🏛ADTI.UZ | Rasmiy kanali

Андижон давлат тиббиёт институтида ёшлар учун янги имкониятлар эшиги очилмоқда
Андижон давлат тиббиёт институтида ёшларни қўллаб-қувватлаш, уларнинг келажакда муносиб ўрин эгаллашига кўмаклашишга қаратилган муҳим тадбирлар бўлиб ўтди. 12 март куни институтнинг янги ўқув биносида 2025–2026 ўқув йилини тамомлаётган битирувчи талабалар билан учрашув ташкил этилди. Унда институт ректори М. Мадазимов раҳбарлигида очиқ мулоқот ўтказилиб, ёшлар учун яратилаётган имкониятлар ва янги ташаббуслар ҳақида атрофлича фикр алмашилди.
Учрашувда Андижон вилояти “Ўзмиллийбанк” АЖ бош бошқармаси бошлиғи О.Ш. Тўхтасинов, банк мутахассислари ҳамда институтнинг Карьера маркази раҳбари А. Солиев иштирок этди. Мулоқот давомида талабаларга “Келажакка қадам” дастури доирасида ёшларнинг ўзини ўзи банд қилиши, тадбиркорлик фаолиятини бошлаши ва имтиёзли кредитлар олиш имкониятлари ҳақида батафсил маълумот берилди.
👉
Батафсил
Каналга обуна бўлинг
➡️
https://t.me/sharq24uz

#Andijon_yoshlar_day
Yoshlar kuni munosabati bilan talabalar turar joyi va ijara xonadonlarida yoshlar bilan samimiy uchrashuvlar o‘tkazildi
Yoshlar kuni munosabati bilan Andijon davlat tibbiyot instituti rektori Madamin Madazimov Talabalar turar joyi va ijara xonadonlarida bo‘lib u yerda istiqomat qilayotgan talaba-yoshlar bilan samimiy suhbat o‘tkazdi. Uchrashuv davomida rektor talabalarning bo‘sh vaqtini qanday o‘tkazayotgani, ularning qiziqishlari hamda turli yo‘nalishlarda olib borayotgan faoliyati bilan yaqindan tanishdi.
Jarayondan videolavha.
❇️
Andijon davlat tibbiyot institutining rasmiy sahifalari
👇
🌎
sayt
|
✈️
Telegram
|
📷
Instagram
|
🔵
Facebook
|
🎬
You Tube
|
🐤
Twitter

#TTJ_Ijara_xonadonlari_nazoratda
Andijon davlat tibbiyot instituti Davolash fakulteti tyutorlari tomonidan Talabalar turar joylari hamda ijara xonadonlarida istiqomat qilayotgan talabalar bilan ochiq va samimiy suhbatlar tashkil etildi.
Uchrashuvlar davomida hududda tozalik va ozodalikka rioya qilish, umumiy foydalanish joylarini saranjom saqlash, sanitariya-gigiyena qoidalariga qat’iy amal qilish yuzasidan batafsil tushuntirishlar berildi. Har bir talabaning yashash joyidagi tartib-intizom va tozalikni saqlashdagi shaxsiy mas’uliyati alohida ta’kidlandi.
Shuningdek, atrof-muhitni asrash, chiqindilarni belgilangan joylarga tashlash, yashash hududini ozoda va namunali saqlash barchamizning fuqarolik burchimiz ekani yana bir bor eslatib o‘tildi. Sog‘lom turmush tarzi va gigiyena madaniyati kelajakdagi malakali shifokorlar uchun muhim omil ekani qayd etildi.
📚
Uchrashuv jarayonida talabalar turar joylarida faoliyat yuritayotgan fan va ijodiy to‘garaklar ham ko‘zdan kechirildi.
Mazkur tadbir talabalarda tozalik madaniyatini yuksaltirish, sog‘lom va qulay yashash muhitini yaratish hamda jamoaviy mas’uliyatni mustahkamlashga xizmat qiladi.
❇️
Andijon davlat tibbiyot institutining rasmiy sahifalari
👇
🌎
sayt
|
✈️
Telegram
|
📷
Instagram
|
🔵
Facebook
|
🎬
You Tube
|
🐤
Twitter

