Ахмедов Ербол

Сен аңсап жүрген жетістік – сен жасаудан қашып жүрген амалға жасырынған.
©️
Фәнуун.

Егер сен әлемді өзгерткің келсе, оны үйленбей тұрып жаса.
Өйткені үйленгеннен кейін теледидардың арнасын ауыстыра алсаң – сен нағыз батырсың.

Түсіңнен қатты мән іздей берме

Алланы танып тұрып, басқа нәрседен қорқатын адамға таң қаламын.
Өйткені кім Алладан қорықса — оның қорқынышы (яғни уайымы) азаяды;
және кім Алладан қорықса — барлық нәрсе одан қорқады.
Ал кім Алладан қорықпаса — Алла оны барлық нәрседен қорқып жүретін қылады.
Шейх Әдһам әл-Асими(хафизаһулла)

Мужәһид ибн Жәбірдің өмірбаянында (Ибн Аббастың шәкірті) мына оқиға бар.
Бұл — Құранды жаттайтындарға арналған ескерту.
Мужәһид ибн Жәбір Құранды Ибн Аббастың алдында
жиырма жеті рет
жатқа оқып шыққан.
Ал бүгін бізде қалай?
Біреу Құраннан ижаза алуға ұстазға барады,
ижазасын алған соң —
қайтадан ұстаздың алдына барып отырмайды.
Шейх Әдһам әл-Асими(хафизаһулла)

Адам — өзіне қажет нәрсені үйренуі керек,
көңілі қалаған нәрсені емес.
Бүгінгі шариғи ілім талап етушілердің әлсіз болуының себебі —
олар өзінің көңіл қалаған нәрсесін оқиды.
Шейх Әдһам әл-Асими(хафизаһулла)

Бір мәселені үйрену үшін адам өзін толық арнауы керек.
Кішкентай дүниелердің өзі көңілді бөліп, ілімнің жолын бөгейді.
Имам Шафиғи(Алла рақымына алсын) айтқан:
“Егер маған бір пиязды турау сияқты ұсақ-түйек жұмысты тапсырса —
мен бір ғылыми мәселені үйрене алмай қалар едім.”
Шейх Әдһам әл-Асими(хафизаһулла)

Бұл Құран үлкен мәртебе мен құрметке ие болғандықтан,
мен өмірімді түгелдей Оның қызметіне арнауға бекіндім.
Имам Құртуби (Алла рақымына алсын)

Түс жору – үлкен ілім және үлкен аманат

Ақида көп оқуды емес, көп ойлануды талап етеді.
Біреу маған: «Мен ақида бойынша 14 кітап оқыдым» дейді. Бұл — жақсы.
Бірақ біз үшін маңыздысы — «100 кітап оқыдым» деу емес,
«Бір кітапты түсіндім» деу.
Ақиданы түсіну үшін аз оқу, бірақ көп талдауды қажет етеді.
Шейх Әдһам әл-Асими (хафизаһулла)