Tanzila Narbaeva
🇺🇿
🇺🇿
🇺🇿
Joriy yilning 4–6 sentyabr kunlari Parlamentlararo Ittifoq bilan Yoshlar parlamentlari a’zolarining 12-global konferensiyasini o‘tkazamiz.
Bugun Tashkiliy qo‘mita yig‘ilishida konferensiyaga tayyorgarlikning asosiy vazifalarini muhokama qildik.
Sun’iy intellekt, raqamli iqtisodiyot, iqlim o‘zgarishi va kiberxavfsizlik kabi global jarayonlar parlamentlar oldiga yangi vazifalarni qo‘ymoqda. Bunday sharoitda yosh parlament a’zolarining hamkorligi va o‘zaro tajriba almashinuvi har qachongidan ham muhim.
O‘zbekiston mazkur konferensiyada yoshlarga oid davlat siyosati, yosh parlament a’zolarining islohotlar jarayonlaridagi ishtiroki borasida to‘plagan tajribasi bilan o‘rtoqlashishga, shuningdek, boshqa mamlakatlarning yondashuvlarini o‘rganishga tayyor.
Ishonchim komilki, ushbu konferensiya parlamentlararo hamkorlikni yanada mustahkamlash, dunyo yoshlari oldida turgan dolzarb masalalar yuzasidan samarali yechimlar ishlab chiqishga munosib hissa qo‘shadi.
#senat
#yoshlarparlamenti
@tanzilanarbaeva
🇺🇿
🇺🇿
🇺🇿
Parlamentlar bugungi kunda nafaqat qonunlar qabul qiluvchi institut, balki barqaror rivojlanish, ijtimoiy adolat va fuqarolar manfaatlarini ta’minlashning muhim tayanchidir.
Shu nuqtai nazardan, BMT Bosh Assambleyasi tomonidan Prezident Shavkat Mirziyoyev tashabbusi bilan ilgari surilgan “
Ijtimoiy taraqqiyotni jadallashtirishda parlamentlarning rolini kuchaytirish to‘g‘risida”gi rezolyusiya
ning
qabul
qilinishi alohida ahamiyat kasb etadi.
Rezolyusiya parlamentlarning sifatli qonunchilikni rivojlantirish, samarali parlament nazoratini ta’minlash hamda ta’lim, munosib bandlik, ijtimoiy himoya va inklyuziv rivojlanishga qaratilgan davlat siyosatini qo‘llab-quvvatlashdagi rolini mustahkamlaydi.
Rezolyusiyada 2025 yil Toshkent shahrida Parlamentlararo ittifoqning 150-Assambleyasi muvaffaqiyatli o‘tkazilgani va unda qabul qilingan
Toshkent deklaratsiyasi
alohida qayd etilgani O‘zbekistonning parlament diplomatiyasidagi faol o‘rni hamda tashabbuslari xalqaro hamjamiyat tomonidan yuksak e’tirof etilayotganini tasdiqlaydi.
#ToshkentDeklaratsiyasi
#Parlament
@tanzilanarbaeva
🇺🇿
🇺🇿
🇺🇿
O‘zbekiston Respublikasi Prezidentining farmoniga muvofiq Dilnoza Primkulovaga Zulfiya nomidagi Davlat mukofotini topshirdik.
Bugun Dilnozaxon tengdoshlari uchun haqiqiy o‘rnakdir. U metallurgiya sohasida ayollar ham muvaffaqiyat bilan faoliyat olib borishi mumkinligini isbotlamoqda. Shuningdek, ijod bilan jiddiy shug‘ullanib, kitobxonlikni ham faol targ‘ib qilmoqda.
Uning samimiy mehnati va ulkan intilishlari yaqinda Davlatimiz rahbari bilan bo‘lib o‘tgan uchrashuvda ham alohida e’tirof etildi.
Mukofot muborak bo‘lsin, Dilnozaxon! Ushbu yutuq siz uchun yanada yorqin va yuksak marralarning boshlanishi bo‘lsin. Sizga mustahkam sog‘liq, kasbiy faoliyatingizda omad hamda ijodiy parvozlar tilayman!
@tanzilanarbaeva
🇺🇿
🇺🇿
🇺🇿
Bugun O‘zbekiston Respublikasi Prezidentining Farmoniga muvofiq, Dilnozaxon Kattaxonova O‘zbekiston Respublikasi Bosh vazirining o‘rinbosari – Oila va xotin-qizlar qo‘mitasi raisi etib tayinlandi.
Dilnozaxonni ushbu mas’uliyatli vazifaga tayinlangani bilan chin dildan tabriklayman.
Bu yuksak ishonch, avvalo, xotin-qizlarning dardi, orzu-intilishlari va tashabbuslariga yanada yaqin bo‘lish mas’uliyatidir. Ishonamanki, davlatimiz rahbari belgilab bergan islohotlar izchil davom ettirilib, xotin-qizlarni qo‘llab-quvvatlash borasidagi ishlar yangi mazmun va amaliy natijalarga aylanadi.
Dilnozaxon, Sizga aziz opa-singillarimizning orzu-umidlarini ro‘yobga chiqarish yo‘lidagi mas’uliyatli faoliyatingizda muvaffaqiyat va kuch-g‘ayrat tilayman!
@tanzilanarbaeva
🇺🇿
🇺🇿
🇺🇿
Yalpi majlisda “O‘zbekiston Respublikasining ustuvor xalqaro reyting va indekslardagi o‘rni yaxshilanishi to‘g‘risida”gi
Milliy ma’ruzani ko‘rib chiqdik
.
