YANGI ASR UNIVERSITETI
🌐
Telegram
|
📷
Instаgram
|
🔵
Facebook |
🌐
Veb sayt
#yangiasr
📚
Университетда битирувчиларнинг касбий салоҳиятини оширишга қаратилган семинар ташкил этилди
YANGI ASR UNIVERSITETI талабаларни иш билан таъминлаш ва амалиёт бўлими бошлиғи Бекжон Жумабоев ташкил этган б
итирувчиларнинг касбий салоҳиятини ривожлантириш ва бандлигини таъминлаш ва иш берувчи ташкилот ҳамкорлари билан
амалий семинар-тренинг бўлиб ўтди.
“Битирувчидан — профессионал кадр сари!”
шиори остида ўтказилган ушбу тадбир ёшларнинг меҳнат бозорига тайёргарлик даражасини ошириш ҳамда уларнинг муносиб иш ўринларига эга бўлишларига кўмаклашишга қаратилди.
Тадбирда
“
Мударрис халқаро мактаби”
HR бўлими бошлиғи Исҳоқ Асролмирзаев
иштирокчиларга замонавий саралаш босқичлари ҳамда иш берувчиларнинг бугунги кунги талаблари юзасидан атрофлича маълумот берилди.
Мулоқот давомида бўлажак мутахассисларга
HR
интервюларига пухта ҳозирлик кўриш, халқаро ва маҳаллий андозаларга мос резюме (CV) шакллантириш ҳамда илк иш фаолиятида юқори натижаларга эришиш бўйича амалий кўрсатмалар берилди.
Шунингдек, талабалар эътиборига меҳнат бозоридаги долзарб тенденсиялар, номзодларни танлаш мезонлари ва соҳада муваффақият қозониш учун зарур бўлган асосий кўникмалар слайдлар ва кўргазмали воситалар орқали тушунтириб берилди.
Қизғин мулоқот ва савол-жавоб шаклида ўтган воркшоп якунида талабалар ўзларини қизиқтирган барча масалаларга атрофлича жавоб олиб, келгуси каръера йўналишларини аниқ белгилаб олдилар.
🌐
Telegram
|
📷
Instаgram
|
🔵
Facebook |
🌐
Veb sayt
#yangiasr
📜
She’riyat, badiiy ijod va so‘z san’ati
Aziz talabalar va she’riyat muxlislari! Har bir qalbning o‘z ovozi, har bir tuyg‘uning o‘z ifodasi bor. Ba’zan birgina misra qalbimizning eng teran qatlamlariga yo‘l topadi. So‘zlarni misralarga aylantirish, tuyg‘ularni she’rga ko‘chirish va fikrni badiiy ifodalash esa o‘ziga xos san’atdir.
Siz ham she’r yozishga, tuyg‘ularingizni so‘z orqali ifodalashga, badiiy tafakkuringizni rivojlantirishga qiziqasizmi?
She’rni shunchaki o‘qish emas, uning mazmunini anglash, badiiy go‘zalligini his etish va o‘z ijodingizni kashf qilishni istaysizmi?
Sizni she’riyat olamiga sayohat, so‘z va tuyg‘u uyg‘unligini kashf etish hamda ijodiy mahoratingizni rivojlantirish sari chorlaymiz.
So‘zga qanot bering, tuyg‘ularingizga misralar toping, qalbingizdagi she’rni kashf eting!
Hurmat bilan, Sharq filologiyasi kafedrasi.
🗓
Uchrashuv vaqti va manzili:
27-oktyabr, soat 12:20.
YANGI ASR UNIVERSITETI , asosiy bino, 309-auditoriya.
🌐
Telegram
|
📷
Instаgram
|
🔵
Facebook |
🌐
Veb sayt
Бугуннинг гапи
"
Аввало, барчангизни Японияда бўлиб ўтган V ёзги Параосиё ўйинларида Ўзбекистон жамоаси том маънода тарихий ғалабани қўлга киритгани билан чин қалбимдан самимий
муборакбод этаман.
Мард ва жасур фарзандларимиз Осиё қитъасининг 45 та давлатидан 2 минг 600 нафардан зиёд кучли пара спортчи иштирок этган ушбу нуфузли мусобақаларда чинакам жасорат ва матонат кўрсатиб, мамлакатимиз спорти тарихида яна бир шонли саҳифа очганлари барчамизга чексиз ғурур бағишлайди.
