Ulug‘bek Po‘latov
Ishsiz qolamiz
Shu vaqtga qadar ma’lum bir mablag‘ evaziga tayyorlatayotgan ayrim materiallarimni endi sun’iy intellekt 10 barobar arzon narxga tayyorlab beryapti.
Men faqat sun’iy intellektdan foydalanyapman xolos, uni yaratayotganim yo‘q. Aslida, men hozir SI haqidagi eng minimal ma’lumotlarni ham bilmayman, shunchaki oddiy foydalanuvchiman.
Tushunyapsizmi? Hali SI xizmatidan mutlaqo foydalanmay, uning nima ekanligini bilmaydiganlar ham bor. Ishonavering, yaqin kelajakda juda ko‘p kasblar yo‘qolib ketadi.
“Robot” kabi ishlaydigan xodimlar hech kimga kerak bo‘lmay qoladi. Ya’ni, shunchaki topshiriqni bajarib yuruvchilarning o‘rinini sun’iy intellekt egallaydi.
Masalan, AQShdagi Alpha School maktabi ham barcha o‘qituvchilarini sun’iy intellekt bilan
almashtirdi.
Xullas, tezroq biz sun’iy intellektni o‘rganishimiz kerak yoki sun’iy intellekt bizni ishsiz qoldiradi.
@u_pulatoff
Bir tiyinga qimmat reytinglar
So‘nggi vaqtlarda O‘zbekistondagi oliy ta’lim tashkilotlarining qanaqadir TOP-*** reytingdan joy olayotgani haqidagi sanoqsiz xabarlarga ko‘zim tushyapti.
Ekologiyani targ‘ib qilgani uchun deydimi-yey, lekin nafasimiz bo‘g‘ilib, havo iflosligi bo‘yicha birinchilikni hech kimga bermay kelyapmiz.
Xullas, bunday reyting turlari juda ko‘p ekan. Eshitishimcha, xorijdagi nufuzli oliygohlar bunday reytinglardan voz kechib, asosiy fokusni ta’lim sifatiga qaratayotgan ekan.
Ular bunday reytinglar uchun sarflanadigan mablag‘larni talabalarga sifatli ta’lim berishga, turli startaplarga, ilmiy tadqiqotlarga yo‘naltirishni afzal ko‘rmoqda.
Dunyo hamjamiyati reytinglardan voz kechayotgan bir vaqtda biz reyting ketidan quvishni boshlab yubordik, menimcha. Chunki u yerda maqtanish uchun arziydigan chiroyli raqamlar bo‘ladi-da.
Yana bilmadim, balki adashayotgandirman. Shu mavzuda katta maqola, zo‘r ko‘rsatuvlar qilsa bo‘ladi. Chuqur tahlil va surishtiruvlar o‘tkazishga to‘g‘ri keladi, ammo saviyali material bo‘ladi.
@u_pulatoff
Germaniyadagi oddiy tug’uruqxona
Suyunchi puli-ku mayli, lekin Germaniyadagi
tug’uruqxonalarni
ko’rib, odamni…
havasi keladi-ya:))
@u_pulatoff
Farzandli bo’lgani uchun…
Germaniya hayotini yoritib boradigan Behruz aka yaqinda farzandli bo’lgan ekan, shahar hokimiyatidan mana bunday
tabriklar kelibdi.
Siz farzandli bo’lganingizda davlatdan qanday ko’mak olgansiz deb so’rayaptilar.
Masalan, men ham shu sentyabr oyida farzandli bo’ldim. Tug’uruqxonadagilar “xazna” ilovasi orqali suyunchi pulini olsangiz bo’ladi, deyishdi.
Keyin bilsam, ikkinchi farzand uchun suyunchi puli berish allaqachon to’xtatilgan ekan.
***
Umuman olganda, birinchi farzand uchun beriladigan suyunchi puli o’rniga videoda aytilgan kabi narsalar berilsa, qiymati yuqoriroq bo’lardi. Shunaqa ijtimoiy paketlar joriy qilishni o’ylab ko’rish kerak.
@u_pulatoff
Dollardan yevroga o‘tyapmiz shekilli
Dollar kursi tushib borayotgani uchun Toshkent shahrida uy ijara narxlarini endilikda yevro qiymatida belgilash holati ko‘payib borayotgan ekan.
Qoyil, o‘zbegim har narsaning yo‘lini topadi-ya. Mindee o‘ylab qarasa, dollar kursi pastlab boryapti, shunga sekin yevroga o‘tib qo‘yaqolishibdi.*
Hozir so‘mda muomala qiladigan uy ijaraga beruvchilarni topish mushkul bo‘lib qoldi. So‘m tugul, endi dollarga ham ishonishmayapti.
*Ma’lumot uchun:
2025-yil 6-dekabr holatiga ko‘ra 1 AQSh dollari
11 960 so‘mni
, 1 yevro esa
13 720 so‘mni
tashkil qilmoqda.
