SIRDARYO YANGILIKLARI 🌍

🛑
Toshkentda 26 ming dollarlik giyohvandlik vositasi savdosi fosh etildi
➡️
Giyohvandlik vositalarining noqonuniy aylanmasiga qarshi kurashish doirasida Davlat xavfsizlik xizmatining Qoraqalpog‘iston Respublikasi bo‘yicha boshqarmasi, Bojxona va Ichki ishlar organlari xodimlari hamkorligida amalga oshirilgan kompleks chora-tadbirlar natijasida qo‘shni davlatdan olib kelingan katta miqdordagi narkotik modda Toshkent shahrida musodara qilindi.
Xususan, Surxondaryo viloyatining Denov shahrida yashovchi, 1988 y.t.,
muqaddam giyohvandlik vositalari bilan bog‘liq jinoyati uchun sudlangan
shaxs Toshkent shahrining Yakkasaroy tumanidagi mehmonxonalardan birida
1 kg 185 gr “gashish”
moddasini shartli xaridorga
26 ming
AQSH dollariga sotishga kelishib, shundan
21 ming
dollarini olgan vaqtida ashyoviy dalillar bilan ushlandi.
Shuningdek, zahri qotilni u bilan birga Surxondaryodan poytaxtga olib kelgan “Kobalt” avtotransport vositasi haydovchisi – denovlik, 1987 y.t.,
muqaddam o‘g‘rilik bilan bog‘liq jinoyati uchun sudlangan
sherigi ham mehmonxona yonida qo‘lga olindi.
Hozirda ushbu narkosavdogarlarga nisbatan jinoyat ishi qo‘zg‘atilib, tergov harakatlari olib borilmoqda.
👉
https://t.me/sirdaryoyangiliklari

O‘zbekistonlik talaba Vladivostokdagi xalqaro regatada oltin medalni qo‘lga kiritdi
Vladivostok shahrida 3–4-sentabr kunlari V Xalqaro Vladivostok regatasi bo‘lib o‘tdi. Unda Rossiya, Xitoy, O‘zbekiston, Qozog‘iston va boshqa davlatlardan sportchilar ishtirok etdi.
Musobaqaning grelbi-indoor yo‘nalishida
Guliston davlat pedagogika instituti Jismoniy madaniyat yo‘nalishi talabasi, GDPI Sport klubi a’zosi Basimaxon Sattorova
ayollar o‘rtasida 2000 metr masofaga eshkak eshish bahsida 1-o‘rinni egalladi.
Sportchimiz mazkur masofani 7 daqiqa 23,9 soniyada bosib o‘tib, oltin medalni qo‘lga kiritdi.
Ikkinchi o‘rin Xitoy vakili Tszi YuySyuaniga, uchinchi o‘rin esa Rossiya vakili Veronika Malyshevaga nasib etdi.
Basimaxon Sattorovaning ushbu g‘alabasi Guliston davlat pedagogika instituti hamda GDPI Sport klubi uchun muhim yutuqlardan biri bo‘ldi.
Sportchimizni xalqaro musobaqadagi muvaffaqiyati bilan muborakbod etamiz va kelgusi bellashuvlarda omad tilaymiz!
👉
https://t.me/sirdaryoyangiliklari

