Namangan shahar hokimligi | Rasmiy telegram kanali

Даромад ошса — оила фаровон, маҳалла обод
Наманган шаҳар ҳокими Аюбхон Камалов “Марғилон” маҳалласида аҳоли бандлигини таъминлаш, оилаларни камбағалликдан чиқариш, уларнинг даромад манбаларини кенгайтириш ҳамда тадбиркорлик ташаббусларини қўллаб-қувватлаш борасида маҳалла еттилиги томонидан амалга оширилаётган ишлар билан танишди.
Ўрганиш давомида фуқароларни иш билан таъминлаш, ўзини ўзи банд қилиш ва тадбиркорлик фаолиятини йўлга қўйиш учун имтиёзли кредит ҳамда ссудалар ажратиш, бунинг ҳисобига оилаларнинг барқарор даромад манбаларини шакллантириш масалаларига алоҳида эътибор қаратилди.
Маълумот ўрнида, “Марғилон” маҳалласида жами
2 019 та оила
истиқомат қилади. Жорий йилнинг 1 август ҳолатига “Камбағал оила” реестрига киритилган оилалар сони
232 тани
ташкил этган. Бугунги кунга қадар кўрилган амалий чоралар натижасида
69 та оиланинг даромадлари яхшиланиб, реестрдан чиқарилган
.
Маҳаллада камбағалликни қисқартиришнинг асосий мезони сифатида ҳар бир оилага индивидуал ёндашиш, мавжуд имкониятлардан самарали фойдаланиш ва фуқароларни доимий даромад манбаи билан таъминлашга устувор аҳамият қаратилмоқда. Ўрганиш якунида аниқланган масалаларни манзилли ҳал этиш ҳамда камбағалликдан чиқарилган оилаларнинг барқарорлигини таъминлаш юзасидан масъулларга тегишли топшириқлар берилди.
Наманган шаҳар ҳокимлиги Матбуот хизмати
_______
Daromad oshsa — oila farovon, mahalla obod
Namangan shahar hokimi Ayubxon Kamalov “Marg‘ilon” mahallasida aholi bandligini ta’minlash, oilalarni kambag‘allikdan chiqarish, ularning daromad manbalarini kengaytirish hamda tadbirkorlik tashabbuslarini qo‘llab-quvvatlash borasida mahalla yettiligi tomonidan amalga oshirilayotgan ishlar bilan tanishdi.
O‘rganish davomida fuqarolarni ish bilan ta’minlash, o‘zini o‘zi band qilish va tadbirkorlik faoliyatini yo‘lga qo‘yish uchun imtiyozli kredit hamda ssudalar ajratish, buning hisobiga oilalarning barqaror daromad manbalarini shakllantirish masalalariga alohida e’tibor qaratildi.
Ma’lumot o‘rnida, “Marg‘ilon” mahallasida jami
2 019 ta oila
istiqomat qiladi. Joriy yilning 1-avgust holatiga “Kambag‘al oila” reyestriga kiritilgan oilalar soni
232 tani
tashkil etgan. Bugungi kunga qadar ko‘rilgan amaliy choralar natijasida
69 ta oilaning daromadlari yaxshilanib, reyestrdan chiqarilgan
.
Mahallada kambag‘allikni qisqartirishning asosiy mezoni sifatida har bir oilaga individual yondashish, mavjud imkoniyatlardan samarali foydalanish va fuqarolarni doimiy daromad manbai bilan ta’minlashga ustuvor ahamiyat qaratilmoqda. O‘rganish yakunida aniqlangan masalalarni manzilli hal etish hamda kambag‘allikdan chiqarilgan oilalarning barqarorligini ta’minlash yuzasidan mas’ullarga tegishli topshiriqlar berildi.
Namangan shahar hokimligi Matbuot xizmati
Sayt
|
Telegram
|
Facebook
|
Instagram
|
X
|
YouTube

Prezident Shavkat Mirziyoyev chiqindilarni termik qayta ishlash orqali elektr energiyasi ishlab chiqarish boʻyicha investitsiya loyihalari
taqdimoti
bilan tanishdi.
—
Президент Шавкат Мирзиёев ознакомился
с презентацией
инвестиционных проектов по производству электроэнергии путем термической переработки отходов.