#sport_vaqti
Farmatsiya fakulteti professor-o‘qituvchilari sport tadbirlarida!
Sog‘lom turmush tarzi – muvaffaqiyat kaliti! Farmatsiya fakulteti professor-o‘qituvchilari sport tadbirlarida faol ishtirok etib, jamoaviylik, faollik va sog‘lom hayot tarziga bo‘lgan sadoqatlarini yana bir bor namoyon etdi.
Sport musobaqalari nafaqat jismoniy chiniqish, balki hamjihatlikni mustahkamlash, ijobiy kayfiyat ulashish va yangi marralar sari ilhom olish uchun ham muhimdir. Tadbir davomida ustozlarimiz yuqori kayfiyat, sportga bo‘lgan qiziqish va g‘alabaga intilish ruhini namoyon etdi.
Bunday tadbirlar jamoamizni yanada jipslashtirib, sog‘lom va faol muhitni shakllantirishga xizmat qiladi.
❇️
Andijon davlat tibbiyot institutining rasmiy sahifalari
👇
🌎
sayt
|
✈️
Telegram
|
📷
Instagram
|
🔵
Facebook
|
🎬
You Tube
|
🐤
Twitter

Yoshlar kuni munosabati bilan talabalar turar joyida yoshlar bilan samimiy uchrashuv o‘tkazildi
Yoshlar kuni munosabati bilan Andijon davlat tibbiyot instituti rektori Madamin Madazimov Talabalar turar joyiga tashrif buyurib, u yerda istiqomat qilayotgan talaba-yoshlar bilan samimiy suhbat o‘tkazdi. Uchrashuv davomida rektor talabalarning bo‘sh vaqtini qanday o‘tkazayotgani, ularning qiziqishlari hamda turli yo‘nalishlarda olib borayotgan faoliyati bilan yaqindan tanishdi.
Avvalo, rektor sport bilan muntazam shug‘ullanayotgan talaba-yoshlar bilan uchrashdi. Sport bilan shug‘ullanayotgan talabalar sog‘lom turmush tarziga amal qilib, jismoniy chiniqish orqali o‘z salomatligini mustahkamlab kelayotganini ta’kidlab o‘tdi. Madamin Madazimov yoshlarni sportga keng jalb etish muhim ekanini, muntazam jismoniy mashqlar nafaqat sog‘liqni mustahkamlash, balki insonda iroda, qat’iyat va intizomni shakllantirishini alohida qayd etdi.
Shundan so‘ng rektor tikuvchilik bilan shug‘ullanayotgan talabalar faoliyati bilan tanishdi. Talabalar tomonidan tayyorlanayotgan turli buyumlar, kiyim-kechaklar ko‘zdan kechirildi. Rektor hunar o‘rganish yoshlar uchun muhim ekanini, bunday mashg‘ulotlar ularda mehnatsevarlik, ijodkorlik hamda mustaqil hayotga tayyorgarlik ko‘nikmalarini shakllantirishini ta’kidladi.
Uchrashuv davomida pazandachilik bilan shug‘ullanayotgan talabalar bilan ham suhbat bo‘lib o‘tdi. Talabalar tomonidan tayyorlangan turli milliy taomlar namoyish etildi. Rektor pazandachilik san’ati ham o‘ziga xos mahorat talab qilishini, ayniqsa talabalarning bo‘sh vaqtini mazmunli o‘tkazishida bunday mashg‘ulotlar muhim ahamiyatga ega ekanini aytib o‘tdi.
Shuningdek, musiqa bilan shug‘ullanayotgan iqtidorli talabalar bilan ham uchrashuv tashkil etildi. Talabalar tomonidan ijro etilgan kuy-qo‘shiqlar tadbirga o‘zgacha kayfiyat bag‘ishladi. Madamin Madazimov yoshlarning san’atga bo‘lgan qiziqishini yuqori baholab, musiqa inson qalbini boyitishi, ma’naviy dunyosini yuksaltirishini alohida ta’kidladi.
Uchrashuv davomida rektor talabalarning taklif va fikr-mulohazalarini tinglab, ularning qiziqishlarini qo‘llab-quvvatlash, bo‘sh vaqtini mazmunli tashkil etish borasida institut tomonidan zarur sharoitlar yaratilayotganini qayd etdi. Mazkur uchrashuv talaba-yoshlar uchun katta motivatsiya bo‘lib, ularni o‘z ustida yanada ko‘proq ishlashga undadi.
❇️
Andijon davlat tibbiyot institutining rasmiy sahifalari
👇
🌎
sayt
|
✈️
Telegram
|
📷
Instagram
|
🔵
Facebook
|
🎬
You Tube
|
🐤
Twitter

