Sport vazirligi

Bugun Namangan shahrining “Yangi O‘zbekiston” bog‘i amfiteatrida qo‘l jangi bo‘yicha “O‘zbekiston Respublikasi Prezidenti kubogi” uchun professional sportchilar o‘rtasidagi xalqaro turnirga start berildi.
Unda O‘zbekiston qo‘l jangi federatsiyasi raisi-Milliy gvardiya qo‘mondoni R.Djurayev, viloyat hokimi Sh.Abdurazakov va Xalqaro qo‘l jangi federatsiyasi Prezidenti S.Astaxov Sport vaziri oʻrinbosari A.Karimov ishtirok etib, sportchilarga hamda viloyat amfiteatriga yig‘ilgan qo‘l jangi sporti ixlosmandlariga samimiy tilaklarini bildirishdi.
Eslatib oʻtamiz, qo‘l jangi sporti bo‘yicha “O‘zbekiston Respublikasi Prezidenti kubogi” xalqaro turniri O‘zbekiston Respublikasi Prezidentining 2022 yil
20 iyundagi ПҚ-287-son qaroriga
asosan o‘tkazib kelinmoqda.
Web-Sayt
|
Telegram
|
Facebook
|
Instagram
|
Youtube

Voleybol boʻyicha yigitlar oʻrtasida U19 yosh toifasida jahon chempionatining ochilish marosimi bo'lib o'tdi
Ayni kunlarda mamlakatimizda ilk bor FIVB Volleyball Boys’ U19 World Championship jahon chempionati o‘tkazilmoqda. Bugun poytaxtimizdagi "Yunusobod" sport majmuasida musobaqaning ochilish marosimi bo'lib o'tdi. Ochilish marosimida Xalqaro voleybol federatsiyasi (FIVB) boshqaruv qoʻmitasi vitse-prezidenti Mushtaq Mohammed, Sport vaziri Adkham Ikramov, Ichki ishlar vaziri Aziz Tashpulatov, Milliy Olimpiya qo‘mitasi raisining birinchi o‘rinbosari Otabek Umarov, sportchilar ishtirok etdi. Jahon birinchiligi doirasida 24 ta davlatdan 288 nafar yosh voleybolchi ishtirok etmoqda.
"Yunusobod" sport majmuasida o‘tgan uchrashuvda O‘zbekiston yoshlar terma jamoasi turkiyalik tengqurlarini 3:0 (25:22, 25:19, 25:17) hisobida mag‘lubiyatga uchratishdi. Endi ertaga guruhning ikkinchi o‘yinida Pokistonga qarshi bahs olib boramiz.
Web-Sayt
|
Telegram
|
Facebook
|
Instagram
|
Youtube

#Qiziqarli_sport
🥋
Kurash haqida 5 ta qiziqarli fakt
1️⃣
Kurash — 3 ming besh yuz yillik tarixga ega milliy sport turi
Kurash Markaziy Osiyoda, ayniqsa O‘zbekistonda miloddan avvalgi davrlarda paydo bo‘lgan. U qadimdan xalq bayramlari, sayillar va marosimlarning ajralmas qismi bo‘lib kelgan. Ko‘plab tarixiy manbalarda Amir Temur ham lashkarlarini kurash orqali chiniqtirgani ta’kidlangan.
2️⃣
“Kurash” so'zi "G'alabaga halol yo'l" degan ma'noni anglatadi
Bu sport turi faqat tik holatda olib boriladi. Sportchilar raqibni orqasi bilan yerga tushirish orqali g‘alabaga erishadilar. Oyoqdan olish, bo‘g‘ish yoki yerda kurashish qoidabuzarlik hisoblanadi — bu kurashni boshqa jang san’atlaridan ajratib turadi.
3️⃣
Kurash xalqaro sport turiga aylangan
1998-yilda Xalqaro Kurash Assotsiatsiyasi (IKA) tashkil etilgan. Hozirda 140 ga yaqin mamlakatda kurash bilan shug‘ullaniladi. Har yili kurash bo'yicha jahon chempionatlari, qit’a birinchiliklari va nufuzli xalqaro turnirlar o‘tkazilmoqda.
4️⃣
Kurash Osiyo o‘yinlari dasturiga kiritilgan
Kurash sporti 2003-yilda Osiyo Olimpiya Kengashi tomonidan rasman tan olingan bo'lib, 2006-yildan Yopiq inshootlar va Jang san'atlari, Sohil, Bolalar, Osiyo o'yinlarida rasmiy sport turi sifatida bahslar o'tkazilmoqda.
Kurash sport turi 2018-2023-yillarda Indoneziya va Xitoyda da bo'lib o'tgan Yozgi Osiyo o'yinlari Dasturidan ham o'rin olgan.
5️⃣
Kurash yaktaklari rangi O'zbekiston bayrog'i ranglarini aks ettiradi
Kurash xalqaro qoidalariga ko'ra kurashchilar ko'k va yashil yaktakda, oq ishton va qizil belbog'da gilamga chiqadi.
Mazkur ranglar kurash vatani O'zbekiston Respublikasi bayrog'i ranglari asosida tanlangan.
Web-Sayt
|
Telegram
|
Facebook
|
Instagram
|
Youtube

