Musannif Adham
Мубашшир Аҳмад (Алишер Турсунов) ака роппа-роса 7 ой аввал – 2025 йил 8 май куни Туркияда ҳибсга олинган эди. 10 майда у кишини Ўзбекистонга олиб келиб
,
диний айбловлар билан тергов бошлашди.
2025 йил 19 августда Мубашшир акага қарши Жиноят ишлари бўйича Учтепа туман судида иш бошланди. Суд орада кечиктиришлар, суд мажлисининг бир неча марта қолдирилиши билан жами 5 та мажлисда бу ишни кўриб чиқди ва 2025 йил 8 октябр куни Мубашшир акага ҳукм ўқилди:
2,5 йилга озодликдан маҳрум қилиш
.
Мубашшир ака узоқ давом этган тергов ва суддан чарчади, шекилли,
апелляция беришни истамади
.
2025 йил ноябр ойи бошига келиб, Мубашшир Аҳмад акани Навоий вилояти Қизилтепа туманидаги қаттиқ тартибли колонияга жўнатишгани
маълум бўлди
(суд ҳукмида жазони умумий тартибли колонияда ўташ айтилган эди).
Бугун 8 декабр: Мубашшир ака маҳбусликда ўтирганига 7 ой тўлди. Адвокатига кўра, айни пайтда Мубашшир аканинг тоби йўқ, Қизилтепадаги колония тиббий қисмида ("санчасть") даволаняпти. Зотан, у киши узоқ йиллардан бери қанд касали билан оғриб келади. Охирги воқеалар касалини кучайтирган бўлиши мумкин.
Аллоҳ Мубашшир акага комил шифо ва тез кунларда маҳбусликдан нажот берсин, озодликка чиқарсин.
Қуйидаги суратни KunUz мухбири 2025 йил 8 сентябр куни
олган
.
Бу Мубашшир аканинг ҳозирча жамоатчиликка маълум сўнгги суратидир.
Аҳмоқликнинг чеки йўқ: Андижоннинг Шаҳрихонида "ҳавони ифлослантиряпти", деган важ билан ошхоналардаги тандирларни
бузишаётган экан
. Энди навбат одамларнинг уйидаги тандирлару печкаларгами? Улар ҳам ошхоналардаги тандирлардан кам зарар келтирмаса керак?
P.S. Охирги хабарларга қараганда сал юқорироқдагиларнинг ақли ишлаб кетган ва Шаҳриҳон ҳокимини
интизомий жазога
тортишган эмиш.
Tandir bahona bir narsa…
Tandirni buzish uchun og'ir texnika jalb qilishning o'zi katta xarajat hisoblanadi. Ekskavatorlar soatiga o'nlab litr dizel yoqilg'isi sarflaydi va bu yoqilg'i yonganda havoga azot oksidi hamda qurum kabi o'ta zararli moddalar chiqadi. Paradoks shundaki, "havoni tozalash" shiori ostida qilingan bu ishlar uchun havoni yanada ko'proq ifloslantiruvchi texnika ishlatilmoqda. Bitta tandirni buzishga ketgan yoqilg'i, operator ish haqi va logistika xarajatlari o'sha tandirning o'z narxidan qimmatga tushishi iqtisodiy mantiqqa ziddir. Debilizm.
Iqtisodiyotda har bir ishlab chiqarish vositasi kapital hisoblanadi. Tandir oddiy uydagi tandir emas, u pul keltiruvchi aktivdir o’sha biznes uchun. Aktivni jismonan yo'q qilish jamiyat (Shahrixon) boyligini kamaytiradi, chunki buzilgan tandir endi qiymat yaratmaydi. Hozirgi yondashuv muammoni yechish emas, balki qiymatni o'chirishdir. Siz o'z biznesingizda xarajatlarni kamaytirish uchun daromad keltirayotgan uskunangizni bolg'a bilan urib sindirmaysiz-ku? Debilizm.
Pareto tamoyiliga ko'ra, natijaning 80 foizi sabablarning 20 foizidan kelib chiqadi. Havoning ifloslanishida asosiy aybdorlar yirik zavodlar, eski avtomobillar va qurilish changlaridir. Tandirlar umumiy ifloslanishning juda kichik, ehtimol 1 foizdan ham kam qismini tashkil qilsa kerak. Kichik muammoga katta resurs sarflash menejmentdagi eng qo'pol xatodir. Bu resurslarning samarasiz taqsimlanishidir.
Iqtisodiyot bir-biriga bog'langan zanjirdir va bitta tandirning buzilishi faqat somsapazning muammosi emas. Biznes yoki oila daromadsiz qoladi, un yetkazib beruvchi buyurtmani yo'qotadi, aholi esa arzon va issiq somsa olish imkonidan ayriladi. Pul aylanishi to'xtaydi va bu mahalliy iqtisodiyotga zarba beradi. Agar maqsad rostan ham ekologiya bo'lsa, taqiqlovlar muqobillar bilan birga kelishi kerak edi. Filtrlar uchun subsidiya yoki gazlashtirish imtiyozlari o'rniga buzish? Debilizm.
