YAXSHILAR

#Qoʻyvor
.
Kim Allohdan taqvo qilsa, U Zot uni mushkullikdan chiqaradi va unga kutilmagan joylardan rizq ato etadi.
Kim Allohga tavakkal qilsa, U Zot unga kifoya qiladi. Albatta, Allohni O‘zi uning ishini oxiriga yetkazadi. Alloh har bir narsaga o‘lchov belgilagan.
Hayotda shunday lahzalar bo‘ladiki, qalb biror insonni qo‘ldan chiqarmaslik istagi bilan uni qo‘yib yuborish kerakligi oʻrtasi qattiq ikkilanish hosil boʻladi.
Oʻrtadagi munosabatlarni isloh boʻlishini so‘rab duo, harakatlar qilasiz. Ammo vaziyat sizga "To‘xta, bu hohlayotgan yoʻl emas, bu san oʻylagan odam emas" deydi.
Bu siz koʻrayotgan yoʻqotishlar, sizni jazolash uchun emas, balki siz ko‘rmagan narsalarni ko‘radigan Zotning rahm-shafqatli hidoyati boshlash uchun boʻladi.
Alloh taolo qaysi ish foydali, qaysinisi zarar keltirishini yaxshiroq biluvchi zot!!
U faqat hozirni emas, balkiy yillar davomida bu ish nimaga olib kelishini biladi.
Alloh hayotimizdan kimnidir qo‘yib yuborishimizni ( voz kechimizni) istasa, bizga belgilar chiqaradi. Ular har doim ham aniq bo‘lmaydi, mana shu haqida ozgina qisqacha fikrlarimni aytib oʻtmoqchiman. Bu ish ba’zan og‘ir bo‘ladi, ammo doimo hikmatlidir.
U belgilarni, bizni ma’naviy yoki hissiy zarar keltiradigan ishlardan asrashi uchun "ilohiy g‘amxo‘rlik" degan boʻlardim. Bu belgilarning eng birinchi va eng og‘riqlisi, oʻsha ishda yaqinlashish oʻrniga uzoqlashish, to‘siqlarga uchrashidir.
Hohlaganingizni ololmaysiz, rejalar buziladi, suhbat muzokaralar yurishmaydi. Huddiyki ko‘rinmas bir devor o‘rtaga turganday, siz qancha harakat qilsangiz ham, u yanada balandlashadi.
Bunday vaziyatlarda qaror qabul qilishda istixora qilib, shu ishni biluvchi biron kishi olimdan toʻgʻri yoʻnalishni soʻraysiz.
Agar ish biz uchun xayrli bo‘lsa – yo‘llar ochiladi. Agar zararli bo‘lsa – yopiladi.
Ikkinchi belgisi – munosabat, doʻst, sherik, turmush oʻrtogʻingizdagi sizga nisbatan o‘zgarishlarini koʻra boshlaysiz.
Oldin quvonch iliqlik manbai bo‘lgan yaqiningiz endi magʻzunlik keltiruvchiga aylanadi. Avval kuch, mativasiya bergan suhbatlar endi yoʻq. Oʻrtada oldindaka iliqlik yoʻq qiziqish pasaygan. Oʻsha odamni yonida boʻlganingizda paydo bo‘ladigan tushunarsiz bezovtalik.
Oldin huzur bergan hamrohlik endi tushuntirib bo‘lmaydigan xavotirlar.
Bazida bu u odamlarni yomonlashganidan emas. Balki Alloh sanga nisbatan qalbini o‘zgartirayotgandandir, ajralishni osonlashtirish uchun. Go‘yoki qalb aqlni ogohlantirayotgandek.
Rasululloh s.a.v aytganlaridek: "Mo‘minning farosatidan qo‘rqinglar, u Allohning nuri bilan qaraydi"
Uchinchi belgi – yangi imkoniyatlarning paydo bo‘lishi. Alloh senga: «Man senga yaxshiroq narsani tayyorladim, ammo avval qo‘lingni band qilayotgan narsani qo‘yib yuborishing kerak" deyayotganday. Toʻrtinchi belgi – Ishoralar
Masalan, Qur’on oyatlari yoki suhbatlarda, darsliklar, kitoblarda shu mavzuni oid yechimlar.
Hatto Alloh yuboradigan belgilar, tizimli bo‘layotganiga guvoh boʻlamiz. Hullas, munosabatlarning barcha jihatlarini tuzatishga urinishlarinigizga qaramay u kuchayib boradi.
Bu holat bosqichlardan iborat. Boshida inkor: "Bu vaqtincha, sabr qilsam hammasi joyiga tushadi" deysiz.
Keyin g‘azab: "Nega man bilan shunday bo‘lyapti"?
Keyin savdolashish: "Agar ko‘proq ibodat qilsam, balki hammasi tuzalar".
Keyin tushkunlik: yo‘qotishning haqiqiyligini anglash.
Va nihoyat – qabul qilish: Alloh yaxshiroq biladi, Uning hukmiga taslim boʻlib, va uning oʻziga tavukkul qilish.
Amaliy qadamlar: Aloqani sekin uzish, agar vaziyat keskin to‘xtatishni talab qilmasa.
Energiyani boshqa ishga yo‘naltirish, Oilaga, dinga, rivojlanishga yangi imkoniyatlarni izlash.
Doimiy duo, “Ey Alloh, agar bu aloqa men uchun xayrli bo‘lsa, oson qil. Agar zararli bo‘lsa, meni undan uzoqlashtir.”
Shukr qilish, boshidan oʻtkazgan ishlar saboq, kelajakda chiroyli imkoniyatlarni ochib berishda tajriba.
Yangi imkoniyatlarga albatta ochiladi – Alloh bir narsani olib qo‘ysa, yaxshirog‘ini beradi.
Muhim tushuncha
Hech bir odam qalbimizdagi bo‘shliqni to‘ldira olmaydi. Uni faqat Alloh to‘ldiradi. Hamma narsa foniy.

