Termiz shahar hokimligi Axborot xizmati
🗣
Termiz shahrida voyaga yetmagan qizlar bilan profilaktik ishlar bo‘yicha tadbir o‘tkazildi
⏺
Surxondaryo viloyati hokimining 2023-yil 14-avgustdagi 434-8-0-Q/23-sonli qarori ijrosini ta’minlash maqsadida Termiz shahrida huquqbuzarlik va jinoyat sodir etish xavfi mavjud bo‘lgan voyaga yetmagan qizlarning moddiy va ma’naviy tarbiyasini qo‘llab-quvvatlash bo‘yicha tizimli ishlar olib borilmoqda.
⏺
Shu maqsadda shahar hokimligi huzuridagi Bolalar masalalari bo‘yicha komissiyaning 2023-yil 3-oktabrdagi 66-sonli yig‘ilish bayoniga asosan 27 nafar qizga davlat va jamoat tashkilotlari rahbarlari hamda ularning o‘rinbosarlari biriktirilib, har bir qiz bo‘yicha individual yo‘l xaritalari ishlab chiqilgan.
⏺
Olib borilgan muntazam ishlar natijasida, bugungi kunga kelib, 6 nafar qizning maktab, mahalla va biriktirilgan murabbiylar ko‘magida ijobiy tomonga o‘zgargani haqida tavsiyanomalar berildi va ular ro‘yxatdan chiqarildi.
⏺
2025-yilning 11 oy yakuni bo‘yicha ro‘yxatda 18 nafar qiz qolgan bo‘lib, ularning 6 nafari “yashil”, 4 nafari “sariq”, 8 nafari esa “qizil” toifada nazoratda turibdi. Ushbu ro‘yxatdagi qizlarning har biri ota-ona, maktab, mahalla va biriktirilgan rahbarlar hamkorligida doimiy nazoratda bo‘lishi shart. Qizlarimiz bilib-bilmay noto‘g‘ri yo‘lga kirib qolmasliklari uchun ularni o‘zlari qiziqqan to‘garak va faoliyatlarga jalb etish muhim ahamiyatga ega.
⏺
Bugun aynan shu maqsadda navbatdagi profilaktik tadbir o‘tkazildi. Tadbirda Surxondaryo viloyati hokimining o‘rinbosari Zulxumor Xidirova ishtirok etdi.
🇺🇿
Termiz shahar hokimligi Axborot xizmati
✅
Kanalga ulanish:
https://t.me/termizshh
Telegram
|
YouTube
|
Facebook
|
Web-site
|
Twitter |
Instagram
Surxondaryoda bozorlar faoliyati tartibga keltirilmoqda
Xabar qilinganidek, Surxondaryo viloyati hokimi Ulug‘bek Qosimov tomonidan bozorlar va savdo yarmarkalarining xavfsiz va tartibli faoliyatini ta’minlash, aholiga zarur qulayliklar yaratish, eng muhimi — mahsulotlar narxlarining barqarorligini saqlash hamda sun’iy oshirish holatlarining oldini olish bo‘yicha tegishli vazifalar belgilangan edi.
Mazkur vazifalar ijrosi doirasida viloyat prokurori Baxtiyor Babadjanov va Soliq boshqarmasi boshlig‘i Erkin Narmanov Termiz shahridagi “Yashil dunyo” markaziy dehqon bozori hududini tartibga keltirish, aholi va maxsus transport vositalarining bemalol harakatlanishi uchun yo‘laklarni ochish, sotuvchi va xaridorlarni qulay sharoitga ega joylarga ko‘chirish ishlari o‘rganildi.
Sotuvchilar bilan suhbat qilinib, bozordagi tartib-qoidalar, xavfsizlik choralari va kundalik savdoni tizimli tashkil etish bo‘yicha tushuntirish ishlari olib borildi.
Viloyatda bozorlar va savdo markazlari faoliyatini tartibga keltirish bo‘yicha ishlar bosqichma-bosqich davom etmoqda.
🇺🇿
Termiz shahar hokimligi Axborot xizmati
✅
Kanalga ulanish:
https://t.me/termizshh
Telegram
|
YouTube
|
Facebook
|
Web-site
|
Twitter |
Instagram
🗣
Har bir ma’lumot taraqqiyot uchun xizmat qiladi.