@u_pulatoff
Eng yaxshi suhbatlar endi bitta platformada
Eng yaxshi suhbatlar endi bitta platformada
Profi University tomonidan yangi —
Profi podkast
loyihasi yo'lga qo'yildi. Endi siz tibbiyotdan tortib turizmgacha, marketingdan toritib pedagogika-psixologiyaga hamda filologiyadan karyeragacha bo‘lgan eng qiziqarli suhbatlarni bir joydan topasiz!
Har bir epizodda o‘z sohasining yetuk mutaxassislari, real tajribalar va hayotiy maslahatlar, muvaffaqiyat hikoyalari va chuqur tahlillar berib boriladi.
Hoziroq o‘zingizga qiziq bo'lgan yo‘nalishni tanlang va ko'rishni boshlang:
▶️
Kasb tanlashdagi eng katta xatolar va to‘g‘ri yo‘l;
▶️
Diniy psixologiya: Inson ruhiyati, nafs va ma’naviyat uyg‘unligi;
▶️
IELTS kasallikmi?
▶️
Shifokor xatolari va burun muammolari.
Profi podkastini kuzatib boring, eng qiziq suhbatlar hali oldinda.
Barcha podkastlar
—
https://www.youtube.com/@profipodcast
Telegram
l
Instagram
l
YouTube
Pullarni qayerga sarflayapmiz?
Kecha 2026-yilda ta’limga ajratilgan pullarning qanday maqsadlarga sarfilanishi bo‘yicha kimdir savol berarmikan deb uxlamay, kech soat 1.00 gacha Oliy Majlisning 2026-yil uchun mo‘ljallangan Davlat budjeti Qonuni loyihasi muhokamasiga bag‘ishlangan
3 soatlik majlisini
ko‘rib tugatdim.
Afsuski, deputatlarimiz jo‘yaliroq savol ham berishmadi. Balki, partiyalar o‘zaro fraksiya yig‘ilishlarida muhokama qilgandir. Balki…
Majlisda bir deputat maktab darsliklariga nega buncha ko‘p pul ajratilyapti, buni tushuntirib beringlar deb Moliya vaziriga savol berdi.
Vazir Jamshid Qo‘chqorov berilgan savolni esidan chiqardimi, bilmadim, lekin u savolga javob bermay, sekin boshqa savolga o‘tib ketdi.
Ta’limga ajratilgan pullarga qiziqib, Davlat budjeti to‘g‘risidagi Qonun loyihasi hamda Budjetnoma bilan ham tanishib chiqdim.
2026-yilda maktab ta’limi uchun Davlat budjetidan
63,7 trln so‘m
yoki Davlat budjeti jami xarajatlarining
15,8 foizi
ajratilishi prognoz qilinyapti ekan.
Ajratilayotgan pullar miqdori yomon emas, harqalay xotiram aldamayotgan bo'lsa, OECD ga a’zo davlatlar ta’limga davlat budjeti jami xarajatlarining o‘rtacha
20 foizini
ajratadi. Biz ham deyarli shuncha foiz mablag‘ni yo‘naltiryapmiz.
Gap qancha pul ajratilishida emas, balki uni qanchalik maqsadli sarf qilishda.
Masalan, xorijdan jalb qilinayotgan o‘qituvchilar —
"til egalari"
ga budjet xarajatlarimizni qariyb
3 karra
oshiribmiz. Buni esa men
oqlamayman.
Chunki, hali Maktabgacha va maktab ta’limi vazirligi xorijdan jalb qilingan "til egalari" ta’lim sifatiga qanchalik ta’sir ko’rsatgani bo‘yicha tahlillarni ochiqlamadi.
Men deputatlarimizdan mana shunga o‘xshash savol berishlarini kutgandim. Lekin 3 soatlik majlisning katta qismi qog‘ozga tushirib olingan hisobotlarni o‘qib berishga ketib qoldi.
Agar sizni ham ta’lim sohasi uchun ajratilayotgan pullar nimalarga sarflanishi qiziqtirsa, bu haqdagi ma’lumotlarni bir joyga jamlab, maqola tayyorlab qo‘ydim. Erinmasangiz o‘qib chiqing.
Batafsil
—
https://xalqtaliminfo.uz/post/1436
@u_pulatoff
Tandir reydi
Tandirlar havo ifloslanishiga sabab bo‘lyapti deb hisoblaydigan Shahrixon tumani hokimi buyrug‘i bilan ovqatlanish obyektlaridagi tandirlar buzib
tashlangani haqida
hamma eshitdi, menimcha.
Meni o‘ylantirgan masala, bizning mas’ullar hali ham o‘zgarmabdi. Demak, ularning ayrimlari shu darajada tor fikrlaydiki, ijtimoiy tarmoqlardagi qanaqadir "reyd"larni ko‘rib, undan ilhomlanib yosh bolalardek harakat qiladi.*
Shunday fikrlaydigan odamlar hokim lavozimida ishlab yuribdi-da endi.
* Lekin video fonidagi musiqani boplashibdi. Go‘yoki, buyuk islohotlarni amalga oshirayotgandek effekt beryapti.
@u_pulatoff