Shuning uchun ortiqcha bog‘lanish bizni doimiy sindiradi.
Natija
Oylar yillar oʻtgandan keyin: bu yo‘qotish emas, balki ozodlik bo‘lganligini anglaymiz. Qalb boʻshligʻi toʻlib Allohga yaqinlik, koʻp yaxshiliklarga erishganimizni koʻramiz.
Allohning va’dasi: kimdir U zot uchun bir narsani tar etsa, U albatta undan yaxshirog‘ini beradi.
Asosiy xulosa
Yer yuzidagi barcha aloqalar vaqtinchalik. Doimiy bo‘ladigani faqat Alloh bilan bo‘lgan aloqadir.
Ba'zida qo‘yib yuborish – bu yo‘qotish emas, balki yaxshiroq narsaga joy ochishdir.
#Umar
Aslan

Chet elga sayohat qilib turishning bir yaxshi tarafi har kuni yangi narsa o'rganasiz. Mana masalan siz shirin tarvuzni qaynatma sho'rva bn yeb ko'rganmisiz? Mosh yoki atirgul kompotini ichganmisiz? Shokolad sousli gamburger, lavash, hot dog yeganmisiz? Ziradan konfet, ko'k choydan muzqaymoqchi? Qovurilgan snickers, asalda dudlangan tovuq, ananasli pizza, o'rik murabbosida marinovka qilingan shashlik, qalampirli choy, hullas ro'yhat davom etadi.)))
#Anvar
Narzullayev

