“Yoshlik” jurnali
#nigoh
Himoyaga chiqqanning hammasi ham olimmi?
Qo‘yilgan savollar mohiyatan bir-biriga yaqin bo‘lgani sabab, keling, ularga umumiy qilib javob berishga harakat qilaman. Adabiyotshunoslik fanining predmeti badiiy asar hisoblanadi. Shunday ekan, adabiy jarayonda bu ikki sohaning yonma-yon yangilanib, o‘zgarib borishi bejiz emas. Aslida, adabiyotshunoslikning poetik qonuniyatlari badiiy asar mohiyatida nihon bo‘ladi. Shu ma’noda har bir ijodkor va adabiyotshunos nazariy poetikaga oid ilmlarni puxta o‘zlashtirmog‘i shart. Xalqimizda bir gap bor: “Sopini o‘zidan chiqar”.
Aytaylik, hazrat Navoiyning ijodiga xos poetik qonuniyatlar uning badiiy asarlarida zuhur bo‘ladi...
🔗
batafsil
Komiljon Hamrayev,
filologiya fanlari bo‘yicha falsafa doktori
📱
Telegram
📱
Instagram
📱
Veb-sayt
📱
Facebook
#tavallud
Bugun – shoir, tarjimon Rauf Subhon tavallud topgan kun!
UMR
(«Hurriyat qo‘shig‘i» turkumidan)
Sen alqab payqamay qolgan bu dunyo
Payqamas so‘nishin yonguvchi sha’mning,
Ishq-u munojotdan fasli almashar
Oyog‘ing ostida aylangan g‘amning…
Poyingga tashlansa lo‘ppi-lo‘ppi qor,
Izingdan lovullab yulqinsa gullar,
Bu dunyo daryoday sochsa hamki zar,
Ajrini olgaydir talpingan qo‘llar.
Biz yondik, deganda bo‘lgan sabrsiz,
Qadrsiz ilinjdan madad kutganlar,
Sevib-sevilmagan tun-ku qadrsiz,
Kunduz ham ne’matdir og‘riq yutganlar!
Gunohkorning umri shaylanib o‘tar,
Senga yorug‘ amal tilayman Sabr!
Har kim aytib o‘tsin Mangulik so‘zin,
Dunyo bu nafs emas, emasdir qabr…
Bonggim bo‘l, ichimda jim otgan tonggim,
Nigoh so‘zim bo‘lgin, saqlagan to‘zim.
Men ba’zan shoshsam ham, shoshmaydi ko‘zim,
Mangulik – o‘zligim, o‘tkinchi o‘zim.
📱
Telegram
📱
Instagram
📱
Veb-sayt
📱
Facebook
#tavallud
Bugun – shoir Muhammad Ismoilning tavallud topgan kuni!
* * *
Qoq ikki boʻlinib ketmasin falak
Qoq ikki boʻlinib boʻzlamasin oy.
Faqat seni deya uradi yurak.
Faqat sen uchundir koʻksimdagi joy.
📱
Telegram
📱
Instagram
📱
Veb-sayt
📱
Facebook
#iqtibos
To‘g‘rilikdan kelmish hamma yaxshi ot,
Egrilikdan foyda ko‘rmadi bir zot.
Abduqosim Firdavsiy
📱
Telegram
📱
Instagram
📱
Veb-sayt
📱
Facebook
#ramazon_kundaligi
OXIRGI KUN...
“Yelkanlari ufqqa sho‘ng‘igan
Manzarani eslatgan kabi
Qaylargadir savob ko‘tarib
Suzib borar umr markabi.
Men orolda qolayotgan o‘y –
O‘sha ertakdagi Robinzon...
O‘n bir oylik yolg‘izligim qo‘y,
Seni kutmoq – sharaf, Ramazon!
Bittadan yoz, ham qish-u bahor
O‘tkazamiz, xo‘p, mayli, degin.
Suyukligim, lekin va’da ber –
Men sho‘rlikni sog‘inib kelgin.
Yelkanlaring xilpillat mahzun,
Ol mendanam ko‘p-ko‘p xavotir.
Ha, ramazon, bilmaysan-da sen,
Yo‘qligingda ne ishlar sodir...
Sen kelasan, gullar bu maskan
Voqif bo‘lib azaliy sirdan.
O‘n bir oyda dilimni ezgan
Gunohlarim kuyadi birdan.
Unutilar ortdagi zahmat,
Peshonamda rahmat terlari.
Ko‘z yoshlardan qolarmikaney
Yurakning vahm, mavhum kirlari?!
Sog‘inching-la but bugun yurak –
Takror-takror vaslingga yetish
Va qo‘shimcha birgina tilak:
Bu oroldan sen bilan ketish!!!”