#Mirziyoyev
#taqdimot
#yashiliqtisodiyot
#energetika
Prezident.uz
|
Facebook
|
Instagram
|
YouTube
|
X

Prezident Shavkat Mirziyoyev madaniy merosni asrab-avaylash, muzey ishini rivojlantirish va Oʻzbekiston madaniyatini xalqaro maydonda targʻib qilish boʻyicha amalga oshiriladigan ishlar yuzasidan
taqdimot
bilan tanishdi.
—
Президент Шавкат Мирзиёев ознакомился
с презентацией
о дальнейшей работе по сохранению культурного наследия, развитию музейного дела и продвижению культуры Узбекистана на международной арене.
#Mirziyoyev
#taqdimot
#madaniyat
#meros
Prezident.uz
|
Facebook
|
Instagram
|
YouTube
|
X

Қизлар учун янги имкониятлар эшиги очилмоқда
Бугун замонавий билим ва касб-ҳунар ёшлар учун шунчаки имконият эмас, балки келажак сари очилаётган кенг йўлдир. Айниқса, қизларнинг замонавий касбларни эгаллаши, рақамли технологиялар ва сунъий интеллект имкониятларидан самарали фойдаланиши уларнинг жамиятдаги фаоллиги ва иқтисодий мустақиллигини таъминлашда муҳим аҳамият касб этади.
Шу мақсадда Наманган шаҳридаги 1-сонли техникумда қизлар билан учрашув ўтказилиб, замонавий ва даромадли касбларни эгаллаш, рақамли кўникмаларни ривожлантириш ҳамда сунъий интеллект имкониятларидан унумли фойдаланиш бўйича тушунчалар берилди.
Мулоқот давомида «Қизлар академияси» платформаси, унинг имкониятлари, онлайн таълим ва касбий ривожланиш учун яратилган шароитлар ҳақида батафсил маълумот берилди. Қизларнинг қизиқиш ва қобилиятлари ўрганилиб, уларни замонавий касбларга йўналтириш, янги кўникмаларни эгаллаш ва ўз устида мунтазам ишлаш юзасидан тавсиялар берилди.
Зеро, бугунги қиз — эртанги куннинг билимли мутахассиси, тадбиркори ва фаол фуқаросидир. Унга зарур билим, кўникма ва имконият берилса, ўз келажагини ўзи қуришга қодир. Ушбу учрашув ҳам ана шу мақсад — ҳар бир қизга замонавий билим ва касб орқали муносиб келажак сари ишончли қадам ташлаш имконини яратишга хизмат қилади.
Наманган шаҳар ҳокимлиги Матбуот хизмати
_________
Qizlar uchun yangi imkoniyatlar eshigi ochilmoqda
Bugun zamonaviy bilim va kasb-hunar yoshlar uchun shunchaki imkoniyat emas, balki kelajak sari ochilayotgan keng yo‘ldir. Ayniqsa, qizlarning zamonaviy kasblarni egallashi, raqamli texnologiyalar va sun’iy intellekt imkoniyatlaridan samarali foydalanishi ularning jamiyatdagi faolligi va iqtisodiy mustaqilligini ta’minlashda muhim ahamiyat kasb etadi.
Shu maqsadda Namangan shahridagi 1-sonli texnikumda qizlar bilan uchrashuv o‘tkazilib, zamonaviy va daromadli kasblarni egallash, raqamli ko‘nikmalarni rivojlantirish hamda sun’iy intellekt imkoniyatlaridan unumli foydalanish bo‘yicha tushunchalar berildi.
Muloqot davomida «Qizlar akademiyasi» platformasi, uning imkoniyatlari, onlayn ta’lim va kasbiy rivojlanish uchun yaratilgan sharoitlar haqida batafsil ma’lumot berildi. Qizlarning qiziqish va qobiliyatlari o‘rganilib, ularni zamonaviy kasblarga yo‘naltirish, yangi ko‘nikmalarni egallash va o‘z ustida muntazam ishlash yuzasidan tavsiyalar berildi.
Zero, bugungi qiz — ertangi kunning bilimli mutaxassisi, tadbirkori va faol fuqarosidir. Unga zarur bilim, ko‘nikma va imkoniyat berilsa, o‘z kelajagini o‘zi qurishga qodir. Ushbu uchrashuv ham ana shu maqsad — har bir qizga zamonaviy bilim va kasb orqali munosib kelajak sari ishonchli qadam tashlash imkonini yaratishga xizmat qiladi.
