𝚂𝚒𝚗𝚐𝚞𝚕𝚊𝚛𝚒𝚝𝚢
من فترة قريت عبارة تكول: «اتضح أن وسائل التواصل الاجتماعي تفقد جاذبيتها بمجرد أن تصبح لديك حياة حقيقية!».
وبآخر فترة تأكدت من مصداقية هالشي، بمجرد ما ينشغل الإنسان بالواقع لفترة معينة، وياها صبر ومقاومة بأن يبتعد ابتعاد حقيقي عن مواقع التواصل، راح يلكه نفسه غير منجذب إلها تماماً. الانشغال ولو بإعداد وجبة طعام معينة، ولو بالمشي خطوات محدودة، أو بالتقرب من العائلة، أو من الصلاة وغيرها من العبادات.
آني بفترة استقتلت علمود أحصل على تلفون معين، وبالفعل حصلت عليه، استخدمته سنة وشفت نفسي منغمسة بعالم الميديا ومفعّلة كل البرامج وأحب النشر بشكل يومي، وتوقعت بعمري ما راح أطلع من هالمكان. لكن بلحظة تنازلت حتى عن هالفون وعاقبت نفسي بأن أبتعد تماماً، وتوقعت راح تجي لحظة أشتاق لهواية أمور من معرفة أخبار الناس والستوريات والنشر، بس اتضح لي بأني صرت حتى ألح على اللي محيطين بيه بأن يحاولون بكل طريقة الحد من استخدام البرامج هاي؛ لأنه حقيقة مواقع سامة ومؤذية بطريقة رهيبة، بحيث تقلل عزيمتك تجاه الحياة وتضعف إرادتك لو أقبلت على ممارسة شي أو ردت تخوض تجارب معينة.
آني مع أن أستغل وجودي هنا بنشر الوعي أو أكون سبب بفعل شيء يعتبر خير، من كلمة طيبة، من مساعدة للآخر بأي طريقة كانت، وأيضاً ممكن يكون عالم السوشيال ميديا مصدر رزق، لكن أكيد مو بالطرق اللي دانشوفها، إنما بطرق أخلاقية أكثر.
عن تجربة شخصية، الحياة الواقعية أفضل وتستحق لو انطيناها فرصة، ومو من يوم واحد راح نكتشف هالشي، إنما بعد فترات طويلة. لهذا ماكلني الندم على سنوات طويلة خلصتها ضايعة بعالم تبعاته تظهر بعدين بتأثيرها على النفسية وعلى الدماغ وعلى الشخصية وعلى طريقة نومك وأوقاتك وحياتك الحقيقية.
لا تستهينون أبد بهاي الساعتين اللي تروح على الأنستا وأنتم تختارون نوعية الريل اللي تدزونه، وياخذكم الواهس من واحد يگلكم: أنت ملك الريلز، وأنت ريلزاتك تضحكني.
تره أكو هواية أمور بالعالم داتصير غير الضحك والكوميديا المنغمسين بيها. أكو حملات تشجير شاركوا بيها، أكو حملات تنظيف شاركوا بيها، أكو نوعية معينة من النشر شاركوا بيها. لو مكدرتم تطلعون وتشوفون المؤثر وتنتظرون منه شي، صيروا أنتم مؤثرين وغيروا نوعية حياتكم.
طبعاً هاي مو تنمية بشرية ولا تحفيز من كتاب، إنما كلام أگوله الكم من گلبي. مثل ما تعرفوني، كل ما يجيني إحساس بشي معين أكتبه الكم، مثل ما حاسة بي، ومثل ما يخطر ببالي.
"ده عمر جرحي أنا، أنا أطول من الأيام.."
أول شي أسوي وره ما أكمل دراسة أطور مهاراتي بالطبخ، لأن روح الشيف إللي بداخلي لازم تتعلم كلشي، وإللي أحبهم لازم يستمتعون بكل وجبة تنطبخ الهم بكل حب.
✨
♥️
الراحة إللي نفسي تتشافى بيها
فترة الظهيرة، وي تجهيز الغداء للعائلة والاستماع لهذا الصوت ولهذه الكلمات العظيمة.
هو في أحلى من كده؟
نسألكم الدعاء بهذا اليوم المُبارك.
🤍
مكان تتشافى بي الروح بعد تعب طويل، ممتنة لمدينتي بأنها موفرة لطلبة العلم ومحبين القراءة أماكن هادئة للقراءة وموفرين آلاف الكتب المتنوعة بشتى الأصناف. تعامل حلو إحترام للقارئ يخليك ترغب تكون متواجد بهالمكان كل الوقت.