Abdulla Oripov she'rlari
АҚШда истиқомат қилаётган азиз ватандошлар!
Сизларни буюк ўзбек шоири, Ўзбекистон Қаҳрамони ва Ўзбекистон Республикаси Давлат мадҳияси муаллифи Абдулла Орипов номидаги Шеърият ва Хотира марказининг тантанали очилиш маросимига таклиф этамиз.
Бу маскан нафақат Абдулла Ориповнинг бой адабий меросини асраш ва тарғиб қилишга, балки Америкадаги ўзбек жамоасини маънавият ва маданият атрофида бирлаштиришга хизмат қилади.
📅
Сана: 21 июнь 2026 йил
🕚
Вақт: 11:00
📍
Манзил: Хьюстон шаҳри, Техас штати, АҚШ
Ушбу қувончли ва тарихий тадбирда оила аъзолари, шеърият мухлислари, зиёлилар ҳамда АҚШда яшовчи барча юртдошларимизни кутиб қоламиз.
Келинг, буюк шоиримиз хотирасини биргаликда ёд этиб, унинг маънавий меросига бағишланган янги масканнинг очилишига гувоҳ бўлайлик.
Ҳурмат билан,
Абдулла Орипов оиласи
✨
«Шеърият инсон қалбига эзгулик ва нур олиб кирувчи мўъжизадир.»
— Абдулла Орипов
@abdullaorifijodi
Umr
✍
ABDULLA ORIPOV
Holbuki, oʻtganlar endi bir roʻyo,
Ular bamisoli izsiz ketgan oʻq.
Qanchalik mahobat qilmaylik, ammo
Ular endi yoʻqdir, ular endi yoʻq...
🎙
Xudoyberdi Toʻychiyev
@Abdulla_Oripov_sherlari
ABDULLA ORIPOV
POLIZ QO'RIQCHISI
Chaylamiz bor edi,
Dalada edik,
Jayralar o'ch bo'lar qovun-tarvuzga.
Har holda, cho'chitib turadi dedik ,
Qo'riqchi o'rnatdik bir kun polizga.
O'risning xochidek butani chopdik ,
Yerga qadab qo'ydik оyoq-dastakni.
Qaydandir eski bir shlyapa topdik,
Egniga kiygizdik yag'ir po'stakni.
G'aroyib qo'riqchi bo'lgandi paydo,
Dovdirar, tushsa gar shaytonning ko'zi.
Uzoqdan qorasin ko'rganda goho,
Juftakni rostlardi bolalar o'zi.
Endi u joylarda qovun poliz yo'q,
Jayra ham, tarvuz ham yo'qdir, albatta.
Baland imoratlar ko'kka urar do'q,
Faqat saqlangandir chinorlar, katta.
Biz ham ulg'ayganmiz, ulg'aydi dunyo,
Qoldi xotiralar misoli yetim.
O'sha guzarlardan o'tganda ammo,
Qo'riqchini eslab, junjikar etim.
✍
2015-yil 7- avgust, Хyuston.
@Abdulla_Oripov_sherlari
ҲАЁТ
Рафиқамга
Кимдир деди оҳ чекиб:
– Зулматга ботди зиё,
Тулпорлар кетиб бўлди,
Қирчанғига зот қолди.
Тирикликни ўлимлар
Енга билмади, аммо,
Завол топмай дунёда,
Барибир, ҳаёт қолди.
Афсус, не-не инсонлар
Тарк этдилар оламни,
Қайтмадилар, тўксам ҳам
Кўзимдаги жоламни.
Бу не сирким, кулфатлар
Буколмади одамни,
Завол топмай дунёда,
Барибир, ҳаёт қолди.
Онам кетса, ўйловдим,
Йиқилиб тушгай осмон,
Отам кетди, мен учун
Зимистон бўлди жаҳон.
Лекин мен ёдгор эдим,
Ўлмай қолган тирик жон,
Завол топмай дунёда,
Барибир, ҳаёт қолди.
Юрагим сиқилганда
Мозор оралаб юрдим,
Кекса бир донишманднинг
Қабри ёнида турдим.
Во ажабо, тошида
Ушбу ёзувни кўрдим:
–Завол топмай дунёда,
Барибир, ҳаёт қолди.
Саноғига етмайди
Ҳанузгача одамзод-
Заминда қурбон кўпми,
Кўпмикан ва ё жаллод.
Яхшилардан от қолур,
Ёмонлардан қолур дод,
Завол топмай дунёда,
Барибир, ҳаёт қолди.