Namangan shahar hokimligi Matbuot xizmati
Sayt
|
Telegram
|
Facebook
|
Instagram
|
X
|
YouTube

Имконият — янги ҳаёт сари очилган эшик
Наманган шаҳрида “Ёшлар куни” доирасида Ўзбекистон Республикаси Мустақиллигининг 35 йиллиги муносабати билан Президентимиз томонидан афв этилган ёшлар билан очиқ мулоқот ташкил этилди.
Унда Наманган шаҳар ҳокими Аюбхон Камалов ёшлар билан самимий суҳбатлашиб, уларнинг ҳаётида янги саҳифа очиш, жамиятда ўз ўрнини топиши ва келажакка ишонч билан қадам қўйиши учун яратилаётган имкониятлар ҳақида сўз юритди. Мулоқот давомида ёшларнинг таклиф ва мулоҳазалари, мавжуд муаммолари тингланиб, уларни қийнаётган масалаларга амалий ечим топиш бўйича тегишли вазифалар белгиланди.
Айниқса, ёшларнинг бандлигини таъминлаш, уларни касб-ҳунарга йўналтириш, меҳнат бозорида ўз ўрнини топишига кўмаклашиш масалаларига алоҳида эътибор қаратилди. Ҳар бир ёшнинг қизиқиши ва имкониятидан келиб чиқиб, муносиб иш билан таъминлаш бўйича зарур чоралар кўриш юзасидан масъулларга топшириқлар берилди.
Очиқ ва самимий руҳда ўтган мулоқотда ёшларга давлат томонидан берилган ушбу имкониятни қадрлаш, ундан унумли фойдаланиш, ўз устида ишлаб, ҳалол меҳнат орқали ҳаётини янгидан қуриш зарурлиги таъкидланди.
Зеро, кечаги хатолар инсоннинг бутун келажагини белгилаб бермайди. Муҳими, берилган имкониятдан тўғри фойдаланиб, янги ҳаёт сари дадил қадам ташлашдир.
Наманган шаҳар ҳокимлиги Матбуот хизмати
_________
Imkoniyat — yangi hayot sari ochilgan eshik
Namangan shahrida “Yoshlar kuni” doirasida O‘zbekiston Respublikasi Mustaqilligining 35 yilligi munosabati bilan Prezidentimiz tomonidan afv etilgan yoshlar bilan ochiq muloqot tashkil etildi.
Unda Namangan shahar hokimi Ayubxon Kamalov yoshlar bilan samimiy suhbatlashib, ularning hayotida yangi sahifa ochish, jamiyatda o‘z o‘rnini topishi va kelajakka ishonch bilan qadam qo‘yishi uchun yaratilayotgan imkoniyatlar haqida so‘z yuritdi. Muloqot davomida yoshlarning taklif va mulohazalari, mavjud muammolari tinglanib, ularni qiynayotgan masalalarga amaliy yechim topish bo‘yicha tegishli vazifalar belgilandi.
Ayniqsa, yoshlarning bandligini ta’minlash, ularni kasb-hunarga yo‘naltirish, mehnat bozorida o‘z o‘rnini topishiga ko‘maklashish masalalariga alohida e’tibor qaratildi. Har bir yoshning qiziqishi va imkoniyatidan kelib chiqib, munosib ish bilan ta’minlash bo‘yicha zarur choralar ko‘rish yuzasidan mas’ullarga topshiriqlar berildi.
Ochiq va samimiy ruhda o‘tgan muloqotda yoshlarga davlat tomonidan berilgan ushbu imkoniyatni qadrlash, undan unumli foydalanish, o‘z ustida ishlab, halol mehnat orqali hayotini yangidan qurish zarurligi ta’kidlandi.
Zero, kechagi xatolar insonning butun kelajagini belgilab bermaydi. Muhimi, berilgan imkoniyatdan to‘g‘ri foydalanib, yangi hayot sari dadil qadam tashlashdir.
Namangan shahar hokimligi Matbuot xizmati
Sayt
|
Telegram
|
Facebook
|
Instagram
|
X
|
YouTube

"Ёшлар куни" доирасида ёшларнинг муаммолари ўрганилмоқда
“Ёшлар куни” доирасида Наманган шаҳар ҳокими Аюбхон Камалов “Чаман” маҳалласида истиқомат қилувчи, болалигидан соғлиғида нуқсони бўлган ёш Хамидова Маржонанинг хонадонида бўлиб, унинг яшаш шароити, қизиқишлари, орзу-интилишлари ва кундалик эҳтиёжлари билан яқиндан танишди.
