منصة قطوف قانونية الرسمية ⚖️🖤

معلومه مهمه
لو عايز تفسخ عقد وتطالب بالشرط الجزائي.
مينفعش تجمعهم في دعوي واحده .. لأن العقد لو أتفسخ مينفعش تطالب بتنفيذ أي بند من بنوده اللي هو الشرط الجزائي.
ففي الحاله دي بنعمل إيه
يا أما بنطالب بالشرط الجزائي وبعد ما يتحكملك ..ترفع دعوي فسخ .. يعني بترفع دعوتين ورا بعض مش دعوي واحده .
ولو عايز تستفاد من الوقت بترفع دعوي فسخ مع التعويض عن المسؤولية التقصيريه للمدعي عليه لتقاعسه عن تنفيذ العقد .
بس خلي بالك من نقطه مهمه جدا
في الأغلب بيكون قيمة الشرط الجزائي أكبر بكتير من القيمه اللي بيحكم بيها القضاه .. فالحاله التانيه انك تطالب بالتعويض هيضيع عليه مبلغ كويس كنت ممكن تاخده لو رفعت مطالبة بالشرط الجزائي
#مقطوفة_قانونية
[ منقولة ]

لو أنت محامي فرجاء ركز في الكلمتين دول
الذكاء الاصطناعي علي المدي المتوسط اللي هو أقل من سنتين هيكون هو الفرق بين المحامي الناجح والمحامي العادي .. المحامي اللي بيجيد استخدام أدوات ai هو اللي هيسبق وبفرق كبير جدا عن المحامي التقليدي .
علي المدي الطويل فai هياخد مكان المحامي يعني اللي هيكتب العقود والمذكرات والدعاوي واللي هيترافع ai.. ومتستغربش هو هياخد مكان القاضي و وكيل النيابه .. وموظفي المحاكم .. وأول ناس هياخد مكانهم هما موظفي المحاكم .
( متبصش علي مصر عشان أحنا متأخرين جدا أن بكلم عالميا ..لكن أنت عاجلا أم آجلا هيوصلك التقدم غصب عنك )
بالمناسبه حاليا في شركات ai في أمريكا بيستخدمها مكاتب المحاماه في صياغة العقود وغيره من أعمال المحاماه وبيعتمد عليها كثير من المكاتب الكبري وأسرع وأدق بكتير من الصياغه البشرية . زي
Harvey ai
Eve Legal
وغيرهم كتير
كلامي موجه للناس اللي متابعه آخر مستجدات تطور الai.. الناس اللي لسه عايشه في عصر لا يمكن استبدال المحامي كنسل البوست اعتبر نفسك مقرتش حاجه

#مقطوفة_قانونية
عن
#تعجيل_الدعوي
تُسعدنا مُتابعتكم
✨️
⚖️
لنك القناة /
https://t.me/RanaELmahy

للأسف في تساهل كبير في موضوع المشي مخالف .. وكمان بيخرج ليه أنصار بحجة سهلوا علىٰ الناس وراعوا الغلبان والكلام الجميل ده .. مع إن نفس الغلبان ده لو مشىٰ سليم مش هياخد دقائق ويكون عدىٰ .. إنما يمشي مخالف وياخد وقت أطول ويعمل أزمة وممكن يعرض نفسه للحوادث أو إن حد يخبطه عادي ..!
👌🏻
وللعلم العقوبة المتعلقة بالموضوع الخطير ده في القانون المصري هي الحبس مدة لا تقل عن 6 أشهر وممكن توصل لسنة كاملة .. وكمان الغرامة المالية إللي ممكن توصل لعشر آلاف جنيه .. ده في حالة إن سيادتك مشيت مخالف في سلام وأمان ..
👌🏻
أما طبعاً لو بسبب مشيك مخالف وقعت إصابات أو وفيات أو حتىٰ في حالة تكرار المشي المخالف العقوبة بتتضاعف وبتتغلظ وممكن توصل للأشغال الشاقة ..
👌🏻
ده غير سحب الرخصة أو تعليقها بالكامل والحاجة لإعادة التأهيل المروري من أول وجديد ..!
🤷🏻‍♂️
ده غير إن سيادتك قانوناً ملكش أي حقوق لو حد خبطك لإنك مش ماشي سليم أساساً ..!
👌🏻
ده غير إن ده ضد دينك .. وسواءً كنت مسلم أو مسيحي فده ميرضيش ربك ..
👌🏻
متستهونوش بالموضوع ده أبداً يا جماعة .. الموضوع خطير وكبير ومهم بجد .. ومش مجرد شكليات أبداً أبداً ..
🤝🏻
✍🏻
كُتب بواسطة / عمر حمدي الكناني
- باحث ماچستير في القانون الدولي
نسعد بمُتابعتكم:
https://t.me/RanaELmahy
https://www.facebook.com/share/p/1GxejaonB3/