Озоданинг "Узбек" кушигига олинган клипни куриб...
Боласини Германияга даволанишга олиб келган ота, узбек шифокорига дуч келади. Курикдан сунг ота шифокордан, нега Узбекистонда ишламаслигини сурайди. Шифокор, "Бу ерда яхши тулашади", деб куя колади. Кейин отанинг фалсафий гаплари...
Мендан сура, нега Узбекистонда эмаслигимни...
2004 йил Тошкент Ислом Университетининг Информатика ва ахборот технологиялари йуналишини тугатдим. Тошкент шахрида яхши жойлардан иш чикди. Уша пайтда Тошкентда прописка масалалар огир масала эди. Пропискам йуклиги учун вилоятимга кайтишга мажбур булдим, нолимадим. Мактабда укитувчилик килдим. Шогирдлар чикардим, олимпиадаларда укувчиларим юкори уринларни оларди. Ойлигим кам, лекин ишимни яхши курганлигим учун, нолимадим. Таълимдан ажрамаган холда бошка сохаларда хам ишладим.
Шавкат Мирзиёев иктидорга келганда сиёсат бироз узгарди. Кулимдаги дипломим билан укув марказларида Араб тилидан хам дарс бера бошладим. 2021 йили мактаб директорлиги лавозимигача кутарилдим. Эрта тонг сахар, соат 6:00да укув марказида араб тилидан дарс берсам, соат 8:00дан 17:00гача мактабда булардим. Кейин яна кечки пайт укув марказида араб тили. Хар хил одам хар хил нарсадан "кайф" килади. Мен дарс бериб, мендан одамлар нимадир урганаётганлигини куриб "кайф" килардим. Ишимни, Ватанни севардим. Укувчиларимга хам юртга фидоий булишни уктирардим, хали хам шундайман.
Аммо...
"Юкоридаги"ларга менинг араб тилидан дарс утишим ёкмай бошлади. Дастлаб огзаки "огохлантиришди". Мен улардан асос сура бошладим. Асос йук эди. Мен ишимни давом эттиравердим.
Улар менинг ижтимоий тармоклардаги харакатларимни кузатиб, 2017 йил бир маърузага "Класс" босганим учун Уз.Р Ж.К.нинг 244-моддаси билан (Мубашшир Ахмад устозга куйилган айблов хам шундай) 2023 йил 3 апрел куни (Рамазон ойида) судсиз камокка олишди. 9 кун "утириб" чикдим. Режа буйича муддат жуда куп булиши керак эди. Аллох рози булсин, адвокатимнинг саййи харакати билан камрок булди. Камокдаги тахкирлаш, маънавий босимларни ёзиб утирмайман. Камокка тушган кунимнинг эртасига мактабда ИИБ ходимлари тезкор йигилиш утказиб, мени мухокама килишган, мени террористга чикаришган. Чикканимдан сунг тергов иши давом эттирилди. Тез-тез ИИБга чакиришар, мендан ариза ёзиб ишдан бушашни талаб килишарди. Мен катъий ёзмайман, деб туриб олдим. Курсларимни хам давом эттиравердим. Орадан 6 ойлар утиб, мен "Класс" босган уша маълумот террористик мазмунда эмаслиги сабаб, мени "оклашди". Биронта инсон, ташкилот мендан узр сурамади. Лекин ишимга босим ортаверди. "Катта акалар" келиб очикчасига "Ёки араб тили утинг ёки директорлик килинг", деб талаб куйишди. Директорликни ташлаб, оддий укитувчилик килиб, курсимни давом эттиравердим. Кейин укув марказини хам ёпворишлик билан тахдид килишди. Битта мен сабаб укув маркази ёпилиб кетмасин, деб у ердан хам кетдим. Оилада 6 кишимиз. Уйда факат мен ишлайман. Пул етказа олмадим. Четдан иш кидирдим. Шундай килиб Австрияга келганман...
Мен хикоямни ута киска килдим. Айтолмаган жойларим куп.
#Muminjon
Yusupov
https://t.me/yaxshiilar

Ипотекага уй оласан, менинг уйим дейсан аслида у сенинг уйинг эмас, уйни гаров қилиб сенга берилган қарз сеники, уй эса банкники. Уч ой тўлов қилолмасанг банк уйни олиб қўяди.
Ипотеканинг инглизча атамаси мортгич аслида француз тилидан кирган бўлиб ўлгунича қарз деган маънони билдиради. 65-67 ёшда тўлаб бўласан, кейин соғлиқда муаммолар бошланади, 80дан кейин ақлинг ҳам кетади, алцҳеймр ёки деменция каби касалликлар бошланади, ўз уйингда яшолмай қоласан, сени қарияхонага жойлаштиришади. У ер жуда қиммат, ҳафтасига $2000. Уйингни қарияхона балансига олади, ўлгунингча қараб туради, ўлимингдан кейин уй уларга қолади. Нақадар ачинарли ҳаёт.
#Faiziddin
Mo'min
https://t.me/yaxshiilar

Кесатиб гапириш гуноҳми?

