uzdepo
«Oʼzbekiston» lokomotiv deposida “Korrupsiyaga yo’q deng” shiori ostidagi davra suhbati bo’lib o’tdi.
10.12.2025-yil kuni
“O’zbekiston temir yo’llari”AJ Korrupsiyaga qarshi kurashish boshqarmasi boshlig’i o’rinbosari Yuldashev J.A.
“O’zbekiston” bekatida xavfsizlikni ta’minlash bo’linmasi huquqbuzarliklar profilaktika inspektorlari mayor To’raqulov I.F. va kapitan Isakov S.G. lar tashrif buyurdi va korxona rahbari O.M. Maxsumov boshchiligida davra suhbati bo’ldi.
“Oʼzbekiston” lokomotiv deposi boshlig’i O.M. Maxsumov soʼzga chiqib, О‘zbekiston Respublikasining 2017-yil 3-yanvardagi Korrupsiyaga qarshi kurashish to’g’risida” gi O’RQ-419 sonli qonuni qabul qilish orqali, jamiyatimizdan yildan yilga korrupsiyaga qarshi kurashish hamda uning oldini olishga qaratilgan keng ko’lamli ishlar olib borilmoqda. Shuningdek, ushbu qonun qabul qilinganidan so’ng, jamiyatda korrupsiya elementlariga bo’lgan murosasiz muhitni shakllantirish, aholining huquqiy madaniyatini oshirish uchun bir qator targ’ibot-tashviqot ishlari yangi bir bosqichga olib chiqilayotganligi, hamda bu yuqoridagi barcha ishlar muhtaram yurtboshimizning tashabbuslari bilan amalga oshirilayotganlini alohida ta’kidlab o’tdi.
Davra suhbati davomida “O’zbekiston temir yo’llari”AJ Korrupsiyaga qarshi kurashish boshqarmasi boshlig’i o’rinbosari Yuldashev J.A. so’zga chqib, aksiyadorlik jamiyati tizimida korrupsiyaga qarshi kurashish bo`yicha qabul qilingan "Jamiyatning korrupsiyaga qarshi kurashish bo`yicha asosiy ichki idoraviy hujjatlarini tasdiqlash to`g`risida" yangi taxrirdagi 438-H-sonli hamda "Jamiyatning odob-axloq qoidalariga rioya etilishini ta'minlashga doir ichki idoraviy hujjatlarini tasdiqlash to`g`risida" 1015-H-sonli buyruqlar va ularga biriktirilgan ilovalar bilan ishchi-xodimlar tanishtirdi.
"O'zbekiston" lokomotiv deposida
haftaning har chorshanba kuni odatiy tarzda o'tkaziladigan
"Harakat xavfsizligi kuni"
ning navbatdagi yig'ilishi Korxona rahbarining lokomotivlardan foydalanish bo’yicha o’rinbosari Sh.X.Valiyev boshchiligida bo’lib o’tdi.
Yig'ilish davomida harakat xavfsizligini ta'minlash, harakat davomida yuzaga kelishi mumkin bo'lgan holatlar va foydalanishga taaluqli bo'lgan boshqa masalalar to'g'risida so'z olib borildi.
Elektron marshrut tizimida mashinistlar tomonidan toldirilishida kamchilik bo’layotgan mashinistlar bilan nazoratni kuchaytirish masalalari tushuntirildi.
Lokomotiv brigadalar va murabbiylar tomonidan harakat xavfsizligini ta’minlashga oid, dolzarb bo‘lgan bir qator taklif va savollarning muhokamasi bo‘lib o‘tdi.
Hurmatli jamoamiz a’zolari!
Sizlarni yurtimizning eng muhim sanalaridan biri —
O‘zbekiston Respublikasi Konstitutsiyasi qabul qilingan kun
bilan chin qalbimdan tabriklayman!
Konstitutsiyamizda belgilangan qadriyatlar — adolat, tenglik, erkinlik va inson manfaatlarini ustuvor qo‘yish — bizning korxonamiz faoliyati va jamoamiz madaniyatining ham asosiy poydevoridir. Sizlarning mehnatsevarligingiz, mas’uliyatingiz va jipsligingiz tufayli biz bugun yuqori natijalarga erishmoqdamiz.
