Toshkent viloyati sport boshqarmasi
“BESH TASHABBUS OLIMPIADASI” — YOSHLAR UCHUN YANGI IMKONIYATLAR
Yangiyo‘l shahrida yoshlarning bo‘sh vaqtini mazmunli tashkil etish, ularni sportga jalb etish hamda iqtidorli yoshlarni aniqlash maqsadida “Besh tashabbus olimpiadasi” sport musobaqalarini targ‘ib qilishga qaratilgan o‘quv-seminar tashkil etildi.
Unda Yangiyo‘l shahar Maktabgacha va maktab ta’limi bo‘limi, Sport maktabi ma’muriyati, seleksioner-trenerlar hamda umumta’lim maktablarining jismoniy tarbiya fani o‘qituvchilari ishtirok etdi.
Seminar davomida
5tashabbus.uz
platformasida o‘quvchilarni ro‘yxatdan o‘tkazish, sinflararo sport musobaqalarini samarali tashkil etish va o‘tkazish tartibi yuzasidan batafsil tushuntirishlar berildi.
Tadbir yakunida ishtirokchilar o‘zlarini qiziqtirgan savollarga mutaxassislar tomonidan batafsil javob oldilar.
“Besh tashabbus olimpiadasi” — yoshlarning iste’dod va qobiliyatini namoyon etishi, sog‘lom turmush tarzini shakllantirishi hamda sportda yangi marralarni zabt etishi uchun imkoniyatlar yaratadi.
“BESH TASHABBUS OLIMPIADASI” — YOSHLAR UCHUN YANGI IMKONIYATLAR
O‘zbekiston Respublikasi Prezidentining yoshlar ma’naviyatini yuksaltirish, bo‘sh vaqtini mazmunli tashkil etish hamda ularni sportga keng jalb etish borasidagi tashabbuslari doirasida “Besh tashabbus olimpiadasi” sport musobaqalarini maktab o‘quvchilari o‘rtasida keng targ‘ib qilish ishlari izchil davom ettirilmoqda.
Shu munosabat bilan Quyi Chirchiq tumani Maktabgacha maktab taʼlim boʻlimi Sport maktabi ma’muriyati va seleksioner trenerlari tomonidan umumta’lim maktablarida jismoniy tarbiya fani o‘qituvchilari ishtirokida o‘quv seminari hamda targ‘ibot tadbiri tashkil etildi.
Tadbir davomida o‘quvchilarga “Besh tashabbus olimpiadasi” doirasida o‘tkaziladigan sport musobaqalari, ularda ishtirok etish tartibi, yoshlar uchun yaratilayotgan imkoniyatlar hamda musobaqalarda faol qatnashishning ahamiyati haqida batafsil ma’lumot berildi.
“NARKOJINOYATLARDAN HOLI MAHALLA” TAMOYILI ASOSIDA SPORT MUSOBAQASI O‘TKAZILDI
Parkent tumani sport maktabida yoshlar o‘rtasida “Narkojinoyatlardan holi mahalla” tamoyili asosida voleybol musobaqasi tashkil etildi.
Musobaqadan ko‘zlangan asosiy maqsad — yoshlar o‘rtasida sog‘lom turmush tarzini keng targ‘ib qilish, ularni sportga faol jalb etish, bo‘sh vaqtlarini mazmunli tashkil etish hamda zararli illatlarning oldini olishdan iborat.
Bellashuv davomida o‘quvchilar o‘zlarining aql-zakovati, mantiqiy fikrlashi va voleybol bo‘yicha mahoratlarini namoyish etib, g‘oliblik uchun murosasiz bahs olib bordilar.
Ko‘tarinki ruhda va sog‘lom raqobat muhitida o‘tgan musobaqa yoshlarning sportga bo‘lgan qiziqishini yanada oshirish, ularning bo‘sh vaqtlarini mazmunli tashkil etish hamda sog‘lom hayot tarzini shakllantirishda muhim ahamiyat kasb etdi.
SPORTING TAEKVONDO WT BO‘YICHA O‘QUV-YIG‘IN MASHG‘ULOTLARI
Joriy yilning 7-sentabridan 25-sentabriga qadar Angren shahrining Dukent qo‘rg‘onida viloyat terma jamoasi murabbiyi Abror Karimov boshchiligida sporting taekvondo WT (World Taekwondo) turi bo‘yicha o‘quv-yig‘in mashg‘ulotlari o‘tkazilmoqda.