@birfoizbilim
Bilmadim, menimcha bundanda muhimroq masala bo'lmasa kerak kun tartibida. Aslida, shu paytgacha jinsiy zo'ravonlikning turlariga shunday yumshoq jazo borligi odamni xavotirga solishi kerak. Deputatlar va parlament barcha ishini tashlab shu masala bilan avval shug'ullanishi kerak deb o'ylayman.
Ayol-qizlarimizni zo'ravonlardan himoya qila olmasak unda nima qilib yuribmiz?!
Qonun va davlat odamlarni jinsiy zo'ravonlardan yaxshiroq himoya qilishi va jazo esa bunday jinoyatlarni oldini olishi kerak.
Tasodifan bu
maqolaga
ko'zim tushib qoldi. Buni menimcha hamma o'qishi kerak, ayniqsa deputatlar, qonun yozuvchilar. Bunday ishlar uchun 5 sutka juda va juda kam deb o'ylayman. Aslida, jazoga ham o'xshamaydi, samosudni oldini olish uchun jinoyatchini 5 kun himoyaga olingandek. Nahotki O'zbekistonda jinsiy zo'ravonlikning bunday turi jiddiy jazolanmaydi deb o'ylab qoldim va to'g'risi, qo'rqib ketdim. Maqolaning tagida
boshqa
zo'ravonlik haqida ham yozilgan ekan. Qarang, jamoat transporti rivojlanishi haqida gapiramiz, lekin avtobusda qizlarimiz yursa bittasi
"nafsimni tiya olmadim, bitta joyiga qo'lim ketib qoldi"
deb jinsiy teginsada va keyin
"bundan uyaldim, uzr so'rayman"
deb ma'muriy javobgarlik bilan 5 sutkaga jazolansa.
Uy-joy masalasi haqida gapiramiz, lekin ijarada turgan va yaqinda turmushga chiqqan ayolning eri ishga ketganda bittasi uyiga aldab va bostirib kirib kuch ishlatib, bir joyidan ushlab jinsiy aloqa qilmoqchi bo'lgani, o'pmoqchi bo'lgani va ayol pichoq bilan o'zini himoya qilishga majbur bo'lgani va natijada jinoyatchi ma'muriy kodeks bilan 5 sutkaga qamalgandi meni xavotirga solmoqda. O'qib ko'ring, qo'rqinchli narsaku bu.
Biz o'zi qanday jamiyat quryapmiz? Ayollarimiz va qizlarimiz uchun nimaga uni xavfsiz qila olmaymiz? Bu yangilikka chiqqan 1-2ta vaziyat xolos, bularning soni necha mingta o'zi? Bu yerda savol qonunchilikka va parlamentga. Men huquqshunos emasman, lekin qonunchilikda jinsiy zo'ravonlik va jinsiy tegajonlik qanday jinoyat ekanligi haqida jiddiy muhokamalar ularning jazolari qayta ko'rib chiqilishi kerak deb o'ylayman. Jinsiy zo'ravonlikka yetib bormagan istalgan teginishlar va kuch ishlatishlar ham qattiq jazonalishi kerak.
Shahvoniy shilqimlik so'zlarining interpretatsiyasini chetga surib turaylik: istalgan odam istalgan boshqa odamning xohishiga qarshi jinsiy teginish qonun va jinoyat kodeksi bilan shavqatsiz jazolanishi kerak. Bu yerda zo'rlash haqida gap ketmayapti. Zo'rlashga yetib bormasa ham (ayol pichoq bilan o'zini himoya qilib qutilib qolgan), zo'rlashga harakat, va umuman kuch ishlatib xohishga qarshi teginish bo'lsa bo'ldi, shuning o'zi katta jinoyat bo'lishi kerak. Sexual battery, sexual assault degan jinoyat AQShning ko'p shtatlarida felony hisoblanib kamida 1 yildan boshlab qamoq bilan jazolanadi. Nafsini, boshqa joyini tiya olmasa ular qamoqda uzoq muddat o'tirishi kerak. 5 kun 3 mahal ovqatlanib chiqmasdan. Bir tiyinga qimmat ularning televizor oldidagi uzrlari va uyalishlari. Qonun va jazo shunday bo'lishi kerakki potensial jinoyatchilar o'zlarini tiyishlari, jinoyatlar esa oldi olinishi kerak. Aks holda, joriy jazolar potensial jinsiy jinoyatchilar uchun o'ta yumshoq signal yubormoqda. Qancha ayol-qizlar jinsiy teginishlarga, zo'ravonliklarga duch kelishadi, buni Xudo biladi. Jamoat transportida ham, o'z uyida ham, ko'chada va ishda ham va umuman istalgan joyda ayol-qizlarimiz o'zlarini o'ta xavfsiz his qilishlari kerak. Xavfsizlik davlatning birinchi vazifasi.
