Zairzade (Islom psixologiyasi)

Ba’zan eng kuchli ovoz -
tark etishdagi jimlikdir
.
@zairzadee

🔴
Asma ul Husna maxsus Ramazon guruhiga ro’yxatdan o’tishdan avval tanishing
👆
👆
👆
👆
bu shunchaki ilm emas,
bu
qalb bilan his qilish
,
bu
ism orqali shifo
,
bu
zikr orqali o‘zgarish,
Mo’jizalar guvohi bo’lish!
✍️
O’rningizni band qilish va hadya qilish uchun murojaat
🫴
@zairzade_admin
@zairzadee

Ba’zan birovning qalbini sindiramiz. Ovozimizni ko‘tarmasdan, qo‘l ko‘tarmasdan,hatto “yomon niyat qilmasdan”.
Bir og‘ir so‘z bilan, birgina harakat bilan. Beparvo munosabat bilan.
Eshitmay qo‘yish bilan.
Hislarini mensimaslik bilan.
Ko’rmaslikka olish bilan.
Qalb shisha emas, u singanda ovoz chiqarmaydi. Lekin singan joydan nur ham chiqmay qoladi…
Boshqalarning “nurini” so’ndirmang. Javobi og’ir bo’ladi.
@zairzadee

Zairzade (Islom psixologiyasi)
pinned a video

📌
TASLIMIYAT
va
TAVAKKUL
Taslimiyat
-“men hech narsa qila olmayman” degan holat emas.
Taslimiyat
-“men qo‘limdan kelganini qildim, endi natijani ALLOHga topshirdim” deyishdir.
Psixologlardan so’raysiz: inson eng ko‘p qachon yengillik sezadi?
Nazorat qilolmaydigan narsalar uchun o‘zini ayblashni to‘xtatganda.
Islom esa buni birgina so‘z bilan o‘rgatadi-
tavakkul
.
Qalb qarshilik qilganda bezovta bo‘ladi. Qalb taslim bo‘lganda esa sokinlashadi. Shuning uchun ham Rasululloh ﷺ aytdilar:
“Agar ALLOH senga foyda beradigan narsa bersa, shukr qil. Agar qiyinchilik bersa, sabr qil; ikkalasi ham sen uchun yaxshidir.”
Taslimiyat harakatni tark etish emas. Bu natijaga bog‘lanib qolishni tark etishdir.
Sen duo qilasan, ALLOH javob beradi.
Lekin har doim sen kutgan shaklda emas,balki biz uchun
eng to‘g‘ri bo‘lgan shaklda
.
Qalbingiz charchagan bo‘lsa, shunchaki shuni ayting:
“
ROBBim
, men qo‘limdan kelganini qildim. Endi Senga topshiraman, seni rejang menikidan yaxshiroq.”
Mana shu joydan taslimiyatdan
ruhiy shifo boshlanadi.
🤍
@zairzadee

ZIKR TERAPIYASI: ISTIG‘FOR ORQALI RUHIY BARQARORLIK
“
Astag‘firulloh robbil ‘alamin”
zikrini 100 marta ongli nafas bilan aytish – bu nafaqat ibodat, balki chuqur psixoterapevtik amaliyotdir.
Zikrni sekin, nafasni kuzatgan holda aytish parasimpatik asab tizimini faollashtiradi. Bu tizim tanaga “xavf yo‘q, tinchlanish mumkin” degan signal beradi. Natijada yurak urishi sekinlashadi, mushaklardagi taranglik bo‘shaydi, organizm stress holatidan chiqadi. Shu jarayonda kortizol – stress gormoni kamayadi va tana, ong muvozanati tiklana boshlaydi.
“
Astag‘firulloh” so‘zi ruhiy yuklarni yengillashtiradi
. Insondagi ichki aybdorlik, o‘zini jazolash, o‘tmishga yopishib qolish kabi holatlar ko‘pincha ruhiy bezovtalik manbai bo‘ladi. Istig‘for esa ong ostiga shunday xabarni beradi: inson xato qilishi mumkin, lekin u yolg‘iz va tashlab qo‘yilgan emas. Bu holat ichki bosimni yumshatadi, qalbda xavfsizlik hissini paydo qiladi.
Zikrni 100 marta takrorlash tasodifiy emas. Takroriy zikr miya faoliyatini tashvishli holatdan sokinlik holatiga olib o‘tadi. Fikrlar sekinlashadi, diqqat bir nuqtaga jamlanadi. Inson muammoning ichida emas, balki undan yuqoriroq, kuzatuvchi holatga chiqadi. Bu esa ruhiy barqarorlikning muhim belgisi hisoblanadi.
Al-Buxoriy hadislarida ta’kidlangan sabr tushunchasi ham aynan shu holat bilan uyg‘un. Sabr hissiyotlarni bostirish emas, balki ularni Allohga topshirib, ichki muvozanatni saqlashdir. Zikr bilan uyg‘unlashgan sabr insonni shoshqaloqlikdan, hissiy portlashlardan himoya qiladi.
Xulosa qilib aytganda, istig‘for zikri nafaqat gunohdan poklanish, balki asab tizimini tinchlantirish, ruhiy bosimni kamaytirish va qalbni barqaror holatga qaytaruvchi
kuchli
terapiyadir.
@zairzadee

