Xurshid Abdurashid
ЎША МЕН ЭДИМ
Деразанг ёнига қўнди кабутар
Илкида ўроғлиқ мактуб бор эди.
Сенга боқиб турган маъюс кўзлари,
Шу онда недандир умидвор эди.
Сен эса пардани ёпиб қўйдинг жим,
Ўша мен эдим-ку, ўша мен эдим.
Кўчага чиқдинг сен боғ айлангани,
Дайди шамоллардай хаёлинг тарқоқ.
Боғ кезиб юрардинг шунда ногаҳон
Оёғинг остига тушди бир япроқ.
Ўша япроқ каби сочилганди ким?
Ўша мен эдим-ку, ўша мен эдим.
Боғда гуллар тердинг авайлаб аста
Ногоҳ қўлларингга санчилди тикан.
Нозик қўлинг билан суғурдинг уни
Дединг “Шундай гулда тикан бор экан”.
Сенга талпинганди шу тикан , гулим,
Ўша мен эдим-ку, ўша мен эдим.
Сўнг қайтдинг уйингга ўй суриб сокин,
Дераза ёнига қўйдинг гулларни.
Тин олмоқ дардида чўкдинг тўшакка
Ва йиғлаб ўқидинг “Ўткан кунлар”ни.
Кимнидир ўйладинг, кўзлари сим-сим,
Ўша мен эдим-ку, ўша мен эдим.
👉
@xurshidabdurashid
😊
Yozning eng issiq ijodiy kechasiga marhamat!
🔥
Oʻzbekiston Yoshlar ishlari agentligi
“Mutolaa”
loyihasi hamda O‘zbekiston Milliy kutubxonasi hamkorligida
“Kechikkan yo‘lovchi”
nomli teatrlashtirilgan nazm kechasini taqdim etadi.
⚡️
10-iyun sanasida tashkil etilayotgan ijodiy kechamiz uning qahramoni shoir
Dadaxon Muhammadiyev
, hamda maxsus mehmonimiz shoir va aktyor
Erkin Bozorov
ishtirokida boʻlib oʻtadi!
Tashrif buyurgan kitobxonlarga
kitoblar sovgʻa qilamiz.
10-iyun, 18:00 da
Alisher Navoiy nomidagi Oʻzbekiston milliy kutubxonasida
barcha kitobxonlarni kutib qolamiz!
Mutolaa ilovasini yuklab oling
СЎНГГИ ҚЎНҒИРОҚ
Омонмисан, синфдош дўстим?
Ёдга солди сени қўнғироқ.
Бир партада ўтирардик-ку,
Энди эса партамиз йироқ.
Тўққиз йилдан тўққиз умрнинг
Роҳатини туйгандек эдим.
Аммо андак оқибатсизман,
Сал унутиб қўйгандек эдим.
Ёдимдадир... Қадрдон мактаб
Ва қаттиққўл ўқитувчилар.
Уришса-да ўша вақтлари
Кўнгиллари кўп юмшоқ улар.
Аммо буни кейинроқ билдим,
Бошим тошни олганда нишон.
Мана энди ўйга тутилдим,
Бўлмоқдаман хотирпаришон.
Кетар чоғи... эсла мактабдан
Тўкиб солдик ғам-афсусларни.
Тўққиз йилда тўполон билан
Еб битирдик танаффусларни.
Афсусдаман... Ҳаммадан бурун
Қўл силкидим ва хайр дедим.
Ўша сўнгги қўнғироқни ҳам
Кечиринглар... Мен чалган эдим.
Ўйин битди, тугади деркан,
Чалинганда унинг зарблари.
Қолар экан партага ўйиб
Битилган ул севги хатлари.
Мана, тағин сўнгги қўнғироқ
Садолари янграр хотиржам.
Бўлак қилди йўлларимизни
Бўлак қилди партамизни ҳам...
2017
👉
@xurshidabdurashid
Дарё оқар, ёмғир ёғар, пастлаб учар оққушлар,
Мен кетаман, хайр уйим, хайр, болалик тушлар.
Уйдан кетиш ахир қийин, ҳар тошда бир хотира,
Эшиги, деразаси, қўйвормас мени сира.
Ўйлаганман ахир узоқ, орзулар борасида,
Қолиб кетмасин орзум, бу тоғлар орасида.
Журъат топгин, уй эшигин очишга ва кетишга,
Сен ҳаётни ютишга ё ҳаёт сени ютишга.