O‘zbekiston fijital futbol bo‘yicha milliy terma jamoasi “Kelajak o‘yinlari – 2025” saralash bosqichida
O‘zbekiston fijital futbol bo‘yicha milliy terma jamoasi 2025-yil 23–30-iyul kunlari Birlashgan Arab Amirliklarining Abu-Dabi shahrida bo‘lib o‘tadigan “Kelajak o‘yinlari – 2025” fijital musobaqasining saralash bosqichida ishtirok etish uchun manzilga yetib bordi.
Bugun, 24-iyul kuni terma jamoamiz dastlabki mashg‘ulotlarga kirishdi. Kunning ikkinchi yarmida qur’a tashlash marosimi bo‘lib o‘tdi va unda raqiblar aniqlandi. Ertadan qizg‘in bahslarga start beriladi.
Web-Sayt
|
Telegram
|
Facebook
|
Instagram
|
Youtube

Sport vaziri o‘rinbosari Namanganda qurilish-ta’mirlash ishlarini o‘rganmoqda
O‘zbekiston Respublikasi Sport vaziri o‘rinbosari Avaz Karimov sport obyektlarida olib borilayotgan qurilish-ta’mirlash ishlarini o‘rganish maqsadida Namangan viloyatiga xizmat safarini amalga oshirmoqda.
Tashrif doirasida u eng avvalo gimnastika sport turlariga ixtisoslashtirilgan sport maktabida
“Tashabbusli budjet”
dasturi asosida amalga oshirilayotgan ishlar bilan tanishdi. Hozirda mazkur obyekt sport zalining issiqlik tizimi, pol qismi, zamonaviy qozonxona hamda o‘g‘il va qiz bolalar uchun alohida dush xonalarini ta’mirlash ishlari bilan band.
Shuningdek, Sport vaziri o‘rinbosari Namangan shahar
sport maktabining Zarbdor mahallasidagi filiali
ga tashrif buyurdi. Bu yerda ham “Tashabbusli budjet” doirasida keng ko‘lamli rekonstruksiya ishlari olib borilmoqda. Jumladan, bino ichki va tashqi qismi ta’mirlanmoqda, muhandislik-kommunikatsiya tarmoqlari yangilanmoqda, yoritish va isitish tizimlari zamonaviylashtirilmoqda. Sport zali va hovli maydoni to‘liq rekonstruksiya qilinishi rejalashtirilgan.
Shuningdek,
"Mashad" mahallasidagi sport maktabi
filialida olib borilayotgan ta’mirlash ishlarini ko‘zdan kechirdi. Bu yerda bino fasadi, ichki qismlar, inshoot infratuzilmasi to‘liq ta’mirlanmoqda.
Safar davomida Avaz Karimov sportning o‘yin turlari va yengil atletikaga ixtisoslashtirilgan sport maktabida yangi barpo etilayotgan
bosqon uloqtirish maydonchasi
qurilishi va investitsiya dasturi doirasida foydalanishga topshirilgan
yopiq manej
bilan ham tanishdi.
Web-Sayt
|
Telegram
|
Facebook
|
Instagram
|
Youtube