Ushbu qutlug‘ kunda barchangizga sihat-salomatlik, xonadonlaringizga tinchlik, ishlaringizga baraka, yangi muvaffaqiyatlar tilayman. Yurtimiz taraqqiyoti yo‘lida birgalikda yanada katta marralarga erishamiz, deb ishonaman.
Konstitutsiya bayramingiz muborak bo‘lsin!
Hurmat bilan, O.M.Maxsumov.
“O‘zbekiston" lokomotiv deposida 26-noyabr kuni depo boshlig’i O.M. Maxsumov boshchiligida mashinistlarning harakat vaqtida yuzaga keladigan nostandart holatdan chiqish uchun o‘quv mashg‘ulotlari o‘tkazildi.
Poyezd harakatini boshqaruvchi mashinistlar favqulotda yoki nostandart holatlarga duch kelganda, ularning tezkor, to‘g‘ri va aniq qaror qabul qilish va yuzaga kelgan kamchiliklarni tezkorlik bilan aniqlash va bartaraf etish mashqlari o‘tkazildi.
O`quv mashg‘ulotda qatnashgan barcha mashinist va mashinist yordamchilariga sun’iy nostandart holatlar amaliy tarzda vazifa etib qo’yildi.
Mashg‘ulot yakunida, berilgan taklif va kamchiliklar yuzasidan rahbariyat tomonidan tegishli topshiriqlar berildi.
"O'zbekiston" lokomotiv deposida "Sifat kuni" doirasida yig’ilish bo‘lib o‘tdi.
27-noyabr kuni, "O'zbekiston" lokomotiv deposi boshlig'ining ta’mirlash ishlari bo‘yicha o‘rinbosari M.Y.Zulfiqorov hamda J.M.Mirzarahmedovlar boshchiligida harakatli tarkibni ta’mirlash xodimlari bilan "Harakat xavfsizligi va Sifat kuni" doirasida yig'ilish bo'lib o'tdi.
Yig'ilish davomida harakat xavfsizligini ta'minlash, harakat davomida yuzaga kelishi mumkin bo'lgan holatlar, foydalanishga taaluqli bo'lgan boshqa masalalar va lokomotivlarga yanada sifatli texnik xizmat ko’rsatish to'g'risida so'z olib borildi.
“O‘zbekiston” lokomotiv deposiga 18-noyabr kuni
"O‘zbekiston temir yo`llari" AJ boshqaruvi raisining Moliya va iqtisod masalalari bo‘yicha maslahatchisi
N.E. Babaxalov
va korxona rahbari boshchiligida korxonada ishchilarga yaratilgan shart-sharoitlar, ta’mirlash jarayonlari bilan tanishtirildi.
“O‘zbekiston” lokomotiv deposi.
18-noyabr 2025-yil. “O‘quv seminar
o‘tkazish to‘g‘risida”gi 903-JDS-sonli buyruq “Temiryo‘linfratuzilma” AJ barcha MTU filiallari tarkibidagi lokomotiv depolarning moliyaviy–iqtisodiy faoliyatini yaxshilash, tajriba almashish, faol iqtisodiyot oyligida lokomotiv depolarning ishlab chiqarish xarajatlarini kamaytirish
va daromadlarini oshirish maqsadida
“O‘zbekiston” lokomotiv deposi
da O‘quv seminari o‘tkazildi.
O‘quv seminari davomida barcha lokomotiv depolarda 11 oy davomida qilingan ishlar bo‘yicha taqdimotlar bo‘ldi va korxonamizda yangi barpo qilingan lokomotivlarni bo‘yash sexi hamda yaqinda ta’mirdan chiqarilgan “O‘Z-Y 0104” elektrovozi ko‘zdan kechirildi.
Seminar yakunida ta’mirlash seximizda tashkillashtirilgan konferensiya zalida raqamlashtirish ishlari bo‘yicha taqdimot bo‘lib o‘tdi.
Seminar ishtirokchilari kun yakunida bugungi o‘quv seminarida o‘zlari uchun kerakli bilim ko‘nikmalarni olganligi va bilim almashinuvidan mamnunligini bildirdi va estalik sovg‘alari bilan kuzatildi.