men❤️‍🩹

қарашаның қорытындысы:
⭐️
“
Абай және біз
”, “
егізаяқ: Абай-Ғазали таным тамырластығы
” атты дәрісімізді 100-ге жуық адам оффлайн тыңдады.
⭐️
juz40
community
-дің 90-нан астам студентіне онлайн ойталқы өтілді.
⭐️
тілтаным
дәрісін 30-ға жуық адам оффлайн тыңдады.
⭐️
антикітапханама
17 кітап қосылды (сатып алғаным, сыйлыққа келгені бар).
⭐️
oy_orda
жастарымен келелі кездесу өтті. ұшақтан құшаққа. (ж)елорда өте жақсы күтіп алды.
⭐️
1 қойылымға бардық.
⭐️
3 подкаст қонаққа шақырды. кейін барам, бұйырса.

📆
қазан айының есебі:
–
абайтану
дәрістерін 250 адамға оффлайн оқыдым. 70-ке жуық кітап сыйланды қатысушыларға.
–
juz40
community-дің 100-ден аса студентіне онлайн дәріс оқыдым.
– “
егізаяқ
: Абай-Ғазали таным тамырластығы” онлайн дәрісіне 20-ға жуық адам қатысты.
– 30-ға жуық кітап сыйға келді.
шүкір.

кеше қызық болды. бір ай бойы алматылық студенттерге абайтану дәрістерін оқыған жайым бар еді. соның нәтижесі –TEDxAbay. шарапатты шара дер едік. шәкірттерді зерттеуге, зерделеуге баулыған бастаманың түйін тұсында профессор Жанат апайым ықылас гүлін сыйлады. апайымыздың алқау-мадағын бата деп ұқтым. “Тоғжаның тап” деді)
💐
🌸
💌
“орамал тон болмайды, жол болады” демекші, таңдайдағы тәтті тілек маңдайға бұйырсын.

дүниені мәңгілік “менікі” қылу үшін “Оның” түгесілмес қазынасына жинау керек…

батыс елдеріндегі тенденция, батыс адамының құндылығы, “жаңа түр, жаңа тыныс, жаңа жыныс, жаңа сән, жаңа ой, жаңа низамы” шығыс адамына, бізге де құндылық, мораль, норма бола алмайды. оны тықпалап жүргендер “толеранттар” емес, нағыз
манипуляторлар
…
ұлттық болмыс деген – тез. тезге салатын – халық. халық пікірі – демократия. қандай кірме, ерме, “жаңа” ұғым, ағым болса да, ұлт тезінен өтуі шарт.

🔦
ойазық:
…ұзақ түнді ұйқыңмен қысқартпа.
түніңді тірілт.
күндізің берекелі болсын десең.
…ақылды мен интеллектуал адамның парқы парасатынан білінеді. екеуі бір емес. адамға ілімі
пайда бермесе
ілім емес. “ақылмен арыстан ұстайсың, күшпен тышқан да аулай алмайсың” депті.
…нәпсіқұмарларға қымбатқа түсетін нәрсені сабырлылар тегін пайдаланады

234. тегилмас мурадқа ахы ер тегар
(қол) жетпейтін мұратқа
жомарттың
қолы жетер.
“Һибат-ул хақайиқ” (ХІІ ғ.)
Ахмед Йүгінеки.
қайыр-садақа деген “оннан бірін беру емес”, әсілінде, “оннан тоғызын
сақтап қалу
”
.
капитализм байлықты ақша жиып, ИЕ болу деп ұқтырған. тегінде, байлық қанағат қана…
дүниенің иесі жоқ.

➖
⭐️
➖
Құдайдың алғашқы бұйрығы “жаз” еді. қаламға айтқан.
иләһи қаламға
. біз білетін қауырсын қалам, сия қалам емес-ті. ал Құранның әуелгі бұйрығы “оқы” болды.
оқы, жаз. жаз да оқы.
кірісу керек, тырысу керек қасиетті қарым, міндеттелген машық осы екеуі – оқығанды жазу, жазғанды оқу.
“тағдырды жаз!” дегенде әлмисақ әлем, он сегіз мың ғалам біз білмейтін иләһи қаламның “сиясынан” тағдыр тақтасына түсіпті. ғазиз ғұмырдың пішін-пошымы, пәруайсыз пенде біткеннің көңіл әлемі мен қыбыр-жыбыр тіршілік атаулы, жеті қақ көк пен тау-тастың тамыры сол бұйрықтан туған…
біз білмейтін “қалам” бар
. жазу періштелері де. ол хақ.
тағдыр тақтасына түскен еншілі таңбаның тұжырымы – біз.
пәрменді орындаушы – қасиетті қалам.
қалам бізден бұрын жаратылған демек. қалам адамнан қырағы. жазу жаңылдырмайды. қаламға серт етілген. бізде жоқ жүйе жазуда бар, бізде жоқ қағілездік қаламда бар.
қаламның сәждесі – қағаз. құлшылығы – жазу. дәреті – сия.
жұмырбасты пенде де қолға қалам алуы өз дәргейінде құлшылық, бәлки. қалам мен қағаздың ынтықтығынан ғаламның ғажайып сырлары жазылды, рухы кемел, пайымы терең арда азаматтарды, даналықтың диқаншыларын, “дала қоңырауларын” туғызды, көңілдегі көрікті ой көркем өнерге ұласып, қалам мен қағаздың құштарлығынан батыс пен шығысқа ілім дәриясы құйылды, дүн-дүние құснихатқа толды. ғасырлар мұрасын ұрпақтан-ұрпаққа дін аман тапсырушы да қалам еді. қалам – қылыштан өткір, қауырсыннан жеңіл, жібектен жұмсақ, таудан үлкен, тастан қатты, жарықтан жылдам, уақыттан озық. қазақтың қара өлеңіндегідей, “қалам алып қолыма жазамын хат, өзім арзан болғанмен, сөзім қымбат,беу айдай”. ақыл-ойдың шыңы, көрген-баққанның ақысы, жиған-тергеннің шүкірі, данышпандардың пікірі –
жазуға кірісу, тоқтаусыз оқуға тырысу.
➖
⭐️
➖

🔑
қолданып жүрген кілт қана жалтырап тұрады. құлып ашпаған кілтті тот басады.
жігіт те сол
– жауапкершілік алмаса, санаға салмақ салмаса, қарайып қалады. бауырым, ой еңбегін ұмытпайық. оңғаққа құмартпайық.
жеңіл іс=жеңіліс.

❗️
кітап талдайық! кеш жарық, ойлы оқырман! онлайндағы ойталқыға тіркеу ашық. бір ай ішінде (зумда) екі рет кезігіп, Абай-Ғазалидің “егізаяғына” асықпай-аптықпай тоқталамыз, бұйырса. ойға ой қосыңыз. санаға салмақ салыңыз… p.s. кітапталқы “баяу оқу” форматына…