#taraddud
Bobur shaharchasida Andijon davlat tibbiyot institutiga biriktirilgan hududda Navroʻz umumxalq bayramini munosib kutib olish maqsadida keng ko‘lamli tayyorgarlik ishlari olib borilmoqda.
Ayni damda tayyorgarlik ishlari qizg'in davom etmoqda. Jarayonlarni institut rektori Madamin Madazimov doimo oʻrganib bormoqda.
Jarayondan fotolavhalar.
❇️
Andijon davlat tibbiyot institutining rasmiy sahifalari
👇
🌎
sayt
|
✈️
Telegram
|
📷
Instagram
|
🔵
Facebook
|
🎬
You Tube
|
🐤
Twitter

#yangi_adabiyotlar
📚
“Tanishing yangi adabiyotlar” – Davolash fakulteti talabalariga yangi imkoniyatlar
Bugun, 12-mart kuni, O‘zbekiston Respublikasi Prezidenti tomonidan ilgari surilgan 5 ta muhim tashabbus doirasida, Andijon davlat tibbiyot instituti Axborot-resurs markazi xodimlari tomonidan talabalarni yangi kelgan adabiyotlar bilan tanishtirish maqsadida “Tanishing yangi adabiyotlar” mavzusida ko‘rgazma tashkil etildi.
🎓
Tadbir 1-fakultet va Gospital jarrohlik kafedrasida bo‘lib o‘tdi va Davolash fakultetining 4-bosqich 481-482-rus guruhidagi talabalar faol ishtirok etdi.
📖
Ko‘rgazmada mutaxassisliklarga oid 28 nomdagi adabiyotlar,
rus tilidagi 40 nomdagi adabiyotlar jamlanib, yangi adabiyotlar soni jami 68 nomni tashkil etdi. Talabalarga har bir yangi adabiyotning mazmuni va ilmiy ahamiyati bo‘yicha batafsil ma’lumotlar berildi.
✨
Tadbirning asosiy maqsadi — talabalar orasida kitobxonlik va ilmiy qiziqishni oshirish, yangi adabiyotlarni faol o‘rganish hamda ularni amaliyot va o‘quv jarayonida qo‘llashni rag‘batlantirishdir.
📚
Shu kabi tashabbuslar yosh mutaxassislarning bilim darajasini oshirish, ilmiy salohiyatini rivojlantirish va kitobga bo‘lgan qiziqishini kuchaytirishda muhim ahamiyatga ega.
❇️
Andijon davlat tibbiyot institutining rasmiy sahifalari
👇
🌎
sayt
|
✈️
Telegram
|
📷
Instagram
|
🔵
Facebook
|
🎬
You Tube
|
🐤
Twitter

