Talaba do'stimga | Dr. Alisher Umirdinov
Kansai Uzbek Academic Club 11-yig'lishini bu safar Nagoya universitetida o'tqazdik.
Kioto va Nagoya Universitetlarini bitirayotgan 2 nafar PhD vatandosh talabalarimizni chiqishlari eshitdik. Savollar ham ayovsiz bo'ldi. Ko'rib turganingizdek, ushbu anjumanlarga 40 yoshdan oshgan men kabi chollar ham, hali 1 yoshga yetmagan qizaloqlar ham kela olyapti.
Asosiysi, ozbeklar bir joyga yig'ilganida bir-biridan qochmay, ilmiy mavzularini bemalol bahs qilib, savol va tanqidlarga ochiq holda davraga chiqishmoqda. Bunday odatning shakllanishi O'zbekistondagi fan va ilm kelajagi uchun muhim bir hissa deb hisoblayman. Umid qilamanki, Uzbek Academic Club ruhiyati va an'analari butun dunyodagi vatandoshlarimiz orasida yoyiladi.
Ushbu tadbir uchun yaqindan yordam bergan barchaga, shuningdek, mashinalarga chiqib, Shiga va Osakadan kelgan yigitlarga alohida tashakkur aytaman!
Bugungi Academic Club uchun Manzil:
https://maps.app.goo.gl/u7KEKtnhasBDzFbU6?g_st=ic
2-QAVAT Konferensiyalar zali
Hozirgi o'zbek professor-tadqiqotchilariga sira oson emas:
Ular mahalliy darajadagi fundamental bo'shliqlarni ham to'ldirishlari,
qo'shimcha tariqasida esa
Xalqaro darajada ilmiy izlanishlarni ham olib borishlari kerak.
Mehnet, mehnat va yana mehnat....
Telegram
|
Vebsayt
Kuzgi semesterda magistratura talabalari uchun "Transmilliy kompaniyalar va xalqaro huquq" darsini o'tdim. Juda qiziq mavzularni birgalikda muhokama qila oldik deb o'ylayman. Talabalarning aksariyati xalqaro talabalar bo'lgani uchun ham dars yanada qizidi.
Eng ohirida baholash uchun yozma ish emas, balki, shu kunlarda arbitraj sudi qarori chiqishi kutilayotgan Huawei va Shvetsiya hukumati o'rtasidagi nizoni vazifa sifatida berdim.
Shvetsiya hukumati, davlat va jamiyat uchun xavfli deya, 2025-yil 1-yanvardan boshlab Huawei technologies tomonidan ishlab chiqarilgan texnologiyalarni 5G tarmog'ida qo'llash va sotib olishni taqiqladi. Bu esa Huawei ni ushbu bozordan endi chiqib ketishini anglatadi. Shvetsiya hukumati bunga sabab sifatida Xitoyning Milliy xavfsizlikka doir qonuni va Xitoyning Shvetsiya ichidagi shpionaj harakatlarini keltirgan.
Biroq, 1982 yilda Xitoy va Shvetsiya hukumati ikki tomonlama investitsiyalarni himoyalashga doir bitim tuzganlar va 'milliy xavfsizlik' masalasini ushbu bitim doirasidan istisno qilmaganlar. Degani, Huawei ishini endi xalqaro arbitraj ham ko'ra oladi deganidir. Vashingtondagi ICSID markazida bu ish deyarli tugadi, hozir qaror kutilyapti.
Shu sababli ham, talabalarni ikki guruhga bo'lib, birisini Huawei, ikkinchisini esa Shvetsiyani himoyalash bo'yicha advokatlar guruhini tuzdim va shu davrgacha ma'lum faktlar asosida yozma va og'zaki munozaraga kirishishni buyurdim. Jang juda ajoyib o'tdi, endi 28-yanvar kuni sinfdagi eng yoshi katta va aqlli talaba arbitr(sudya) o'laroq o'z qarorini e'lon qiladi.
Talabalarga ishlashga qo'yib bersangiz, ular juda yaxshi dars qiladilar, ammo ularga shunday makon va muhitni taqdim etib, keyin ko'p aralashmaslik kerak. Semester shu bilan tugaydi, men uzoooq kutilgan 2 oylik ta'tilga chiqaman, 10 lab kitoblar va maqolalarim kutib turibdi bu kunlarni....
https://icsid.worldbank.org/cases/case-database/case-detail?CaseNo=ARB/22/2
Telegram
|
Vebsayt
Dadamni kundalik duolari
X
udoyim, keng ko'ngil, ketmas davlat bergin.
Elga bergin, el qatori bizga ham bergin.
Ma'nosini endi tushunyapman....
Telegram
|
Vebsayt
Ishdan keyin magistratura o'qish kerakmi?
Kecha ajoyib bir suhbat bo'ldi. Suhbatdoshim O'zbekistonda oldin logistika sohasida ishlab, keyin 1 yillik magistratura qilgan yigit.
Undan nega ishdan keyin bu ishga qo'l urganini so'rasam javobi ajoyib bo'ldi:
- 'Amaliyotda bir xil (routine) ishlar bilan band bo'lasiz. O'zimni yangilagim keldi. Universitetni ham sog'ingan ekanman.'
Javob menga Toyota Industries da ishlaydigan boshqa bir do'stimni gapini ham eslatib yubordi:
- 'Alisher ish yaxshiyu, ma'lum muddat o'tgach u yerdan o'rganadigan narsangiz kamayib, 70-80% ishlar doimo takrorlanib turuvchi holatga keladi, zerikarli.'
Xulosa qildimki, o'zini ustida ishlab, yangi bilimlarni o'rganishni istovchilarga 3-4 yillik amaliyotdan keyin albatta magistratura bosqichi kerak ekan. Toki, operativniy ishlar bilan bo'lib, chuqur mulohaza talab etuvchi maqolalar va kitoblardan uzoqlashib qolishmasin.
