O‘zAgroLizing | Rasmiy kanal
Samarali g‘o‘za parvarishi – yuqori hosil garovi
🗣
Pop tumanida joylashgan
“Pop olmos gavhari”
fermer xo‘jaligida g‘o‘za parvarishiga bag‘ishlangan amaliy seminar tashkil etildi. Tadbirda soha mutaxassislari, tajribali fermerlar hamda qishloq xo‘jaligi tizimi vakillari ishtirok etib, dala sharoitida olib borilayotgan ishlar bilan yaqindan tanishdilar.
✅
Seminar davomida g‘o‘za yetishtirishda muhim o‘rin tutadigan agrotexnik tadbirlarni o‘z vaqtida va sifatli amalga oshirish masalalariga alohida e’tibor qaratildi. Mutaxassislar tomonidan o‘simliklarning to‘g‘ri rivojlanishini ta’minlash, vegetatsiya davrida agrotexnik xizmatlarni ilmiy asosda tashkil etish, yer unumdorligini saqlash va hosildorlikni oshirish bo‘yicha zarur tavsiyalar berildi.
💬
Xususan, zararkunandalarga qarshi kurashishning zamonaviy usullari, jumladan, biologik himoya choralarini keng qo‘llash muhimligi ta’kidlandi. Ildiz qurtiga qarshi trixogramma qo‘llash, feromon tutqichlardan samarali foydalanish, shuningdek, suspenziya ishlari va kimyoviy ishlov berish jarayonlarini belgilangan me’yorlar asosida olib borish yuzasidan batafsil tushuntirishlar berildi. Bu esa ekinlarni kasallik va zararkunandalardan himoya qilish bilan birga, hosil sifatini oshirishga xizmat qiladi.
⏺
Shu bilan birga, seminar doirasida qo‘shimcha daromad manbalarini yaratish maqsadida ipak qurti parvarishi bo‘yicha ham amaliy ko‘rsatmalar berilib, bu yo‘nalishda mavjud imkoniyatlardan samarali foydalanish zarurligi qayd etildi.
🌱
Ma’lumotlarga ko‘ra, tumanda joriy yilda
6829 gektar
maydonga chigit ekish ishlari to‘liq yakunlangan bo‘lib, ayni paytda g‘o‘za parvarishining birinchi kompleks agrotexnik tadbirlari izchil amalga oshirilmoqda. Dalalarda olib borilayotgan bunday tizimli va ilmiy yondashuvga asoslangan ishlar kelgusida mo‘l va sifatli hosil yetishtirishda muhim omil bo‘lib xizmat qilishi kutilmoqda.
#jarayon
🌎
www.uzal.uz
🕊
Telegram
|
📹
Instagram
|
📱
Facebook
|
📺
YouTube
Prezidentimiz Farg‘onani rivojlantirishning kelgusi ustuvor vazifalarini belgilab berdi.
—
Президент нашей страны обозначил дальнейшие приоритеты развития Ферганы.
Prezident.uz|
Facebook|
Instagram|
YouTube|
X
❗️
"O'zagrolizing" aksiyadorlik jamiyati korrupsiyaning har qanday ko'rinishini keskin qoralaydi
Agar korrupsiya holatiga duch kelsangiz, bu haqda xabar bering:
Korrupsiyaga qarshi kurashish agentligi: Call-markaz – 1253
"O'zagrolizing" aksiyadorlik jamiyati
:
🌏
Korrupsiyani oldini olish bo'yicha murojaatlar
👉
https://uzal.uz/korrupsiyaga-qarshi-kurashish/
📧
Elektron pochta manzili
: anticor@uzal.uz
💬
Telegram bot:
@uzal_bot
📞
Ishonch telefoni:
(+99871) 207-30-55
“O'zagrolizing” AJning yuqorida keltirilgan aloqa kanallaridan faqatgina korrupsiyaviy holatlar yoki manfaatlar toʻqnashuviga oid faktlar haqida xabar berish uchun foydalanish tavsiya qilinadi.
🌎
www.uzal.uz
🕊
Telegram
|
📹
Instagram
|
📱
Facebook
|
📺
YouTube
Amudaryo tumanida chigit ekish ishlari ilg‘or texnologiyalar asosida tashkil etilmoqda
🚜
Qishloq xo‘jaligida yuqori samaradorlikka erishish, yer resurslaridan oqilona foydalanish va fermer xo‘jaliklari daromadlarini oshirish maqsadida Qoraqalpog'iston Respublikasining Amudaryo tumanida joriy yilgi paxta hosili uchun chigit ekish ishlari jadal sur’atlarda olib borilmoqda.