Aholi va qishloq xo‘jaligini ro‘yxatga olishda — faoli ishtirok eting!
🇺🇿
Termiz shahar hokimligi Axborot xizmati
✅
Kanalga ulanish:
https://t.me/termizshh
Telegram
|
YouTube
|
Facebook
|
Web-site
|
Twitter |
Instagram
🗣
Rasmiy munosabat
Ijtimoiy tarmoqlarda Termiz shahrida yashovchi, hozirda vaqtincha AQSHda istiqomat qilayotgan fuqaro Fazilat Salimova tomonidan “Yashil dunyo” markaziy dehqon bozorida unga tegishli mulk buzilayotgani haqida murojaat berilgan bo‘lib, unda keltirilgan ma’lumotlar asossizdir. Mazkur murojaat yuzasidan quyidagilar ma’lum qilinadi.
Termiz shahar “Markaziy dehqon (oziq-ovqat) bozori” MCHJ hududida zamonaviy sharoitlar yaratish maqsadida savdo va xizmat ko‘rsatish obyektlarini maqsadli buzish bo‘yicha Q-1110-sonli qaror qabul qilingan.
Shuningdek, 2020-yil 29-iyundagi Q-714-sonli qaror bilan “Smart House Buildings” MCHJga sobiq bozor hududida ko‘p qavatli uy-joylar majmuasini qurish uchun 2,02 gektar yer maydoni ajratilgan. Ushbu qarorga asosan “Smart House Buildings” MCHJ hamda hududda mulk huquqiga ega bo‘lgan fuqaro Sattorova Kurbonxol Olimqulovna o‘rtasida 50-sonli kelishuv tuzilib, 215,3 kv.m savdo do‘koni uchun 750 million so‘m kompensatsiya miqdori belgilab qo‘yilgan.
Ishlarni yuritish maqsadida K.Sattorova tomonidan F.Salimovaga ishonchnoma berilgan. Kelishuvga muvofiq, murojaatchiga qo‘shimcha ravishda barpo etilayotgan turar-joy binosining 3-qavatidan 60 kv.m xonadon berish ham nazarda tutilgan. Biroq, F.Salimova uy-joydan ixtiyoriy ravishda voz kechib, 2023-yil 7-sentabr kuni tilxat asosida to‘liq pul kompensatsiyasini qabul qilgan.
Shu bilan birga, F.Salimovaga 2019- yil 17-dekabrda — “Azizbek–Jahongir–Termiz” MCHJga ajratilgan, biroq murojaatchi tomonidan foydalanilgan 216 kv.m savdo do‘koni qurilishi uchun yer maydoni, 2020-yil 21-oktabrda — 20 kv.m savdo do‘koni uchun yer maydoni, 2021-yil 17-sentabrda — “Kattabog‘” mahallasi, Alisher Navoiy ko‘chasida joylashgan 75 kv.m “Fastfud” shoxobchasi mulk huquqi asosida berilgan bo‘lib, ushbu obyektlarning barchasi qonuniy tartibda davlat ro‘yxatidan o‘tkazilgan.
Ayni paytda ayrim bozorlarda kuzatilayotgan yong‘in holatlarini inobatga olgan holda, “Yashil dunyo” dehqon bozorida xavfsizlikni ta’minlash, o‘t o‘chirish texnikasining erkin harakatlanishini ta’minlash maqsadida yo‘laklarni ochish ishlari olib borilmoqda. Shu munosabat bilan yengil konstruksiyali, noqonuniy qurilmalar tadbirkorlarning o‘zi tomonidan buzib olinmoqda.
Ta’kidlash joizki, maqsadli buzilish ishlari amalga oshirilayotgan hududda F.Salimovaga tegishli biror mulk mavjud emas. Unga tegishli obyektlarning hech biri buzilmayapti.
Videomurojaatda ko‘rsatilgan joy esa fuqaro tomonidan ijara asosida foydalanilgan bo‘lib, u maxsus texnikalar harakati uchun mo‘ljallangan yo‘lak hududida noqonuniy tarzda qurilgan. Mulkdorning vakiliga obyektni ixtiyoriy ravishda buzib olish haqida talabnoma berilgan, ammo belgilangan muddatga amal qilinmagani uchun obyekt majburiy tartibda bartaraf etilgan.
