قناة الشاعر والملا ياسر الزيادي الثانيه
شور للمشايه
مشاي مشاي. گاصــــد كربله
مشاي أگصــــــد كربله
وخلي الجروح ابطولك
محمل هموم وبالدرب
تنزاح كــــــــل اهمومك
تذكره مــــــاكو لا حجز
مجاني خــلهااا ادموعك
اعگد النيه ورايتك. خليها فوگ امتونك
ناس التطيب خاطرك.ملگة محب يلفونك
خدام صدگيه وگلب. يقره الطلب بعيونك
خيعونك بهذه الدرب. وي الخدم خيعونك
أعتني حـــيل ابهيئـتك
ثـوب الحزن ملبوسك
خلي المعزب منصدم
عالـــراس كون يبوسك
عيش الطفوف بمشيتك
أفعـــــال خلها ادروسك
مشاي مشاي.. واسي القافله
مشاي مشاي. گاصــــد كربله
ــــــــــــــــــــــــــــــــــ
قارن مسيرك باليسر
وتخيــــل انته الحالـه
عايّش معانات السبي
ضعن وشمـــر يبراله
أعطش لحد ما تنهضم
لحسينك ول عيــــاله
عمت الساده بهالدرب ويلي مشت مچتوفه
طول الدرب فوگ الهزل دخلوها ارض الكوفه
وانته الخدم طوع الأمر وألراحتك موقوفه
يعني تجمل بالأدب. والمزح كون تعوفه
غض البصر وامشي عدل
من فوگ الله يشــــوفك
بدرب العشگ بالك تـزل
تقبل احسين ايعــــوفك
مشاي مشاي.. أقدس منزلـه
مشاي مشاي.. اكصـد كربلـه
ــــــــــــــــــــــــــــــــــــــــــــ
مفتاح خلي للدمع
طاري أسم مذبوحك
بالك تجافي اخت الگمر
خليها لوعـــــــــه ابروحك
خافن اجروحك تستچن
مجموره خلها اجــروحك
خل ريجك ينشفه العطش واسي ابصبر عطشانك
وياك روس اهل البخت وضل بلفله عريانك
لبيك اخذ كل الدرب يلهج يضل السانك
قصة لطفوف وكربله خل تسكن بوجدانك
شام النوايب والحزن
أوگفت حرم بسواگه
والأكلف ابنص الغرب
مچتفات فوگ الناگه
بطبول ناس وبالحجر
صبح الله فـك رياگه
مشاي مشاي...ونعل حرمله
مشاي مشاي... اكصد كربله
ــــــــــــــــــــــــــــــــــــــــ
متروسه أهات وهضم
وشي صبـــر المشتاگه
وجفونها بطول الدرب
من البچي مـــا طابگه
ويا لوعــــة الفاگد اخو
تصب دمّعته حــــراگه
ردت ع ضهور الهـــزل
ونشـمرت مــن الناگه
هذا أربعين أم الخدر.ردّت اضعون المايله
أتشامرت من الهزل وياهو اليصبر العايله
هاي التدگ ع الوجه. وهاي التراب الشايله
ولبن أمها زينب عاودت.والدمعه ع خد سايله
حگ الله موت من القهر
وصيـــــــر لضعنها الناعي
مــاشي اليعينك ع البچي
وغيره أبــــــــــد لتماشي
اليعرف عـذابات العشگ
والگلبه ابيض صـــــــافي
وتبرى من أهل الـــوهم
والجمـــره بالحب طافي
مشاي مشاي.. ويّضعن المايله
مشاي مشاي.. گـاصــــد كربله
ـــــــــــــــــــــــــــــــ
تمت بفضلهم ص
✍️
ياسر الزيادي
١١/صفر ١٤٤٩ هـ
مدد مولاتي ياغريبة الاوطان
شور.. لا ساده لا عشيره
من گرّبو صوبي الهـزل. كبرت ابروحي الحيره
وگفونه بالسب والضرب.وختك مــــره چبيره
صعدن بناتك بالضعن. وانـــه بقـــــيت اخيره
الهاضمني ياخويه اجــــو
لنسوانهم فـــــزعو ديره
بس لهلك المحد فزع
لا ســــــــــاده لا عشيره
هلج وين.....ها يروح
ما يجون... ميته كون
ما أجو اخــــذو حرمهم
كلشي ضاع.. دمعي طاح.