🔴
Сенатор кадастр тизимида қонунийлик ва ички назоратни кучайтиришга чақирди
✔️
Ўзбекистонда 2,6 млн кўчмас мулк ҳали давлат рўйхатидан ўтказилмаган
Ўзбекистонда мавжуд 8,8 млн кўчмас мулк объектининг 2,6 млн таси ҳали давлат рўйхатидан ўтказилмаган. Бу ҳақда ЎзА бош директори, сенатор Абдусаид Кўчимов Олий Мажлис Сенатининг 19-ялпи мажлисида маълум қилди.
Сенатнинг 10–11 сентябрь кунлари ўтказилган ялпи мажлисида ер ва кўчмас мулк муносабатларини тартибга солиш ҳолати юзасидан Вазирлар Маҳкамасига парламент сўрови юбориш масаласи муҳокама қилинди.
Кўчимовнинг айтишича, республикадаги 8,8 млн кўчмас мулк объектидан 6,2 млн таси давлат рўйхатидан ўтказилган.
2025 йилда Президент ва Халқ қабулхоналарига Кадастр агентлиги ваколатига тааллуқли масалалар бўйича 29 мингта мурожаат келиб тушган.
Энг кўп мурожаатлар Қашқадарёда — 3,2 мингта, Сурхондарёда — 3,1 мингта, Тошкент вилоятида — 3 мингта, Тошкент шаҳрида — 2,9 мингта ва Самарқандда — 2,8 мингта қайд этилган. 2026 йилнинг январь–июль ойларида ҳам кадастр ҳужжатлари, маълумотлар базаси ва ердан ноқонуний фойдаланиш масалалари бўйича 12,7 мингта мурожаат тушган.
Сенатор келтирган рақамларга кўра, 2025 йилда кўчмас мулкка оид давлат хизматларини кўрсатишда 30 мингдан ортиқ қонунбузилишга йўл қўйилган. Жумладан, 20,9 минг ҳолатда хизмат кўрсатиш асоссиз рад этилган, 8,9 минг ҳолатда белгиланган муддатлар бузилган, 46 ҳолатда фуқаролардан ортиқча ҳужжатлар талаб қилинган. Яна 96 та кадастр ҳужжати қонун талабларига зид равишда расмийлаштирилган.
Кадастр тизимидаги қонунбузилишлар жиноий ишларга ҳам сабаб бўлган. 2025 йил ва 2026 йилнинг биринчи чорагида агентлик ҳамда унинг қуйи ташкилотлари фаолияти бўйича 86 та жиноий иш қўзғатилган. Уларнинг 63 таси вилоят ва туман бўлинмалари мансабдор шахслари томонидан содир этилган ҳуқуқбузилишларга тўғри келади.
Шунингдек, 2025 йилда Кадастр агентлиги тизимининг 82 нафар, 2026 йил биринчи чорагида яна 16 нафар ходимига нисбатан коррупция билан боғлиқ жиноий ишлар очилгани айтилди.
Кадастр идораларининг қарорлари устидан судларга мурожаатлар ҳам кўп. 2023 йилда уларнинг қарорларини ҳақиқий эмас деб топиш, ҳаракати ёки ҳаракатсизлигини қонунга зид деб эътироф этиш бўйича 3 мингдан ортиқ низо кўриб чиқилган. 2024–2025 йиллар ва 2026 йилнинг дастлабки беш ойида кадастр органлари томонидан ўзбошимчалик билан эгалланган ерларни қайтариш бўйича киритилган 6,1 мингта даъво етарли ҳуқуқий асос бўлмагани учун судлар томонидан қаноатлантирилмаган.
Ўзбошимчалик билан эгалланган ер ва улардаги қурилмаларни хатловдан ўтказиш ишлари ҳам айрим ҳудудларда суст кетмоқда.
Муҳокама якунида Сенат Вазирлар Маҳкамасига парламент сўрови юбориш ҳақида қарор қабул қилди. Ҳукуматдан кадастр хизматлари сифатини ошириш, коррупцияга қарши ички назоратни кучайтириш, ноқонуний берилган рухсатномаларни қайта кўриб чиқиш ва ҳуқуқи эътироф этилган кўчмас мулкларни алоҳида аризасиз автоматик равишда давлат рўйхатидан ўтказиш тартибини йўлга қўйиш талаб қилинмоқда.
👉
https://t.me/sirdaryoyangiliklari

📡
Antennalar qanday tekshiriladi?
Aloqa antennalari o‘rnatilganda ularning elektromagnit nurlanish darajasi belgilangan sanitariya me’yorlari va talablarga muvofiqligi
nazorat qilinadi.
📊
Tekshiruv jarayonida belgilangan me’yorlarga rioya etilishi o‘rganilib, zarur hollarda maxsus o‘lchovlar amalga oshiriladi.
👉
https://t.me/sirdaryoyangiliklari

#Soliq_madaniyati
Soliq to'lash kuni tadbiri
Bugungi kunda mamlakatimizda mahallalarning moliyaviy mustaqilligini ta’minlash va infrastrukturasini rivojlantirish uchun keng imkoniyatlar yaratilgan.
Mahallada «Mahalla yettiligi»ning hamkorligi to‘g‘ri yo‘lga qo‘yilgani sababli, Guliston shahrining “Ahillik” mahallasida soliq yig‘iluvchanligi yuqori.
Soliq to‘lash — bu shunchaki majburiyat emas, balki har bir fuqaroning konstitutsiyaviy burchidir. Soliqlar vaqtida to‘lansa, mahalla obod, yurt farovon bo‘ladi!
Shu kuni hududda aholi o'rtasida «Soliq to‘lash burchim, soliq — mahalla taraqqiyoti garovi» shiori ostida «SOLIQ TO‘LASh KUNI» tadbirlari ham tashkil etildi.
👉
https://t.me/sirdaryoyangiliklari

Вилоят ҳокими Эркинжон Турдимов Сайхунобод туманида дастурлар доирасида амалга оширилаётган бунёдкорлик ишлари билан танишди.
Ҳоким объектларни бевосита кўздан кечириб, қурилиш суръати ва сифати, мавжуд камчиликлар ҳамда уларни бартараф этиш чораларини муҳокама қилди. Асосий эътибор объектларни пухта ва сифатли қуриб, белгиланган муддатларда аҳоли фойдаланишига топширишга қаратилди.
Ўрганишлар якунида барча масъуллар иштирокида ҳар бир лойиҳа алоҳида муҳокама қилиниб, ишларни жадаллаштириш ва сифатини қатъий назорат қилиш бўйича аниқ вазифалар белгилаб берилди.
👉
https://t.me/sirdaryoyangiliklari