Buni men Angliyada ham ko'rgandim, London Universiteti magistraturasidagi tanishlar, yaxshi banklarda 3-4 yil ishlab, endi zerikdik deya, yana o'qishga qaytishgandi.
Demak, formula shunday bo'ladi:
# Bakalavr ~ 3-4 yillik amaliyot ~ Magistratura ~ Amaliyotga qaytish (Yoki qiziqsa PhD da qolish) ~ Magistratura/MBA~.....
Siz nima deysiz?
Kechagi tug'ilgan kun tabriklari uchun barcha do'stlarimga rahmat aytaman. Salomat bo'linglar.
Shu fursatdan foydalanib, kelayotgan Shanba kuni Nagoya universitetida bo'lib o'tadigan akademik klubimiz tadbiriga barchani taklif qilsam. Bu safar Osakalik akademik klubimiz a'zolari Nagoyada mehmon bo'lishadi. Aichi viloyati va xususan, Nagoya shaxri va uning atrofida yashovchi va ilmga qiziquvchi barcha vatandoshlarimizni taklif qilaman. Eshiklarimiz hamma uchun ochiq.
‼️
Faqat oldindan ro'yhatdan o'tish talab qilinadi. Muddati shu haftaning Payshanba kuni 21:00 gacha.
https://forms.gle/zexC9Y6JXM8Rabgk7
Telegram
|
Vebsayt
Bugun men 40 yoshga to'ldim. Gregoriy (quyosh) kalendari hisobiga 40 yosh, Hijriy (oy) kalendari hisobiga 41 yosh.
Hudovandi Karim menga ajoyib ota-ona, uka-singillar, amakiyu xolalar, mening enegriyam manbai bo'lgan farzandlarim va rafiqam, shuningdek bebaho sotilmas do'stlar, shuningdek, atrofimda doimo yaxshi insonlarni hamroh qildi. Bunga behisob shukur qilishim kerak. Zotan xolerik harakteridagi jizzaki insonlar doimo shukur daftarini tutib yurishi kerak ekan.
Ko'p ish qildim deya hisoblamayman, uyquchiligim va tanballigimdan bezorman. Ammo, bundan keyin ham ilm-fan yo'lida, haqiqatni va adolatni kelgusi avlodga omonat qilish yo'lidagi harakatdan to'xtamayman. Umid qilamanki, O'zbekiston-Yaponiya madaniy aloqalariga biroz bo'lsada hissa qo'sha olaman. Bu esa menga tasalli beradi.
Biroq, 40 yillik hayotdan so'ng tana ham ba'zi signallarni yuborishni boshlayapti: oldingidek og'ir ishdan keyin tez tiklanish qiyin, oq sochlarim ohirgi bir yilda birdaniga ko'paydi. Audotiriyaning eng ohiridagi talabani ham bemalol nazorat qilishi bilan maqtanib kelgan o'tkir ko'zim ham shu oydan boshlab uzoqni g'ira-shira ko'rsatishni boshladi; yangi g'oyalarga oldingidek otilib kirishishim sekinlashgan, obdon o'ylaydigan bo'lganman, energiyam-ambitsiyalarim kamaygandek go'yo....
40 yil ko'p narsani o'rgatdi. Kelasi yillar ham o'rgatadi.
Ushbu kanalga a'zo bo'lib, fikrlaringiz va layklar bilan, ojizona fikrlarimni boshqalarga bo'lashish ila yordam berib kelgan barchaga tashakkur aytaman. Ushbu fursatdan foydalanib, o'zim va oilam haqqiga, meni katta mashaqqat bilan katta qilgan ota-onam haqqiga duo qilasizlar degan umiddaman.
Telegram
|
Vebsayt
🇺🇿
🎁
Uzbek suprise! (O‘zbekona syurpriz) nimaligini bilasizmi?
Bu kutilmaganda vatandoshlarimiz tomonidan taklif etilgan reja o‘zgarib ketishiga nisbatan yaponlar qo‘ygan hazilomuz laqabdir.
Chunki, juda ko‘p tadbirlarda yo dastur birdaniga o‘zgaradi yoki bo‘lmasam, mehmonlardan kutilmagan masala so‘rab qolinadi. Bundan mehmonlar juda o‘ng‘aysiz holatga tushib qolishadi.
Bu to‘g‘ri uslub emas. Hamma ishni oldindan rejalab, uni simulyatsiya qilgan holda yoki yasama ijro qilib bo‘lsa ham tayyorgarlik ko‘rish kerak. (xuddi AQSh askarlari Venezuelaga kirishdan oldin tayyorgarlik ko‘rganlaridek) Mana shunda xatolarimiz minimum darajaga tushadi va hech kimni ortiqcha bezovta qilmaymiz.
Lekin, hozirgi kundagidek, tayyorgarliksiz, e’tiborsiz shaklda ketaversak, davlat~jamiyat~shaxs o‘laroq global afkor-omma tomonidan hurmat qilinmaymiz, ustimizdan kulib yurishadi.
Ortiq O‘zbekiston davlati kichik davlat emas, uning xalqi ham endi kamsonli emas, uning har bir yakka a’zosi ham pachava emas. Unday bo‘lsa, o‘zimizga kelaylik va katta davlatlar va xalqlar bilan muomala qilishda global me’yorlarga amal qilishga o‘taylik.
Zotan, ’men o‘zgarmayman, meni shunday qabul qil’ deyuvchi HAYVONdir. Inson esa o‘zini ustida ishlovchi va o‘zini isloh qiluvchidir.
Telegram
|
Vebsayt