YAXSHILAR

Шахсий кузатувларим.
Ишим сабаб кўп вилоятларга бораман. Соҳамга оид вазиятларни таҳлил қилишга ҳаракат қиламан. Ушбу постдаги фикрларим ўта шахсий.
Деҳқончилик билан шуғулланаётганлар камайиб бормоқда.
Биринчидан, иккинчи экин етиштиришдаги сув муаммоси бўлса, иккинчидан, нарҳларнинг арзонлиги ва ҳаражатларнинг қопланмаслиги. Халқ учун деҳқончиликнинг иқтисодий жозибаси - манфаати камайди. Бозорларимизда айрим сабзавотларнинг ҳориждан келтирилаётгани шу билан изоҳланади. Сабаби, айни вақтда аксарият сабзавот маҳсулотлари халқ томонидан етиштирилади.
Айтайлик, бозорда бир кило сабзининг нарҳи қанча? Нега нарҳи кўтарилганига ҳеч қизиқиб кўрдингизми? 2-3 йил олдин сув текин бўлгани, ҳатто уйдаги мол-қўйларга берилгани эсингиздадир.
Бу ўта хавотирли жиҳатдир. Шу кетиш бўлса, оддий кундалик эҳтиёж маҳсулотларига бўлган талаб ҳам импорт ҳисобига қондирилиши эҳтимол. Яқин келажакда аста ошиб борадиган бундай талаб иқтисодга катта юклама беради.
Иккинчи хавотирли жиҳат – чорва! Йилдан йилга чорва миқдор жиҳатдан камайишни бошлаган. Биринчидан, яйловлар сифати тушиб, қисқараётгани, иккинчидан, касалликлар кенг ҳудудларга тарқалаётгани.
Ҳозирги ҳолатда яйловларни ривожлантириш эмас, балки борини сақлаб қолиш ўта долзарб вазифадир. Айниқса, ўсимлик турлари, популяциялари ва ареалларини сақлаш муҳим тадбирга айланиши вазият тақозоси. Яқин-яқингача ёввойи – ўз ҳолича яшаб кўпаядиган ўсимликлар ҳақида қайғуришни хаёлимга ҳам келтирмасдим. Қарангки, вазият жиддийлашиб, тасаввурларни ўзгартиришни талаб этмоқда. Масалан, янтоқ! Шу беозор ўсимлик ҳам қирилишга тушган, энди унинг уруғчилиги ҳақида бош қотириш керакка ўхшайди.
Ҳар қандай расмий баёнотлар берилгани билан ҳақиқий аҳволни бозор – иқтисод кўрсатиб беради. Бугун бир кило гўштнинг нарҳи қанча? Эслаб олдингиз-а?
Бу масалаларнинг ечимлари бор. Биз неча йиллардан бери илмий асосларини яратиш билан шуғулланамиз. Олимлар, мутахассислар билан доимий мулоқотни йўлга қўйиш лозим. Бизга беш йиллик, ўн йиллик... йигирма беш йиллик... режалар керак! Иқлим жиддий суръатларда ўзгаряпти. Ёмғирларнинг тортилгани, ҳароратнинг юқорилиги денгиздан томчи. Ёмон томонларини – ёмон сценарийларни ёзмадим. Унгача иш бормаслигини Худодан сўраб қоламан.
Биринчи жумлани қайта ёзиб қўяман: бу шахсий фикрим.

