﴿وَلَيُبَدِّلَنَّهُمْ مِنْ بَعْدِ خَوْفِهِمْ أَمْنًا﴾🕊

فلولا ان كان ،للبث
القران بيه جواب لكل سؤال يعني كان ممكن قدر معين من الحزن والهم والغم يستمر لو لا ان يقوم الانسان بمشيئة الله ,معيته,رحمته بالهامك بشي يغير كل هذا فقط الواجب الإستمرار القرآن يعلمنا ان ربنا كل يوم في شأن
فلولا أن كان من المُسبحين للبث في بطنه الى يوم يبعثون يونس عليه السلام ما طلع بنفس اللحظة انما بقى يسبح الى ان فرجت عليه لان راد الله يعلمه على شغلتين الاستعانة بيه وماكو سبب للتغيير واقعياً والشي الثاني راد يعلمه قوة هذا الذكر بنفعه
اكو اشياء متوقفة سنين بشي انت ناسي تطبقه فأسال الله الصواب.

زين ليش لسى الله ما استجاب لي واني مليان يقين؟لإن لا يزال بنيانهم الذي بنوا ريبة في قلوبهم
فالى ان تنشال ذرة الريبة هاي يتحقق اليقين .

قال أمنتم له قبل أن اذن لكم إنه لكبيركم الذي علمكم السحر
واني اسمع هاي السورة بصوت أحب قارئ لگلبي (رعد محمد الكُردي) واحب السور لروحي وهي سورة طه لفتني حوار فرعون مع السحرة وقد آمنوا بالله العلي العظيم بعد ما شافوا صدق رسالة موسى عليه السلام لكن رغم امر عليها اول مرة يستوقفني بيها هاي الآية ويا مكثر أشباه فرعون بهيئة مسلمين شايف بالي يحط الصوچ بيك وهو الغلط كله منه ؟شايفين الي يگوللكم انتوا غلط ايمانكم غلط وبالاخير لمن يصير الشي الحق يجون يكولون ها صدفة ها مدري شنو ماكو فرق بينهم وبين الي يگولون أساطير الأولين فطنشوا لأن مرات يجي كلام مثل السم على لسان انسان نقي وطاهر مو لأن هو خبيث بس لأن الله جعله بهاي اللحظة اختبار الك.

:
{وَمِنْ آنَاءِ اللَّيْلِ فَسَبِّحْ وَأَطْرَافَ النَّهَارِ لَعَلَّكَ تَرْضَىٰ}
التسبيح= الرضى.

ولو عَلِمَ الله فيهم خيراً لأسمعهم ولو أسمعهم لتولَّوا وهم معرضون
هاي الآية ايابة شبيها تفصيل يعني رب العالمين هنا يخاطب نبيه ويگوله على بعض الأشخاص الي ما منهم چارة ولا فايدة ولا زايدة لأن الإنسان وهو بعده روح عند الله يختار حياته ويشهده الله على هذه الحياة فينزل للأرض يگول ربي ظلمني أو عذبني رغم الله ينطي دلالات وأشياء كثيرة لكن يأبى إلاَّ أن يرفضها وما يستقبل هذه الدلالات والمعاني والبيان الي من ربه فمن يشوفه الله حصيلة الخطأ الي اختاره هنا يجي البيان لو رجعنا للشي الي چان عليه لعاد نفس الخطأ ونفس الشي ولكن بإمكان الإنسان يصحح الخطأ بإمكانه يختار بداية جديدة بقوة الله واعتماده عليه فقط يحاول ويتحمل عقبات البدايات وكلها وحدها راح تفض.

يول بنية شو تعالي عندي كلمتين

يول بنية شو تعالي عندي كلمتين

فَلَعَلَّكَ تَارِكٌ بَعْضَ مَا يُوحَىٰ إِلَيْكَ وَضَائِقٌ بِهِ صَدْرُكَ أَن يَقُولُوا لَوْلَا أُنزِلَ عَلَيْهِ كَنزٌ أَوْ جَاءَ مَعَهُ مَلَكٌ ۚ إِنَّمَا أَنتَ نَذِيرٌ ۚ وَاللَّهُ عَلَىٰ كُلِّ شَيْءٍ وَكِيلٌ﴾
هذه الأية الكريمة نزلت على رسول الله كنوع من التسلية والتصبر لإن النبي بشر وبشريته تحكمه بالتعب ولكن أكو لفتة لطيفة للنبي ولكل من أتخذه أسوة حسنة الله برحمته يوحي للكل وحي الأنبياء عن طريق جبريل واوحى للنمل, والنحل وجعل لمة ملك بداخل صدر كل أنسان ولمة شيطان والله كال بسورة الشورى وَمَا كَانَ لِبَشَرٍ أَنْ يُكَلِّمَهُ اللَّهُ إِلَّا وَحْيًا أَوْ مِنْ وَرَاءِ حِجَابٍ أَوْ يُرْسِلَ رَسُولًا فَيُوحِيَ بِإِذْنِهِ مَا يَشَاءُ إِنَّهُ عَلِيِّ حَكِيمٌ﴾ وهنا الله دا يفهمنا إنه يوحي للجميع باختلاف الطرق ولكن النتيجة وحدة فربي وصاه لحبيبه يكمل بالي اوحي اله ولا يترك شي منه بسبب إحباط المشركين او محاولة إستهزائهم أو تثبيطهم لعزيمته وبالنهاية؟كل ما أوحي لهذا النبي العظيم من الله قد تحقق فقط لإن صبر وكمل خطوات الوحي الي وصلته من ربه فلعلك يا عزيزي القارئ تارك نقطة ,تارك معلومة ,تارك قراءة ذكر معين ,تارك لنفسك ومهملها كل واحد بيكم يعرف شنو الخلل بنفسه لإن الله ما يخلي شي مُبهم وهو أسمه المُبين الي يكشف الحقائق أسال الله والله راح يتكفل بالجواب ويدليك على النقاط الي تاركها والي لو التزمت بيها ماكو داعي للتعب هذا والسلام.

يخرجهم من الظلمات إلى النور
يعني حتى لو الفكرة مظلمة أو موهومة ما يلبث ربنا بعزته ورحمته الاَّ ويكشفلچ إنه يا فلانة إنتِ ب وهم بحيث تتركين الوهم عن قناعة ف كيف ممكن يأتي بعقلچ إنه يوهمچ بأمر مصيري من أمور الحياة ؟الله يوحي للقلب الصادق ولا يوهمه ولو كنتي في وهم رب العالمين مراح ينتظرچ تنخذلين حتى يكشفلچ إنما يكشف وأنتِ مقتنعة وبسرعة هم
وهذا معنى عسى أن تكرهوا شيئاً وهو خير لكم مو يسحب منچ شي هو زرعه بيچ سواء أمنية أو حلم بعدين تقيسون على هاي الآية الله اسمه اللطيف واسمه المبين يعني يخلي الأمور واضحة وأنتِ مقتنعة والسلام.

يرزق من يشاء بغير حساب
أي يرزق من يشاء بلا عد ولا مد او بالأحرى يرزق من يريد بدون حسابات أهل الدنيا المادية وقوانينهم الله بلفتة لطيفة بهذه الآية كأنه يقول إذا نتيجة 2 يحتاج 1+1 بأسباب الدنيا فأني انطي النتيجة (2) بدون الحساب والسبب فمن شنو بعد تخاف أو تخافين؟