تبسم راډيو - خبر
د سعودي عربستان دفاع وزارت ویلي، د دغه هېواد هوايي دفاع ځواکونو هغه څو بېپیلوټه الوتکې شنډې او له منځه وړي چې د عراق له خاورې توغول شوې وې.
دغو بېپیلوټه الوتکو غوښتل د سعودي عربستان په ختیځه سیمه کې د نفتو مهم تاسیسات په نښه کړي.
بلوچستان کې د ناامنیو زیاتېدو سره د پاکستان پوځ د یاد ایالت نوشکي ولسوالۍ کې د شپې لخوا ګرځبندیز اعلان کړی دی.
د بلوچستان سیمهییز حکومت کورنیو چارو وزارت ویلي، دغه محدودیت د سهشنبې په ورځ د شپې له اتو بجو پیل شوی چې د جولای تر ۳۱مې به دوام وکړي.
رویټرز راپور ورکړی چې د امریکا او ایران د جګړې له پیلېدو راهیسې رضا پهلوي په امریکا او اروپا کې د ځان په ګټه کمپاین پيل کړی چې ګواکې د «ایران رژیم» له نسکورېدو سره به واک ته ورسېږي.
راپور کې راغلي، د امریکا ولسمشر ډونالډ ټرمپ د روان کال جنورۍ میاشت کې له رویټرز سره خبرو کې ویلي چې:«پهلوي ډېر ښه ښکاري، خو زه نه پوهېږم چې هغه به په خپل هېواد کې څنګه لوبه وکړي.»
دې سره جوخت د امریکا مرستیال ولسمشر جيډي وېنس په جون میاشت کې د امریکا او ایران د تفاهم له اعلان وروسته وویل چې «د امریکا ولسمشر هېڅکله دا نه دي ویلي چې د هغه هدف د ایران د نوي مشر په توګه د رضا پهلوي نصبول دي.»
خو دې ټولو سره، سره د پهلوي ځینو ایراني-امریکایي مالي ملاتړو د هغه د کمپاین لپاره څه دپاسه درې میلیونه ډالره ورکړي، څو هغه وکولی شي ایران کې یو نوی انتقالي حکومت رهبري کړي.
د الجزیرې د راپور له مخې، د امریکا او سعودي عربستان ګډو ځواکونو په عراق کي د حشد الشعبي پر ځینو مرکزونو بریدونه کړي دي.
د راپورونو له مخې، په دغو بریدونو کي د صلاحالدین ولایت په مرکز کي د حشد الشعبي یوه اډه هم په نښه سوې ده.
حشد الشعبي د عراق د شیعه وسله والو ډلو یوه ائتلاف دی، چي په ۲۰۱۴ کال کي د داعش پر ضد د جګړې لپاره جوړ سو او اوس د عراق د امنیتي ځواکونو تر چتر لاندي فعالیت کوي.
د بېپولې ډاکترانو ټولنې ویلي، په پاکستان کې ډېری افغان کډوال د نیولکېدو او ایستلکېدو له وېرې روغتیايي مرکزونو ته نه ورځي، چې له کبله یې روغتیايي ستونزې زیاتې شوې دي.
د دې بنسټ د څرګندونو له مخې، روغتیايي خدمتونو ته نه لاسرسي ماشومان د خوارځواکۍ او امیندوارې ښځې له روغتیايي ستونزو سره مخ کړي دي.
د ایران سپاه پاسداران وايي، په اردن کې یې د امریکايي ځواکونو اډه په بالستیک توغندیو په نښه کړې او د امریکا د پوځ مرکزي قوماندانۍ برید تایید کړی، خو ادعا کوي چې ټول توغندي یې شنډ کړي دي.
د ایران د خاتمالانبیا قرارګاه ویاند ابراهیم ذوالفقاري خبرداری ورکړی، که کوم هېواد د ډونالډ ټرمپ له هغې پرېکړې ملاتړ وکړي چي د ایران له کنګل سوو شتمنیو څخه ګټه واخلي، نو د ایران وسله وال ځواکونه به د هغو هېوادونو د بېړیو د هرمز تنګي له لارې تګ راتګ بند کړي.
د بدخشان د اطلاعاتو او کلتور رئیس ذبیح الله امیري د دوو موټر سایکل سپرو کسانو په ډزو کې وژل شوی دی.
دغه پېښه د بدخشان مرکز فیض اباد او بهارک سیمې تر منځ غځېدلې لارې په اوږدو کې رامنځته شوې ده.
ځايي چارواکي وايي، یو بریدګر د ښاغلي امیري د ساتونکو لخوا په ډزو وژل شوی او دویم هغه د پېښې له ځایه تښتېدلی و، چې وروسته وپېژندل شو، په ټپي حالت کې نیول شوی دی او درملنه یې روانه ده.
د کندهار اطلاعات او فرهنګ ریاست په یوې لويي ودانۍ کي د لس زره تاریخي اثار د لیدني او ساتني لپاره د موزیم ودانۍ جوړه او پرانیستل.
کندهار مخکي هم موزیم درلودی، خو ټول اثار تیت او پرک په یوې کوچنۍ زېرخانې کي په داسي ډول ایښودل سوي وه، چي د اثارو د زیان امکان یې زیات وو او د سیل کولو وړ نه وه.
اوس د یوې فرهنګي موسسې په مرسته موزیم په یوې پراخي ودانۍ کي جوړ سوی، چي له قبلاد مېلا څخه بیا تر اوسه د شپږو تاریخي دورو فلزي، کتابي، لرګین او خټین اثار په منظم او خوندي المارۍ پکي ایښودل سوي.
دوه پاکستاني چارواکو د جرمني خبري اژانس ته ویلي چي د پاکستان د استخباراتو د ارزونې له مخي، کېدای سي د امریکا ولسمشر ډونالډ ټرمپ د ایران پر ضد د محدودو ځمکنیو عملیاتو امر وکړي.
د دوی په وینا، د دې احتمالي عملیاتو هدف به د هر ډول سولې تر تړون وړاندي د ایران د ساحلي سیمې بېلول وي.