YAQIN

Ҳар куни ҳаётингизни бойитадиган янги билим, янги қараш ва янги илҳом излаяпсизми
❓
Бизда Сиз учун алоҳида макон бор.
📱
Бу ерда:
✅
Саломатлик ва соғлом турмуш тарзи
✅
Руҳий барқарорлик ва шахсий ривожланиш
✅
Таълим ва тарбияга оид амалий тавсиялар
✅
Илмий асосланган фойдали маълумотлар
✅
Ҳаёт сифатини оширадиган ғоя ва маслаҳатлар
✅
Ноодатий ва фойдали рецептлар
✅
Самимий суҳбатлар ва фикр алмашиш муҳити...
Энг муҳими - барча маълумотлар миллий қадриятларимиз ва оилавий анъаналаримиз руҳига мос тарзда тақдим этилади.
Сизни ҳам ушбу аҳил ва фаол жамоада кўришдан хурсанд бўламиз.
Марҳамат қўшилинг
:
🖊️
https://t.me/addlist/HaOAG8kVazkwNTUy?utm_source=chatgpt.com
Бу - илм, ривожланиш ва қадриятлар бирлашган манзил.
✅

Sayohat qilish yaxshi ammo sayohatdan keyin tug‘ilib o‘sgan joyinga, ota-onang va yaqinlaring yashaydigan qishloqqa qaytib borish undan ham mazza. U qishloqda hech qanday sharoit bo‘lmasa ham o‘zingni boshqacha his qilasan, baribir qalbing o‘sha tomonga intiladi. Begona joylardan yana begona joyga borish, kelgindilikdan yana ajnabiylikka qaytish dilni uvishtiradi, hissizlik va befarqlikdan boshqa hech narsa yo‘q.
Chet eldan o‘z qishlog‘inga borsang ko‘chada bolachalar o‘ynab yuribdi, kimdir eshak aravada yo‘ng‘ichqa olib ketmoqda, kimdir shaldir velosipedda o‘tib ketmoqda, quyoshda o‘ng‘igan do‘ppili boshini qimirlatib salomlashgan bo‘ladi, mahalladagi xotinlar suv bo‘yida chelak ko‘tarib gurunglashib turibdi, nariroqda oqsoqollar hassasi bilan yer chizib gaplashib o‘tiribdi, shu tobda qishloqdagi qaysidir boy malibusi bilan ko‘chani changitib suv olgani keladi xullas yuz yil oldin qanday bo‘lsa unchalik o‘zgarmagan o‘sha qishloq-da.
O‘zingni xuddi o‘zga sayyoradan kelib qolgandek his qilasan. Ammo uyda pishirilgan, ichida loviya donalari suzib yurgan go‘shtsiz yovg‘on sho‘rva bilan patir non yaxshi ketadi. Nariroqdagi ayvonda qovoq ichidagi bedana pitbildiq deb sayraydi, qo‘shnining xo‘rozi qichqiradi, tomorqa tomondagi qo‘shni xotin bolasini " ha zotinga o‘t tushgur" deb qarg‘agani eshitiladi, hammasi o‘sha -o‘sha. Qishloq odamlari uchun vaqt to‘xtab qolgandek go‘yo .
Faqat yangi chaqaloqlar tug‘ilgan, bolalar katta yigitga aylangan, bir paytlar navqiron bo‘lganlar sochiga qirov tushgan, bir paytlar moshkichir sochli bo‘lganlar esa hozir munkillab qarigan, kimlardir allaqachon vafot etib ketgan, ammo muammolar hamon azaliyligicha turibdi.
Sen shu manzaralarni bir o‘z ko‘zing bilan ko‘rib, qalbing bilan his qilsang yetarlicha energiya va xulosa chiqargan va chet eldan qanday sog‘inch bilan kelgan bo‘lsang, endi chet eldagi hayotingni shunchalik sog‘inib ketgan va bu diydorning quvvati senga yana bir necha yillarga yetgan bo‘lardi.
https://t.me/YaqinOzbek