Mashg‘ulotlardan asosiy maqsad — noyabr oyida bo‘lib o‘tadigan O‘zbekiston chempionatiga sportchilarni puxta tayyorlash, ularning jismoniy va texnik-taktik mahoratini oshirish hamda musobaqada yuqori natijalarga erishishdan iborat.
#
Payshanba_yoshlar_kuni
Chirchiqda iqtidorli sportchilar bilan uchrashuv bo‘lib o‘tdi
Chirchiq shahar sport maktabida payshanba — “Yoshlar kuni” munosabati bilan shahar hokimi M.Abdurahimov, viloyat Sport boshqarmasi rahbari R.Bobokulov, trener-o‘qituvchilar hamda iqtidorli sportchilar ishtirokida uchrashuv o‘tkazildi.
Uchrashuvda 2025–2026-o‘quv yilida sport maktabida amalga oshirilgan ishlar, erishilgan yutuqlar va sportchilar qo‘lga kiritgan natijalar sarhisob qilindi.
Shuningdek, 2026–2027-o‘quv yilida sport maktabi oldida turgan ustuvor vazifalar, sport turlarini rivojlantirish, iqtidorli yoshlarni saralash, ularning mahoratini oshirish hamda yuqori natijalarga erishishi uchun zarur shart-sharoitlarni yaratish masalalari muhokama qilindi.
Ochiq muloqot davomida sportchi yoshlar va trener-o‘qituvchilarning taklif hamda fikrlari tinglandi. Kelgusida yoshlar o‘rtasida sportni yanada ommalashtirish, nufuzli musobaqalarda munosib ishtirok etish va Chirchiq shahri sporti nufuzini oshirish bo‘yicha rejalar belgilandi.
Tadbir yakunida 2026-yil davomida yuqori natijalarga erishib, shahar, viloyat, respublika va xalqaro miqyosdagi musobaqalarda munosib ishtirok etgan sportchilar taqdirlandi.
Yosh sportchilarga kelgusi musobaqalarda omad, yangi marralar va ulkan zafarlar tilandi.
💬
Telegram
🌐
Facebook
🌐
Instagram
🌎
Web-site
O‘QUV-SEMINAR O‘TKAZILDI
Zangiota tumani 1-son sport maktabi majlislar zalida umumta’lim maktablarining jismoniy tarbiya o‘qituvchilari uchun o‘quv-seminar tashkil etildi.
1-son sport maktabi rahbari L. Turabekova boshchiligida o‘tkazilgan seminarda o‘quvchilar o‘rtasida tashkil etiladigan “Besh tashabbus olimpiadasi” hamda “Maktab ligasi” sport musobaqalariga o‘quvchilarni elektron platforma orqali ro‘yxatdan o‘tkazish tartibi yuzasidan tushunchalar berildi.
Shuningdek, musobaqalarning 1-bosqich — sinflararo maktab bosqichini tashkil etish va o‘tkazish tartibi, shuningdek, maktablararo tuman bosqichini yuqori saviyada tashkil etish masalalari batafsil tushuntirildi.
Seminar davomida ishtirokchilarning savollariga mutaxassislar tomonidan tegishli javob va tavsiyalar berildi.
“NARKOJINOYATLARDAN HOLI MAHALLA” TAMOYILI ASOSIDA SPORT MUSOBAQASI O‘TKAZILDI
Piskent tumanidagi 2-maktab sport zalida o‘quvchilar o‘rtasida sog‘lom turmush tarzini targ‘ib qilish, yoshlarni sportga keng jalb etish hamda bo‘sh vaqtlarini mazmunli tashkil etish maqsadida “Narkojinoyatlardan holi mahalla” tamoyili asosida shaxmat musobaqasi tashkil etildi.
Musobaqada o‘quvchilar aql-zakovat, mantiqiy fikrlash va shaxmat mahoratlarini namoyish etib, g‘oliblik uchun o‘zaro bellashdilar.
Ko‘tarinki ruhda o‘tgan musobaqa yoshlar o‘rtasida sog‘lom raqobat muhitini shakllantirish, ularning sportga bo‘lgan qiziqishini oshirish hamda bo‘sh vaqtlarini mazmunli tashkil etishga xizmat qildi.