«Ё Расулаллоҳ, аёлларнинг қандоғи энг яхшисидир?» – дейилди.
«Қачон назар солсанг, сурур бағишлайдигани. Қачон амр қилсанг, итоат қиладигани ва эрига ўз жонида ва молида у ёқтирмайдиган нарса ила хилоф қилмайдигани», – дедилар.
«Сунан» эгалари ривоят қилганлар.
Ушбу ҳадиси шарифда эр учун энг яхши хотиннинг баъзи сифатлари ҳақида сўз кетмоқда:
1. «Қачон назар солсанг, сурур бағишлайдигани».
Демак, эр назар солса, кўнглини хурсанд қиладиган аёл энг яхши аёлларда бўладиган сифатларга эга бўлар экан.
Бу таъриф аёлнинг ташқи қиёфаси, кийиниши, ўзини тутиши ва ахлоқ-одоби каби нарсаларни ўз ичига олади. Энг яхши аёл бўлиш умидидаги қизларимиз, аёлларимиз ушбу нарсага алоҳида эътибор беришлари керак. Куёв ва эрларининг кўзига доимо хурсанд қиладиган равишда кўринишга ҳаракат қилишлари лозим.
2. «Қачон амр қилсанг, итоат қиладигани».
Эрга итоаткор бўлиш аёлларнинг энг гўзал, энг яхши сифатларидан биридир.
Албатта, бу ерда шаръий рухсат берилган ишлар доирасидаги итоаткорлик ҳақида сўз кетмоқда. Гуноҳ ишларда итоат қилиш мумкин эмас. Чунки Холиққа маъсият бўладиган ишларда махлуққа итоат қилинмайди.
Эр оила бошлиғи бўлганидан кейин, оила аъзолари, жумладан, аёл киши унга итоат қилиши керак. Эрига итоаткор аёл энг яхши сифатлардан бирига эга бўлган аёлдир.
Эрига итоат қилмайдиган аёлни яхши аёллар қаторига мутлақо қўшиб бўлмайди.
3. «Эрига ўз жонида ва молида у ёқтирмайдиган нарса ила хилоф қилмайдигани».
Бошқача қилиб айтганда, энг яхши аёл сифатига соҳиба бўлишни истаган аёл эрига ёқмайдиган ишларни қилмаслиги керак. Чунки шу хилоф туфайли оилада уриш-жанжал чиқиши, эр-хотиннинг ҳаловати йўқолиши, ҳатто оила бузилиб кетиши ҳам мумкин.
Яна, аёл киши ўз молини эри ёмон кўрадиган нарсаларга сарфламаслиги керак. Ана шунда энг яхши аёлларнинг яна бир сифатига эга бўлади.
Ушбу ҳадисда зикр қилинган уч сифатни ўзида мужассам қилган аёл энг яхши аёллардан бўлишига шубҳа йўқ.
Мўмина-муслима аёл-қизларимиз ушбу ҳадиси набавийда зикр этилган олиймақом сифатларни ўзларида мужассам қилишга ҳаракат этишлари лозим. Шу билан бирга, жажжи қизчаларимизни ёшликларидан ана шундай гўзал сифат соҳибалари этиб тарбия қилмоғимиз лозим.
#Ikrom
Sharif
https://t.me/yaxshiilar

Туркия президенти Ражаб Тоййиб Эрдўғон Туркия Диёнат ишлари раёсати томонидан мамлакатдаги барча жомеъ масжидларда ташкил этилган ва ёш болаларга Қуръони Каримни таълим беришни ўз олдига мақсад қилиб қўйган «Ёзги Қуръон Курслари» ниҳояланиши муносабати билан бу йил мазкур курсларда иштирок этган ва бу курсларни тамомлаган 2 миллион 540 ўғил-қиз болажонларга, уларнинг ота-оналарига, устозларига ва бу иш мутасаддиларга ташаккур билдирди.
Ёш болажонларни ёзги таътилини мазмунли ва истефодали ўтказиш бидан бирга қадоиятлар ва дину диёнатга муҳаббат руҳида тарбиялаш борасида муҳим рол ўйновчи бу анаъана Туркияда ҳар йил давом этадиган ажойиб ва ибратли ҳодисадир.
Бу йилги қатнашув олдинги йилга нисбатан 11 фоизга ошганини фахр билан тилга олган президент Эрдўғон бу тарбия ва бу таважжуҳ Туркиянинг келажак кафолати эканини баён қилиб шундай деди:
«Минораларимиздан бир кунда беш вақт азон садолари юксалар экан, жомеъларимизнинг гумбазларида Қурон тиловатлари жаранглашда давом этар экан, Аллоҳнинг изни ила Туркия доим тик оёқдадир, эркин ва озоддир, унинг хуррияти, истиқлоли ва келажаги кафолатлангандир.»
Маълумот учун: Туркия демократик дунёвий-секуляр республикадир.
#Саид
Комил