Сизлар қизғин ва муросасиз руҳда кечган беллашувларда
45 та олтин, 49 та кумуш ва 51 та бронза медални
қўлга киритиб, Ватанимиз байроғини баланд кўтарганингиз юксак таҳсинга муносибдир.
Сизларнинг ҳар бир чиқишингизни юртимиздаги миллионлаб мухлисларингиз катта қизиқиш ва ҳаяжон билан кузатиб борди.
Бутун Ўзбекистон халқи Яратгандан омад ва зафарлар тилаб, сизларни чин дилдан қўллаб-қувватлади.
Айниқса, сизлар улкан азму шижоатингиз билан спорти жадал ривожланаётган
Ҳиндистон, Жанубий Корея, Эрон, Таиланд, Индонезия каби давлатлар жамоаларини ортда қолдириб, Хитой Халқ Республикаси ва Япониядан кейин учинчи ўринни забт этганингиз
– чинакам қаҳрамонликдир.
Сизлар Параосиё ўйинларида нафақат чемпионлик мақомини, балки бутун халқимизнинг ишончини, Ватанимиз шаъни ва ғурурини муносиб ҳимоя қилдингиз.
Ўзбекистон спорт делегацияси қўлга киритган олтин медалларнинг тенг ярми қизларимиз ҳиссасига тўғри келганини алоҳида мамнуният билан таъкидлашни истардим.
Шиддатли баҳсларда юртдошларимиз жаҳон ва Осиё рекордларини янгилаб, ўзбек пара спортининг имкониятлари чексиз эканини яна бир бор исботладилар".
Шавкат Мирзиёев,
Ўзбекистон Республикаси Президенти
манба:
www.president.uz
🌐
Telegram
|
📷
Instаgram
|
🔵
Facebook |
🌐
Veb sayt
тақдимот
📑
YANGI ASR UNIVERSITETI ўқитувчи ва талабаларга қулайлик мақсадида ишлаб чиқилган матн ва файлларни автоматик янги лотин ёки кирил ёзувига ўгирувчи янги
@kirill_lotin_uzbot
ботни тақдим қилади.
✏️
Ушбу ботни ўзига хос жиҳати унда лотин алифбосига киритилган янги
O‘ o‘ → Ö ö
,
G‘ g‘ → Ğ ğ
,
Sh sh → Ş ş
,
Ch ch → Ç ç
ўзгаришларни ўз ичига олади ва матнларни ушбу тартибда ўгиради.
🔖
Марҳамат фойдаланинг, билимларингизни оширишда давом этинг.
@yangiasruniversiteti
#elon
🌐
Танлов: "Техно - Арт: ғоядан натижагача"
Танловда YANGI ASR UNIVERSITETI ўқитувчи ва талабалари иштирок этишлари мумкин. Мавзуга асосланган А3 форматида ишланган рангли расмлар Умумтаълим фанлари кафедрасида қабул қилинади.
Ишлар ҳайъат томонида кўриб чиқилади, ғолиблар аниқланиб, тақдирланади. Охирги куни 26 октябр.
🌐
Telegram
|
📷
Instаgram
|
🔵
Facebook |
🌐
Veb sayt
#yangiasr
🩺
💉
🔬
"Reproduktiv salomatlik, erta tug‘ruq va qarindoshlar orasida nikoh" mavzusida seminar-trening bo‘lib o‘tdi
Oila va jamiyat ustunining mustahkamligi bevosita yoshlarning tibbiy va madaniy savodxonligiga bog‘liq. Shu maqsad yo'lida universitetda talaba-yoshlar va professor-o‘qituvchilar ishtirokida dolzarb mavzudagi profilaktik tadbir o'tkazildi.
Mazkur seminar "Umumta'lim fanlari" kafedrasi o‘qituvchisi
Shohida Bekmetova
hamda universitet hamshirasi
Dildora Karimova
, shuningdek, mehmon spiker
18-oilaviy poliklinikaning oliy toifali ginekolog shifokori Gulnora Po'latova
va poliklinika hamshiralari bilan birgalikda olib borildi.