Ba’zan biz:
“Nega menga berilmadi?”
deymiz…
Lekin kamdan-kam hollarda:
“Men buni qanday niyat bilan so‘ragandim?”
deb o‘ylaymiz.
ALLOH berishda ham, bermaslikda ham
adolatli
. Ammo U Zot
avvalo qalbimizga qaraydi
. Chunki berilish miqdori amalga emas,
niyatga bog‘liq
.
Ba’zan kechiktiradi, chunki qalbimizni tozalab olmoqchi. Ba’zan esa umuman boshqa shaklda beradi, chunki biz so‘ragan narsa emas,
bizga kerak bo‘lgan narsa
muhim!
@zairzadee

Assalamu alaykum azizlar
Sayyidul ayyom muborak
💐
Bugun Juma tuhfasida 2 ta loyiha
🤗
Murojaat
🫴
@zairzade_admin

#kitoblarim
📚
rukni orqali o’zim o’qigan asarlardan ilinib bormoqchiman, nasib etsa.
Abu Anas Abdulaziz Ahmad Abdulazizning “Rasululloh ﷺ ni tushimda ko‘rdim” asari tushda Payg‘ambarimiz ﷺ ni ko‘rish masalasini hissiyot va da’volardan ajratib, Qur’on, sahih hadislar va ulamolar mezoni asosida tushuntiradigan ilmiy-ma’rifiy asardir. Kitob bugungi kunda tushlarga ortiqcha hukm yuklash, “tushda buyruq oldim” degan da’volar va ruhiy holatni vahiy darajasiga ko‘tarish kabi xatarlardan ogohlantirish maqsadida yozilgan. Muallifning asosiy maqsadi tushni ulug‘lash emas, balki uni o‘z o‘rniga qo‘yishdir. U Rasululloh ﷺ ni tushda ko‘rishni inkor qilmaydi, lekin bunday tush vahiy emasligi, shariatni o‘zgartirmasligi va hukm manbai bo‘la olmasligini qat’iy ta’kidlaydi. Asarda Ahl as-sunna val jamoa yo‘li aniq ushlab turiladi. Kitob markazida “
Kim meni tushida ko‘rsa, u rostdan meni ko‘rgandir, chunki shayton meni taqlid qila olmaydi”
degan sahih hadis turadi va u lafzan hamda sharhan ulamolar izohi bilan ochib beriladi. Muallif muhim bir nozik jihatga e’tibor qaratadi: rost tush degani, har bir ko‘ruvchi Rasululloh ﷺ ning shamoillariga to‘liq mos qiyofani ko‘rdi degani emas. Shayton Payg‘ambarimiz ﷺ ning haqiqiy sifatiga kira olmaydi, ammo tushdagi tasvir ko‘ruvchining ilmi, tasavvuri va ruhiy holatiga bog‘liq bo‘lishi mumkin. Shu sababli tush mutlaq mezon bo‘la olmaydi. Asarning eng muhim jihatlaridan biri tush va shariat o‘rtasidagi chegarani aniq belgilashidir. Tush bashorat yoki tasalli bo‘lishi mumkin, ammo u bilan halol-harom belgilanmaydi, farz va sunnatlar o‘zgartirilmaydi, boshqalarga buyruq berilmaydi. Muallif bu masalada Imom Navaviy, Ibn Taymiya va Ibn Qayyum kabi ulamolarning so‘zlarini keltiradi. Kitobda Rasululloh ﷺ ni tushda ko‘rgan kishining adablari ham bayon qilinadi: bunday odam kibrga berilmasligi, o‘zini boshqalardan ustun qo‘ymasligi, tushni da’vo va boshqaruv vositasiga aylantirmasligi kerak. Aksincha, bu tush uni sunnatga ko‘proq ergashishga va axloqini tuzatishga undashi lozim. Asar ruhiy jihatdan ham muhim xulosa beradi: sog‘lom qalb uchun tush tarbiya vositasi bo‘ladi, nafs ustun bo‘lgan holatda esa tush aldovga aylanishi mumkin.
Rasululloh ﷺ ni tushda ko‘rish buyuk ne’mat, ammo Rasululloh ﷺ ga ergashish undan ham buyuk mas’uliyatdir.
@zairzadee