахсий ҳаёт "энасиники"га кирганини, бироқ бунга қарши ҳеч нима қилиб бўлмаслигини айтиб нолиб туришади.
Иш топиш қийин. Муносиб даромадли иш топиш ундан ҳам қийин. Агар ишламоқчи бўлган соҳангизда таниш ока(танка)лар бўлмаса.
Йиғламаймизми бизам?)
@safarblog

Ҳамма сунъий интеллект имкониятларини кашф қилиш ва уни ҳамма соҳаларга татбиқ этиш билан банд бўлган бир пайтда Алабамалик ўқитувчи жуда муҳим гапларни айтибди:
— Келажакда одамлар бой ва камбағалга эмас, балки
танқидий фикрлай оладиган
ва бу қобилиятдан маҳрум бўлганларга ажралади.
— Мактаб ўқувчиларида (айниқса, ўрта синфларда) оддий тушунчаларни англаш ва маълумотни хотирада сақлаш даражаси кескин пасаймоқда.
— Оддий англаш кўникмаларига эга бўлмаган янги авлод учун иш топиш ва касбий ўсиш анча қийинлашади.
— Тўқ оилалар фарзандларини технологиялардан (гаджетлардан) чеклаб, уларни китоб ўқиш ва жонли ўйинларга йўналтирмоқда. Бу "енгил кўникмалар" (soft skills) ривожланишига хизмат қилади.
— Келажакда муваффақият гарови СИ (AI) билан ишлаш ёки юқори тест баллари эмас, балки
мустақил ва мантиқий фикр юрита олиш
қобилияти бўлади.
Умуман олганда, қоғоз китобларни ўқиб, маълумотни кутубхонадан қидирган биз ҳам СИ пайдо бўлгач, маънан дангасалашиб қолганимизни тан олиш керак. Кун давомида 80% вақтини экран қаршисида ўтказаётган болаларнинг келажаги ҳақида ўйлаш эса қўрқинчли. Янги дунёда фикрлаш қобилиятига эга бўлмаганлар четда қолиб кетиши мумкин.
@safarblog

Тонгни телефон титкилашдан бошлайдиган одамлар калта ўйлаб қарор қила бошлайди
Reels ва TikTok ихлосмандларида ҳаддан ташқари катта риск қилишдан ҳимояланиш механизми ишдан чиқади ва мия йўқотишлар миқёсини тўғри баҳолй олмайди.
Қисқа видеоларга муккасидан кетган инсонлар МРТ тавсирларида мукофотланиш йўлларини излаш учун жавобгар кулранг модда миқдори ошгани
кўринади
. Ўйин ёки кимёвий моддаларга мукасидан кетган одамларда ҳам худди шундай ҳолат юз беради.
Тонгни жисмоний фаоллик, китоб ўқиш ёки оила даврасидаги нонуштадан бошлаш эса аксинча, қарорларни ички хотиржамлик ва босиқлик асосида қабул қилишга ёрдам беради.
@safarblog

Ўз лойиҳасини ҳимоя қилиб, мажлисда жон берган ўзбек олими
Содиқ Азимовни фақат Тошкентдаги тирбанд кўча номи деб ўйлаймиз. Аслида эса у:
— Денгиз сатҳидан 3 900 метр баландликда космик инқилоб қилган;
— Энг нуфузли хорижий олимларни ўзбекона дўппида кутиб олган.
Коинот сирларини очган, Ўзбекистонга атомни олиб кирган ва ўз ғояси йўлида мажлислар залида жон берган ўзбек даҳоси — Содиқ Азимов ҳақида янги “Ким бу ким” лойиҳасида танишинг.
Видеони кўргач, Паркентдаги Қуёш институтига умуман бошқа кўз билан қарашни бошлайсиз
.
Ҳавола
-
https://youtu.be/NKImgdgc-U0?si=OzocLVdAAHcsXXy-

$300 минг қарзи бўлган кореялик йигит қашшоқликдаги ҳаётини кўрсатиш орқали ижтимоий тармоқлар юлдузига айланди.
Ҳозир у асосий топган пулини қарзларни тўлашга ишлатади, қолганини эса егулик ва йўлкирага сарфлайди.
Блогернинг муваффақият сири оддий: у инқирозга учраганда нима қилиш кераклигини ўргатади. Қўпол қилиб айтганда 1 миллион сўмга бир ой кун кўриш ҳақида қўлланма, фақат Жанубий Корея кўчаларида.
Шу ўринда айтиш керакки, корейслар тежамкорликда унча-бунчасини йўлда қолдиради. Яқинда улардан бири атрофдаги энг арзон дўкон ва кафеларни белгилаш учун бутун бир
харитани
тузибди. Қачондир Кореяга йўлингиз тушса, албатта фойдаланиб кўринг.
@safarblog

Эрталабдан бизнес-режа олиб келдим.
Шундай пул топишингизга нима халақит беради, масалан?
@safarblog