REKTOR IJARADA YASHOVCHI TALABALAR BILAN UCHRASHDI
Yoshlar kuni munosabati bilan Andijon davlat tibbiyot instituti rektori Madamin Madazimov ijarada yashovchi talabalar bilan samimiy uchrashuv o‘tkazdi. Mazkur uchrashuvdan ko‘zlangan asosiy maqsad talaba-yoshlar bilan yaqindan muloqot qilish, ularning yashash sharoitlari, o‘qish jarayonidagi muammolari hamda takliflarini tinglashdan iborat bo‘ldi.
Uchrashuv davomida rektor bugungi kunda yurtimizda yoshlar uchun yaratilayotgan keng imkoniyatlar haqida so‘z yuritdi. Ta’kidlanganidek, davlatimiz tomonidan yoshlarning sifatli ta’lim olishi, ilm-fan bilan shug‘ullanishi, sport va turli sohalarda o‘z iqtidorini namoyon etishi uchun barcha zarur sharoitlar yaratilmoqda. Shu bilan birga, institutda ham talabalar uchun qulay o‘quv muhiti, zamonaviy infratuzilma hamda turli yo‘nalishlarda faoliyat yuritayotgan to‘garaklar mavjudligi alohida qayd etildi.
Madamin Madazimov talabalarga sport, fan va hunar yo‘nalishidagi to‘garaklar faoliyatida faol ishtirok etish, o‘z ustida muntazam ishlash hamda mavjud imkoniyatlardan samarali foydalanish zarurligini ta’kidladi. Shuningdek, institutning Axborot-resurs markazi talabalarning bilimini yanada boyitish, ilmiy izlanishlar olib borishi uchun muhim manba ekanini aytib o‘tdi.
Suhbat jarayonida talabalarga salbiy illatlardan yiroq bo‘lish, bo‘sh vaqtni mazmunli va samarali tashkil etish, sog‘lom turmush tarziga amal qilish masalalariga ham alohida e’tibor qaratildi. Talabalar o‘zlarini qiziqtirgan savollarga javob olib, taklif va mulohazalarini bildirish imkoniyatiga ega bo‘ldilar.
Uchrashuv yakunida Yoshlar kuni munosabati bilan o‘qish va jamoat ishlarida faollik ko‘rsatib kelayotgan bir guruh talabalar institut rahbariyati tomonidan planshetlar bilan taqdirlandi. Bu esa talaba-yoshlarni yanada faol bo‘lishga, bilim olishga va yangi marralarni zabt etishga undaydi.
1. Stomatologiya fakultetining 1--bosqich talabasi Karimova Gulchehra;
2. Pediatriya fakultetining 2-bosqich talabasi Siddiqova Diyora;
3. Davolash fakultetining 5-bosqich talabasi Bozorov Samandar.
4. Davolash fakultetining 1-bosqich talabasi Akbarov Nasrulloh.
❇️
Andijon davlat tibbiyot institutining rasmiy sahifalari
👇
🌎
sayt
|
✈️
Telegram
|
📷
Instagram
|
🔵
Facebook
|
🎬
You Tube
|
🐤
Twitter

STOMATOLOGIYA INNOVATSIYALARIGA BAG‘ISHLANGAN KONFERENSIYA O‘TKAZILDI
Bugun, 12-mart kuni Andijon davlat tibbiyot institutida Propedevtik stomatologiya kafedrasi huzuridagi “Basis of Dentistry” talabalar ilmiy jamiyati tomonidan “Propedevtik stomatologiya innovatsiyalari” mavzusida II Respublika ilmiy-amaliy konferensiyasi hamda master-klass tashkil etildi.
Mazkur ilmiy anjumanni institut rektori M.Madazimov kirish so‘zi bilan ochib berib, stomatologiya sohasida ilmiy izlanishlarni rivojlantirish, zamonaviy texnologiyalarni amaliyotga joriy etish hamda talabalar ilmiy faoliyatini qo‘llab-quvvatlash muhim ahamiyat kasb etishini ta’kidlab o‘tdi.
Anjumanda turli oliy ta’lim muassasalaridan talabalar, yosh tadqiqotchilar hamda soha mutaxassislari ishtirok etib, stomatologiya yo‘nalishida olib borilayotgan ilmiy tadqiqotlar va zamonaviy amaliy yondashuvlar yuzasidan ma’ruzalar taqdim etdilar.
Tadbir doirasida: janob Nox – MegaGen kompaniyasining O‘zbekistondagi vakili, PhD Ahror Shodmonov – MegaGen Uzbekistan kompaniyasi asoschisi, Azizbek Gofurov MegaGen Uzbekistan yetakchi mutaxassisi ishtirok etib, stomatologiyada qo‘llanilayotgan innovatsion texnologiyalar, implantologiya sohasidagi zamonaviy usullar hamda o‘zlarining ilmiy va amaliy tajribalari bilan qatnashchilar bilan o‘rtoqlashdi.
Shuningdek, mahorat darsi jarayonida talabalar va yosh mutaxassislar uchun stomatologiyada qo‘llanilayotgan yangi texnologiyalar, zamonaviy uskunalar hamda klinik amaliyotdagi innovatsion yondashuvlar bo‘yicha amaliy ko‘rsatmalar berildi.
Mehmonlarga institut rektori tomonidan esdalik sovg‘alari topshirildi.
Bunday ilmiy-amaliy tadbirlar talabalar ilmiy salohiyatini oshirish, ularni zamonaviy tibbiy texnologiyalar bilan tanishtirish hamda stomatologiya sohasida ilmiy hamkorlikni yanada rivojlantirishga xizmat qiladi.
❇️
Andijon davlat tibbiyot institutining rasmiy sahifalari
👇
🌎
sayt
|
✈️
Telegram
|
📷
Instagram
|
🔵
Facebook
|
🎬
You Tube
|
🐤
Twitter