O‘zbekistonda uchrashgan ko‘p muslimalarning odob-axloqiga havas qilyapman .
Men ayollarning universitetda o‘qiganlik/o‘qimaganlik, ilmiy darajasi yoki ishlash-ishlamasligi asosida emas ularning axloq-odobi, o‘zini tutishi va muomalasiga ko‘ra hurmatim uyg‘onadi.
Sizlardagi fidokorlikni, sabr- toqatni , oilaga g‘amxo‘rlikni qimmat baholayman.
O‘rta maktabni zo‘rg‘a bitirib oila va uy ishlari bilan mashg‘ul bo‘lsangiz ham men uchun doktoranturani bitirib universitetlarda dars beradigan karerachi ayollardan kam emassiz. Chunki siz jamiyat uchun eng muhim ishni bajaryapsiz.
Qaniydi yosh avlod ham sizlardagi mustahkam qadriyatlarni davom ettirsa.
https://t.me/YaqinOzbek

Xorijda yashashning real to‘lovlari bor. Ruhiy, ma’naviy va hissiy evaz to‘laysiz. Eng katta to‘lov siz uchun eng yaqinlardan uzoqlikdir.
Ota-onangiz sizni dunyoga keltirib, katta qilib yana hissiy qurbonlik berishda davom etadi. Siz ularni unchalik sog‘inmassiz ammo ular sizni har lahzada sog‘inadi, quvonchli lahzalarni sizga ilinadi. Ular sizga muvaffaqiyat tilaydi, ularga avvalo tinch va sog‘ bo‘lishingiz muhim ammo iloji bo‘lsa yonlarida tinch va sog‘ bo‘lishingizni istaydi. Imkoni yo‘q ekan nachora. Ammo hamma gap shundaki, bu ish imkonsiz emas. Siz ulardan uzoqqa ketishni va yashashni tanlaysiz. O‘zbekistonda o‘z sohangiz bo‘yicha yaxshi maoshli ish chiqsa ham, viloyatingizda va Toshkentda uyingiz bo‘lsa ham, moddiy tomondan muammo bo‘lmasada baribir qaytolmaysiz.
Siz doimiy iztirobda va ikkilanishda yurasiz. Qancha yutuqlarga erishmang bular qanday qurbonliklar evaziga kelganini umr o‘tgan sari anglab boraverasiz. Siz erishgan yutuqlar betakror va pulga chaqib bo‘lmas ne’matlar evaziga kelganini his qilasiz.
Siz xorijda yurarkansiz vatanga yilda bir oyga borib kelolsangiz eng omadlilardan hisoblanasiz chunki ko‘pchilik borolmaydi. Ayniqsa oilasi bilan yashayotganlarda imkon bo‘lavermaydi. Demak 20 yil xorijda yashab har yili bir oyga borsangiz demak 18 yil ota onangiz diydorini ko‘rmagan bo‘lasiz. Moddiy narsalarning o‘rni to‘ladi ammo o‘tib ketgan umrni va fursatlarni qaytarib bo‘lmaydi.
Bu muddat ichida ota-onangiz necha marta kasal bo‘lib tuzalgan, qanchadan qancha janozalarga qatnashmagansiz, qancha kasallarni ko‘rolmagansiz qancha to‘y-marosimlarda qatnasholmagansiz . Yaqinlaringizning quvonchli va qayg‘uli lahzalarida birga bo‘lolmagansiz.
Undan tashqari shaxsiy hayotingizdagi yo‘qotishlarni ham o‘lchash imkonsiz. Mana bolalaringiz o‘zbekchani bilmaydi, hatto siz bilan ham o‘zbekcha muloqot qilolmaydi, bobo -buvisi amma-xolalarini qo‘yib turing, ismi va ko‘rinishi o‘zbek xolos ammo siz uchun bu hozircha muammo bo‘lib ko‘rinmaydi, O‘zbekistonda yashab o‘zbekcha bilmaydiganlar qancha deb o‘zingizni ovutasiz. Ammo axloqiy tomondan xavotiringiz oshaveradi, siz ota-onangizga qiladigan muomalani o‘z bolalaringizdan ko‘rmaysiz.
Hademay bolalaringiz katta bo‘lib ishga kirib o‘z hayoti bilan bo‘lib ketadi. Ular ham sizga xuddi siz ota-onangizga qilgandek munosabatda bo‘ladi, qayerda o‘ziga ma’qul ish topilsa qayerda hayot yaxshiroq bo‘lsa o‘sha yerga ketadi,siz bilan hisoblashmaydi,siz ham bunga rozi bo‘lishga majbursiz.
Bu yerda faqat ota-ona tilga olindi ammo aka-uka, opa -singil, amma-xola, amaki -tog‘a munosabatlari, jiyanlar bilan munosabatlardagi bo‘shliq va yo‘qotishni qo‘yavering. Siz ularning hayotida yo‘qsiz, hech qachon ularning muhim lahzalarida bo‘lmagansiz.
Agar oilangiz vatanda qolib yakka o‘zingiz chetda ishlab yurgan bo‘lsangiz yo‘qotishlaringiz karrasiga oshaveradi. Ha, bu dunyoda hech narsa tekinga kelmas ekan, hamma yutuqning evazi bor ekan. O‘sha evaz arziydimi yo‘qmi degan savol ustida juriy a’zolari hamon bahslashmoqda.
https://t.me/YaqinOzbek