🔴
مشروع قانون بتغليظ العقوبة في حالة الاعتداء على الأب أو الأم.. الحبس وغرامة تصل إلى مليون جنيه!
- الضرب البسيط أو السب والقذف والتنمر.. كل دي جرائم معاقب عليها بالفعل في قانون العقوبات المصري.
وتقريباً بتحدث بشكل يومي وكمان اليومين دول عشان الجو حر ومحدش طايق التاني..
- لكن الخطورة تكمن لما الجريمة دي تقع على الأب او الأم ومن مين؟ من أحد الابناء! جريمة بطعم الجحود وقساوة القلب موجودة بشكل ملفت في الواقع العملي، عشان كدة مشروع القانون راعى مكانة الأب والأم، وفكر في تقوية الحماية القانونية لهم بنصوص خاصة.
- وهو مشروع من أهم مشاريع القوانين المطروحة حالياً أمام مجلس النواب، واللي بيستهدف تغليظ العقوبة في حال الاعتداء على أحد الوالدين، سواء لفظياً أو جسدياً.
- إضافة إلى تغليظ العقوبة في حالات التنمر عليهما.
- وتتفاوت العقوبة بين الحبس والغرامة، والتي قد تصل إلى مليون جنيه في حالة العود (تكرار ذات الفعل المُجرَّم).
- ده غير إن مشروع القانون بيتجه إلى اعتبارها من الجرائم التي لا يجوز فيها التصالح من أحد الوالدين.
بغض النظر المناقشات هتفضي إلى ايه.. ولكن الجرائم دي أصبحت للأسف منتشرة ملفت فكان لابد من استحداث تشريع يواجهها ويحد منها.
كل الدعم
👏🏻
ــــــــــــــــــــــــــــــــــــــــــــــــــــــــــــــــــــــ
أ/ محمود مصطفى فضل - المحامي