Шаҳват масаласида Насронийлик билан Ислом қарашида кескин фарқ бор.
Насронийлик шаҳватни буткул қоралайди, ундан имкон қадар қутулишга урғу беради.
Ислом эса уни Жаннатдаги неъматдан бир томчи дейди. Инсон наслининг сақланиб қолиши учун муҳим омил, агар шаҳват бўлмаганда инсонлар ўзи истаб бола кўрмаган бўларди дейди. Аммо уни қатъий тартибга солади.
Насронийликда жинсий алоқа фақат насл қолдириш учун ишлатилиши керак дейилса, Исломда ҳалол никоҳ доирасида лаззатланиш ибодат даражасигача кўтарилади, шу орқали ҳаромдан тийилгани учун савоб ваъда қилинади.
Аммо қизиғи шундаки, кескин йўлни тутган насроний халқлар шаҳватига қул бўлди, мўътадилликни ушлаган мусулмонлар эса ҳозиргача анча тоза сақланиб қолган. Бунга мисол, Жаҳон Соғлиқ Ташкилотининг СПИД бўйича статистика ва хариталарида кўриш мумкин. Африкадаги халқлар ичида СПИД энг кўп тарқалган ҳудудларда насронийлар яшайди.
Ҳозирги пайтда шаҳвоний ҳирсни монетизациялаб уни юзлаб миллиард долларлик индустрияга айлантирганлар ҳам насроний халқлар. Насронийликда қатъий ва аниқ чегара йўқ. Масалан, черковга бирга қатнайдиган аёл билан " Исо иккимизни ҳам севади, муҳаббат илоҳий ҳиссиёт" деб хилват хонада бемалол ёлғиз қолиш ва унинг натижасида чегарадан чиқиб кетиш осон чунки Ислом каби аниқ чегаралар белгиланмаган. Чегарани қаердан тортишга ҳалигача ҳайрон.
Умуман олганда Яҳудийлик ўта қаттиқ, Насронийлик жуда юмшоқ, Ислом ўрта йўлни ушлаган. Шунинг учун ҳам Қуръонда Ўрта Уммат деб аталган. Насронийликда аниқ илм йўқ, чиройли гапиришдан иборатдек туюлади. Ақидаси жуда чалкаш.
Яҳудийликда ҳатто ўз аёли билан яқинлашаётганда икки бадан ўртасида мато бўлиши, тери бир-бирига тегмаслиги ва фақатгина кичкина туйнук қолдирилиши лозим, аёл узрлик ҳолатида ҳатто бир дастурхонда ўтириши жойизмас, бошқа хонада ётиши керак.
#Faiziddin
Mo'min
https://t.me/yaxshiilar

Ўзбекистонликларда дунёда номаълум ген ўзгаришлари аниқланибди эмиш. Бунга олимлар яқин қариндошлар ўртасидаги никоҳни сабаб қилиб кўрсатяпти экан.
Бу маълумот тўла тасдиқ топмаган. Аммо рост бўлиш эҳтимоли йўқ эмас. Чунки кейинги йилларда одамзод ирсиятига ҳар томонлама ҳужум кучайди. Айримлар ирсиятнинг бузилишига яқин қариндошлар ўртасидаги никоҳ, яъни аммаваччалар, тоғаваччалар ўртасидаги никоҳни сабаб қилишмоқда.
Мусулмон бўлмаганлар билан ишим йўқ, аммо мусулмонман деганлар билиб олишсинки, шариат рухсат берган нарсада ёмонлик йўқ. Ака-сингилларнинг фарзандлари оила қурган бир неча оилани танийман, фарзандларида, уларнинг фарзандларида ҳам камчилик йўқ. Яқинлар ўртасидаги никоҳдан туғилган болаларда камчилик кўринаётган бўлса, сабаби бошқа жойда.
Шариатимизда кимнинг никоҳи ҳалолу кимларники ҳаромлиги аниқ-тиниқ белгилаб берилган.
Ирсият бузилишига ўзим билганим иккита сабабни санаб ўтаман.
Биринчиси: совет даврида, мустақилликнинг дастлабки йилларида ҳам туғруқхоналарда чақалоқларга умумий сут берилар эди. Яъни оналарни безовта қилмаслик учун оналарнинг сути соғиб олиниб, ҳаммаси аралаштирилиб, йиғлаган болага илитиб берилар эди. Шундай қилиб, кўп болалар бир-бири билан сутона, сутопа... бўлиб кетди. Шу даражадаки, аниқлашнинг ҳам иложи йўқ. Ўша сут орқали ака-сингилга айланиб қолганлар турмуш қуришса, ирсият (ген) бузилиши эҳтимоли кучли бўлади.
Иккинчи сабаб: бугун еб-ичаётган озиқ-овқатларимизга бир қарайлик. Санайверсак, бугун гени ўзгартирилмаган егулик қолдимикан ўзи деб юборади одам. Картошка, памилдори, қулупнай, бодринг, олма, тарвуз, маккажўхори, буғдой... бугун бозорларимиздаги маҳсулотларнинг камида 90 фоизида ген ўзгаришлари мавжуд. Бирига чўчқанинг, бошқасига арининг, одамнинг, илоннинг генлари қўшилган. Жайдариси, ўзимизнинг эски навлар кам қолди. Тобора камаймоқда.
Еб-ичганимиз шу нарсалар бўлганидан кейин ирсиятда ўзгариш бўлмай не бўлсин. Шунингдек, у маҳсулотларда ўз уруғини ўзи қуритиш хусусияти ҳам бор. мақсад, уруғни деҳқон доим сотиб олсин, ўзидан кўпайтира олмасин. Бу хусусият уларни еган одамга ҳам таъсир этмай қолмайди.
Хуллас, ҳозир нафақат ҳалол еб-ичиш, балки сифатли еб-ичиш ҳам муҳим бўлиб қолди.
#Абдугафур
Искандар
https://t.me/yaxshiilar