Istanbulda menga eng yoqqan jihatlar:
1) Site - turar joylarni Saudiyadagidek compound ya’ni qo‘rg‘on shaklida qurish. Site ikki qavat panjara devor bilan o‘ralgan ( birinchi devor bilan ikkinchi devor orasini bogʻ qilib qoʻyilgan) , hamma joyda kameralar, darvozalarida 24 soat qo‘riqchi turadi, bolalar uchun nihoyatda xavfsiz, sitega moshina faqat ruxsat bilan kiradi o‘shanda ham faqat ko‘chib kirayotganda yoki ko‘chib chiqayotganda yuk ulovlari kirishi mumkin, yashovchilar uchun pastki qavatda parkovka qilingan. Yana basseyn, sport zal va turkcha hammom bor, pastki ikkinchi qavatda. Siteni xodimlar doimiy tozalab turadi, ekinlar parvarish qilinadi, Sitelarda ijara Saudiyadagidan ancha arzon hatto Toshkentdagi oddiy kvartiralardan arzonroq. Saudiyada uncha muncha odam Siteda yashashga qurbi yetmaydi ammo Turkiyada hamma yashay oladigan darajada. Siteda gaz, elektr,suv va kanalizatsiya a’lo darajada ( hamma joyda shunday ekan faqat Siteda emas).
2) Jamoat transporti Londondan ham yaxshiroq yo‘lga qo‘yilgan, narxi cho‘tnakbop, eng chekka mahallaga ham avtobus yuradi hech bo‘lmasa marshrutka bor. Uyingizdan chiqib besh minutdan oshiq piyoda yurmasdan bekat bor.
3) Mevalar juda mazali va Ovro‘podan ancha arzon. Tarvuz, gilos va shaftolisi nihoyatda totli, O‘zbekistondagidan ham yaxshiroq desam mubolag‘a emas.
4) O‘zbekcha taomlar uchun vatanga borish shart bo‘lmay qolibdi. Istanbulda o‘zbekcha oshxonalar bisyor,menga Mehmon oshxonasi yoqdi, ayniqsa somsasi va lag‘moni ma’qul keldi, narxlari ham ishchi qatlam uchun mo‘ljallangan.
5) Dengiz.
6) Masjid va tahoratxonalari judayam yoqdi, qayerda bo‘lsangiz ham masjiddan piyoda yurganda besh minutlik masofadasiz. Ayniqsa shaharda yurganingizda namozni qazo qilish imkonsiz, hamma joyda tahoratxonlar bor, ayollar uchun ham sharoit muhayyo. Musulmonlar uchun o‘ta qulay ekan.
13.08.2023 Istanbul
https://t.me/YaqinOzbek