Xulosa o‘rnida, F.Salimova xorijda turib ijtimoiy tarmoqlarda asossiz va provokatsion ma’lumotlarni tarqatib, jamoatchilikni chalg‘itishga urinmoqda.
Ijtimoiy tarmoq foydalanuvchilaridan ushbu asossiz bayonotlarga ishonmaslikni so‘raymiz. Fuqaroga qonuniy asosda tegishli bo‘lgan obyektlarning birortasi buzilmayotganini ma’lum qilamiz.
🇺🇿
Termiz shahar hokimligi Axborot xizmati
✅
Kanalga ulanish:
https://t.me/termizshh
Telegram
|
YouTube
|
Facebook
|
Web-site
|
Twitter |
Instagram
O‘zbekiston va Misr o‘rtasida ma’naviy-ma’rifiy hamkorlik yangi bosqichga chiqmoqda
Bugun Qohira shahrida O‘zbekiston Respublikasi Prezidenti Administratsiyasi rahbari
Saida Mirziyoyeva
hamda Misr Bosh imomi, “Al-Azhar” majmuasi rahbari
shayx Ahmad Muhammad Toyib
o‘rtasida uchrashuv
bo‘lib o‘tdi
.
Uchrashuvda Saida Mirziyoyeva shayx hazratlariga O‘zbekiston Respublikasi Prezidenti
Shavkat Mirziyoyev
ning samimiy salomi va ezgu tilaklarini yetkazdi.
Muloqot davomida O‘zbekiston va Misr o‘rtasida
ma’naviyat, ilm-fan
va
ta’lim
sohalaridagi hamkorlikni mustahkamlash masalalari muhokama qilindi.
Ma’rifatli islom g‘oyalari
ni targ‘ib etish,
yoshlarni radikal g‘oyalar ta’siridan himoya qilish
da o‘zaro hamkorlikni kuchaytirish muhimligi ta’kidlandi.
Shuningdek, qo‘shma dasturlarni amalga oshirish, akademik almashinuvlarni yo‘lga qo‘yish va tarixiy qo‘lyozmalarni o‘rganish yo‘nalishlarini kengaytirish bo‘yicha o‘zaro manfaatdorlik bildirildi.
✅
MILLIY KONTENT
🗣
Termiz shahrida yong‘in xavfsizligi va favqulodda holatlardagi amaliy harakatlar bo‘yicha o‘quv mashqi o‘tkazildi
⏺
Yurtimizda aholini favqulodda holatlardan himoya qilish, yong‘in xavfsizligini ta’minlash hamda bu yo‘nalishda amaliy ko‘nikmalar va targ‘ibot ishlarini kuchaytirish maqsadida joriy yil 1-dekabrdan 30-dekabrgacha "Yong‘in xavfsizligi oyligi" o‘tkazilmoqda. Shuningdek, Hukumat topshiriqlariga asosan aholini yong‘in va is gazidan kompleks himoya qilish, favqulodda vaziyatlarda kuch tuzilmalari hamda hamkor tashkilotlar harakatini muvofiqlashtirish bo‘yicha o‘quv-amaliy tadbirlar tashkil etilmoqda.
⏺
Bugun Surxondaryo viloyati hokimi – fuqaro muhofazasi boshligi Ulug‘bek Qosimov rahbarligida Termiz shahridagi "Farovon servis" boshqaruv kompaniyasiga qarashli ko‘p qavatli uylarda shartli yong‘inni o‘chirish va aholini xavfsiz evakuatsiya qilish bo‘yicha amaliy-taktik mashqi o‘tkazildi.
⏺
Unda shartli yong‘inni bartaraf etish, aholini tez va xavfsiz tarzda evakuatsiya qilish, birinchi tibbiy yordam ko‘rsatish, favqulodda vaziyatlarda quyi kuch tuzilmalarining o‘zaro hamkorligini ta’minlash va tezkor harakat algoritmlarini amalga oshirish bo‘yicha amaliy vazifalar bajarildi.