https://t.me/himmatlarni_uygotish_husayn

Қора жентрани усти ҳам ичи ҳам нархига умуман арзимайди.
(Янгиси 15000$ нари бериси)
Заиф 1500 л3 моторига 100 километрга 15-16 литр ёқилғи сарф қилади, барча системаси примитивлар жамланмаси, бошқаруви ўта оғир, фасад ва интерер ҳам хозирги давр дизайнидан юз ўгирган.
Салондан янгисини оласиз тўғри бoзорга бориб бошқа юмшоқ шина тақасиз, хавфсилик пултини ўрнатасиз, орқани кўрадиган камера, регистратор, тузукроқ магнитола, ўриндиққа чехол, ойналарни қорайтирасиз, тезроқ қўзғалиши учун компютерга олиб борасиз ёки ёқилғини сал тежайдиган қилдирасиз.
Чунки шунақа функциялари йўқ!
Олд томонга Американка фаралар, орқасига оптра фаралар олишингиз керак!
Уриб тепиб минмайсиз, чунки уни сотганизда нархига катта тасир бўлмаслиги учун пах-пахлаб минасиз.
Яна ур-йиқит қилиб кўпчилик шунга интилади.
Миниб катта персонага айланасиз.
Чунки “бойларни ҳам гаражида битта қора жентраси бўлади” деган тушунча- арендага олган қора жентрангизга қараб ғурурланиб қўйишингизга сабаб бўлади.
Мисқоллаб йиғиб “қора байир”га тикиб юбориб хотиржамликда яшаймиз.
Яшаш тарзимизни қора жентрага ўхшатаман, мошина бир қиёс ҳолос.
#Kamoliddin
Muhammad
https://t.me/yaxshiilar

Bir kuni bir gala marketolog/smm'chilarni jamlab, bir qafasga qamashibdi va instagramda sahifa yuritishga majburlashibdi.
Sahifaga turli mijozlar kelib mahsulot haqida maʼlumot soʻrashar, qafasdagilar esa javob yozar ekan. Kunlarning birida mahsulot ostida "narxi qancha ekan?" degan izoh paydo boʻlibdi. Bir marketolog shoshib mahsulot narxini yozgan ekan, qafasdagi hamma marketologlar ustidan muzdek suv quyilibdi. Hamma shokda, nima boʻlganini tushunmay qolishibdi.
Birozdan keyin boshqa mahsulot ostida "Sena?" degan izoh chiqibdi, boshqa marketolog shoshib narxini yozgan ekan, yana avvalgi holat qaytarilib, qafasdagilar ustidan muzdek suv quyilibdi.
Marketologlar vaziyatni tushunishibdi va keyingi mijozlarga "sizga directdan javob berdik" deb yoza boshlashibdi.
Keyin qafasdan bitta marketologni chiqarib, oʻrniga boshqasini tiqishibdi. Yangi marketolog ishtiyoq bilan ishga kirishib, mijozlarga javob bera boshlabdi va "narhi qanchekan?" degan izohga koʻzi tushib qolib endi narxini yozaman deb turgan ekan, dab-durustdan qafasdagi boshqa marketologlar yangi kelganni doʻpposlab ketishibdi (muzdek suvdan charchaganda). Yangi marketolog hayron, boshqa marketolog esa izoh ostiga "oka directga javob berdik" deb yozib qoʻyibdi.
Oz muddatdan keyin qafasdan yana bir marketologni chiqarib, oʻrniga yangisini olib kelishibdi. U ham narxini izoh ostida yozmoqchi boʻlgan ekan, yuqoridagi holat takrorlanibdi.
Oradan vaqt oʻtaveribdi, har kuni qafasdan bitta marketolog olib ketilib, oʻrniga yangisi kelar, yangi marketolog narx yozaman deganda qolganlar uni doʻpposlab, narxni directga yozish keragini oʻrgatishar ekan.
Qarangki, oradan uzoq muddat oʻtib ilk guruhdagi, ustiga muzdek suv quyilgan marketologlardan hech kim qolmapti. Nima uchun izoh ostiga narxini yozish mumkin emas, yozsa nima boʻladi hech biri bilmaydi, lekin yozmoqchi boʻlganlarni bundan qattiq qaytarishda davom etishar edi.
Shu-shu marketologlar narxni mahsulot oʻzida ham, izohlarda ham koʻrsatmas emish, nega bunday ekani esa ilk marketologlar oʻz gʻoriga olib ketgan sir emish.
#Anvar
Narzullayev
https://t.me/yaxshiilar