Tadbir davomida mutaxassislar tomonidan quyidagi muhim masalalar yuzasidan batafsil ma'lumot berildi:
◽️
Reproduktiv salomatlik:
Kasalliklar profilaktikasi, zamonaviy kontratsepsiya usullari va mas’uliyatli ota-onalik;
◽️
Erta tug‘ruq va uning oqibatlari:
Erta nikohning ayol organizmi hamda ruhiyatiga ta'siri, ona va bola salomatligini muhofaza qilish yo'llari;
◽️
Qarindoshlar o‘rtasidagi nikoh:
Yaqin qarindoshlar nikohining genetik xavflari, irsiy kasalliklar ehtimoli va uning huquqiy-axloqiy jihatlari.
Seminar ochiq muloqot va qizg'in savol-javoblar ruhida o'tdi. Talabalar o‘zlarini qiziqtirgan barcha masalalar bo'yicha shifokor hamda tashkilotchilardan to‘g‘ridan-to‘g‘ri tibbiy va ilmiy asoslangan javoblar oldilar.
🌐
Telegram
|
📷
Instagram
|
🔵
Facebook |
🌐
Veb sayt
#yangiasr
📚
YANGI ASR UNIVERSITETda “Kitobxonlik kuni”
2026-yil 22-oktabr kuni universitet kutubxonasida talabalarning kitob mutolaasiga qiziqishini oshirish, kitobxonlik madaniyatini rivojlantirish hamda badiiy asarlarni birgalikda o‘qish va muhokama qilish maqsadida tashkil etilgan “Kitobxonlik kuni” tadbirlarining ochilish marosimi bo‘lib o‘tdi.
Tadbirni universitet kutubxonasi mudirasi O. Radjabova ochib berdi. U kitobxonlik tashabbusining maqsadi va ahamiyati haqida so‘z yuritib, talabalarni mutolaaga hamda loyiha doirasidagi uchrashuvlarda faol ishtirok etishga taklif etdi.
Tadbir davomida
Sharq filologiyasi kafedrasi mudiri, dotsent G‘. Bobojonov, kafedra professori O. Jo‘raboyev va o‘qituvchi S. Tillaxo‘jayevalar
kitobning inson hayotidagi o‘rni, ma’naviy qimmati va shaxs kamolotidagi ahamiyati haqida ma’ruza qildilar. Ma’ruzalarda mutolaaning bilimlarni boyitish, dunyoqarashni kengaytirish, mustaqil fikrlash va nutq madaniyatini rivojlantirishdagi o‘rniga alohida e’tibor qaratildi.
Shuningdek, talabalarga “Kitobxonlik maydoni” loyihasining sakkiz haftalik ish rejasi, tanlov shartlari va ishtirok etish tartibi tanishtirildi. Rejaga muvofiq, uchrashuvlar har haftaning payshanba kuni soat 12:30 da universitet kutubxonasida o‘tkazilishi belgilangan.
Loyiha davomida O‘tkir Hoshimovning “Dunyoning ishlari”, Erkin Vohidovning “O‘zbegim”, Paulo Koeloning “Alkimyogar”, O‘lmas Umarbekovning “Odam bo‘lish qiyin” hamda Abdulla Qodiriyning “O‘tkan kunlar” asarlarini mutolaa qilish va muhokama etish rejalashtirilgan. Erkin mutolaa haftalarida esa talabalar o‘zlari tanlagan asarlar yuzasidan taqdimotlar o‘tkazib, bahs-munozaralarda qatnashadilar. Loyiha yakunida faol ishtirokchilar orasidan 1-, 2- va 3-o‘rin sohiblarini aniqlash hamda taqdirlash ko‘zda tutilgan.
Mazkur tashabbus talabalarda muntazam kitob o‘qish odatini shakllantirish, badiiy adabiyotga qiziqishni kuchaytirish va o‘qilgan asarlar yuzasidan asosli fikr bildirish ko‘nikmalarini rivojlantirishga qaratilgan.
Tadbirda
professor O. Jo‘raboyev tomonidan “Matnshunoslik va adabiy manbashunoslik masalalari” nomli kitob
universitet kutubxonasiga hadya qilindi. Ushbu tuhfa kutubxona fondini boyitib, talabalar va tadqiqotchilar uchun qo‘shimcha ilmiy manba bo‘lib xizmat qiladi.
🌐
Telegram
|
📷
Instagram
|
🔵
Facebook |
🌐
Veb sayt