Istanbulda havo ancha salqinladi, " Choli Qushi" asarida tasvirlangan obi havo hukmron. Dengiz moshinada o‘n minutlik masofada, turgan joyimizdan ko‘rinib turadi xuddi yaqindek tuyuladi ammo piyoda yurganda bir soatcha ketadi.
Bomdoddan keyin uyqum kelmadi, tashqariga chiqdim. Site hovlisi sokin, hamma uxlamoqda, bolalar o‘yingohidagi halinchalak shamolda ohista tebranib turibdi, yog‘och ayvonga yopishib ketgan zarpechak shamolda hilpiramoqda, o‘sha ayvondagi tutash stol skameykada o‘tirib kitob o‘qigingiz keladi.
Site tashqarisiga chiqsangiz olisda ko‘m-ko‘k dengiz mavjlanmoqda, kema ko‘zga tashlanadi. 50-55 yoshlardagi Site qorovuli sigaret burqsitmoqda. Chig‘alay chag‘illaydi , qari it sekin yo‘lni kesib o‘tmoqda, ko‘cha mushuklari axlat qutini titmoqda. Shamol yaproqlarni uchiradi.
Shu lahzalarda o‘tgan asrning boshidagi Turkiston, jadidlar, Turkiyadagi shiddatli voqealar xayolimdan o‘tadi. Fitrat qatori bir nechta ziyolilar Istanbulga o‘qishga keladi. Birinchi Jahon Urushidagi Gallipoli va Chanoqqala janglari, undan keyin qora shinel,shlyapa va poshnali charm etik kiygan Otaturk taxtni egallab burgutdek nigohi bilan qarab turgani, shafqatsiz qarorlar bilan o‘z istaklarini ommaga tatbiq qilganini o‘ylayman. Ha bu davlat o‘zidan oldingisiga maksimal darajada zarar yetkazish va oldingi merosni paymol qilish ustiga qurilgan. Oldingi ming yillik qadriyatlar 20chi asrdagi tamoman yangisiga almashtirilgan.
Yana bir bor qaytaraman, Istanbul Turkiya emas, lekin mamlakatdagi eng katta shaharga qarab baho berilsa o‘tgan asrning boshi bilan hozirgi kundagi Islomiy vaziyat o‘rtasidagi farq naqadar katta bo‘lmasa, shattona mo baynahumo. Chunki har 10ta ayoldan to‘qqiztasi Ovro‘rolikni uyaltirgudek darajada ochiq libosda.
Shunday bo‘lsa-da, baribir musulmon o‘laroq har qanday Gʻarb davlatiga nisbatan Turkiyada musulmon bo‘lib yashash qulayroq, ayniqsa o‘zbeklar uchun baribir qardosh xalq. Ilm o‘rganish va dinga amal qilib yashash uchun barcha sharoit muhayyo,qolgani insonning himmatiga bog‘liq.
13.08.2023 Istanbul
https://t.me/YaqinOzbek

Farzandingiz arab harflarini o‘rganishdan zerikdimi? Doimgi bir xil mashg’ulotlar charchatdimi?
Bizning kitobda 25 xildan ortiq bir-birini takrorlamaydigan qiziqarli topshiriqlar jamlangan!
Hech qanday sunʼiy intellekt yoki ChatGPTsiz, inson qoʻli bilan, mehr berib ishlangan takrorlanmas mashgʻulotlar.
Hali hech kim bunday o’quv-qo’llanma tayyorlamagan
🌿
​
❤️
Yoshlikdan oʻrganish afzalligi:
❤️
Miya faoliyati va xotirani rivojlantiradi
❤️
Harflar talaffuzini toʻgʻri va sof shakllantiradi
​
Chegirmada: 79,000 so‘m
Buyurtma uchun:
@aishasadmin
Kanalimiz linki
⤵️
https://t.me/+QQMqexEuqKg2YjMy
https://t.me/+QQMqexEuqKg2YjMy

