VAQT QADRI
НАФС АРҚОНИНИ УЗИНГ
Алпинистликка қизиқадиган бир киши дунёнинг энг баланд, энг хатарли чўққисига чиқиш орзусида экан. Узоқ тайёргарликдан сўнг чўққига эришиш мақсадида ишга киришибди. Орзусини амалга оширишда керак бўладиган ҳамма нарсани олиб, режа бўйича йўлга отланибди.
Тоғ чўққиси сари кетаётганида бирданига зимистон бўлиб қолибди. У анчагина йўлни босиб ўтган, йўлни давом эттиришдан бошқа имкон қолмаган экан.
Бу зулмат унга қандай “совға”лар тайёрлаб қўйганини билмас эди. Кутилмаганда мувозанатини йўқотиб, тоғ чўққисидан қулаб тушди. Мақсадга етишига озгина қолганди!..
Қулаётганда беихтиёр арқонни ушлаб олганди. Қоронғи, арқоннинг илгаги тоғдаги икки катта тошнинг орасига илиниб, у ҳавода осилиб қолди. Қўллари қонаб кетган бўлса-да, арқонни қўйиб юбормас, зимистон ва қаҳратонда у чуқур-чуқур нафас олар, юраги тез уриб, ҳолдан тойиб борарди. Охири нима қилишларини билмай, бор овози билан:
“Худойим! Мени қутқар”, деб бақирди.
Бироздан сўнг номаълум томондан бир овоз келди:
— Нима қилишимни истайсан?
— Ё Рабб! Мени қутқар!
— Сени қутқаришимга ҳақиқатан ишонасанми?
— Ҳа!
— Унда арқонни кес!..
— Арқонни?! Мени қулащдан тутиб турган арқонни-я?! Ахир ундан бошқа тиргагим йўқ-ку!
Одам арқонга янада маҳкам ёпишди. Уни кесмади.
Эртаси куни қутқарув гуруҳи қўли билан арқонга илишиб турган, совуқдан бутунлай музлаб қолган бир одамни топиб олди. У ердан атиги бир метр баландда осилиб турган экан!..
Албатта бу — рамзий қисса. Баъзи одамлар “Худога ишонаман” дейди-ю, ҳавойи нафси, яъни ўша арқонни ҳеч қўйиб юбормайди. Аллоҳнинг мустаҳкам арқонини унутишади.
Қуръони каримда бу каби арқонни узган зотлар ҳақида бир қанча қиссалар бор. Шунингдек, унга тирмашиб олганлар ҳақида ҳам. Масалан, Иброҳим алайҳиссаломни ўз қавми манжаниққа солиб оловга улоқтиради. У зот бошқа “арқон”ларни эмас, Аллоҳнинг мустаҳкам арқонини тутади ва: “Бизга Аллоҳнинг Ўзи етарли ва У қандай ҳам яхши вакил” (Оли Имрон сураси, 173-оят), дейди. Натижада нажот топади.
©️
"Метин қоялар" китобидан.
@Vaqtqadri
Салавотнинг фойдаси...
Устоз Ҳусайн Бухорий
@Vaqtqadri
Фарзандингизни кучли инсон қилиб тарбияламоқчи бўлсангиз...
@Vaqtqadri
Онангиз сизни чақирса, ака-укаларингиз ичидан айнан сизга хизмат айтса (иш буюрса), билингки, Аллоҳ сизни яхшиликка йўллабди.
@Vaqtqadri
Ассалому алайкум ва роҳматуллоҳ
Қадрли ва азиз яқинларим, сизларни ушбу гўзал тонг билан чин қалбимдан қутлайман.
🌷
Ҳар бир кунингиз қувончли лаҳзаларга, ширин суҳбатларга ва гўзал хотираларга бой бўлсин. Оилавий меҳр-оқибатингиз, қариндошлик ришталарингиз доимо мустаҳкам бўлиб, хонадонларингиздан файз ва барака асло аримасин.
Яратган эгам ҳар бирингизга соғлик-саломатлик, қалб хотиржамлиги ва бахтли ҳаёт насиб этсин.
@Vaqtqadri
ФОЙДАЛИ МАСЛАҲАТЛАР
.
➖
Нажотга эришаман десангиз, кунингизни Бомдод намози ва эрталабки азкорлар билан бошланг!
➖
Истиғфорингизни кўпайтиринг, токи шайтон ўз жонига қасд қилсин.
➖
Дуодан узилиб кетманг, чунки у нажот арқонидир.
➖
Ёдингизда бўлсин, фаришталар ҳар бир сўзингизни ёзиб оладилар.
➖
Бўронда қолиб кетсангиз ҳам яхшиликка йўйинг.
➖
Бармоқларнинг энг гўзали- тасбеҳ ўгирганидир.
➖
Қайғуга учраб, ғамга ботиб кетсангиз, «ЛА ИЛАҲА ИЛЛАЛЛОҲ» айтинг.
➖
Ҳошиялик билан қилинган узун сажда, гуллаб-яшнаган қасрлардан-да афзалдир.
➖
Бир сўз айтишдан олдин фикрланг, яна қотил сўз бўлиб қолмасин.
➖
Мазлумнинг дуосидан ва маҳрум этилганнинг кўз ёшларидан эҳтиёт бўлинг.
➖
Китоблар, газеталар, журналларни ўқишдан аввал Қуръони Каримни ўқинг.
➖
Ўзингизни тоат ибодатга бағишланг, чунки нафс ёмонликка буюради.
➖
Ота-онангизнинг хизматларини қилинг, розиликларига эришасиз.
