Ахмедов Ербол

Шейх Сафийуддин әл-Һинди өте әзілқой адам болған. Бірде ол былай деген екен:
«Бір күні кітап базарынан бір кітап көрдім. Оның жазуы менің жазуымнан да жаман сияқты көрінді.
Сонда “менің жазуым ең жаман жазу” деп айтатындарға дәлел болсын деп, бағасын қымбаттатып болса да сатып алдым.
Үйге қайтып келіп қарасам, ол менің бұрынғы өз қолжазбам екен».

Таң намазының артықшылықтарының бірі:
– Бүкіл түн бойы құлшылық жасағанмен тең.
– Оны оқыған адам Алланың қорғауында болады.
– Жәннатқа кірудің және тозақтан құтылудың себептерінің бірі.
– Қиямет күні иесіне толық нұр болады.
– Оған періштелер куә болады.
– Ризықтың келу себептерінің бірі.

Рахмани түстер қайталанып келе береді.
📚
Азамат Жамашев. Мұра. 242 бб.
Яғни бір түсті қайталап көре берсең ол Алладан.

Рамазанда Құранды толық оқып бітірмеген адамға:
Ибн әл-Жәузи (Алла оны рақымына бөлесін) айтты:
«Егер мұсылман Рамазан айында Құранды толық оқып бітірмесе, оны жылдың қалған уақытында да бітіруі екі талай.
Ал Құранды толық бітіре алмау — бір олқылықтың белгісі. Сондықтан бұл жағдай көп дұға жасауды талап етеді, сондай-ақ жүректегі ғапылдықты кетіруді қажет етеді».
Егер Рамазанда Құранды бітірмесең, онда қашан бітіресің?!

Қасиетті Құран кітабымен қарым-қатынастың әдептері:
– Оның үстіне кітап немесе қағаз қойма.
– Оған сүйенбе.
– Құранға қарай аяғыңды созба.
– Оның ішіне қағаздар немесе ақша салып қойма.
– Біреуге бергенде құрметпен бер, лақтырма және итерме.
– Оны жерге қойма (тіпті жерге кілем төселген болса да).
– Оның бүлінуіне себеп болма.
Мысалы: оны күн түсетін жерде ұзақ уақыт бойы қалдырма.
– Оны жастығыңның астына қойма.
– Онымен басқа кітап сияқты немқұрайды қарама.
Керісінше, оны ұстағанда әлемдердің Раббысының сөзі екенін еске алып, құрметпен қара.

«Алла Тағаланың құлына берген нығметтерінің бірі – білімге деген сүйіспеншілік».
#Шындық

Ізгі адамдар бір-біріне үш нәрсені өсиет ететін:
тілді бос, зиянды сөзден тыю, истиғфарды көп айту және оңашалану.

Егер адамдардың сен өлген соң сені қаншалықты тез ұмытатынын білсең,
ешкімнің разылығы үшін өмір сүрмес едің — тек Алланың разылығы үшін ғана өмір сүрер едің.

Андалусия медреселерінің әрқайсысының кіреберісіне мынадай сөз жазылған екен:
«Бұл дүние төрт тірекке сүйенеді:
Ғалымдардың іліміне,
үлкендердің әділдігіне,
ізгі адамдардың дұғасына
және батырлардың ерлігіне.»

Рамазан таңғаларлық жылдамдықпен өтіп жатыр:
ауыз ашамыз, намаз оқимыз, сосын қайтадан таң атады.
Сұрақ:
осы күндерден өзімізбен не алып шықтық?
Қазіргі жайлылығыңды (рақатыңды) аздап қысқарт
Құранға жақында…
Және оның «санаулы күндер» екенін есіңе ал.