HAR PAYSHANBA — YOSHLAR KUNI: RAHBAR YOSHLAR ICHIDA
Bugun “Har payshanba — yoshlar kuni” munosabati bilan Toshkent viloyati sport boshqarmasi boshlig‘i Rustam Bobokulov Chirchiq olimpiya va paralimpiya sport turlariga tayyorlash markazida bo‘lib, yosh sportchilar bilan uchrashdi.
Bu galgi uchrashuv odatdagidan farqli tarzda tashkil etildi. Rustam Bobokulov
yoshlarni bir joyga jamlab suhbatlashish bilan cheklanib qolmasdan,
ularning mashg‘ulot jarayonlariga bevosita kirib bordi va har bir sportchi bilan alohida muloqot qildi.
Rahbar sportchilarning mashg‘ulot jarayoni, qiziqishlari, muammolari va kelgusidagi maqsadlari bilan yaqindan tanishdi.
Bu esa rahbarning yoshlar ichiga kirib borib, ularni bevosita eshitish va qo‘llab-quvvatlashga alohida e’tibor qaratayotganini ko‘rsatadi.
Uchrashuvda yosh sportchilarga muntazam mashg‘ulot qilish, o‘z ustida ishlash hamda xalqaro maydonlarda yurtimiz sharafini munosib himoya qilish uchun barcha imkoniyatlardan samarali foydalanish bo‘yicha tavsiyalar berildi.
PARKENT TUMANI SPORT MAKTABIDA QONUN MAZMUN-MOHIYATI TUSHUNTIRILDI
Parkent tumani sport maktabida “Jismoniy tarbiya va sport to‘g‘risida”gi Qonun mazmun-mohiyatini keng targ‘ib qilish va uning asosiy yo‘nalishlarini tushuntirishga bag‘ishlangan tadbir tashkil etildi.
Unda Parkent tumani sport maktabi rahbariyati, trenerlar, jismoniy tarbiya o‘qituvchilari, seleksion trenerlar hamda soha mutaxassislari ishtirok etdi.
Tadbir davomida qonunning asosiy mazmuni, jismoniy tarbiya va sport sohasini rivojlantirish, aholini, ayniqsa, yoshlarni sportga keng jalb etish, sport maktablari faoliyatini takomillashtirish hamda sohada korrupsiyaga qarshi murosasiz munosabatni shakllantirish masalalariga alohida e’tibor qaratildi.
Shuningdek, yangi o‘quv yiliga puxta tayyorgarlik ko‘rish, sport mashg‘ulotlarini sifatli tashkil etish, sport zallari va mavjud infratuzilmani tayyor holatga keltirish hamda yosh sportchilar uchun zarur shart-sharoitlarni yaratish bo‘yicha vazifalar belgilab olindi.
Chirchiq Olimpiya va paralimpiya sport turlariga tayyorlash markazida suv polosi sport turi bo‘yicha Toshkent viloyati chempionati musobaqalari yuqori saviyada tashkil etildi.
Mazkur musobaqadan ko‘zlangan asosiy maqsad — suv polosi sport turini viloyatda yanada rivojlantirish, iqtidorli va istiqbolli sportchilarni aniqlash, ularning sport mahoratini oshirish hamda viloyat terma jamoalari tarkibini munosib sportchilar bilan shakllantirishdan iborat.
Musobaqa davomida ishtirokchilar o‘zaro bellashib, texnik va taktik tayyorgarliklari, jismoniy imkoniyatlarini namoyish etdilar.
Qizg‘in va murosasiz kechgan bahslar yakunida g‘olib va sovrindorlar aniqlandi.
Qizlar o‘rtasida:
🥇
1-o‘rin — Chirchiq Olimpiya va paralimpiya sport turlariga tayyorlash markazi
🥈
2-o‘rin — Ohangaron tumani jamoasi;
🥉
3-o‘rin — Angren shahar jamoasi.
O‘g‘il bolalar o‘rtasida:
🥇
1-o‘rin — Chirchiq Olimpiya va paralimpiya sport turlariga tayyorlash markazi
🥈
2-o‘rin — SSTISM;
🥉
3-o‘rin — Angren shahar sport maktabi.