✅
Jarayon ilg‘or agrotexnologiyalar hamda ilm-fan yutuqlarini keng joriy etgan holda tashkil etilib, hududda suv va resurslarni tejovchi, yuqori hosildorlikni ta’minlovchi zamonaviy usullar keng qo‘llanilmoqda.
🚜
Tumandagi 335 ta fermer xo‘jaligi tomonidan jami 13 ming gektar maydonga chigit ekish rejalashtirilgan. Shundan 6 230 gektar maydonga jahon bozorida raqobatbardosh, yuqori hosildor xorijiy g‘o‘za navlari joylashtirilmoqda, 6 770 gektar yer maydoni esa hudud iqlimiga mos, sinovdan o‘tgan mahalliy navlar uchun ajratilgan.
🌿
Mavsum oldidan barcha qishloq xo‘jaligi texnikalari to‘liq tayyor holatga keltirildi. Ayni paytda dalalarda 150 ta seyalka uzluksiz faoliyat yuritmoqda. Ularning 34 tasi ko‘p funksiyali Shinjon usulidagi zamonaviy agregatlar, 78 tasi esa modernizatsiya qilingan texnikalardan iborat.
🔧
Xususan, “Shirin buloq” va “Ermanov O‘razboy” fermer xo‘jaliklarida chigit ekish ishlari inson omilini minimallashtirgan holda, avtomatlashtirilgan boshqaruv tizimlariga ega zamonaviy texnikalar yordamida yuqori aniqlikda amalga oshirilmoqda.
⏺
Mazkur yondashuv paxta yetishtirishda sifat va samaradorlikni oshirish, agrotexnik muddatlarga to‘liq rioya etish hamda kelgusida mo‘l hosil yetishtirish uchun mustahkam zamin yaratmoqda.
#jarayon
🌎
www.uzal.uz
🕊
Telegram
|
📹
Instagram
|
📱
Facebook
|
📺
YouTube
2030-sari qat’iy qadam: “O‘zagrolizing”da ustuvor islohotlar mazmuni keng yoritildi
🚜
“O‘zagrolizing” aksiyadorlik jamiyatida bugun muhim ma’rifiy va tahliliy ruhdagi tadbir bo‘lib o‘tdi. Unda O
‘zbekiston Milliy universiteti professori, falsafa fanlari doktori, “Ma’rifat” targ‘ibotchilar jamiyati a’zosi Yusubov Jaloliddin Qadamovich
ishtirok etib, O‘zbekiston Respublikasi Prezidentining 2026-yil 16-fevraldagi PF-21-son Farmonida belgilangan ustuvor vazifalar mazmun-mohiyatiga bag‘ishlangan ma’ruza qildi.
📝
Tadbir davomida ma’ruzachi
“Mamlakat taraqqiyotining 2030-yilgacha mo‘ljallangan ustuvor yo‘nalishlari
doirasida islohotlarni izchil davom ettirish va yangi bosqichga olib chiqishning qo‘shimcha chora-tadbirlari to‘g‘risida”gi Farmonning asosiy yo‘nalishlariga atroflicha to‘xtalib o‘tdi.
💬
Xususan, iqtisodiyotni liberallashtirish, davlat boshqaruvi tizimini takomillashtirish, inson kapitalini rivojlantirish, ijtimoiy sohada sifat jihatidan yangi bosqichga o‘tish, shuningdek, korrupsiyaga qarshi kurashish va ochiqlik tamoyillarini kuchaytirish masalalari chuqur tahlil qilindi.
🗣
Professor Yusubov o‘z nutqida islohotlarning izchilligi va samaradorligi, eng avvalo, ularni joylarda to‘g‘ri anglash va amaliyotga to‘liq joriy etilishiga bog‘liqligini alohida ta’kidladi. Shu nuqtai nazardan, “O‘zagrolizing” AJ tizimidagi mutaxassislar zimmasiga yuklatilgan vazifalar, xususan, qishloq xo‘jaligini modernizatsiya qilish, texnik va texnologik yangilanishlarni jadallashtirish orqali mamlakat oziq-ovqat xavfsizligini ta’minlashdagi o‘rni alohida e’tirof etildi.
🟠
Ma’ruza davomida shuningdek, bugungi globallashuv sharoitida raqobatbardosh iqtisodiyotni shakllantirish, innovatsion yondashuvlarni keng joriy etish, ilm-fan va amaliyot integratsiyasini kuchaytirish zarurligi haqida fikr-mulohazalar bildirildi.
👍
Mazkur tadbir xodimlarning siyosiy-huquqiy bilimlarini yanada oshirish, davlat siyosatining ustuvor yo‘nalishlarini chuqur anglash hamda ularni amaliy faoliyatda samarali qo‘llash borasida muhim ahamiyat kasb etdi.
