Аслан Орақбай

Тік жүргенің - кейбіреулерге батуы мүмкін.
Өмірде бір қайшылық бар:
Өз өмірі ретсіз адамдар, өзгенің өмірін реттеуге тырысады. Өздері батылдық жасай алмаған нәрселерді саған «қауіпті» деп көрсетеді. Өздері жүріп көрмеген жолдарды «қатерлі» деп сипаттайды. Қолынан келмеген нәрселерін сені кішірейту арқылы ақтауға тырысады.
Себебі адам кейде айнаға қарауға батылы жетпегенде, өзгенің терезесіне тас лақтырады. Өз өмірінде тәртіп жоқ, бірақ сенің өміріңді сынайды. Өз бақытсыздығын шеше алмаған, бірақ сенің бақытыңды күмәнға алады. Өзінің қорқақтығын «ақыл» деп сатады.
Есіңде болсын: Өз өмірін құра алмаған адам сенің өміріңе бағыт бере алмайды. Сондықтан түсіндіруге тырыспа. Дәлелдеуге ұмтылма. Ешкімнің мақұлдауын іздеме.
Кей адамдар сені сынамайды - олар сенен жай ғана мазасызданады.
Ең көтере алмайтыны - мынау: Сен олардың істей алмағанын істеп жүрсің.
Сөйлей берсін. Сен өз жолыңмен жүр.
Себебі сәтсіздіктің ең оңай қорғаны - өзгенің жетістігін кішірейту.
"сенің қамқор ағаң - 2" кітабынан

Сәуірдің жаңбыры - мамырдың гүлін әкеледі.
"сенің қамқор ағаң - 2" кітабынан

Махаббат
Алланы сүй,
Алланың жауһарын сез,
Сонда ашылар жүректе гауһарлы көз.
Сол жүректің кірпігі серпілгенде,
Естіледі кеудеңнен аңсарлы сөз.
Сонда ұшасың құс болып, қанат қағып,
Кеуде ішінде бақ гүлдеп, жаннаттанып.
Күн де саған күлімдеп, бояу шашар,
Ай да сені тербетер, орақтанып.
Сен көресің дүниенің сыртын, ішін,
Бәрі – сенің бақытың, күлкің үшін.
Құйылғанда жүрекке бір тылсым нұр,
Қазынаға толады-ай, шіркін, ішің.
Кеудеңде жарқырайды бір жұмыр ет,
Жұмыр етті тәубемен мың тіліп өт.
Ішіңдегі бақшаның ортасына,
Сиқырлы бір гүлдердің түр-түрін ек.
Алланың хикметін сез,
Ғаламды сүй.
Алланың хикметін сез,
Адамды сүй,
Балықты сүй,
құстарды сүй,
жәндікті сүй,
Орманды сүй,
далаңды сүй,
бар аңды сүй.
Анаңды сүй,
Әкеңді сүй,
балаңды сүй,
Бәрінен де әуелі,
Аллаңды сүй!
“Сафарнама” кітабынан

Шүкір - жай ғана айтылатын сөз емес, ол -
ө
мірде амалға асырылуы тиіс өмір салты (өмір сүру қағидасы).

Ең жаман кемшілік, біреудің кемшілігіне әуес болу…

Көңілі құлазығанға серік, еңсесі түскенге дем бол! Адасқанға жол сілтер, өзін жоғалтқанға өзін табуға көмектес. Ештеңе істей алмасаң да жай ғана ол сезінген нәрсені сезіне алатыныңды көрсет.
Бір нәрсе істеу үшін супермендік керек емес, жай ғана адамдығыңды көрсет.
📘
”КОМПАС” кітабынан үзінді

Махаббатта есеп дәптері жоқ. «Мен көбірек бердім, ол аз берді» секілді уайым да жоқ. «Маған еш нәрсе бере алмағаны үшін енді оны жақсы көрмеймін» деген түсінік жоқ махаббатта.
📘
сенің қамқор ағаң

Өз жұлдызыңды жағу үшін басқаның жұлдызын сөндіру шарт емес.

Сізге қатысы жоқ нәрсеге араласпаңыз. Бұл құбылыстың нәтижесінде өміріңізде ерекше есіктердің ашылғанын көресіз. Әсіресе күйзеліс атаулыдан аулақ боласыз.

Көреалмаушылықтың ең үлкен белгісі – құнсыздандыру. Адамның болмысын, оның еңбегін, жетістіктерін, талпыныстарын құнсыздандыру.