Tarixçilik
Bizning bu tomirlarimizda oqayotgan qon turkning qonidir. Turk bo’lishni, musulmon bo’lishni badalini qon bilan o’tadik va o’tab kelmoqdamiz. Biz turkmiz hech bir vaqt tuproqlarimizni tashlab qochmadik…
Uyg’ur bir yigitning fikrlari.
Tarixni soxtalashtirishning eng ko‘zga ko‘ringan namunalaridan biri Toshkentning bosib olinishi bilan bog‘liqdir. General Chernyayev 1865-yilda Toshkentni ikki oylik qonli janglardan so‘ng zabt etgan bo‘lsa-da, shahar oqsoqollarini yig‘ib, go‘yoki shahar urushsiz va ixtiyoriy ravishda taslim bo‘lgani haqida hujjat yozdirib olgan edi.
Sovet tarixchilari Chernyayevning bu hiylasini mutlaq haqiqat sifatida ko‘rsatib, xalq ruslarni quchoq ochib kutib olgan degan afsonani tarqatdilar. Aslida esa, Damla Salih Beg Ahun kabi millat fidoyilari rus istilosiga qarshi so‘nggi damgacha kurashgan edilar. Sovet mafkurasiga ko‘ra, Rossiya kapitalizmi Turkistondagi turg‘un feodal tuzumdan ko‘ra ilg‘orroq bo‘lgan va go‘yoki mazlum xalq o‘z hokimlaridan ko‘ra rus istilochilari qo‘l ostida ko‘proq manfaat ko‘rgan emish. Bu mantiqsiz nazariya orqali mustamlakachilikning qonli asoratlari yashirilib, Turkistonni ruslashtirish siyosati oqlab kelindi.
Milliy Turkiston hurriyat davosi
Boymirza Hayit
Sovet-rus tarixchilari, xususan, A. V. Pyaskovskiy kabi olimlar Turkistonning Rossiya tomonidan bosib olinishini "progressiv" hodisa deb oqlashga harakat qilganlar Ularning asosiy da’vosi shundan iborat ediki, Rossiya istilosi Turkistonning tub aholisini dunyodagi eng inqilobiy sinf hisoblangan rus ishchilari bilan bevosita aloqaga bog‘lagan emish
Sovet mafkurachilari bu aloqani milliy ozodlik kurashi va kelajakdagi Oktabr inqilobining muvaffaqiyati uchun zaruriy poydevor sifatida taqdim etdilar. Ularning mantiqiga ko‘ra, agar chor Rossiyasi Turkistonni bosib olmaganida, o‘lkada sotsialistik tuzum va "baxtli hayot" ham o‘rnatilmagan bo‘lar edi
Rossiyaning bu harakatlarini "xaloskorlik" deb ko‘rsatish uchun hatto xalq orasida "Rus keldi – baxt keldi" degan soxta maqollar to‘qib chiqarildi.
Vaholanki, xalq xotirasida rus mustamlakachilariga bo‘lgan haqiqiy munosabat "Rusdan oshing bo‘lsa, oyboltang yoningda bo‘lsin" degan hayotiy naqlda o‘z aksini topgan edi.
Milliy Turkiston hurriyat davosi
Boymirza Hayit
Oyinadan noyob foto: Cho‘lpon, Mirtemir va Yo‘ldosh Oxunboboyev bir rasmda
Ushbu tasvir 1928-yil Samarqandda suratga olingan. Tik turganlar: chapdan ikkinchi Oxunboboyevning kotibi, shoir Mirtemir, to‘rtinchi atoqli jadid Abdulhamid Cho‘lpon. O‘tirganlardan chapdan to‘rtinchi O‘zbekistonning o‘sha paytdagi rasmiy rahbari Yo‘ldosh Oxunboboyev.
Rasmiy
sahifalarimiz
👇
Telegram
|
Instagram
|
X
|
YouTube
Ançadan beri öylab yurganim video tayyor böldi
https://www.instagram.com/reel/DbXengeIg1U/?igsh=OW1lOHEyYjNiYm5j
#Tarix "Sulton II Abdulhamid davrida ruslar bilan bölib ötgan 93-yil uruşida mağlubiyatga uçraganimizdan söng, rus armiyasi Istanbul ostonasigaça kelib, hatto Istanbulga ham tahdid solgan edi. Ruslar bilan imzolangan Ayastefanos şartnomasini va uruşda…
Aslida bu nima? Bu ibodatxona 1865-yil iyunda Chernyayev qo’shini Toshkentni bosib olgan yurishda halok bo’lgan 24 chor askarining ommaviy qabri ustiga qurilgan (manbalar 1866, ba’zilari 1886-yilni ko’rsatadi). Ya’ni bu shaharni himoya qilganlar emas, shaharni…
Ozodlik xalqimizning ezgu orzusidir. 1997-yil. Otamdan qolgan dalalar" To'g'ay Murodning tariximiz haqida yozilgan eng og'riqli asarlaridan biridir. Asarda Turkiston yerlarining avval chor Rossiyasi, keyin esa Sovet hokimiyati tomonidan bosqichma-bosqich…
Aslida bu nima?
Bu ibodatxona 1865-yil iyunda Chernyayev qo’shini Toshkentni bosib olgan yurishda halok bo’lgan 24 chor askarining ommaviy qabri ustiga qurilgan (manbalar 1866, ba’zilari 1886-yilni ko’rsatadi). Ya’ni bu shaharni himoya qilganlar emas, shaharni bosib olganlar sharafiga tiklangan yodgorlik. Qabr toshiga rus tilida “Za drugi svoya” (“do’stlar uchun”) deb bitilgan, tepasiga esa mortira o’qlaridan uch piramida o’rnatilgan edi.
Eng ma’noli detal — joyning tanlanishi tasodifiy emas. Obida ataylab qadimiy Kamolon musulmon qabristonining oyoq uchida, deyarli uning ostonasida qurilgan. Bu — g’olibning mag’lub yer ustidagi ramziy hukmronligi.
Aynan shu Kamolon darvozasi orqali chorlar shahar devorini yorib kirdi. Chernyayev pozitsiyasini kechasi ushlab turish uchun atrofdagi mahallalarga o’t qo’yishni buyurdi — tinch aholining uylari yondirildi. Ikki kunlik ko’cha janglarida bir necha yuz toshkentlik halok bo’ldi, chorlardan esa atigi ~24 kishi yo’qotdi (kuchlar tengsizligi — bir tomonda qilich-kamon, ikkinchisida to’p-miltiq). Chernyayev shaharning taslimini Abdulqosim madrasasida qabul qildi.
Obida 2020-yil, Pasxa bayramida to’liq ta’mirlandi, atrofi obodonlashtirilib, panjara bilan o’raldi. Ko’plab toshkentliklar buni mustamlakachilikni ulug’lash deb, Turkiston istilosining ramzi sifatida qabul qiladi — shu sabab yodgorlik hozirgacha munozarali.