REKTOR VA BITIRUVCHILAR UCHRASHUVI DAVOM ETMOQDA
Bugun, 12-mart kuni "Yoshlar kuni" doirasida Andijon davlat tibbiyot instituti rektori M. Madazimov barcha fakultetlarning bitiruvchi bosqich talabalari bilan uchrashuv o‘tkazdi.
Uchrashuv davomida rektor mamlakatimizda yoshlarga qaratilayotgan e’tibor, davlatimiz rahbarining yoshlarga bildirayotgan ishonchi hamda ularning tashabbuslari har tomonlama qo‘llab-quvvatlanayotgani haqida so‘z yuritdi. Shuningdek, Prezident va yoshlar uchrashuvlarida ilgari surilgan muhim tashabbuslar hamda yangiliklar haqida ham ma’lumot berdi.
Ta’kidlanganidek, institutda ta’lim jarayoni faqat nazariy bilimlar bilan cheklanib qolmay, balki dual ta’lim tizimi asosida ham olib borilmoqda. Bu esa talabalar o‘qish jarayonida amaliy tajriba orttirishlari, kelajakda esa o‘z mutaxassisligi bo‘yicha faoliyat boshlashlariga keng imkoniyat yaratmoqda.
Uchrashuvda bitiruvchi bosqich talabalarini ish bilan ta’minlash masalasiga ham alohida e’tibor qaratildi. Xususan, “Kelajakka qadam” dasturi doirasida yoshlarning o‘zini o‘zi band qilishi, tadbirkorlik faoliyatini yo‘lga qo‘yishi hamda imtiyozli kreditlar olish tartib-qoidalari bo‘yicha seminar-treninglar tashkil etilayotgani qayd etildi. Mazkur treninglarda viloyat “O‘zmilliybank” AJ bosh boshqarmasi mutaxassislari ishtirok etib, talabalarning savollariga batafsil javob bermoqda.
Shuningdek, bitiruvchi bosqich talabalari o‘zlariga biriktirilgan tibbiyot muassasalarida tahsil olish bilan birga amaliy faoliyat olib borayotganliklari ham alohida ta’kidlandi. Institut rektori o‘z biznes g‘oyasi yoki loyihasi asosida tadbirkorlik faoliyatini boshlashni istagan yoshlarni har tomonlama qo‘llab-quvvatlashini bildirdi.
Uchrashuv davomida talabalar ishga joylashish ko‘rsatkichlari bilan tanishildi. Talabalar tomonidan sohani rivojlantirishga qaratilgan yangiliklar, ilmiy g‘oyalar va loyihalar haqida ma’lumotlar tinglandi. O‘z navbatida, talabalar ham kelajakdagi rejalari, tadbirkorlik loyihalari hamda ishga joylashish jarayonida yuzaga kelayotgan ayrim muammolar haqida fikr bildirdi.
Shuningdek, Oʻzbekiston Respublikasi Vazirlar Mahkamasining “Ijtimoiy reyestrga kiritilgan oilalarni qoʻllab-quvvatlash tizimini takomillashtirishning qoʻshimcha chora-tadbirlari toʻgʻrisida” Qarori bilan tanishtirib o‘tildi.
Yakunda mas’ul xodimlarga taqdim etilgan loyihalarni amalga oshirish imkoniyatlarini o‘rganish hamda mavjud muammolarni bartaraf etish bo‘yicha tegishli topshiriqlar berildi.
❇️
Andijon davlat tibbiyot institutining rasmiy sahifalari
👇
🌎
sayt
|
✈️
Telegram
|
📷
Instagram
|
🔵
Facebook
|
🎬
You Tube
|
🐤
Twitter