Муаммо ва унинг оқилона ечими…
Мен бир инсонни учратдим. Илм толиби, ҳозирда фиқҳ бўйича докторлик диссертацияси устида ишлаяпти. Содда, бироқ фикрлари жуда теран, узоқни кўра олади. Илгари бунақа одамни кўрмаганман. У кишининг бошидан кечган имтиҳонларга биз каби оддий одамлар дош беролмайди. Илм учун жон фидо қилиш ана шу бўлса керак, деб ўйлаб қолади киши. Қизиғи, аёллари ҳам докторлик диссертацияси устида ишлаяптилар. Қандай бахт-а?!
Биз у кишидан бошидан кечирган энг оғир пайтлари ҳақида ҳам сўрадик, турмуш ўртоғини қандай қилиб докторлик даражасигача олиб чиққанларини ҳам сўрадик. Қизиқиб кетяпсизми? Бир қисмини айтиб берай:
Мен ҳам қизиқиб савол бердим:
— Ака, неча фарзандингиз бор?
— Учта қиз.
— Умрлари узун бўлсин, каттаси неча ёшда, кичигичи-чи?
— (Фалон, пистон… аниқ ёдда қолмапти).
Кичиги жуда ҳам чақалоқ экан. — ўқишчи? — дедим.
— Аёлим дарсга боради. Шу пайтда кичик қизимни мен мадраса эшиги олдида кўтариб турардим. Ҳар танаффусда у чиқиб эмизар, ўша вақтгача мен уни кутиб турардим, — дедилар.
Ҳайратдан қотиб қолдим… Кейин ўйлаб қарасам, ўзим уйдаги майда-чуйда ишлардан кўп нолир эканман. Ўзимни айбдор ҳис қилдим. Ўқиган китобларимга ҳам, қилаётган амалларимга ҳам жиддий разм солдим. Ҳатто ўзимга раҳмим келиб кетди.
Ҳа, айтганча, сиз ҳам аёлингизни қандай қилиб олима қилиш ҳақида ўйлаб кўрдингизми? Бир икки кун сабр қилиб туринг, кейин бу гаплар эсингиздан чиқиб кетади… ҳаммаси ўтиб кетади…
#Санжарбек
Сайфуллоҳ
https://t.me/yaxshiilar

Мубашшир Аҳмаднинг судида қатнашдим.
Оиласи, болалари, яқин қариндошлари, мухлислари, уч-тўрт ОАВ журналистлари келишди.
Суд бўлмади ҳисоб.
Битта қораловчи (пуркурор) гапирди. Тамом. Маҳкама раиси: "Гувоҳлар келганми?" деб сўраган эди, котиби: "Йўқ, келишмади", дейиши билан раис: "Гувоҳлар келмаган бўлса, 8 сентабиргача танаффус эълон қиламан", дедию зинадан тушиб, орқа эшикдан чиқиб кетди. Тарқалдик.
Судга келганлар нималарга гувоҳ бўлдик?
Қораловчи (пуркурор) савод масаласида жичча қийналди. Худди бировлар ёзиб берган матнни ўқиб бераётгандай, тутилиб-тутилиб, тили келишмай, кўп хатолар билан зўрғалатдан ўқиди. Балки шу камчилигини яшириш учундир, жуда паст товушда ўқиди. Шу ёзганларига ўзи ишонса, дадил-дадил ўқимайдими, деб мен бу ёқда жоним ҳалак.
Судя Мубашшир Аҳмаддан айбнома билан танишиб чиққан-чиқмаганини сўраганидан кейин: "Бу ерда сизга қўйилган айбларни тан оласизми?" деб сўраган эди, Мубашшир домла: "ДИҚ дан рухсат олинмасдан чиқарилган материаллар бўйича қисмини тан оламан, қолганларини (яъни, жуда кўпини) тан олмайман!" деди.
Гувоҳ бўлганим иккинчи ҳодиса шуки, агар қораловчининг оғзидан чиқса, "Ота-онани ҳурмат қилишга чақиради", деган гап ҳам террорчининг бир белгиси бўлиб туюлаверар экан. Даҳшат! Ярим соатча айбловномани ўқиди, санаган "далил"ларини эшитиб қўрқиб кетдим: тескари ёққа бурса, кундалик ҳаётда гапириб юрган оддий гапларимиз ҳам 50-60 фоизи... Оллоҳ сақласин.
Мени яна ажаблантирган нарса:
Мубашшир Аҳмад 20 йил таълим берган Олий маъҳаддан бир кимса келмади!
Охирги тўрт-беш йилдан бошқа бутун умрини бағишлаган Ўзбекистон мусулмонлари идорасидан бир кимса келмади!
Жонажон ўртоқларидан бир кимсага кўзим тушмади!
Лоақал устозларининг кўнглини кўтариш учун бўлса ҳам, маъҳадда таълимини олган шогирдлари (ҳозир улардан кўпи имом, "аҳли илм"дир) судга келмади!
Балки 8 сентабир куни келишар, билмадим.