SHEVASHUNOS/ Avazxon Umar
Qizimning Ramazon tuhfasi
Qizim bugun men uchun ajoyib sovg‘a tayyorlabdi. To‘g‘ri, bu sovg‘aning moddiy bahosi yo‘qdir, ammo ma’naviy qiymati beqiyos, darajasi esa juda yuksak. Xo‘sh, u nima edi?
Bugun ko‘chadan uyga kirishim bilan qizim yugurib keldi-da: "Dada, ish stolingizga qarang! Sizga syurpriz tayyorlab qo‘ydim. Hozir buni ko‘rib, ko‘zlaringizda quvonchdan yurakchalar paydo bo‘ladi", dedi. So‘ngra: "Ko‘zlaringizni yuming va qo‘lingizni bering", deya meni stolimga yetaklab bordi. Ko‘zimni ochganimda, rasmdagi mana shu manzara bilan yuzma-yuz keldim. Safiya qizim men uchun iftorlik tayyorlab qo‘ygan ekan! O‘yinchoq likobchalariga xurmo, yong‘oq va pista mag‘izlarini terib, finjonga suv quyibdi. O‘sha lahzada tuyg‘ularim ichimga sig‘may, go‘yo ko‘klarga ko‘tarildi. Qizimni bag‘rimga bosib, mahkam quchoqladim. Uning Ramazon oyiga bo‘lgan muhabbati va ishtiyoqini ko‘rib, qalbim yorishib ketdi.
İlohim, farzandlarimizni milliy va diniy qadriyatlarimizga oshno qilib tarbiyalash barchamizga nasib qilsin!
"
Xonasallot" so‘zining asl ma’nosini bilasizmi?
Ko‘pchiligimiz yoshligimizda kattalardan, ayniqsa, o‘g‘il bolalarga nisbatan ishlatiladigan "xo‘nasalot" (yoki "xo‘nasallot") degan so‘zni eshitganmiz. Odatda bu so‘z "badbaxt", "yaramas" yoki "ablah" kabi haqoratli ma’nolarda qo‘llaniladi.
Ko‘pchilik bu so‘zni tibbiy/biologik ma’nodagi "xunasa" so‘zi bilan adashtiradi. Biroq chuqurroq izlanishlar shuni ko‘rsatadiki, bu so‘zning ildizi mutlaqo boshqa joyga borib taqaladi.
Aslida qanday?
Lug‘at boyligimizdagi ushbu so‘z aslida "Xonasallot" bo‘lib, u ikki qismdan iborat:
Xona (forscha) — uy;
Salot (arabcha) — namoz.
O‘tmishda ajdodlarimiz masjidga chiqmay, jamoatdan ajralgan holda faqat uyda namoz o‘qiydigan erkaklarga nisbatan "xonasallot" "uyda namoz o‘quvchi") deb tanbeh berishgan. O‘sha davr tushunchasiga ko‘ra, erkak kishining jamoatdan uzilishi, ijtimoiy mas’uliyatdan qochishi salbiy holat hisoblangan.
Vaqt o‘tishi bilan so‘z talaffuzi o‘zgarib, uning diniy va ijtimoiy ildizi unutilgan. Natijada, u shunchaki "yaramas", "gap uqmas" yoki "yomon odam" degan umumiy haqorat ma’nosiga ko‘chib o‘tgan.
Siz bu haqda avval eshitganmidingiz? Sizning hududingizda bu so‘z qanday ma’noda ishlatiladi?
👇
Fikringizni izohlarda qoldiring!
@shevashunos
🌙
Ramazon — baraka fasli
Ramazon oyi islom olami va turkiy xalqlar uchun nafaqat ibodat, balki o‘zgacha huzur, baraka va sokinlik oyidir. Bu oyda har bir xonadonning fayzi bo‘lakcha bo’lib, har bir ko‘ngilda iliqlik seziladi. Ayniqsa faqat Ramazonga xos go‘zal udumlar bor.
Masalan:
Dasturxonlarimiz ko‘rki bo‘lgan — nisholda;
Ruhimizga sokinlik beruvchi — Tarovih namozlari;
Eshik qoqib keladigan — “Yo Ramazon” aytish udumi.
Har bir viloyat va tumanning o‘ziga xos an’analari bor.
📌
Siz yashayotgan hududda (viloyat yoki tumaningizda) Ramazonga xos qanday qiziqarli udumlar bor? Izohlarda ulashamiz!
@shevashunos
Yana bir tarjimam dunyo yuzini ko‘rdi
✍️
Yaqinda kitobxonlar qo‘lida bo‘ladi.
“Devona” (“Meczup”) — Fotih Dumanning hikoya janridagi ilk asari.
Yozuvchining avvalgi kitoblarida ilohiy ishq kuylangan edi. Bu safar esa qalam insonning insonga bo‘lgan samimiy muhabbatini, sadoqatini va bir umr davom etadigan kutishni hikoya qiladi.
Ba’zi kutishlar bor — vaqtni yengadi.
Ba’zi muhabbatlar bor — devonalik darajasigacha yetadi.
Tez orada kitob satrlarida ko’rishguncha…
🥳
@shevashunos
Navoiyga qaytish
Navoiyni anglash «maqomi»ga yetish tom ma’nosi ila bir saodat. Faqat bunga g‘oyatda sekinlik bilan, nihoyatda ko‘p mutolaa va mushohada ila, muayyan bir hayot tajribasiga ega bo‘lish bilan erishiladi. Demoqchimizki, Navoiy ijodiyotini shoshilib yoki kundalik hayot tashvishlariga ko‘milib o‘rganish juda qiyin. Navoiy hazratlarining ijod qasrlariga kirish – muqaddas bir ibodatgohga, ulkan bir san’at maskaniga kirishdek maxsus tayyorgarlikni talab qiladi. Navoiyning ruhoniyati shu qadar baland, Navoiyning tafakkur dunyosi shu darajada teran va mahobatli (İbrohim Haqqul, Navoiyga qaytish)
👉
Siz Navoiy hazratlarini qaysi 2 misra she'rlari bilan eslaysiz? izohlarda yozib qoldiring!
Sun’iy intelekt meni uncha-muncha tanir ekan! Harholda shunday tasavvur qilibdi.
@shevashunos
Hayotingizni o’zgartiradigan narsa katta-katta qarorlaringiz emas, balki muntazam davom etgan kichik-kichik ko’nikmalaringizdir! Davomiylik siz istagan “sizni” yaratadi!
@shevashunos
Assalomu aleykum
…
🇹🇷
TURK TILI
o’rganmoqchi bo’lganlar diqqatiga
❗️
✅
Magistratura
va
doktorantura
(
PhD
) bosqichlariga hujjat topshirish oldidan
TIL SERTIFIKATI
uchun tezkor
TURK TILI
o’rganishni hohlaysizmi?
✅
Darslar
🇹🇷
TURKIYA
’dan, (Haftada 3 kun 2 soatdan)
ONLINE
shaklda olib boriladi…
Online
(
PULLIK
)
kursimiz uchun gruhga qo’shiling
…
🔵
ONLINE DARS
✅
Okuma
✅
Yazma
✅
Konuşma
✅
Dinleme
Murojaat uchun
📩
🔴
Instagram
|
🔵
Telegram
Bepul darslar uchun kanalimiz:
🔴
YouTube
|
🔵
Telegram
⏳
Darslar tez orada boshlanadi…
Shokirbek ukamizning Turk tili online kurslariga marhamat.