🏆
Namanganda “Yangi O‘zbekiston Olimpiya cho‘qqilari” sport musobaqasi bo‘lib o‘tdi
📍
Namangan shahridagi “Barkamol avlod” sport majmuasida “Yangi O‘zbekiston Olimpiya cho‘qqilari” dasturi doirasida yengil atletika sport turi bo‘yicha mintaqaviy saralash bosqichi o‘tkazildi.
💬
Mazkur musobaqada viloyatning barcha shahar va tumanlaridan kelgan sportchilar qatnashib, o‘zaro kuch sinashdi. Ular markazlashgan tartibda toʻsiqlar osha yugurish, disk uloqtirish va bosqon uloqtirish kabi yengil atletikaning uchta yo‘nalishida bahs olib bordi.
✅
Musobaqa sportchilar o‘rtasida sog‘lom raqobat, jismoniy tayyorgarlik va iroda sinovi maydoniga aylandi.
🏆
Yakunda har bir yo‘nalish bo‘yicha g‘olib va sovrindorlar aniqlanib, ular medal va diplomlar bilan taqdirlandi.
Web-Sayt
|
Telegram
|
Facebook
|
Instagram
|
Youtube

📍
Toshkent viloyati Nurafshon shahrida
🖐
"Besh tashabbusi olimpiyadasi" doirasida sportning stritbol turi boʻyicha musobaqalarning viloyat bosqichi boʻlib oʻtdi.
💬
Ushbu musobaqada viloyatning barcha tuman-shaharlaridan kelgan 16 yoshdan 30 yoshgacha boʻlgan 130 nafardan ziyod ishtirokchilar qatnashdi.
📑
Musobaqa natijalariga koʻra:
16-21 yosh toifasida oʻgʻil bollar:
1-oʻrin Nurafshon shahar
2-oʻrin Chinoz tumani
3-oʻrin Boʻstonliq tumani
Qizlar:
1-oʻrin Boʻstonliq tumani
2-oʻrin Yangiyoʻl shahri
3-Parkent tumani
22-30 yosh toifasida oʻgʻil bollar:
1-oʻrin Olmaliq shahri
2-oʻrin Qibray tumani
3-oʻrin Yangiyoʻl shahri
Qizlar:
1-oʻrin Yangiyoʻl shahri
2-oʻrin Chinoz tumani
3-oʻrin Olmaliq shahri
Web-Sayt
|
Telegram
|
Facebook
|
Instagram
|
Youtube

🖐
"Besh tashabbus olimpiadasi" doirasida sportning stritbol turi bo'yicha Fargʻona viloyat bosqichi bo‘lib o‘tdi
Farg'ona shahridagi "Kimyogarlar" sport majmuasida
🖐
“Besh tashabbus olimpiadasi” doirasida stritbol sport musobaqasining viloyat bosqichi o‘tkazildi.
🔹
Ushbu musobaqa sog‘lom turmush tarzini targ‘ib qilish, yoshlarning jismoniy faolligini oshirish va sportga bo‘lgan qiziqishini yanada kuchaytirish maqsadida tashkil etildi.
📑
Musobaqada viloyatning barcha tuman va shaharlari jamoalari safida 300 nafardan ziyod yoshlar ishtirok etdi.

🏆
G‘olib va sovrindor jamoalar diplom va esdalik sovg‘alari bilan taqdirlandi.
Web-Sayt
|
Telegram
|
Facebook
|
Instagram
|
Youtube

Andijon viloyatida “Besh tashabbus olimpiadasi” doirasida stritbol bo‘yicha ayollar o‘rtasidagi viloyat bosqichi musobaqalari bo‘lib o‘tdi
Qizg‘in kurashlarga boy bo‘lgan bellashuvlarda sportchilar jismoniy tayyorgarligi, tezkorligi va jamoaviy o‘yin ko‘nikmalarini namoyon etdilar.
Natijalarga ko‘ra, quyidagi jamoalar sovrindorlik pog‘onalaridan joy oldi:
16-21 yosh toifasida:
1-o‘rin Izboskan tumani jamoasi
2-o‘rin Bo‘ston tumani jamoasi
3-o‘rin Buloqboshi tumani jamoasi
22-30 yosh toifasida:
1-o‘rin Jalaquduq tumani jamoasi
2-o‘rin Shahrixon tumani jamoasi
3-o‘rin Marhamat tumani jamoasi
Musobaqa yakunida g‘olib va sovrindor jamoalarga diplom hamda esdalik sovg‘alari topshirildi. Shuningdek, ular musobaqaning respublika bosqichida ishtirok etish yo‘llanmasiga ega bo‘ldilar.
Web-Sayt
|
Telegram
|
Facebook
|
Instagram
|
Youtube