Самимий суҳбат давомида Маржонанинг фикр ва таклифлари, келгусидаги мақсадлари тингланиб, уни қўллаб-қувватлашнинг аниқ йўналишлари белгилаб олинди. Ёшнинг мурожаатларидан келиб чиқиб, аниқланган масалаларни ҳал этиш, зарур тиббий, ижтимоий ва маиший кўмак кўрсатиш юзасидан масъулларга тегишли топшириқлар берилди.
Бугун ёшлар билан ишлашда асосий мезон — уларнинг муаммосини шунчаки эшитиш эмас, балки ҳар бир мурожаат ортида турган инсон тақдирига эътибор қаратиб, амалий ечим топишдир. Бундай манзилли учрашувлар эҳтиёжманд ёшларни қўллаб-қувватлаш, уларнинг имкониятларини рўёбга чиқариш ва муносиб ҳаёт кечириши учун зарур шарт-шароитларни яратишга хизмат қилмоқда.
Наманган шаҳар ҳокимлиги Матбуот хизмати
_________
"Yoshlar kuni" doirasida yoshlarning
muammolari o'rganilmoqda
“Yoshlar kuni” doirasida Namangan shahar hokimi Ayubxon Kamalov “Chaman” mahallasida istiqomat qiluvchi, bolaligidan sog‘lig‘ida nuqsoni bo‘lgan yosh Xamidova Marjonaning xonadonida bo‘lib, uning yashash sharoiti, qiziqishlari, orzu-intilishlari va kundalik ehtiyojlari bilan yaqindan tanishdi.
Samimiy suhbat davomida Marjonaning fikr va takliflari, kelgusidagi maqsadlari tinglanib, uni qo‘llab-quvvatlashning aniq yo‘nalishlari belgilab olindi. Yoshning murojaatlaridan kelib chiqib, aniqlangan masalalarni hal etish, zarur tibbiy, ijtimoiy va maishiy ko‘mak ko‘rsatish yuzasidan mas’ullarga tegishli topshiriqlar berildi.
Bugun yoshlar bilan ishlashda asosiy mezon — ularning muammosini shunchaki eshitish emas, balki har bir murojaat ortida turgan inson taqdiriga e’tibor qaratib, amaliy yechim topishdir. Bunday manzilli uchrashuvlar ehtiyojmand yoshlarni qo‘llab-quvvatlash, ularning imkoniyatlarini ro‘yobga chiqarish va munosib hayot kechirishi uchun zarur shart-sharoitlarni yaratishga xizmat qilmoqda.
Namangan shahar hokimligi Matbuot xizmati
Sayt
|
Telegram
|
Facebook
|
Instagram
|
X
|
YouTube

Фуқароларнинг уюшқоқлиги билан "Чаман" маҳалласи обод этилмоқда
Маҳалла ободлиги, аввало, шу ҳудудда яшаётган аҳолининг дахлдорлиги ва ташаббускорлигидан бошланади. Бугун “Чаман” маҳалласида амалга оширилаётган бунёдкорлик ишлари ҳам ана шундай ҳамжиҳатлик ва уюшқоқликнинг амалий ифодасига айланмоқда.
Маҳалла аҳли ташаббуси билан ички кўчаларни асфалтлаш лойиҳаси “Ташаббусли буджет” жараёнида ғолибликни қўлга киритган эди. Айни пайтда асфалтлаш ишларига тайёргарлик жараёнида фуқаролар ҳашар йўли билан кўчаларга бетон ариқлар ётқизиб, ҳудуд инфратузилмасини янада яхшилашга ўз ҳиссаларини қўшмоқда.
Бу каби жамоавий саъй-ҳаракатлар нафақат кўчаларни ободонлаштириш, балки маҳалланинг умумий қиёфасини тубдан ўзгартириш, муҳандислик инфратузилмасини яхшилаш ва аҳоли учун янада қулай шароит яратишга хизмат қилади.
Наманган шаҳар ҳокими Аюбхон Камалов маҳалладаги ўрганишлар давомида амалга оширилаётган ушбу ишлар билан ҳам танишди. Маҳалла аҳлининг ташаббускорлиги ва уюшқоқлигини юқори баҳолаб, халқнинг бундай эзгу ташаббуслари давлат томонидан доимо қўллаб-қувватланишини таъкидлади.