Арабларнинг қадимий ҳикматларидан: Уч нарса инсон умрига барака олиб келади:
1. Кенг уй; инсонга осойишталик бағишлайди.
2. Чопқир от; йўлини осон, енгил қилади.
3. Итоаткор хотин; қалбга ва танага ҳузур-роҳат бахш этади.
https://t.me/yaxshiilar

Ўтган кеча Ҳамас ва Исроил ўртасида ўқ отишни тўхтатиш тўғрисида
келишув имзоланди
. Бу келишувга кўра, бугун Қоҳира вақти билан 12:00 да (Тошкент вақти билан 15:00 да) ўт очиш, яъни, босқинчи, сионист Исроилнинг бомбардимонлари тўхтайди.
Шундан кейин босқичма-босқич Ҳамас ўзининг қўлидаги асирларни Исроилга топширади, Исроил эса минглаб Фаластинлик маҳбусларни озод қилади. Бугундан бошлаб Ғазога кунига камида 400 та юк машинасида озиқ-овқат киради. Исроил Ғазонинг 70% қисмидан аскарларини олиб чиқади. Кейинги босқичларда эса Ғазодан бутунлай чиқиб кетади.
Исроил ўтган сафарги келишувга риоя қилмагани ва доимгидек хиёнаткорлиги туфайли бу келишувга қанчалик амал қилиши ҳозирча номаълум. Балки, асирларини қайтариб олиши билан яна бомбардимонларини бошлар. Лекин нима бўлганда ҳам бутун дунёга қудрати билан жар солинган армияси – ЦАХАЛ (IDF) ва разведка хизмати – Моссад аслида бир тийинга қиммат ташкилотлар эканлиги маълум бўлди. Чунки 2 йил давомида бу армия ва разведка хизмати биронта асирни куч билан озод қила олмади. Аксинча, қўлида қуроли бўлмаган, аксари аёллар ва болалардан иборат бўлган 70 000 дан ортиқ оддий халқни бомбалаб ўлдиришдан бошқасига ярамади. Тенгма-тенг курашда эса Ҳамаснинг жасур жангчилари Исроилнинг қўрқоқ ҳарбийларини тутдек тўкиб ташлади.
Хуллас, Фаластинни озод қилиш имкони борлигини, фақат бу дипломатия билан эмас, қуролли озодлик кураши билан бўлишини Ҳамас очиқчасига исботлаб қўйди.
Нима бўлганда ҳам Ғазо ва Фаластин халқига бугунги сулҳ келишуви хайрли бўлсин.

Давлат барқарорлиги, ватан келажаги, миллатнинг маънавий ва моддий юксалиши учун жон куйдириб келган Мубашшир Аҳмадга ўқилган ҳукм янги Ўзбекистоннинг обрўсига доғ туширади.
Маъсума аёлнинг шаънини топтаган формалилар озодликда қолиб, миллатнинг маънавий тикланиши ва руҳий баркамоллиги учун хизмат қилган, шу юртнинг энг сара фарзандларидан бўлган Мубашшир Аҳмадга қамоқ жазоси берилиши мисқоллаб йиғилган ишончга жиддий зарар етказади.
Мубашшир Аҳмад ватанимиз ва халқимиз учун фақат яхшиликни истаган ва шунга ҳаракат қилган.
Унинг беминнат хизматларини мукофотлаш ўрнига уни қамоққа тиқиш фақат миллат душманларини хурсанд қилиши мумкин.
#Faiziddin
Mo'min
https://t.me/yaxshiilar

Устоз Мубашшир Аҳмадга 2 йил 6 ой қамоқ ҳукми беришди...
😞
Инна лиллаҳи ва инна илайҳи рожиун.
Аллоҳ кифоя қилсин золимларга.