قناة الشاعر والملا ياسر الزيادي الثانيه
ابوذيه بحق مولاي سيد الشهداء
قسم بالعنده اصابع فقط. تسعه
وعلى الرگضت تدور الاخو. تسعه
روحي الحظرتك كل يوم. تسعه
وتنادي حسين يااعضم هديه
ـــــــــــــــــــــــــــــــ
ينشااااال
العاده حسين بالطف كون... ينشال
بحصيره حسين موتابوت.. ينشال
وراسه فوگ راس الرمح... ينشال
وألف ديره يطب ويه السبيه
الجناسات
١.ينشل
٢.ينلم..
٣.ينرفع
✍️
ياسر الزيادي
شوور... للخدمه والخدام
((حسين حسين... ابا عبدالله))
علمت عيني البچي مثل الزغار
وعله طاري خيامك اتوج بيه نار
انهضم لو مرني ذكرك يــاغريب
وحس حته بطولي صاباه انكسار
شبگت مفارگ أشبـــــگك
وخوفي شبگاتي تلچمك
وادري طولك بالحوافر قاط ابّنص الملح
جروحك الشگگت صدري
جرح صـــار بطول عمري
وانا معتز لن أملك ولو صفر من الجرح
كــــربله تشيلك محال
وانته ما شالك خــيال
شلون لموك ابحصــير
وچتفت زينب حبــال...
((حسين حسين..اباعبدالله))
ـــــــــــــــــــــــــــــــــــــــــــــــــــــــــــــــ
گد ضعن بعيوني شايلك صـــور
محمل ابنســـوان بس مابي گمر
دفتر اعيوني صفت كل لحضه اموت
من تمر ناگة الحـــــره أشبع هطر
الما يغوص ابــــحر طفك
لايفّـــــــكر يصَـل جـرفك
ولو يخم الكون كله.منك ابدا مايصح
انته ياجرحي وطبيبي
رزقي من الله ونصيبي
ليل كلشي بعيني اشوفه. ونته بس انته الصبح
انا كلــي مُلك ليِك
عبد اسود بين أديك
لغيرك انته وين اروح
حته لــو تطردني اجيك
((حسين حسين..اباعبدالله))
ـــــــــــــــــــــــــــــــــــــــــــــــــــــــــــــــ
چنت ضايع خدمتك خلتلي راي
وچنت وحدي هسه لازملي گفاي
انا لو ما انته لا والله أضــــــــيع..حسين
أعمه صارت نار خيمتكم ضــواي
راسك اعله الرمح صله
اعثر اتگلي اصــــــــمله
أختنگ وتصير انته. لريتّي نسمة هوه
أمي نذرتني لخدمتك
من زغر انــه عشگتك
من شفت أمي تقبل.عتبتك وانا سوه
حبك ابگلبي انغرس
مثل صدرك والفرس
وجمره من نار الخيام
تنهش ابصدري احس
((حسين حسين..اباعبدالله))
ـــــــــــــــــــــــــــــــــــــــــــــــــــــــــــــــ
گدرت جرحي وطلع راهم عليك
اغفى واحلامي تضل تحجيلي بيك
وروحي ليليــــــه تسافر مدري وين
اسأل اگليـبي ويــگلي أعتنـــــت ليك
أمي وصتني ابـــــوصيه
كـــون الاول بالعزيـــــه
وثوب حزنك لبستني.وغيره ما يرهم بعد
من الطفوله حفضتني
وعله الخدمه علمتني
حته من اعطش تگلي.اذكر الچبده نمرد
ترس ترستني غرام
وعلمتني اعله الهيام
حته اضل عطشان دوم
أبچي وانعه يلى أنام
((حسين حسين..اباعبدالله))
ـــــــــــــــــــــــــــــــــــــــــــــــــــــــــ
تمت بفضل ابا نعمتي ص
المـــــــــــــلا ياسر الزيادي
#ثكيل
منبريه للانصار رضوان الله عليهم/
يفزعـون..... ربَعك غيره وجــنــــون
يصيرون....بمّچـان اعيــونك عيـون
كلها انصارك اتصيح
بيـك النفس تسبيح...... حسيناااااه
ــــــــــــــــــــــــــــــــــــــــــــــــــــــــــــ
مثل دّوي النحل وتجمع ابعيـــــن
دورة محبس اندارو عالحســــين
موش أصحاب ذوله چن قــراءين
شايبهم كلف عاشگ ميـــــــــادين
يرتلون...أيــه وبيــــــك يقرون
يشمرون...العمايم من يفزعون
الچفافي لجلك اطيح