Ўкинмагин, азизам,
Орқада энди ғовлар,
Ажалдан ҳам аслида
Баттарроқ экан ёвлар.
Дегаймиз, ўша куни –
Ўтгач барча синовлар:
Завол топмай дунёда,
Барибир, ҳаёт қолди.
Абдулла Орипов
@Abdulla_Oripov_sherlari
Абдулла Орипов
ҲАЙИТ
Ҳайит кунларида жанглар ҳам тўхтаб,
Қиличлар қинига қайтиб киргувси.
Мўминлар эгизак жонларга ўхшаб,
Ўзгага боққан чоқ ўзни кўргувси.
Умидвор ҳар кимса топиб кушойиш,
Қоронғи дилларга ёқиб тургай нур.
Уйқуда фароғат, юртда осойиш,
Дуолар ижобат, ниятлар манзур.
Адоват, ҳасадни касб этган инсон,
Майли шоҳ ё гадо, ё сайид бўлсин.
Илоё, барига бахш этсин иймон,
Ўтар ҳар лаҳзаси бир ҳайит бўлсин.
@Abdulla_Oripov_sherlari
Абдулла Орипов
***
Келдим қошингизга чопиб, энтикиб,
Майсага бурканган тоғ этаклари.
Уч ой йўлингизда ётдим кўз тикиб,
Эй, баҳор бекаси — май чечаклари,
Гарчанд юрагимга гул рухсоридан
Хазон япроқлари энди яқинроқ.
Ҳар нечук қиш фаслин тунд дийдоридан
Жажжи капалакнинг васли ширинроқ.
Қалдироқ гумбурлар юксак тоғларда,
Чилтор қилларидай таралар ёмғир.
Шамол шовуллайди қадим боғларда,
Буюк кўҳна дунё кўпчийди оғир.
Мен унинг қўйнида кездим сабодай,
Қорлардан лоларанг оловлар ёқдим.
Бир зум шаҳаншоҳлик теккан гадодай,
Умр ўтар, дедиму дунёга боқдим.
Қучоқ оч, дилбарим, шу гул наҳорга,
Туманли туйғулар босмасин оғир.
Илтифот қилмасак жажжи баҳорга,
Нуроний куз бизни сийламас, ахир.
✍
1971
@Abdulla_Oripov_sherlari
HAYIT
🌙
🌙
🌙
Hayit kunlarida janglar ham to‘xtab,
Qilichlar qiniga qaytib kirguvsi.
Mo‘minlar egizak jonlarga o‘xshab,
O‘zgaga boqqan choq o‘zni ko‘rguvsi.
Umidvor har kimsa topib kushoyish,
Qorong‘i dillarga yog‘ib turgay nur.
Uyquda farog‘at, yurtda osoyish,
Duolar ijobat, niyatlar manzur.
Adovat, hasadni kasb etgan inson,
Mayli yo shoh yo gado, yo sayid bo‘lsin.
Iloyo bariga baxsh etsin iymon,
O‘tar har lahzasi bir hayit bo‘lsin...
✍
Abdulla Oripov
@Abdulla_Oripov_sherlari
"Танқид қилишсин. Лекин маънавий ҳаққи бор одамлар танқид қилганлари дуруст. Баъзи омадсиз, аламзада кишиларнинг ўтганлар шаънига менсимай қараб, авлиёларга ўхшаб ҳукм чиқарганларини эшитсам, ҳам ғазабим келади, ҳам кулгим келади. Ё тавба!"
Абдулла Орипов
@Abdulla_Oripov_sherlari
@Abdulla_Oripov_sherlari
Абдулла Орипов
ХОТИРА
Юлдузлар мисоли бедорсан,
Тоғларнинг қоридек бокира.
Сен азиз зотлардан ёдгорсан,
Хотира, хотира, хотира.
Дунёда ботирлар кўп ўтган,
Сўнмаган яшашга ҳаваси.
Кимгадир ҳаёт ҳам бахш этган
Уларнинг энг сўнгги нафаси.
То ўзинг мададкор экансан,
Ўчмагай қалбимда ҳаяжон.
Ниҳолни асли сен эккансан,
Онажон, отажон, бобожон.
Бу Ватан жаннатдир, жаннатдир,
Ҳаётдир сеҳрли, соҳира.
Шаънингга авлодлар раҳмат дер,
Хотира, хотира, хотира.
2009 йил 7 май
✍
Абдулла Орипов
@Abdulla_Oripov_sherlari