#siyosiy_jarayon
🌎
www.uzal.uz
🕊
Telegram
|
📹
Instagram
|
📱
Facebook
|
📺
YouTube
Birozdan so‘ng Prezident Shavkat Mirziyoyev raisligida hudud va tarmoqlarda iqtisodiy o‘sishni ta’minlash bo‘yicha birinchi chorak yakunlari tahlili va yil yakuniga qadar ustuvor vazifalar yuzasidan videoselektor yig‘ilishi boshlanadi.
—
Скоро под председательством Президента Шавката Мирзиёева начнется видеоселекторное совещание по анализу обеспечения экономического роста в регионах и отраслях в первом квартале и приоритетным задачам на период до конца года.
Facebook|
Instagram|
X
✅
Qoraqalpog'iston Respublikasining Nukus tumanida bahorgi dala ishlari qizg‘in pallaga kirib, chigit ekish jarayonlari jadallik bilan davom etmoqda. Tumanning ilg‘or fermer xo‘jaliklaridan biri — “Tolbay basliq” fermer xo‘jaligida ham 2026-yil hosili uchun chigit ekish ishlari puxta reja va aniq tashkiliy yondashuv asosida olib borilmoqda.
🟡
Mazkur xo‘jalikda joriy yilda 40 gektar maydonga Shinjon usulida, ya’ni plyonka ostiga chigit ekish rejalashtirilgan bo‘lib, hozirda ekish ishlari to‘liq safarbarlik asosida boshlab yuborilgan. Jarayonda zamonaviy seyalkalar va texnikalardan samarali foydalanilayotgani ishlar sifatini yanada oshirmoqda. Mutaxassislar tomonidan har bir agrotexnik talabga qat’iy rioya etilishi nazoratga olingan.
⏺
Shinjon usulida ekishning afzalliklari beqiyos. Ushbu texnologiya tuproqdagi namlikni uzoq muddat saqlab turadi, urug‘larning qisqa muddatda va bir tekis unib chiqishini ta’minlaydi. Eng muhimi, bu usul hosildorlikni oshirish, suv resurslaridan oqilona foydalanish va begona o‘tlar sonini kamaytirishda muhim omil bo‘lib xizmat qiladi.
🌱
Shu bilan birga, fermer xo‘jaligida 2026-yil hosili uchun 10 gektar maydonga g‘alla ekilib, parvarish ishlari izchil davom ettirilmoqda.
🤔
Umuman olganda, Nukus tumanida qishloq xo‘jaligi ekinlarini joylashtirish bo‘yicha belgilangan rejalar izchil bajarilmoqda. Joriy yilda tumanda jami 5500 gektar maydonga g‘alla ekilgan bo‘lsa, 1700 gektar maydonga paxta ekish rejalashtirilgan. Ayni kunlarda ushbu rejalarning amaliy ijrosi ta’minlanib, barcha hududlarda bahorgi dala ishlari yuqori sur’atda olib borilmoqda.
➡️
Fermerlar tomonidan agrotexnik tadbirlarni o‘z vaqtida va sifatli bajarishga alohida e’tibor qaratilayotgani kelgusida mo‘l va barakali hosil olish uchun mustahkam zamin yaratmoqda.
#jarayon
🌎
www.uzal.uz
🕊
Telegram
|
📹
Instagram
|
📱
Facebook
|
📺
YouTube
Kombaynlar mavsumga tayyormi?
🌱
Dalalarda parvarish qilinayotgan g‘alla ekinlari kun sayin rivojlanib, yaqinlashib kelayotgan hosil yig‘im-terimi mavsumidan darak bermoqda.
🌿
Bu esa o‘rim kombaynlarini oldindan puxta tayyorlash, texnikalarning uzluksiz va samarali ishlashini ta’minlashni dolzarb vazifaga aylantiradi.
✅
Shu maqsadda hududlarda mavjud qishloq xo‘jaligi texnikalarining texnik holati atroflicha ko‘rib chiqilmoqda. MMTPlar va fermer xo‘jaliklari tomonidan har bir kombayn bosqichma-bosqich texnik ko‘rikdan o‘tkazilib, aniqlangan nosozliklar bartaraf etilmoqda.
🔧
Ehtiyot qismlar zaxirasini shakllantirish, mexanizatorlar malakasini oshirish hamda texnikalardan samarali foydalanish bo‘yicha zarur choralar ko‘rilmoqda.
👍
Jumladan, Namangan viloyatining Norin tumanida ham o‘rim mavsumiga tayyorgarlik ishlari to‘liq yakuniga yetkazildi. Xususan, mavjud don o‘rish kombaynlari mukammal ta’mirdan chiqarilib, 2026-yilgi g‘alla o‘rimi mavsumiga to‘liq shay holatga keltirildi. Texnikalarning ishga tayyorligi sinovdan o‘tkazilib, ularning barqaror ishlashi ta’minlandi.
