Usmonip

Doʻstingiz bormi?

#savod
Ruschasini yumshatish belgisigacha bexato yozishadi. Lekin oʻzbekchasida nimadir xato yozilmasa vallomatlarimizning suyaklari joyiga tushmaydi.
❌
Italia restorani
✅
Italiya restorani
@usmonosphere

​
YOMGʻIR
Yomgʻir yogʻar. Borliq qunishgan.
Bosliqadi yoʻllarning changi.
Yomgʻir yogʻar. Sheʼr yozgim kelar.
Goʻyo — yomgʻir yangi, sheʼr yangi.
Yomgʻir yogʻar. Oʻylar oʻylayman,
Tinglab samovotning mungin jim.
Necha minginchi yomgʻirdir bu
Va men shoir — necha minginchi.
Yoʻq! Yoʻq! Faqat menga bu yomgʻir
Va men bu yomgʻirga doirman.
Ilk yomgʻirdir olamdagi bu
Va men olamda ilk shoirman.
Sharros jalalarni kuylayman
Dabdabasiz, gʻarib sheʼrlarda.
Aqlim yetmas, qanday sevarlar
Yomgʻir yogʻmaydigan yerlarda.
Yomgʻir yogʻar hayot baxsh etib
Mening qaqroq eʼtiqodimga.
Yomgʻir yogʻar. Hech kim sololmas
Seni yomgʻirchalik yodimga.
Iymanmas hech ochilmoqdan gul,
Maysa boʻlmas unmoqdan izza.
Takrorlanar har gal shu yomgʻir,
Shu saodat, shu pok moʻjiza.
Ezgin-ezgin halqoblar ichra
Bedardliklar eriydi choʻkib.
Limmo-lim koʻp paymonalarni
Yomgʻir yogʻar toʻkib va toʻkib.
Ogohmanki, toʻydirar jondan
Bu olamda boʻlsa ne takror.
Men betakror takror kuylayman,
Yomgʻir yogʻar takror betakror.
Sochiladi har bir tomchidan
Son ming shuʼla, son mingta zar ruh,
Yogʻar tuygʻu, yogʻar ehtiros,
Yogʻar tavba, yogʻar tazarru.
Yomgʻir yogʻar. Falak fosh etar
Sirlarining toza-tozasin.
Tutmoqchidek menga toʻldirib
Mangulikning sabr kosasin.
Yomgʻir yogʻar, alhamdulillah,
Har tomchida ming xotiralar...
Qutlugʻ boʻlsin har qaysi bitta
Yulduzdan nur emgan qatralar!
©
Matnazar Abdulhakim
@usmonosphere

Ingliz tilidagi “grandfather” va “grandmother” soʻzlarining oʻzbekchaga eeeeng toʻgʻri tarjimasi Navoiy-Samarqand shevasidagi “katata” va “katena” boʻlarkan.
Chunki ular ham “ota” (father) va “ena” (mother) soʻzlariga “katta” (grand) soʻzini qoʻshish orqali yasalgan.
Buni hozirgina Rossiyadagi jiyanlarimga 3-4 ta inglizcha soʻz oʻrgatish jarayonida kashf qildim :)
P.S: demak, inglizlar bizdan nafaqat osori atiqalarni, soʻz qurilishini ham olgan ekan)
@usmonosphere

Yomgʻir ostida, yoqtirgan qoʻshiqlarimni eshita turib oʻylab qoldim. Qarasam, insonga beriladigan oʻrtacha umrning uchdan birini yashab qoʻyibman.
Lekin koʻzlagan ishlarimning oʻndan birini qildimmi, yoʻqmi Xudo biladi.
Sizlar-chi, qancha yashab qoʻydinglar? Nimalarga ulgurdinglar?
@usmonosphere

Sizlarga bayrambop ashula opkeldim, xotin-qizlar!
@usmonosphere

Qadrli xotin-qizlar, bayramingiz muborak! Sizlar borki, olam munavvar; sizlar borki, yashash maroqli.
Sizlarga muttasil sevilish, er-yigitlarga mudom sizlarni sevishni tilayman.
Kimda kim sizlarni nohaq xafa qilsa, kuchuk boʻlsin!
@usmonosphere

#luqma
Oʻzimiz zoʻr berib shishirgan pufakning paqq etib yorilishidan eng koʻp oʻzimiz qoʻrqamiz.
Faylasuf Usmonip
@usmonosphere

Hayo-huyt deb ikkinchi onam — Toshkent bagʻriga yoʻl oldim. Yoʻlda zerikmaslik usuli — sizlar bilan chin dildan suhbatlashuv!
Marhamat,
mashetga
yozinglar
@usmonosphere