بس ونين... گلبي صاح
تبده فوگ الگاع دمهم
بنص الغرب يا حيرتي
تخنگ خنگ يا حسرتي
ــــــــــــــــــــــــــــــــــــــــــــ
گوه علي عــنك رحت. يل عمري ما فــارگتك
طلعت نفس هيچي طلعت.ياخويه لمن عفتك
لو يطلع ابأيدي اضل.أعـــــذرني ياروح اختك
كلما مشه خطوه الضعن
بـــــروحي اضل اتلـــوه
أتمنه مـــوتي ولا اضـــل
يا عيشه بــــــعدك تسوه
لو يصح...يمك اضل
ابقى انوح... حد الاجل
بس حرت بيتامك هاي
أل يضيع....واليطيح
بس علي... عمه يصيح
ياخويه كســـــرولي گفاي
يا لوعه عگبك لوعتي
چم نفس مات ابريتي
ـــــــــــــــــــــــــــــــــــــ
يا راس گبلك يا رمح. بهاي الخلگ سواها
عنده اخت تشتاگ اله. بدرب السبي واساها
طول الدرب عينه تصد. عل رمح يمشي وياها
عالي الرمح ولها نصه
لو حاچته وحـــــاچاها
من تعثر اصمله نــــده
تنسه الــــــــذبح خلاها
ما همني كل.درب السبي
عندي المهم..... تنضر علّــــي
متحمله چــــي انته وياي
رغم العلو... هايالاخو
طبعك مثل.. طبع الدلو
مشنوق وتــــفيض افياي
أنسه بعيــــونك وحشتي
يــــــروح التعب ياراحتي
ــــــــــــــــــــــــــــــــــــــــــــــ
يا لوعة التشتاگ الـــه. بس راس يمك تلگاه
معودني عالملگه من اجي.ترويني نضرت عيناه
گبالي صفى راس ابرمح. أنذبح كل لحضه وياه
من كل كتر ينزف دمه
وياحسره شالت عيناه
من ينضرب سوط المتن
يهــــــتز واحـــــسن بالآه
يحسين اذا... ضاگ النفس
منك عطر. اشتم احس
طـــــــــول الدرب تبرالي
من يبتعد... رمحك علي
يأذيني يا.... روحي وهلي
صار الــــــــــــــرمح چتالي
غرگت وجنتي ابدمعتي
ياوسفه يضحك شامتي
ــــــــــــــــــــــــــــــــــــــــــــــــ
تمت بفضلهم ص
✍️
ياسر الزيادي
وكأني برقيه صلوات ربي عليها ترى رؤيا فتقصها ع مولاتنا زينب ص
قصيده شور...
ياعمه تعبانه وشفت...
ياوسفه أهلي خلصوا جوه السحگ
گلبي انشلع من الركض..
گام الجدم ينزف كثر مـــــا محترگ
ردته يجي..يطفي العبي...بديرت غرب
تاه الفكر والراي
عالي البچي..بس الحچي...صوت ورعب
خيل وزلمهم جاي
ياعمه شحجي...عله الجـرالي
لمن اجيـــــته...ضايع دلالـــي
بحچايه ردته..ينضرلي حالــي
صحت وندهته..ضمني يغالي
آااااه بويه.....آااااه بويه....اااااه
ـــــــــــــــــــــــــــــــــــــــــــــــــــــــ
شفت العزيز اعله الرمل...
وشفت الترب ياعمه عالچثه صعـــد
وشفت الحوافر طابعه....
بصدره وردت يگعد يويلي وماگعـــد
چاتل ابوي..ابلا رحم....يگلي تره...
أگبالچ انسحگه بعد
تكترت الوج...بحسرتي....وشفت الشمر
تربع عله صدره وگعد
اثنعش طبــره...يگلي طبــرته
خنجري ميت....حـــد ابرگبته
يرقيه شوفي.....راسه رفعـــته
هذه عزيـزج......انه الذبحـــته
آاااااه... بويه......آاااااه بويه....آااااه
ــــــــــــــــــــــــــــــــــــــ
ياعمه حاچيته اشكثر...
نزّل أبويه من الرمح يچوي النحر
وخر الرمح من رگبته....
عطشان اشوفن والدي ودنيه ضهر
اللهُ الاحد.. ينهضم... من يِنطگ..
الماعنده بالغربه اخـــــــوا
ينگط زعل.. ألبير اذا...يتمرجل
أبــــراســـــــــه الـــــــدلوا
مارضى ينزله...شگد گلبه قاسي
ولامسح بيده...عمه علـه راسي
والله هضيمه...ألغيـــره يواسي
لا هوا طـگني...جرح احساسي
آاااااه...بويه....آاااه بويه....آااااه
ـــــــــــــــــــــــــــــــــــــــــــــــــ
لو باقي واحد بالخيـــم...
چاما بديه وبالعبي چلب جــــــمر
ثوب الحسين اشگد حلو....
مچلب اشوفه بحافر ومنيمي مرر
هسه الحسين..ابلا چفن..عاري ويون..
راح الخدر راح...
شوف شبقى..منهل الستر...ودم الهواشم
فوگ الارض ساح...