🌿
To‘raqo‘rg‘on tumanida ham 85 ta fermer xo‘jaligi tomonidan 4526 gektar maydonda boshoqli don ekinlari parvarish qilinib, ushbu maydonlarda yetishtirilayotgan hosilni qisqa muddatlarda va sifatli yig‘ib olish uchun barcha imkoniyatlar safarbar etilmoqda.
🟠
Hududlarda amalga oshirilayotgan bunday tizimli va puxta yondashuvlar hosilni nes-nobud qilmasdan yig‘ib olish, o‘rim jarayonlarini qisqa muddatlarda yakunlash hamda yuqori samaradorlikka erishishda muhim omil bo‘lib xizmat qiladi.
#jarayon
🌎
www.uzal.uz
🕊
Telegram
|
📹
Instagram
|
📱
Facebook
|
📺
YouTube
Shavkat Mirziyoyev Mintaqaviy ekologik sammitda ishtirok etib, qator
takliflarni ilgari surdi:
✅
atmosfera havosining sifati yomonlashayotgan sharoitda “Markaziy Osiyoning toza havosi” davlatlararo konsorsiumini ta’sis etish;
✅
O‘zbekistondagi Yashil universitet huzurida faoliyat yuritayotgan Cho‘llanishga qarshi kurashish, qurg‘oqchilikning oldini olish hamda qum va chang bo‘ronlari haqida barvaqt ogohlantirish markaziga mintaqaviy maqom berish;
✅
texnologik o‘tish jarayonlarini tezlashtirish uchun “Markaziy Osiyo yashil savdo yo‘lagi”ni shakllantirish;
✅
Markaziy Osiyo iqlim loyihalarining yagona investisiya portfelini yaratish;
✅
Markaziy Osiyo atrof-muhitidagi o‘zgarishlarning yagona mintaqaviy atlasini yaratish;
✅
biologik xilma-xillikni saqlash uchun “Markaziy Osiyo Qizil kitobi”ni birgalikda ishlab chiqish.
https://t.me/Rasmiy_axborot_official
🚜
Kuni kecha
“Oʻzagrolizing” aksiyadorlik jamiyatida
Komplayens xizmati Yetakchi mutaxassisi
lavozimi uchun e’lon qilingan tanlov jarayoni yuqori saviyada tashkil etildi. Mazkur tanlov ochiqlik, shaffoflik va eng munosib nomzodlarni saralab olish tamoyillari asosida o‘tkazildi.
👍
Tanlov jarayoni bir necha bosqichda tashkil etilib, dastlab nomzodlar o‘z bilim va malakalarini aniqlashga qaratilgan test sinovlaridan o‘tkazildi. Ushbu test jarayonida ularning sohaga oid nazariy bilimlari, amaldagi qonunchilikka oid xabardorligi, komplayens yo‘nalishidagi asosiy tushunchalarni qay darajada egallaganliklari baholandi.
✅
Shundan so‘ng, Jamiyat rahbariyati hamda Boshqaruv a’zolari ishtirokida saralangan nomzodlar bilan individual suhbat o‘tkazildi. Suhbat davomida nomzodlarning kasbiy bilim va ko‘nikmalari, amaliy tajribasi, tahliliy fikrlash qobiliyati, shuningdek, komplayens tizimini samarali tashkil etish va rivojlantirish borasidagi yondashuvlari chuqur o‘rganildi.
⏺
Nomzodlarga real ish jarayoniga yaqin bo‘lgan vaziyatlar (case-study) asosida savollar berilib, ularning muammoli holatlarda to‘g‘ri va tezkor qaror qabul qilish qobiliyati sinovdan o‘tkazildi.
🤔
Shuningdek, ichki nazorat tizimini mustahkamlash, korrupsiyaga qarshi kurashish mexanizmlarini joriy etish va xalqaro standartlarni amaliyotga tatbiq etish bo‘yicha takliflari ham alohida e’tiborga olindi.
➡️
Tanlov yakunlariga ko‘ra, eng munosib nomzod saralab olinib, uning professional salohiyati hamda lavozim talablariga to‘liq mos kelishi e’tirof etildi.
👍
Mazkur jarayon Jamiyatda kadrlar siyosatini yanada takomillashtirish, tizimga yuqori malakali mutaxassislarni jalb etish hamda komplayens nazoratini kuchaytirishga xizmat qiladi.
#jarayon
🌎
www.uzal.uz
🕊
Telegram
|
📹
Instagram
|
📱
Facebook
|
📺
YouTube