﴿وَلَيُبَدِّلَنَّهُمْ مِنْ بَعْدِ خَوْفِهِمْ أَمْنًا﴾🕊

:
{وَمِنْ آنَاءِ اللَّيْلِ فَسَبِّحْ وَأَطْرَافَ النَّهَارِ لَعَلَّكَ تَرْضَىٰ}
التسبيح= الرضى.

ولو عَلِمَ الله فيهم خيراً لأسمعهم ولو أسمعهم لتولَّوا وهم معرضون
هاي الآية ايابة شبيها تفصيل يعني رب العالمين هنا يخاطب نبيه ويگوله على بعض الأشخاص الي ما منهم چارة ولا فايدة ولا زايدة لأن الإنسان وهو بعده روح عند الله يختار حياته ويشهده الله على هذه الحياة فينزل للأرض يگول ربي ظلمني أو عذبني رغم الله ينطي دلالات وأشياء كثيرة لكن يأبى إلاَّ أن يرفضها وما يستقبل هذه الدلالات والمعاني والبيان الي من ربه فمن يشوفه الله حصيلة الخطأ الي اختاره هنا يجي البيان لو رجعنا للشي الي چان عليه لعاد نفس الخطأ ونفس الشي ولكن بإمكان الإنسان يصحح الخطأ بإمكانه يختار بداية جديدة بقوة الله واعتماده عليه فقط يحاول ويتحمل عقبات البدايات وكلها وحدها راح تفض.

يول بنية شو تعالي عندي كلمتين

يول بنية شو تعالي عندي كلمتين

فَلَعَلَّكَ تَارِكٌ بَعْضَ مَا يُوحَىٰ إِلَيْكَ وَضَائِقٌ بِهِ صَدْرُكَ أَن يَقُولُوا لَوْلَا أُنزِلَ عَلَيْهِ كَنزٌ أَوْ جَاءَ مَعَهُ مَلَكٌ ۚ إِنَّمَا أَنتَ نَذِيرٌ ۚ وَاللَّهُ عَلَىٰ كُلِّ شَيْءٍ وَكِيلٌ﴾
هذه الأية الكريمة نزلت على رسول الله كنوع من التسلية والتصبر لإن النبي بشر وبشريته تحكمه بالتعب ولكن أكو لفتة لطيفة للنبي ولكل من أتخذه أسوة حسنة الله برحمته يوحي للكل وحي الأنبياء عن طريق جبريل واوحى للنمل, والنحل وجعل لمة ملك بداخل صدر كل أنسان ولمة شيطان والله كال بسورة الشورى وَمَا كَانَ لِبَشَرٍ أَنْ يُكَلِّمَهُ اللَّهُ إِلَّا وَحْيًا أَوْ مِنْ وَرَاءِ حِجَابٍ أَوْ يُرْسِلَ رَسُولًا فَيُوحِيَ بِإِذْنِهِ مَا يَشَاءُ إِنَّهُ عَلِيِّ حَكِيمٌ﴾ وهنا الله دا يفهمنا إنه يوحي للجميع باختلاف الطرق ولكن النتيجة وحدة فربي وصاه لحبيبه يكمل بالي اوحي اله ولا يترك شي منه بسبب إحباط المشركين او محاولة إستهزائهم أو تثبيطهم لعزيمته وبالنهاية؟كل ما أوحي لهذا النبي العظيم من الله قد تحقق فقط لإن صبر وكمل خطوات الوحي الي وصلته من ربه فلعلك يا عزيزي القارئ تارك نقطة ,تارك معلومة ,تارك قراءة ذكر معين ,تارك لنفسك ومهملها كل واحد بيكم يعرف شنو الخلل بنفسه لإن الله ما يخلي شي مُبهم وهو أسمه المُبين الي يكشف الحقائق أسال الله والله راح يتكفل بالجواب ويدليك على النقاط الي تاركها والي لو التزمت بيها ماكو داعي للتعب هذا والسلام.

يخرجهم من الظلمات إلى النور
يعني حتى لو الفكرة مظلمة أو موهومة ما يلبث ربنا بعزته ورحمته الاَّ ويكشفلچ إنه يا فلانة إنتِ ب وهم بحيث تتركين الوهم عن قناعة ف كيف ممكن يأتي بعقلچ إنه يوهمچ بأمر مصيري من أمور الحياة ؟الله يوحي للقلب الصادق ولا يوهمه ولو كنتي في وهم رب العالمين مراح ينتظرچ تنخذلين حتى يكشفلچ إنما يكشف وأنتِ مقتنعة وبسرعة هم
وهذا معنى عسى أن تكرهوا شيئاً وهو خير لكم مو يسحب منچ شي هو زرعه بيچ سواء أمنية أو حلم بعدين تقيسون على هاي الآية الله اسمه اللطيف واسمه المبين يعني يخلي الأمور واضحة وأنتِ مقتنعة والسلام.

يرزق من يشاء بغير حساب
أي يرزق من يشاء بلا عد ولا مد او بالأحرى يرزق من يريد بدون حسابات أهل الدنيا المادية وقوانينهم الله بلفتة لطيفة بهذه الآية كأنه يقول إذا نتيجة 2 يحتاج 1+1 بأسباب الدنيا فأني انطي النتيجة (2) بدون الحساب والسبب فمن شنو بعد تخاف أو تخافين؟

أكو شي لازم تعرفي حتى تطمئنين لا أكثر
إذا مريتي بموقف جداً صعب بالماضي ورب العالمين بشرچ بقلع كل المخاوف وإزالتها فممكن صدى هذا الخوف وبقاياه تحاول تداهمچ مو لإن مصيبة راح تصير لأ لأ إنما شايفة الجندي الي خلص الحرب ورجع للبيت شايفة من يسمع صوت طرق الباب ؟على بساطته بس يظن قنبلة جديدة في أرض المعركة رغم خلاص الحرب خلصت لكن لإن بقايا الخوف تطارده والحقيقة إنه رب العالمين راد يعلمچ مو يوجعچ وهو حامي وحافظ كل حرف توسلتي اله بيه قال تعالى
ما يفعل الله بعذابكم إن شكرتم وأمنتم والشكر هنا يجي بعد الفهم والفهم والإدراك ترسخ والدرس تم حفظه
فاطمئني كل هالبقايا تتبدد واليقين والنور مقابل تبددها يتمدد والسلام.

لا يذوقون فيها الموت إلا الموتة الأولى ووقاهم ربهم عذاب الجحيم
تعرفين هاي الآية شاملة لكل جزاء مو بس جزاء الآخرة
أنتِ مو ذقتي الموت وتأذيتي بحياتچ هواية ؟وصبرتي بوقت جداً صعب الصبر بيه ؟كل ما فات كان الموتة الأولى لعلهم يرجعون وإنتِ برحمته,فضله,لطفه عليچ رجعتي إله رجوعچ اله إعلان رجوع لكل شي جميل بحياتچ هو يعرف ما رجعتي علمود شي إلاَّ حتى ترضيه وهو تطلع على النية وشافها هذا منو؟هذا اعلم عليم باخفى خفاياچ فما يفوته اي شي يتمناه گلبچ ودا يداري كلشي مثل ما روحچ تتمنى فأبشري الموتة الأولى أنتهت ومرحباً بالجزاء الموعودة بيه.

انتوا أحمدوا الله كلش هواية اكو ناس لحد الان ما تعرف رب العالمين شنو ممكن يسوي لأحد يحبه ولأجل عيونه هواية ناس حدها على گدها
وكالعادة على قدر المعجزة يجي وياها اليقين.