بيك النفس تسبـــيح....حسينااااه
ـــــــــــــــــــــــــــــــــــــــــــــــــــــــــــــــ
چبيــــــــر ازغير حته العمره وردات
أجوك وتارسه الأنفـــــاس نشــــغات
قطار الشوگ انته وهما ســـــــچات
صاحو مثلك اعله الــــــذله من بات
يفورون....مثل الگهوه بـــــدلال
يتانــون...حچاية هــدو تنــگال
هبولك مـــثل ريح
بيك النفس تسبيح....حسيناااااه
ـــــــــــــــــــــــــــــــــــــــــــــــــــــــــــــــ
عشگ ماكو بكماله هيچي عشگوك
وشم بالروح مو بالگلب رسمـــــوك
ضلام الدنيه كلها وگمره شـــــافوك
تاج ومفخره اعله الراس شــــالوك
فرد لون....گلبهم والنــِـــــــــوايات
والعيون....تشوفك سور وايــــــات
ملــــو عدوانهم قيح
بيك النفس تسبـــيح....حسيناااااه
ـــــــــــــــــــــــــــــــــــــــــــــــــــــــــــــــ
عابس جننيته وثوبه شــــــــگاه
كلشي يملكه حتـــــه الدرع ذباه
وهب نصراني لجلك دينه باعـاه
شمر حته الصليب وسجد للـّــــه
ينقلون...وهب سماك العيـــون
يگولون..بصم بالعشره ممنون
يقسم ابـدم المسيح
بيك النفس تسبيــــح.... حسيناااااه
ـــــــــــــــــــــــــــــــــــــــــــــــــــــــــــــــ
تحيـَــر انصارك او شنريد نــــــوصف
تموج الگــــــاع بيهم رعبــــــو الطف
اليوم الما عرفهم خـــــــله يــــــعرف
مدد يابو رقيه الــــــنزل يهـــــــــتف
يصيحون..حسين وشوفتك مـــــاي
يشوفون.....لدمــــاهم انــــته شراي
دمانه گبلك اتسيح
بيك النفس تسبيح.... حسيناااااه
ــــــــــــــــــــــــــــــــــــــــــــــــــــــــــــ
شكرا ابا عبدالله ص
خادم الزهراء ع
المـــــلا ياسر الزيادي
•••~•••(•«﷽»•)•••~•••
"اللهم عجل لوليك المنتقم الفرج
"
واخيتكم في الله
وصافيتكم في الله
وصافحتكم في الله
وعاهدت الله وملائكته وكتبه ورسله وأنبيائه والأئمة المعصومين عليهم السلام على أني إن كنت من أهل الجنة والشفاعة وأذن لي أن أدخل الجنة لا أدخلها إلا وأنتم معي
علي الطلگ الدنيا وماطلب حاجه علي اليندل دربهن نجمــه وهاجه علي الأيتام تــــشهد عفته وانتاجه (وأتمام الدين بتنصيبه) الشاعر /ياسر الزيادي المحافضه/البصره
علي الطلگ الدنيا وماطلب حاجه
علي اليندل دربهن نجمــه وهاجه
علي الأيتام تــــشهد عفته وانتاجه
(وأتمام الدين بتنصيبه)
الشاعر /ياسر الزيادي
المحافضه/البصره
هوسات للامير علي ع.... عيد الغدير الاكبر
ياعلي ويّانه حبك ينولد من الـــــــــــزغر
موحليب الـــدر علينه هذه من خيرك يدر
وبفضل اسمك يـــحيدر العسر يصبع يسر
گلبي ونبضاته.... ها ها
تصرخ دگــاته... ها. ها
بينت بسـماته...ها.ها
(((أدبچ لــــو تعشگ والينه))))
الله شرف بيته لمن حيدرا بيهه انــــــــولــــد
هالكرامه انفردت بحيدر وابد ماصارت لَـــحد
وبجدار الكعبه خـــــــله المعحزه الفرد الصمد
نذهلت عدوانه....ها. ها
ثبت اركانه......ها. ها
بحيدر مولانه..ها. ها
(((((يستاهل نفرحله الليله)))))
اليبغض الكرار جزما هذا موطاهر ابد
يسأل ويرجع الاصله ياهو ابو من نولد
خل تجاوب امه حصراً لو تذبه بمستند
واللي يبغضونه...ها.ها
لا ميــــربحونه...ها.ها
ذول يخسرونه...ها.ها
(((واليكره حيدر يا ويله))
تمت
✍️
ياسر الزيادي