@uzbekonomics
Ҳамас нега Исроилга қарши тенгсиз урушга кирганини тушунмайдиганлар ва уни маломат қиладиганлар учун Фаластиндаги кундалик манзара:
"Исроил кучлари қуролсиз ва таслим бўлган икки фаластинликни отиб ўлдирди
Ғарбий соҳилда рейд ўтказган IDF ва Исроил чегара полицияси икки фаластинлик эркакни қўлга олинган жойида отиб ўлдирди. Пайшанба оқшомидаги қотиллик видеотасвирга тушиб қолган, яқин атрофдаги журналистлар ҳам унга
гувоҳ бўлган
".
Айтганча, Исроил 2023 йил октябридан бери босиб олинган Фаластиннинг Ғарбий Соҳил қисмида турли рейдлар давомида 1 000 нафардан ортиқ фаластинликни отиб ўлдирган. Ва бу қирғин секин-асталик билан, лекин мунтазам равишда ҳар куни давом этяпти. Ҳолбуки, Ҳамас Ғарбий Соҳилда эмас, Ғазодан туриб Исроилга қарши урушга кирган.
Хўш, урушмаётган, қаршилик қилмаётган Ғарбий Соҳилдаги Исроил қирғинини қандай оқласа бўлади?
Мактаб директори Гулираъно Қосимованинг таҳқирланиши билан боғлиқ жиноят иши бўйича Фурқат туман ИИБ собиқ бошлиғи Акмал Хўжаев ва унинг ўринбосари Жасур Расуловга суд ҳукми ўқилди. ИИБнинг икки собиқ мансабдорига суд ҳукми билан 4 йилдан озодликдан маҳрум қилиш
жазоси тайинланди
.
Суд ҳукми анча енгил чиқди: шахсни таҳқирлаганлиги исботланган ички ишлар ходимлари ниҳояти манзил колонияда жазо ўтайди; бу муддат тугамай, бирон афв билан чиқиб кетиши ҳам мумкин; бу таҳқирлашда қатнашган бошқа мелисалар қани?
Шундай бўлса ҳам бу воқеа кўп нарсаларни очиб берди: бир аёл охиригача мардонавор бориб, ўз номини оқлади; "шонли мелиса"мизда соҳага адашиб келиб қолган ходимларнинг охири кўринмаяпти (Шоҳруҳ Ғиёсов буларни оқлаб чиқавериб, чарчамадими?); бир тўда шаллақи, уч сўмга сотиладиган, доимий равишда амалдорлар ва давлат идораларининг расво қилиқларини оқлаб беришга сафарбар этилган, "айбсизлик презумпцияси" деган нарсаларни билмайдиган чаласавод "блогерлар" бир муддат жим юрадиган бўлди (кейинги буюртмагача).
Муҳими, Гулираъно Қосимова мисолида энди давлат идоралари, кучишлатар тизим вакиллари ва амалдорлар томонидан туҳматга учраган кишилар ўзларининг ҳуқуқи учун курашиши қачондир натижа бериши исботланди.
Бир ҳафта аввал тузилган Экология қўмитаси ҳақиқатда қанчалик кучга эга эканлигини шу воқеа орқали билиб оламиз: бу қўмита ростдан ҳам ҳукуматдан юқори туриб, фақат президентга ҳисоб берадими; ёки жойлардаги ҳокимликлар олдида югурдак бўлиб қоладими? Синов…
Бир ҳафта аввал тузилган Экология қўмитаси ҳақиқатда қанчалик кучга эга эканлигини шу воқеа орқали билиб оламиз: бу қўмита ростдан ҳам ҳукуматдан юқори туриб, фақат президентга ҳисоб берадими; ёки жойлардаги ҳокимликлар олдида югурдак бўлиб қоладими?
Синов натижасини билиш учун вақт кетди...
Ҳоким ўринбосари экология инспектотига куч ишлатди
Фарғона вилояти, Бувайда туманида Экология қўмитаси инспектори Ахроржон Ниёзовга туман ҳокими ўринбосари Саидали Хидиров куч ишлатиб, миллий гвардия ходимлари ёрдамида туман ИИБга олиб кетган.
Аҳоли мурожаатига асосан ҳолат жойига тезкор етиб борган Экология қўмитаси инспектори ноқонуний дарахт кесиш ҳолатини аниқлаб, уни тўхтатиш ва белгиланган тартибда ҳужжатларни расмийлаштирмоқчи бўлган.
Бироқ унинг қонуний ҳаракатига зўравонлик йўли билан қаршилик қилинмоқда.
❗️
Экология миллий қўмитаси ҳоким ўринбосари ва бошқа масъул шахсларнинг бу ҳаракатини кескин қоралайди ва уларнинг қонуний жавобгарликка тортилиши чораларини кўради.
👉
@r_kusherbayev