➖
Сизнинг эски кийимларингиз фақирлар учун янгидир.
➖
Намоз бу, сизни мусибатлардан ва қийинчиликлардан асраб авайловчи яхшиликдир.
➖
Ёмон гумонлардан йироқ бўлинг, шундагина таскинлик топасиз ва тинчликда ором оласиз.
➖
Туҳмат қилаётган шахсни кўрсангиз, унга «Аллоҳдан қўрқгин» деб танбеҳ беринг.
➖
«Мулк» сурасини ўқишингиз давомий бўлсин, чунки у нажотдир.
➖
Намозидан хушуъликни ва кўзидан ёшини йўқотган одам, маҳрум инсондир.
➖
Барча муҳаббатингиз «АЛЛОҲ» учун бўлсин.
➖
Сизга туҳмат қилувчини кечиринг. Чунки у сизга ҳасанотларини ҳадя қилди.
➖
Амалларингиз тоғдек бўлишини истасангиз «дебди, деди» ларни бас қилинг.
➖
Намозда сиздан талаб қилинадиган энг кичик нарса бу, намозингизни хушуъ билан ўқишингиздир.
➖
Қуръонни бошингизда кўтариб юринг, ундаги бир оятни ўқишингиз дунёдан ва ундаги барча нарсалардан-да хайрлироқдир.
➖
Ҳаёт гўзалдир, сиз иймонингиз билан унданда гўзалроқсиз.
✔️
Улашинг
@Vaqtqadri
Ана шундай Оналарга муҳтожмиз
!..
Устоз Ҳасанхон Яхё Абдулмажид
@Vaqtqadri
Болам!
Беҳудага кулма, одобдан айрилиб юрма, сенга дахли бўлмаган нарсаларни сўраб-суриштирма.
Болам, раҳм қилганга раҳм қилинади. Яхши сўз айтган — яхшилик топади, ботил сўз айтган — гуноҳга ботади.
Тилини тия олмаган эса охир-оқибат пушаймон бўлади.
Шошилмай, вазмин иш тутган киши эса кўнгли тилаганига етади.
ИкромШариф
@Vaqtqadri
🌸
Ассалому алайкум ва роҳматуллоҳи ва баракотуҳ!
Яхши ниятлар билан бошланган бу тонгингиз файзли ўтсин. Хонадонингиздан барака, дастурхонингиздан ризқ, қалбингиздан эса хотиржамлик аримасин.
Ҳар бир кунингиз қувончли хабарлар, ширин суҳбатлар ва гўзал лаҳзаларга бой бўлсин.
@Vaqtqadri
Дуо қилганмидинг?
Рoсулуллоҳ соллаллоҳу алайҳи ва саллам хасталаниб, озиб кетган кишини кўргани бордилар. Унинг аҳволи эътиборларини тортди. Сўрадилар:
— Бирор нарса деб дуо қилганмидинг?
— Аллоҳим! Охиратда берадиган азобингни шу дунёда бергин, — деб дуо қилгандим.
— Субҳаналлоҳ! Бунга тоқатинг етмайди-ку! Нега:
"Рoббимиз, бизга бу дунёда ҳам яхшиликни бергин, охиратда ҳам яхшиликни бергин",
деб сўрамадинг? — деб ҳайрон бўлдилар Пайғамбар алайҳиссалом.
Бемор ушбу дуони ўқиган эди, Аллоҳ унга шифо берди.
Одам тилига эҳтиёт бўлиши керак. Гоҳида кишилар Аллоҳга Унинг раҳматига терс бўлган шартларни қўйиб дуо қилишади. Хатоларини тушунишлари учун Ҳақ таоло уларга сўраганларини беради. Ривоятдаги саҳобий ҳам охиратдаги азобдан қўрққанидан ҳамма машаққат шу дунёда бўлишини хоҳлади. Рoсулуллоҳ соллаллоҳу алайҳи ва саллам унга тўғри йўлни кўрсатиб, икки дунёда ҳам нажот топишини сўраш лозимлигини айтдилар.
Гоҳида бола касалланса, онаси: "Сенинг ўрнингга мен оғрисам, бўлмасмиди?!" деб нидо қилади. Албатта, мазкур дуо замирида онанинг фарзандига меҳр-шафқати ётади. Аммо бу жоҳиллик. Боласи, ўзи учун ҳам саломатлик тилаш мумкин бўлгани ҳолда, нега жонига жабр...?
Банда қачон дуоси ижобат бўлишини билмайди. Шунинг учун доимо Аллоҳдан яхшиликни сўрайвериши лозим.
Болалар уйда тўполон қилганда баъзи оналар қарғаб қолади: "Хов балога учрагурлар, жим бўлинглар!" Бу қарғиш ижобат бўлиб қолса-чи?!
Аллоҳдан фақат яхшиликни сўрайвериш лозим. Уни ҳеч нарса ожиз қолдиролмайди. Ривоятларда келишича, Юсуф алайҳиссалом Аллоҳга дуо қилдилар: "Эй Роббим! Қамоқ узайиб кетди" . Аллоҳ ваҳий қилди:" Эй Юсуф! Сен қамоқни сўрадинг, Биз бердик. Агар офиятни сўраганингда, уни берардик!"
Гап шундаки, Юсуф алайҳиссаломга зино билан қамоқдан бирини танлаш ихтиёри берилганда: "Эй Раббим! Улар чорлаётган нарсадан менга қамоқ маҳбуброқдир", деган эдилар.
©️
"Қалблардан сўранг" китобидан.
@Vaqtqadri