Энг муҳими, “Чаман”даги бу жараён ободлик фақат давлат маблағи ёки ташкилотлар фаолияти билан эмас, балки аҳолининг ўз ҳудудига бўлган дахлдорлиги ва бирдамлиги билан ҳам яратилишини кўрсатмоқда.
Наманган шаҳар ҳокимлиги Матбуот хизмати
_________
Fuqarolarning uyushqoqligi bilan "Chaman" mahallasi obod etilmoqda
Mahalla obodligi, avvalo, shu hududda yashayotgan aholining daxldorligi va tashabbuskorligidan boshlanadi. Bugun “Chaman” mahallasida amalga oshirilayotgan bunyodkorlik ishlari ham ana shunday hamjihatlik va uyushqoqlikning amaliy ifodasiga aylanmoqda.
Mahalla ahli tashabbusi bilan ichki ko‘chalarni asfaltlash loyihasi “Tashabbusli budjet” jarayonida g‘oliblikni qo‘lga kiritgan edi. Ayni paytda asfaltlash ishlariga tayyorgarlik jarayonida fuqarolar hashar yo‘li bilan ko‘chalarga beton ariqlar yotqizib, hudud infratuzilmasini yanada yaxshilashga o‘z hissalarini qo‘shmoqda.
Bu kabi jamoaviy sa’y-harakatlar nafaqat ko‘chalarni obodonlashtirish, balki mahallaning umumiy qiyofasini tubdan o‘zgartirish, muhandislik infratuzilmasini yaxshilash va aholi uchun yanada qulay sharoit yaratishga xizmat qiladi.
Namangan shahar hokimi Ayubxon Kamalov mahalladagi o‘rganishlar davomida amalga oshirilayotgan ushbu ishlar bilan ham tanishdi. Mahalla ahlining tashabbuskorligi va uyushqoqligini yuqori baholab, xalqning bunday ezgu tashabbuslari davlat tomonidan doimo qo‘llab-quvvatlanishini ta’kidladi.
Eng muhimi, “Chaman”dagi bu jarayon obodlik faqat davlat mablag‘i yoki tashkilotlar faoliyati bilan emas, balki aholining o‘z hududiga bo‘lgan daxldorligi va birdamligi bilan ham yaratilishini ko‘rsatmoqda.
Namangan shahar hokimligi Matbuot xizmati
Sayt
|
Telegram
|
Facebook
|
Instagram
|
X
|
YouTube

Prezident Shavkat Mirziyoyev elektrotexnika sanoatini yangi bosqichga olib chiqish va raqobatbardosh mahsulotlar ishlab chiqarishni qoʻllab-quvvatlash yuzasidan
taqdimot
bilan tanishdi.
—
Президент Шавкат Мирзиёев ознакомился
с презентацией
по вопросам развития электротехнической промышленности и поддержки производства конкурентоспособной продукции.
#Mirziyoyev
#taqdimot
#sanoat
#elektrotexnika
Prezident.uz
|
Facebook
|
Instagram
|
YouTube
|
X

Куз-қиш мавсумига тайёргарлик: барқарорлик ва масъулият талаби
Ўзбекистон Республикаси Бош прокурори ўринбосари Салом Самадов бошчилигида Наманган шаҳрида куз-қиш мавсумини беталафот ўтказишга пухта тайёргарлик кўриш, шунингдек, коммунал хизматлар бўйича юзага келган дебитор қарздорликларни бартараф этиш масалаларига бағишланган муҳокама йиғилиши бўлиб ўтди.
Унда Наманган шаҳар, Давлатобод ва Янги Наманган туманлари ҳокимлари, ҳуқуқни муҳофаза қилувчи органлар раҳбарлари ҳамда коммунал хизмат кўрсатиш ташкилотларининг масъул мутасаддилари иштирок этди.
Йиғилишда ҳудудларда куз-қиш мавсумига тайёргарлик доирасида амалга оширилаётган ишларнинг ҳолати, мавжуд муаммолар ва аниқланган камчиликлар атрофлича таҳлил қилинди. Хусусан, аҳоли хонадонлари ва ижтимоий соҳа обектларини коммунал хизматлар билан барқарор таъминлаш, муҳандислик тармоқларининг шайлигини таъминлаш ҳамда мавсум давомида юзага келиши мумкин бўлган муаммоларнинг олдини олиш масалаларига алоҳида эътибор қаратилди.
