arabic.uz (matnli kanal)

13360. Ростгўйларнинг ҳақиқати ва ёлғончиларнинг ёлғони фақат балолар оташига ташланганда намоён бўлади. Аллоҳ таоло айтади:
"Одамлар «Иймон келтирдик», дейишлари ила синалмай, тарк этилишларини ўйладиларми?"
,
Анкабут сураси, 2 - оят
.
Бас, қачонки имтиҳон оловига ташланса, содиқларнинг жавҳаридан сабрнинг хушбўй ҳидлари ва ёлғончилардан эса неъматларнинг куфронасининг (ношукрлигининг) сассиқ ҳидлари чиқади.
Шундай экан, мўмин киши билиши лозимки, имтиҳон у учун худди олтинни ажратиб олишдаги олов кабидир. Аллоҳ таоло покдир, У фақат покизасинигина қабул қилади.
Шайх Аҳмад Фатҳуллоҳ Жомий.
@arabicuz_matn

13359. Ҳар бир зикр қилувчи одамлар ғофил бўлган пайтда Роҳманни зикр қилса, у аввобинлардан бўлади. Яъни, одамлар банд бўлиб, эътиборсиз қоладиган икки вақтда қилинган зикр ва намоз “Аввобин” деб аталади. Чунки бу икки вақтда кўпчилик ғофил бўлади.
Чошгоҳ вақти
Чошгоҳ пайтида ўқиладиган намоз «Салотул аввобин» деб ҳам аталади.
Шом билан хуфтон орасида
Шомдан кейин, хуфтондан олдин ўқиладиган намоз ҳам баъзан «Салотул аввобин» деб юритилади. Чунки бу вақтда инсонлар ғофил бўлади, аммо Аллоҳ таоло бу вақтни зикр, Қуръон тиловати ва эзгу амаллар учун улуғлаб қўйган.
Ҳабиб Умар ибн Ҳофиз
.
@arabicuz_matn

13358.
Ғурур инсонга доим ёпишиб туради, фақат Аллоҳ асрагангина ундан саломат бўлади.
Бунинг маъноси шундан иборатки, мағрурлик деган касаллик бутун инсониятга хос бир офатдир. У ҳар хил кўринишларда бўлади. Бу умумий балодир, ундан фақат Аллоҳ таоло асраган бандаларгина нажот топади. Аллоҳ таоло айтади: “
Дунё ҳаёти эса алдов матоҳидан бошқа нарса эмас
”,
Оли Имрон сураси, 185-оят.
@arabicuz_matn

13357. Бир киши қўнғизни кўриб:
«Аллоҳ буни яратишдан нимани ирода қилган экан? (
Бу қўнғизни)
на кўриниши чиройли ва на ҳиди ёқимли»
, деди. Шунда Аллоҳ уни шундай яра билан имтиҳон қилдики, табиблар уни даволашдан ожиз қолишди.
Бир табиб келиб:
«Менга битта қўнғиз олиб келинглар!»
деди. У қўнғизни ёндирди ва унинг кулини яра устига қўйди. Шунда Аллоҳнинг изни билан яра тузалди.
Яра эгаси:
«Аллоҳ таоло энг ёқимсиз жонзотни (
яъни, қўнғизни)
мен учун энг зарур дори бўлишини ирода қилди-я!»
деди.
Одамларни паст санайдиган бўлсак, биз инсонларни ҳолимиз қандай бўлади? Одамларни камситишдан ўзингни сақла!
Балки, кун келиб сен бир пайтлар камситган кишингга эҳтиёжинг тушиб қолиши мумкин.
@arabicuz_matn

13356. Абу Қатода ибн Рибъий Ансорий розияллоҳу анҳу айтади: «Набий соллаллоҳу алайҳи васаллам: «
Бирортангиз масжидга кирса, икки ракъат намоз ўқимасдан ўтирмасин
», дедилар».
Муттафақун алайҳи.
🟢
Изоҳ: Ушбу икки ракъат намоз
"таҳийятул масжид"
деб аталади. Агар масжидга кирса, жамоат суннат ёки фарзни бошлаган бўлса, таҳийятул масжид намозини ўқимай суннат ёки фарз намозига киришади. Шу билан таҳийятул масжидни адо қилиш зиммасидан соқит бўлади.
@arabicuz_matn

13355. Аллоҳ таоло сари йўл
Қалбларнинг саломатлиги,
Нафсларнинг саховати,
Ҳусни яқийн, ишонч,
Ўзини паст олиш ва синиқлик биландир.
Имом Рофеий раҳимаҳуллоҳ.
@arabicuz_matn

13354.
📞
Сизга эслатма бор
: Бугун истиғфор айтдингизми?
Астағфируллоҳаллазии лаа илааҳа илла ҳувал ҳаййул қоййум ва атубу илайҳ.
Ўзидан ўзга илоҳ бўлмаган, доимо тирик, доимо қоим Аллоҳдан мағфират сўрайман ва Унга тавба қиламан.
@arabicuz_matn

13353. Ўзингизни одобсиздек ҳис қилдингизми, демак сиз одоблисиз. Чунки одобсизлар буни ҳис қилмайдилар.
Изоҳ: Ўзида ноқулайлик ҳис қилиш, «мен нотўғри иш қилдимми?» деб ўйлаш - инсоннинг виждони борлигини билдиради. Виждон эса одоб ва тарбиянинг асосларидан ҳисобланади. Беодоб одам ўз хатти-ҳаракатлари атрофдагиларга қандай таъсир қилишини ёки уларнинг ноўрин эканини тушунмайди.
Унинг онгида бундай танқидий фикрлаш йўқ ёки бўлса ҳам суст. Яъни, ундан одам ўзидаги камчиликни кўрмайди, тан олмайди.
@arabicuz_matn

13352. Аллоҳ таоло айтади:
«Бас, Роббингнинг ҳукмига сабр қил. Албатта, сен риоямиздасан, ўрнингдан турганингда Роббингни поклаб ёд эт!»
Тур сураси, 48 – оят.
Ибн Атия Андалусий раҳимаҳуллоҳ: “Ҳар бир мўмин ушбу оятни ўзи учун (қалбига мустаҳкам) ўрнаштириб олиши лозим. Чунки бу оят унга дунёнинг машаққати, тангликларини енгил қилади”, деди.
“Муҳаррарул важийзи” асаридан
.
@arabicuz_matn

13351. Абу Ҳурайра розияллоҳу анҳудан ривоят қилинади: «
Набий соллаллоҳу алайҳи васаллам: «Одамларнинг қиёмат куни энг аввал ҳисоб-китоб қилинадиган амаллари намоздир. Аллоҳ азза ва жалла Ўзи билиб турса ҳам, фаришталарга: «Бандамнинг намозига назар солинглар. Уни тугал қилдимикан ёки ноқис қилдимикан?» дейди.
Бас, агар
(намози)
тугал бўлса, унга
(намози)
тугал, деб ёзилади. Агар у
(намоз)
дан бирор нарса камайган бўлса, У зот: «Назар солинглар, бандамнинг нафли бормикан?» дейди. Бас, агар нафли бўлса, «Бандамнинг нафл (намоз)идан фарзини тугал қилинглар», дейди. Сўнгра закот ҳам шунга ўхшаш бўлади. Кейин ҳамма амаллар ана шунга ўхшатиб олинади», дедилар».
Абу Довуд ва Термизий ривоят қилганлар.
@arabicuz_matn