So‘nggi yillarda Prezidentimiz rahbarligida amalga oshirilayotgan islohotlar natijasida mamlakatimizning qator nufuzli xalqaro reyting va indekslardagi o‘rni mustahkamlanib bormoqda. Bu esa yurtimizdagi o‘zgarishlarning xalqaro darajada xolis baholanayotganidan dalolat beradi.
Xususan, ustuvor
20 ta xalqaro reytingning 14 tasida
ko‘rsatkichlarimiz sezilarli darajada yaxshilandi.
Xalqaro reyting va indekslar, avvalo amalga oshirilayotgan islohotlar natijadorligini baholashning muhim mezonidir. Ular mavjud kamchiliklarni aniqlash, ish samaradorligini oshirish va yangi vazifalarni belgilashga xizmat qiladi.
Eng muhimi, barcha islohotlarimiz va erishilayotgan natijalarning zamirida inson qadrini ulug‘lash, uning huquq va manfaatlarini ta’minlash, xalqimiz uchun munosib hayot sharoitini yaratish maqsadi mujassam.
#yalpimajlis17
@tanzilanarbaeva
🇺🇿
🇺🇿
🇺🇿
Bolaning huquqlari, qadr-qimmati va xavfsizligini ta’minlash — davlat siyosatining eng muhim yo‘nalishlaridan biridir.
Senatda ma’qullangan
Qonun
bolalarni himoya qilishning huquqiy asoslarini kuchaytirish, ta’lim tashkilotlarida xavfsiz va sog‘lom muhitni ta’minlash, bolalarga nisbatan har qanday zo‘ravonlik, kamsitish va tahqirlash yo‘l qo‘ygan shaxslarning javobgarligini belgilashga qaratilgan.
Har bir ta’lim muassasasida bola o‘zini himoyalangan, qadrlangan va hurmat qilingan holda his qilishi shart. Belgilanayotgan choralar nafaqat javobgarlikni kuchaytirish, balki profilaktika, kasbiy mas’uliyat va ogohlikni oshirishga ham xizmat qiladi.
Shuningdek, yetim va ota-ona qaramog‘idan mahrum bo‘lgan bolalarni oila muhitiga yaqin sharoitda tarbiyalash, tutingan oila va patronat kabi muqobil parvarish shakllarini rivojlantirishga alohida e’tibor qaratilmoqda.
Har bir bola mehr, g‘amxo‘rlik va e’tibor muhitida ulg‘ayish huquqiga ega. Qonunda belgilangan normalarning samarali ijrosini ta’minlash, bolalarga nisbatan zo‘ravonlikning oldini olish, xavfsiz ta’lim muhitini shakllantirish jarayonlari doimiy parlament nazoratida bo‘ladi.
#yalpimajlis17
@tanzilanarbaeva
🇺🇿
🇺🇿
🇺🇿
Aholini ijtimoiy himoya qilish tizimini yanada takomillashtirish, ijtimoiy yordam va xizmatlar sifatini oshirishga qaratilgan muhim
Qonunni
ma’qulladik.
Unda Konstitutsiyamizda mustahkamlangan ijtimoiy davlat tamoyilini amalda ta’minlash, ijtimoiy himoyaga muhtoj insonlar va oilalarni o‘z vaqtida aniqlash hamda ularga manzilli va tizimli yordam ko‘rsatishning huquqiy asoslari belgilanmoqda.
Shuningdek, ijtimoiy ishni asosiy sohalarda tashkil etish, ijtimoiy xizmatlarni ehtiyojga qarab bosqichlarga ajratish, ijtimoiy xodimning huquqiy maqomi va kasbiy faoliyatiga oid muhim kafolatlar nazarda tutilgan.
Endilikdagi asosiy vazifa - ushbu Qonunning to‘liq va samarali ijrosini ta’minlash, mas’ul idoralar hamkorligini mustahkamlash hamda ta’sirchan parlament nazoratini yo‘lga qo‘yishdir. Bu esa ijtimoiy himoya tizimi samaradorligini yanada oshirishga xizmat qiladi.
#yalpimajlis17
@tanzilanarbaeva
🇺🇿
🇺🇿
🇺🇿
Toshkent xalqaro moliya markazining huquqiy va institutsional asoslarini mustahkamlashga qaratilgan
Konstitutsiyaviy Qonun ma’qullandi
.
O‘tgan yalpi majlisimizda Qonun ayrim kamchiliklari, normalardagi o‘zaro ziddiyatlar, noaniqliklar sababli rad etilib, kelishuv komissiyasi tomonidan qayta takomillashtirildi.
Unda Toshkent xalqaro moliya markazining huquqiy maqomi, moliyaviy xizmatlarni tartibga solish va xalqaro tijorat nizolarini hal etishning mustaqil huquqiy mexanizmlari aniq belgilab berilgan.
Mazkur Qonun mamlakatimizda investitsiyaviy jozibadorlikni oshirish, kapital bozorini rivojlantirish, zamonaviy moliyaviy xizmatlar keng joriy etish hamda strategik iqtisodiy taraqqiyot maqsadlariga erishish uchun mustahkam huquqiy asos bo‘lib xizmat qiladi.
#yalpimajlis17
@tanzilanarbaeva
🇺🇿
🇺🇿
🇺🇿
Oliy Majlis Senatining o‘n yettinchi yalpi majlisi o‘z ishini boshladi
Yalpi majlisda masalalar muhokamasi jarayonini Senatning
YouTube
tarmog‘idagi sahifasi orqali onlayn kuzatib borishingiz mumkin.
#yalpimajlis17
@tanzilanarbaeva