Хайр уйим, хайр қишлоқ, кулолмайди кўзларим,
Қор-ёмғирда асра доим кўчангдаги изларим.
Ҳа, бошланар ҳаётимда кейин ҳақиқий ўйин,
Биламан уйдан кетиш, қийин, ҳамиша қийин.
Дарё оқар, ёмғир ёғар, пастлаб учар оққушлар,
Мен кетаман, хайр уйим, хайр, болалик тушлар.
Кодзи Сузукининг энг машҳур асари “Қўнғироқ” романлар туркумидир.
“Қўнғироқ”
Асар марказида кўрган одамни етти кун ичида ўлимга олиб келувчи қарғиш тегкан видеокассета ҳақидаги воқеалар ётади. Журналист Кадзуюки Асакава ўзининг жияни ва яна бир неча ўсмирнинг сирли ўлимини текшира бошлайди. У дўсти Рюдзи Такаяма билан биргаликда қарғишнинг манбаи – Садако Ямамура исмли қизнинг фожиали тарихини очиб беради.
“Спираль”
Бу биринчи китобнинг мантиқий давоми. Унда воқеалар кўпроқ тиббий ва илмий томонга бурилади. Қарғиш фақатгина руҳий ҳодиса эмас, балки одамнинг ДНКсига таъсир қилувчи ўзига хос вирус эканлиги, у энди нафақат видеокассета, балки матнлар орқали ҳам тарқалиши мумкинлиги очиқланади.
“Ҳалқа
”
Туркумнинг учинчи қисми ўқувчиларни бутунлай бошқа оламга олиб киради. Бу асарда олдинги китоблардаги воқеалар аслида "LOOP" деб номланган гигант компьютер симуляцияси (суб-коинот) ичида содир бўлгани маълум бўлади. Бош қаҳрамон Каору симуляция ичида пайдо бўлган ва реал дунёга хавф солаётган саратон вирусига қарши даво топишга ҳаракат қилади.
👉
@xurshidabdurashid
Кодзи Сузуки
– жаҳонга машҳур япон ёзувчиси бўлиб, у асосан ҳоррор, мистика, триллер ва илмий фантастика жанрларидаги асарлари билан танилган. Кўпинча уни
“Япониянинг Стивен Кинги”
деб ҳам аташади. Унинг ижоди 1990 йилларнинг охири ва 2000 йилларнинг бошларида бутун дунё бўйлаб
“J-Horror”
(япон даҳшати) феноменининг кенг тарқалишига асос солган.
Ёзувчи 1957 йил 13 майда Япониянинг Хамамацу шаҳрида туғилган. Кейо университетининг француз адабиёти факультетини тамомлаган. Дастлаб у оилали ва фарзандли бўлганидан сўнг, уйда бола тарбияси билан шуғулланиб, бўш вақтларида ёзувчилик билан шуғуллана бошлаган.
👉
@xurshidabdurashid
https://www.youtube.com/watch?v=GT035CcjIIU
“MUTOLAA”DA SHE’RIYAT davom etadi!
Oʻzbekiston Yoshlar ishlari agentligi “Mutolaa” loyihasi hamda O‘zbekiston Milliy kutubxonasi
hamkorligida Amir TEMUR tavalludiga bagʻishlangan
“Ishq - adolatdadur”
nomli teatrlashtirilgan nazm kechasini taqdim etadi.
• Dastur qahramonlari:
Shahriyor Shavkat,
Nozima Habibullayeva
• Mehmon: shoir va aktyor
Erkin BOZOROV hamda
Oʻlmas TEMUR
📝
Soʻz va adabiyot muxlislarini 9-aprel kuni soat 18:00 da O‘zbekiston Milliy kutubxonasida kutib qolamiz.
👇
Ro’yxatdan o’tish uchun ushbu soʻrovnomani to’ldiring:
https://forms.gle/UtZ9vG7RxZ7hV2Ay8
Mutolaa ilovasini yuklab oling
Байрам ҳазили
Пашшалар ғуж бўлиб узумга келди,
Тилаклар жамланиб сўзимга келди.
Бир табрик ёзгандим, ул дайди табрик,
Айланиб-айланиб ўзимга келди.
👉
@xurshidabdurashid
#ijro
#audio
Baxt yo'q dunyosiga siltab qo'lingni,
Sen ko'chib o'tasan o'sha kitobga...
✍🏻
Xurshid Abdurashid
🎙️
Dinora G'olib qizi
@Noraxon_7727