🇺🇿
Tavallud ayyomingiz muborak bo‘lsin, muhtaram Shavkat Miromonovich!
📑
Bugun, 2025-yil 24-iyul kuni, yurtimiz taraqqiyotining bosh me’mori, O‘zbekiston Respublikasi Prezidenti muhtaram Shavkat Miromonovich Mirziyoyev 68 yoshni qarshi olmoqdalar!
💬
So‘nggi yillarda mamlakatimiz sport sohasi misli ko‘rilmagan yuksalish bosqichiga chiqdi. Bu ulkan yutuqlar, avvalo, Prezidentimizning sportga strategik darajadagi yondashuvlari, yoshlar salohiyatiga bo‘lgan cheksiz ishonchlari hamda yurtimiz sport infratuzilmasini zamonaviy talablar asosida rivojlantirishga qaratilgan qat’iy siyosatlari samarasidir.
Davlatimiz rahbarining sportga, ayniqsa, yosh avlodning sog‘lom va barkamol bo‘lib voyaga yetishiga nisbatan chuqur e’tiborlari, jismoniy tarbiya va sog‘lom turmush tarzini faol targ‘ib etishlari har bir sportchi uchun qulay va munosib sharoitlar yaratilishiga xizmat qilmoqda.
Yurtimiz sportining eng so‘nggi tarixiy yutuqlari bunga yorqin misoldir:
⏺️
“Osiyo bolalari – 2024” xalqaro sport o‘yinlarida O‘zbekiston ilk bor umumjamoa hisobida 1-o‘rinni egalladi.
⏺️
U-23 futbol terma jamoamiz ilk bor yozgi Olimpiya o‘yinlariga yo‘llanmani qo‘lga kiritdi.
⏺️
2024-yilgi Osiyo paralimpiya o‘yinlarida sportchilarimiz 100 dan ortiq medalni qo‘lga kiritib, rekord natijani qayd etdilar.
⏺️
Parij–2024 yozgi Olimpiadasida O‘zbekiston sportchilari 8 ta oltin, 2 ta kumush va 3 ta bronza medal bilan umumjamoa hisobida 13-o‘rinni egalladi. Paralimpiya delegatsiyamiz esa 10 ta oltin, 9 ta kumush va 7 ta bronza — jami 26 ta medal bilan umumjamoa hisobida dunyoda 13-o‘rinni egalladi.
⏺️
U-17 Osiyo kubogi – 2025da futbol bo‘yicha o‘smirlar terma jamoamiz chempion bo‘ldi.
⏺️
O‘zbekiston milliy terma jamoasi ilk bor futbol bo‘yicha Jahon chempionati yo‘llanmasini qo‘lga kiritdi.
Bunday tarixiy natijalar sport infratuzilmasining jadal rivojlanayotgani bilan ham uzviy bog‘liqdir. Respublikamiz bo‘ylab yuzlab zamonaviy sport zallari, stadionlar, suzish havzalari, gimnastika markazlari va bolalar sport maktablari qurilib, foydalanishga topshirilmoqda.
🫥
Prezidentimiz tashabbusi bilan amalga oshirilayotgan “Har bir mahallaga – bitta sport inshooti” dasturi esa yoshlar orasida sog‘lom turmush tarzini ommalashtirishda muhim omil bo‘lib xizmat qilmoqda.
🔹
Muhtaram Prezidentimiz sportni faqat jismoniy chiniqish emas, balki ma’naviyat, intizom, iroda va yuksak vatanparvarlik maktabi sifatida ko‘radilar. Prezidentimiz sportchilar bilan doimiy muloqotda bo‘lishlari, ularning orzu-umidlariga quloq tutishlari sportchilarimizga kuch, yuksak ishonch va motivatsiya bag‘ishlamoqda.
Yurtimiz sport oilasi va jamoatchiligi, millionlab yoshlarimiz va ularning ota-onalari nomidan Sizga uzoq umr, sihat-salomatlik va jonajon O‘zbekistonimiz ravnaqi yo‘lida qilayotgan ezgu sa’y-harakatlaringizda ulkan zafarlar tilaymiz!
Tavallud ayyomingiz muborak bo‘lsin, hurmatli Prezident!
Web-Sayt
|
Telegram
|
Facebook
|
Instagram
|
Youtube