https://youtu.be/MVCOBMg_mYc?si=NjNvyO7OFpr-4Mtm
Assalomu aleykum va rohmatulloh va barokatuh.
Ko'pchilik uchun kerakli mavzu deb o‘ylab shu videoni ulashmoqdamiz. Agar yana shu mavzu bo‘yicha qo‘shimcha savollar bo‘lsa, izohlarda yozib qoldirishingiz mumkin.
Agar savollar ko‘paysa, mutaxassislar bilan qo‘shimcha savollar yuzasidan dildan suhbat uyushtiramiz. Maktablar haqida ayollar tilida suhbatlashamiz inshaalloh.

Bolani yo‘qotish deganda ko‘pchilik darrov homila tushib qolishi yoki bolani ko‘chada yo‘qotib qo‘yish, yoxud bola qandaydir baxtsiz hodisada vafot etishini yo bo‘lmasa kasallikdan halok bo‘lishini o‘ylaydi.
Ammo bulardan ham eng alamli yo‘qotish bor. Bu yo‘qotish shunday yo‘qotishki undan ko‘ra bolangiz kasallikdan yoki avtohalokatdan vafot etib ketgani yengilroq tuyuladi.
Bu yo‘qotishda bolangiz jismonan sog‘lom bo‘lishi mumkin, ammo uning ruhi, ongi va qalbi tamoman sizga teskari bo‘lib qoladi. U endi sizning diningiz yoki e’tiqodingiz yoki axloqiy me’yorlaringizni tan olmaydi. Sizning qadriyatlaringiz unga begona, u siz muqaddas bilgan tushunchalarni va qadriyatlarni tan olmaydi.
Afsuski, hozirgi internet rivojlangan davrda, qorningizdan tushgan, siz bilan bir tom ostida yashab kelayotgan jigarbandingizni ana shu tarzda yo‘qotib qo‘yish xavfi kuchayib ketdi. Uning tanasi turibdi, yoningizda ammo uning ruhi tamoman begona.
Ijtimoiy tarmoqlar, ertadan kechgacha davom etadigan bog‘cha va xususiy maktablar davrida bolani yo‘qotib qo‘yish juda oson bo‘lib qoldi. Oiladan uzoqda bolalarim uchun deb ammo bolalarini yillab koʻrmay yurgan ota-onalar ham bolasini ruhan, maʼnan yoʻqotib qoʻymoqda.
Alloh saqlasin, ofiyat bersin, bu juda qo‘rqinchli yo‘qotish. Shunday yo‘qotishki,bir kun kelib hatto u yo‘l hodisasidan yoki kasallikdan vafot etib ketganda shunchalik siqilmasdim deb qolishingiz ham mumkin. Buni hayotda kuzatayapmiz, shunday shikoyatlar ko‘payib bormoqda.
https://t.me/YaqinOzbek

Balog‘atga yetgach iffatini saqlab, halol nikoh bilan oila qurib, farzandli bo‘lib, imkon qadar islom ta’limotlariga amal qilgan holda yashayotganlar sizlar yaratilishingizdan ko‘zlangan maqsad bo‘yicha yashayapsiz.
Dunyoga kelib nima qildim deb yozg‘irmang. Siz juda katta ishni amalga oshiryapsiz. Siz insoniyat yaratilganidan to hozirgacha davom etib kelayotgan zanjirni davom ettiryapsiz. Siz yaratilish fitratingizga sodiq yashayapsiz.
Sizga hurmatim va havasim tobora oshmoqda. Miyani aynituvchi, adashtiruvchi g‘oyalar kuchaygan davrda iymoningizni saqlab yashashingiz tahsinga loyiq. Sizlar insoniyatning yaxshilarisiz. Mana shu kanalda qatnashayotgan, kursilarimda o‘qigan ayollarning odob-axloqiga, matonatiga, fidokorligiga qoyil qolaman. Sizlardagi fazilatlarni Alloh ziyoda qilsin. Doim badaningiz va iymoningizni salomat bo‘lsin!
https://t.me/YaqinOzbek