🔴
التحريات... ثغرات لا حصر لها
سلسلة ثغرات التحريات (2)
المتابعة والمراقبة
لكي تكون التحريات جدية وحقيقية، يجب أن تتم فعليًا على أرض الواقع، لا أن تكون مجرد كلمات مكتبية أو عبارات إنشائية تُكتب بالأوراق بعد انتهاء الواقعة.
فالقول بوجود متابعة أو مراقبة لا يكفي وحده، بل يجب أن يكون ذلك قائمًا على أعمال حقيقية يمكن التحقق منها ومراجعتها.
ومن ثم، يجب توثيق عناصر المتابعة والمراقبة توثيقًا دقيقًا يشمل:
▪️
تحديد الأوقات بدقة.
▪️
بيان الأماكن تحديدًا واضحًا دون لبس أو عمومية.
▪️
إثبات وسائل المتابعة المستخدمة.
▪️
بيان الأجهزة والأدوات المستعملة.
▪️
توضيح كيفية تنفيذ المراقبة.
▪️
تحديد عدد الأفراد المشاركين.
▪️
بيان عدد مرات المتابعة ومدتها.
▪️
إثبات النتائج التي تم التوصل إليها بحياد كامل.
📌
ويجب أن يتم هذا التوثيق بأكثر من وسيلة ممكنة، مثل:
▪️
التسجيلات.
▪️
التصوير.
▪️
الشهود.
▪️
السجلات الرسمية.
▪️
دفاتر الأحوال ومحاضر القسم.
كما يجب أن تكون هذه الأعمال معلومة ومثبتة لدى الرؤساء المختصين، حتى تخضع للرقابة الإدارية والقانونية.
⚖️
أما إذا خلت الأوراق من ذلك، فإن التحريات تصبح محل شك، ويثور التساؤل المشروع:
هل تمت المراقبة فعلًا... أم كُتبت بعد ذلك؟
⚖️
الدفوع المستخلصة
🔹
الدفع بعدم جدية التحريات
لخلوها من بيان كيفية المتابعة والمراقبة وتوقيتها ووسائلها.
🔹
الدفع بكون التحريات مكتبية صورية
إذا وردت بألفاظ عامة دون تحديد زمني أو مكاني أو فني.
🔹
الدفع بعدم صلاحية التحريات كدليل أو قرينة
لأنها جاءت مرسلة غير مؤيدة بعناصر مادية.
🔹
الدفع ببطلان إذن النيابة
إذا صدر الإذن استنادًا إلى تلك التحريات غير الجدية.
🔹
الدفع بانعدام الرقابة الإدارية
إذا لم تكن المتابعة مثبتة بدفاتر القسم أو معلومة للرؤساء.
⚖️
السند القانوني
قانون الإجراءات الجنائية المصري رقم 150 لسنة 1950
🔹
المادة 21
تختص مأمورو الضبط القضائي بجمع الاستدلالات، بما يوجب أن تكون أعمالهم جدية وحقيقية.
🔹
المادة 91
يشترط لإصدار إذن التفتيش وجود دلائل كافية وجدية.
📌
فإذا كانت التحريات غامضة أو صورية، سقط الأساس الذي بُني عليه الإذن.
⚖️
أحكام النقض المرتبطة
🔹
نقض جنائي – جلسة 3/1/1993 – طعن 13144 لسنة 60 ق
جدية التحريات من المسائل الموضوعية، ويجب أن تكون مبنية على وقائع محددة.
🔹
نقض جنائي – جلسة 2/6/1974 – طعن 706 لسنة 44 ق
إذا جاءت التحريات مجهلة المصدر أو خالية من التفاصيل، جاز طرحها.
🔹
نقض جنائي – جلسة 19/11/1980 – طعن 1456 لسنة 50 ق
الأقوال المرسلة لا تكفي وحدها سندًا للإدانة.
⚖️
الخلاصة القانونية والإجرائية
إذا لم يُثبت القائم بالتحري:
متى تابع
أين تابع
كيف تابع
بمن تابع
وبأي وسيلة تابع
فإن القول بوجود مراقبة يصبح مجرد ادعاء لا دليل عليه.
📌
والتحريات التي لا يمكن مراجعتها... لا يمكن الاطمئنان إليها.
✨
الحكمة
التحري الحقيقي يترك أثرًا...
أما التحري الورقي فلا يترك إلا الشك.
✍️
مدحت علي
من كتاب فن تحليل القضايا
#مقطوفة_قانونية
https://t.me/RanaELmahy

🛑
في رحاب العلم، حيث تسمو المعاني وتعلو القيم، يشرق اسم الفقيه الجليل الاستاذ الدكتور عمر السعيد رمضان، رحمه الله، علما من اعلام القانون، وركنا من اركان الفقه الجنائي، حتى غدت مؤلفاته دررا مصونة، وكنوزا مكنونة، لا تنفد معانيها ولا تنقضي اسرارها. ومن بين تلك الذخائر، يبرز كتابه “مبادئ قانون الاجراءات الجنائية” في جزئه الاول، كأنه سراج منير، ورنا اليه طلاب العلم رنو العطشان الى الماء، يستقون منه اصول الدعوى الجنائية، ويستبينون به معالم الاستدلال والتحقيق، حتى استوت قواعده وربت، فصار مرجعا لا يدانى، واصلا لا يجارى.
ولما كان العلم ميراثا متصلا، لا ينقطع مدده، ولا ينفصم عقده، اتراه يقف عند حد التصنيف والتدوين؟ كلا، بل يمتد الى ما هو ارفع قدرا، واعمق اثرا، حين يتجسد في علاقة فقيه بتلميذه، فيفيض عليه من علمه، ويهبه من نوره، حتى يغدو ذلك التلميذ امتدادا لشيخه، وصدى لصوته، واثرا من اثاره. وهنا تتجلى روعة الاهداء، لا بوصفه كلمات تكتب، بل معنى يسكن، واثر يبقى، حين خط الفقيه الكبير اهداءه الى تلميذه العزيز محمد بك سمير، في اليوم الثالث عشر من شهر مارس من عام ألفٍ وتسعمائةٍ وثلاثٍ وتسعين للميلاد وكأنما رام بذلك ان يودع في صدره شعلة لا تخبو، وعهدا لا يزول.
ما اجمل ان يهدي فقيه كبير كتابه الى تلميذ، وما اجل ان يصبح التلميذ فقيها كبيرا، فقيه لفقيه، وعلم لعلم، ونور لنور؛ هكذا يتواصل العلم بلا انقطاع، لا يعرف فتورا ولا يقبل انقطاعا، بل يسري في النفوس سريان الروح في الجسد، حتى اذا ران على زمان جهل او غفلة، دنا منه نور العلماء فبدده، ورنا اليه طلاب الحق فاستمسكوا به، فلا يضلون ولا يشقون.
وفي هذا المشهد البديع، يتجلى الغياب والبقاء، فقد غاب الجسد وبقي الاثر، ورحل الشخص وثبت الفكر، وقد ظهر العلم والعلم، اذ هو علم يورث، وعلم يورث.
حفظ الله معالي المستشار الدكتور محمد بك سمير، استاذنا الغالي، وفقيه القانون الجنائي، وجعله امتدادا مباركا لذلك العطاء الاصيل، ورحم الله الاستاذ الدكتور عمر السعيد رمضان، الذي لم يترك علما فحسب، بل ترك مدرسة، ولم يورث كتبا فقط، بل اورث قيما ومبادئ، حتى استوت وربت في نفوس تلاميذه، فصاروا هم بدورهم اعلاما يهتدى بهم، ومشاعل تضيء دروب السالكين.
وهكذا يبقى العلم، لا يعرف فناء، ولا يدركه زوال، بل ينتقل من صدر الى صدر، ومن جيل الى جيل، حتى تقوم به الحضارات، وتنهض به الامم، ويظل الفقهاء فيه سادة البيان، وحراس الميزان، ما دام في الارض من يطلب الحق، ويهفو الى العدل، ويرنو الى نور لا يخبو ولا يزول.
بقلم الدكتور/ يوسف الديب
#قطوف_قانونية