⏺
Tadbir yakunida viloyat hokimi – fuqaro muhofazasi boshlig‘ining topshiriqlari belgilanib, hududlarda yong‘in xavfsizligini ta’minlash bo‘yicha mutasaddilarning axborotlari tinglandi. Shuningdek, tuzilmalarning moddiy-texnika bazasini mustahkamlash, xususan Termiz shahri hamda Termiz va Denov tumanlaridagi ko‘p qavatli uylarning yuqori qismlarida yong‘inlarni o‘chirishga mo‘ljallangan zamonaviy kran-o‘chirish texnikalaridan 3 ta xarid qilish vazifasi yuklatildi.
⏺
Bundan tashqari, barcha hududlardagi turar joylar, ijtimoiy soha obyektlari va boshqa inshootlarda yong‘inga qarshi suv ta’minoti tarmoqlarining to‘liq shay holatda bo‘lishini ta’minlash bo‘yicha ko‘rsatmalar berildi.
🇺🇿
Termiz shahar hokimligi Axborot xizmati
✅
Kanalga ulanish:
https://t.me/termizshh
Telegram
|
YouTube
|
Facebook
|
Web-site
|
Twitter |
Instagram
🇺🇿
Bugun – O‘zbekiston Konstitutsiyasi qabul qilinganiga 33 yil to‘ldi
⏺
Yangi tahrirdagi Konstitutsiya Yangi O‘zbekiston taraqqiyotining mustahkam siyosiy-huquqiy poydevorini yaratdi, davlat va jamiyatni rivojlantirishning ustuvor yo‘nalishlarini belgilab berdi.
⏺
Asosiy Qonunda mamlakatimiz tarixida birinchi bor “O‘zbekiston – ijtimoiy davlat” tamoyili mustahkamlandi.
⏺
Bu tamoyil insonga e’tibor va g‘amxo‘rlik davlat siyosatining bosh mezoni ekanini yanada aniq ifodalaydi.
🎉
Barchani Konstitutsiya qabul qilingan kun bilan tabriklaymiz!
🇺🇿
Termiz shahar hokimligi Axborot xizmati
✅
Kanalga ulanish:
https://t.me/termizshh
Telegram
|
YouTube
|
Facebook
|
Web-site
|
Twitter |
Instagram
Bozorlar va Yangi yil bayrami yarmarkalarini aholi uchun qulay, xavfsiz va tartibli tashkil etish ishlari olib borilmoqda
🇺🇿
Termiz shahar hokimligi Axborot xizmati
✅
Kanalga ulanish:
https://t.me/termizshh
Telegram
|
YouTube
|
Facebook
|
Web-site
|
Twitter |
Instagram
🗣
Aholi xavfsizligini ta’minlash maqsadida “Yashil dunyo” markaziy dehqon bozorida tartibga solish ishlari olib borilmoqda
⏺
Termiz shahridagi “Yashil dunyo” markaziy dehqon bozori hududida tartib-qoidalarga rioya etilmaganligi, yo‘l va yo‘laklarning savdo uchun noo‘rin egallab olinishi natijasida xaridorlarning harakati hamda favqulodda holatlarda maxsus texnikalarning kirib borishi cheklangani sababli bozorda tartibni o‘rnatish va xavfsizlikni ta’minlash bo‘yicha zarur choralar ko‘rilmoqda.
⏺
Bozorlar doimiy aholi gavjum bo‘ladigan maskan bo‘lgani bois, favqulodda vaziyatlarda tezkor choralar ko‘rish uchun maxsus texnikalarning erkin harakatlanishini ta’minlash muhim ahamiyat kasb etadi.
⏺
Aholi manfaatlariga xizmat qiluvchi ushbu chora-tadbirlar doirasida yo‘laklar asfaltlanmoqda, o‘rganishlar davomida aniqlangan ruxsatsiz o‘rnatilgan savdo moslamalari va qurilmalar bo‘yicha demontaj ishlari amalga oshirilmoqda.
⏺
Ko‘rilayotgan ishlar yarmarkalarning tartibli tashkil etilishi, aholining xavfsizligini mustahkamlash, piyodalar hamda maxsus texnikalar uchun qulay va keng yo‘laklar yaratish, bozordagi tartibsizliklarning oldini olish, xizmat ko‘rsatish sifati va narx-navoning barqarorligini ta’minlashga xizmat qiladi.
🇺🇿
Termiz shahar hokimligi Axborot xizmati
✅
Kanalga ulanish:
https://t.me/termizshh
Telegram
|
YouTube
|
Facebook
|
Web-site
|
Twitter |
Instagram