زحمه من احشم...ومحد يجيني
وليــــه ولونـــي...وزيدو ونـيني
سلبوني بــويه..وسطروها عيني
تالي بهزيلــــــه...ومــــــچتفيني
آاااااه بويه.....آاااااه بويه.....ااااااه
ـــــــــــــــــــــــــــــــــــــــــــــــــــ
رزقهم سلام الله عليهم
✍️
خـــــــــادم الزهراءع
ياسرالزيادي
فزاعيه //للمضلوم الحسن ابن علي أمير المؤمنين ص
أخ يا يوم الحسن يا حــــاله
تنچفي بديوانه كل ادلالـــــه
ـــــــــــ،،،،، ــــــــــــــ،،، ــــــــــــــــــــ
أخ يا سابع صـــــــــــفر أكبر جرح
بيـــك سمــو بالغدر وجهه الصـبح
اليوم فوگ اجــــــروحنا خلو مـلح
الحسن شيخ ومثله ابداً ما يــصح
عاده كل شيخ الاجل لوجاله
تنچفي بديوانه كل ادلالـــــه
ــــــــــــــــــ،،،،، ـــــــــــــــــــ،،،، ــــــــــــــــ
تخيل الحره و تخــــــيل حالها
تلطم اعله الراس أهي وكـفالها
شافت الطشت وچبدته گـبالها
شهگت بحسره ومـنو الينـعالها
حسين ينعه ودم دمـــع صباله
تنچفي بديوانه كـــل ادلالـــــه
ـــــــــــ،،،، ــــــــــــــ،،،، ــــــــــــــــــ
اليـــــــوم يكتل ياخلگ باحـــــزانه
قطعه مـــــــن چبد النبي ذبلـــــانه
وسفه ابو محمد فـــــــــــرغ ديوانه
شيخنه معزب صعب صعب نسـيانه
طاح بيـــــرغ هاشم بأافعـــــــــاله
تنچفـــــــي بديوانه كـــل ادلالـــــه
ـــــــــــــــ،،،، ــــــــــــــــــ،،،، ــــــــــــــــــ
بالكرم ما ينوصف خيـــــــر البشر
شنهي حاتم يمه چــن نقطه ابحر
هم شجاع وهم كريم وهــــم گمر
مثله ما جابت مـــــره طول الدهر
شيخ والــديوان بس يحلالــــــــــه
تنچفـــــــي بديوانه كـــل ادلالـــــه
ــــــــــــ،،،، ــــــــــــــــــ،،،، ــــــــــــــــــــــــ
تشابه اويحسين بالحر والعطش
ومثل صدره سهام صابوه النعش
هـــزو ابأفعالهم حتـــــــه العرش
وفجعو امه الماتم عدها اثمنطعش
حظرت الزهره ودمعه تــــــــــــلاله
تنچفـــــــي بديوانه كـــل ادلالـــــه
ــــــــــــــ،،،، ـــــــــــــــ،،،،، ـــــــــــــــــــ
تمت
رزقهم صلوات ربي عليهم
✍️
ياسر الزيادي
شهادة مولاي الحسن ع
{وَنَادَىٰ نُوحٌ ابْنَهُ وَكَانَ فِي مَعْزِلٍ يَا بُنَيَّ ارْكَبْ مَعَنَا وَلَا تَكُنْ مَعَ الْكَافِرِينَ}
مازال النداء ينادينا إلى سفينة النجاة
وما زال في الحياة متسع للنجاة من الغرق
نعي للاربعين..
بعد رجوع الضعن ووصوله يوم الاربعين..
هنا زينب ص... هيه تسولف.. وياسوالف
👇
..
كل ضني من ارد ألگاك موجود
وتنشف دمعتي الحفرت بالخدود
ردت بيدك تـردني بضعنك اردود
لچن ياحال شفتك جوه اللـحود
دعوف النـــوم اجيتك خويه يلغافي
اجيــــت ارد اراويك اشصار بچتافي
يضربوني واصيحن عالضــرب كافي
ترى درب الـــــــيسر غيــــر اوصافي
شسـولفلك يخــويه آه والام
كلفه ع ألأميره تطب للشــام
مضــــــلوم ووگع بيدين ضلام
ماصـارت گبل حته ب الاحلام
حده والحادي يخواني.. بلا ديّن
اميـــــره و بهزل فرنــي.... بلادين
علضهر النوگ وحبالــــي... بلادين.. بليدين
عرجه وبالسبي طيحت رقيه
آنه الي لسه تسمع.. وان اخوها
وفوگي الناس تسأل.. وان اخوها
حرت هالـنوك الـــــمن. وان خوها
اضن للشام ما خوذه سبيه
سمار اللاح وجهـــــك لاح.. ويهاي
كثر ما أطفي نار بهاي... وي هاي
اسمعه يصيح شدو هاي... وي هاي
وعله فد ناگه ركبوهن سويه
أاااخ الشام...
دخلنه بگاع احس يخنگ. هواها
اضنها الشـــــام والسابي.. هواها
بصفگ وطبول وحچاية.. هو... هااا
هذوله العل هزل جو خارجيه
ــــــــــــــــــــــــــــــــــــــ
ناعي السبايا ص
✍️
ياسر الزيادي