🚀
عايز تجهّز نفسك لسوق العمل بشكل احترافي؟
دلوقتي تقدر تحصل على: *_CV_*
احترافي متوافق مع نظام ATS (علشان يعدّي الفلترة بسهولة)
✅
تصميم مميز يجذب HR من أول نظرة
✅
كتابة محتوى قوي يبرز مهاراتك وخبراتك
💼
سواء خريج جديد أو عندك خبرة… هنظبط لك كل حاجة بشكل احترافي
📝
خلي نسبه قبولك في(الشركات او البنوك ...) عاليه
🫡
📍
لدينا خبره كبيره وكفأه عاليه في هذا المجال
💯
💰
أسعار مناسبة وبجودة عالية
⚡
تسليم سريع
📍
خصم 40% لمده 24 ساعة
للتواصل: -
واتساب / 01208553908

🔴
فاكرين قضية عمرو دياب اللي كان متهم فيها انه ضرب شاب بالقلم على وشه عشان كان عايز يتصور معاه والفيديو انتشر وقتها؟
- عمرو دياب اتحكم عليه في القضية دي بغرامة ٢٠٠ جنيه و تداولت الدعوى في المحاكم باختلاف درجاتها لحد ما وصلت محكمة النقض اللي النهاردة أيدت الحكم ده وأصبح نهائي وبات..
- لو انت من عامة الشعب هتتريق على مبلغ الغرامة ومش هتاخد بالك من ان الحكم له مغزى واثر ابعد من كدة بكتير وهو انه حكم "إدانـــة"
وده يعني ان مش لازم الحكم الجنائي يصدر بالحبس عشان نعتبره ادانة!
- وده اللي يخلي الاستغراب عندك يروح من انه اللي يخلي عمرو دياب يحارب ده كله في المحاكم لحد مايوصل للنقض عشان يلغي حكم الغرامة ابو ٢٠٠ ج!!
- عشان ببساطة كدة المجني عليه الشاب ده هيبدأ جولة جديدة اكثر اثارة ولكن امام القضاء المدني..
هيطلب تعويض محترم مستند على حكم الإدانة اللي اصبح نهائي وبات.. الخطأ ثابت الضرر ثابت علاقة السببية ثابته؛ يعني قضية متقشرة..
يابخت الاستاذ المحامي بتاعه عموماً
😂
المستفاد:
- ان مجرد قلم على الوجه كاف لقيام جنحة الضرب.
- ان الحكم بالغرامة زيه زي الحكم بالحبس؛ إدانة.
ــــــــــــــــــــــــــــــــــــــــــــــــــــــــــــــــــــــــــــ
أ/ محمود مصطفى فضل - المحامي