🔴
Энди тунда шовқин сололмайсиз
Аҳоли осойишталигини ҳимоя қилувчи қонун қабул қилинди
Ўзбекистонда иш кунлари соат
23:00 дан 07:00 гача
, дам олиш ва ишланмайдиган байрам кунлари эса
22:00 дан 09:00 гача
меъёрдан ортиқ шовқин чиқариб, фуқаролар осойишталигини бузишга йўл қўйилмайди.
Бу 2026 йил 9 сентябрда қабул қилинган «Аҳолини шовқиннинг зарарли таъсиридан ҳимоя қилиш тўғрисида»ги қонунда
белгиланди
.
Қонун турар жойлардаги маиший фаолият, қурилиш ишлари, техника ва транспорт воситаларидан келиб чиқадиган шовқинларни ҳам қамраб олади. Шовқиннинг йўл қўйиладиган даражаси санитария қоидалари ва нормаларида белгиланади.
Шовқиннинг зарарли таъсири натижасида етказилган зарар учун суд орқали компенсация ундириш мумкин бўлади. Соҳадаги ваколатли орган — Санитария-эпидемиологик осойишталик ва жамоат саломатлиги қўмитаси.
Қонун ҳали кучга киргани йўқ. Қонун
расмий эълон қилинган кундан уч ой ўтгач амал қила бошлайди.
👉
https://t.me/sirdaryoyangiliklari

Юрак қандай маҳсулотларни ҳуш кўради
Доимий равишда истеъмол қилинг:
•
Овсянка ва ёнғоқ
- керакли ёғлар ва клетчаткалар.
•
Зайтун ёғи -
холестеринни эритади, инсульт ва инфарктдан ажойиб профилактика.
•
Омега3
кислоталарига бой балиқ ҳақида ҳам эсиздан чиқмасин.
•
Исмалоқ -
касалланиш ҳавфини 20%га камайтиради.
•
Щавел -
қонни суюлтиради.
•
Соя -
оқсилларнинг табиий манбаи.
•
Қора шоколад -
ёмон холестеринни камайтиради, қонни мияга боришини кўпайтиради.
👉
https://t.me/sirdaryoyangiliklari

Энди картангиздаги пуллар ўғирланмайди
👉
https://t.me/sirdaryoyangiliklari

Guliston tumanida ekoturizm majmuasi tashkil etilmoqda
Guliston tumanida xizmatlar sohasida infratuzilmani yaxshilash, yangi xizmat turlarini yo‘lga qo‘yish va tadbirkorlikni rivojlantirishga qaratilgan qator loyihalar amalga oshirilmoqda.
Xususan, tumanni kesib o‘tuvchi Sirdaryo daryo bo‘yida joylashgan “Sohilobod” mahallasi hududidagi 285 gektar maydonda zamonaviy
“Ekoturizm” majmuasini tashkil etish
ishlari boshlandi.
Ayni paytda loyiha doirasida Malayziyaliklar tomonidan hududni rivojlantirishning bosh rejasi “Master reja” ishlab chiqilib, mazkur reja to‘liq yakunlandi va hudud 3 ta asosiy zonaga ajratildi. Ularning 135 gektari tabiat zonasi, 85 gektar o‘rmon zonasi hamda 65 gektar dam olish, savdo va xizmat ko‘rsatish hududlaridan iborat.
Loyiha doirasida hudud infratuzilmasini yaxshilash uchun davlat budjetidan
7,4 milliard so‘m
mablag‘ ajratilib, qurilish ishlarini amalga oshiruvchi pudratchi tashkilot
“SHEROBOD BUXORO YO‘LLARI” MChJ
tomonidan qurilish ishlari yakunlanmoqda.
Shuningdek, loyiha doirasida 2 kilometr yo‘lga asfalt qoplamasi yotqizish, 2 ta transformator o‘rnatish va 2 kilometr elektr tarmog‘i tortish, shuningdek, hududga zamonaviy ko‘cha yoritish chiroqlari hamda piyodalar yo‘laklarini barpo etish ko‘zda tutilgan.
Mazkur loyiha amalga oshirilishi natijasida hududning turistik salohiyatidan samarali foydalanish, yangi xizmat turlarini yo‘lga qo‘yish, tadbirkorlik subyektlari uchun qulay sharoit yaratish hamda aholi bandligini ta’minlash imkoniyatlari kengayadi.
👉
https://t.me/sirdaryoyangiliklari