Ko‘nglim endi tamomiyla to‘q,
Tugab qoldi shomga ham azon –
Lug‘atimda xayr so‘zi yo‘q,
Ko‘rishguncha, deyman, ramazon!
Alvido, deyishga qo‘rqaman...
Xayrulla Hamidov
📱
Telegram
📱
Instagram
📱
Veb-sayt
📱
Facebook
#hikoya
Jonli gullar bog‘i
− Agar anavi qirga chiqsam, bog‘ni boshdan oxir ko‘ra olaman. Manavi so‘qmoq to‘g‘ri o‘sha yoqqa olib boradi… − dedi Alisa o‘ziga-o‘zi. U so‘qmoq bo‘ylab ketarkan, talay muyulishlarda qayrildi.
− Meningcha, mana shunisi oxirgi muyulish bo‘lsa kerak. Juda g‘alati-a, hadeb qayrilaversan. Bunisi endi qirga olib chiqishiga aminman… yo‘q adashibman! Bu so‘qmoq qayta uyga olib borarkan! Mayli, boshqasidan yurib ko‘ray-chi!
Va u shunday ham qildi. Yuraverdi, yuraverdi, muyulishlardan qayrilaverdi, qayrilaverdi, biroq har gal uyning ro‘parasidan chiqaverdi. Nihoyat, u hech qayerda qayrilmay, to‘ppa-to‘g‘ri qirga qarab yurishga qaror qildi. Biroz yo‘l yurgach “Bu safar, albatta, uddalayman”, – degani hamonoq qo‘qqisdan so‘qmoq bir silkinib qayrilib oldi. Zum o‘tmay u yana uy eshigiga ro‘para kelib qolganini angladi.
🔗
batafsil
📱
Telegram
📱
Instagram
📱
Veb-sayt
📱
Facebook
#olis_yaqin_ovozlar
* * *
Olchalar gullabdi yo‘lning chetida...
Ulovlar asfaltga she’r yozib ketar.
Qaysidir kitobning so‘nggi betida
Qahramon murod-u maqsadga yetar.
Mening murodim ham bo‘larmi hosil?
Uchib borayapman nafsim ketidan.
Taksi karnayidan yangraydi Yosin,
Olchalar gullabdi yo‘lning chetida.
Oldi o‘rindiqqa tushadi ko‘zim,
Tasbeh aylanadi qo‘lning chetida.
Nimadir aytaman o‘zimga o‘zim,
Tashbeh aylanadi tilning chetida.
Ko‘klam kelganini sezmagan Toshkent,
Ustixon og‘irlab borar etidan.
Pul topmay yozgani chidamaydi bet.
Olchalar gullabdi yo‘lning chetida.
Oltita tomondan iborat olam,
Uyimga qaytaman yo‘lining chetidan.
Eshik ochiladi, chopqillar bolam,
Olchalar gullaydi dilning chetida.
Olchalar gullabdi yo‘lning chetida...
Mansur Nazar
📱
Telegram
📱
Instagram
📱
Veb-sayt
📱
Facebook
#suhbat
G‘oliblik – e’tirof
Doston tinglab ulg‘aydim
Men besh farzandning uchinchisiman. Oilamizda birin-ketin qiz tug‘ilaverganidan momom menga O‘g‘iljayron deb ism qo‘ygan. Qiziq-da, keyin ukam tug‘ilgan ekan. Otam kenja farzand. Bobom vafot etganida, yosh bo‘lishiga qaramay ro‘zg‘or tashvishlarini yelkasiga olgan. Oila tashvishlari bilan otamning oliy ma’lumotli bo‘lishi armonga aylangach, biz farzandlarining ziyoli bo‘lishimizni istagan. Bu borada baholi qudrat sharoit yaratib berib kelmoqda. Momomning aytishicha, o‘z vaqtida bobom bolalariga sovg‘a olib kelgan chog‘larda doim otamga kitob sovg‘a qilar ekan. Otam kitobga mehr qo‘yib ulg‘ayganidanmi, bizga ham bu xislat o‘tganiga guvohmiz. Yaxshi eslayman, uyimizda katta kitob javoni bo‘lardi: “Go‘ro‘g‘li” va “Alpomish” dostonlari turkumi jild-jild taxlanib turardi...
🔗
batafsil
O‘g‘iljayron Xoldurdiyeva
📱
Telegram
📱
Instagram
📱
Veb-sayt
📱
Facebook
#shoir_qalbi
Ey dil
Minhojiddin MIRZO
📱
Telegram
📱
Instagram
📱
Veb-sayt
📱
Facebook
#iqtibos
Sabr shunday bir kuchli narsadirki, g‘azabni – shijoatga, shiddatni – hilmga, kattalikni – tavozega, yomonlikni – yaxshilikka aylantirmaklikka quvvati yetar.
Abdulla Avloniy
📱
Telegram
📱
Instagram
📱
Veb-sayt
📱
Facebook