Шунингдек, коммунал хизматлардан фойдаланиш натижасида шаклланган дебитор қарздорликларни қисқартириш ва мавжуд қарздорликларни ундириш бўйича амалга оширилаётган ишлар муҳокама қилинди. Аниқланган камчиликларни қисқа муддатларда бартараф этиш, қарздорликларни ундириш чораларини кучайтириш ҳамда масъул раҳбарларнинг бу борадаги шахсий жавобгарлигини ошириш юзасидан тегишли мутасаддиларга аниқ топшириқ ва кўрсатмалар берилди.
Муҳокама якунида белгиланган вазифалар ижросини қатъий назоратга олиш, куз-қиш мавсумида аҳолига коммунал хизматларни узлуксиз ва сифатли кўрсатиш, шунингдек, аниқланган муаммоларга манзилли ва амалий ечим топиш бўйича устувор вазифалар белгилаб олинди.
Наманган шаҳар ҳокимлиги Матбуот хизмати
_________
Kuz-qish mavsumiga tayyorgarlik: barqarorlik va mas’uliyat talabi
O‘zbekiston Respublikasi Bosh prokurori o‘rinbosari Salom Samadov boshchiligida Namangan shahrida kuz-qish mavsumini betalafot o‘tkazishga puxta tayyorgarlik ko‘rish, shuningdek, kommunal xizmatlar bo‘yicha yuzaga kelgan debitor qarzdorliklarni bartaraf etish masalalariga bag‘ishlangan muhokama yig‘ilishi bo‘lib o‘tdi.
Unda Namangan shahar, Davlatobod va Yangi Namangan tumanlari hokimlari, huquqni muhofaza qiluvchi organlar rahbarlari hamda kommunal xizmat ko‘rsatish tashkilotlarining mas’ul mutasaddilari ishtirok etdi.
Yig‘ilishda hududlarda kuz-qish mavsumiga tayyorgarlik doirasida amalga oshirilayotgan ishlarning holati, mavjud muammolar va aniqlangan kamchiliklar atroflicha tahlil qilindi. Xususan, aholi xonadonlari va ijtimoiy soha obyektlarini kommunal xizmatlar bilan barqaror ta’minlash, muhandislik tarmoqlarining shayligini ta’minlash hamda mavsum davomida yuzaga kelishi mumkin bo‘lgan muammolarning oldini olish masalalariga alohida e’tibor qaratildi.
Shuningdek, kommunal xizmatlardan foydalanish natijasida shakllangan debitor qarzdorliklarni qisqartirish va mavjud qarzdorliklarni undirish bo‘yicha amalga oshirilayotgan ishlar muhokama qilindi. Aniqlangan kamchiliklarni qisqa muddatlarda bartaraf etish, qarzdorliklarni undirish choralarini kuchaytirish hamda mas’ul rahbarlarning bu boradagi shaxsiy javobgarligini oshirish yuzasidan tegishli mutasaddilarga aniq topshiriq va ko‘rsatmalar berildi.
Muhokama yakunida belgilangan vazifalar ijrosini qat’iy nazoratga olish, kuz-qish mavsumida aholiga kommunal xizmatlarni uzluksiz va sifatli ko‘rsatish, shuningdek, aniqlangan muammolarga manzilli va amaliy yechim topish bo‘yicha ustuvor vazifalar belgilab olindi.
Namangan shahar hokimligi Matbuot xizmati
Sayt
|
Telegram
|
Facebook
|
Instagram
|
X
|
YouTube

Ижтимоий ҳимоя — манзилли эътибор ва амалий ечимлар
Ҳар бир оиланинг ҳаётидаги муаммо ва эҳтиёжларга бефарқ бўлмаслик, ижтимоий ҳимояга муҳтож хонадонларни манзилли қўллаб-қувватлаш бугунги кундаги устувор вазифалардан биридир.
Наманган шаҳар ҳокими “Чаман” МФЙ ҳудудида яшовчи ижтимоий ҳимояга муҳтож оила хонадонида бўлиб, уларнинг яшаш шароити, ижтимоий ва моддий ҳолати билан танишди. Оилани камбағалликдан чиқариш, бандлигини таъминлаш ва даромад манбаларини кенгайтириш борасида шу пайтгача амалга оширилган ишлар атрофлича таҳлил қилинди.
Мулоқот давомида оиланинг мавжуд муаммолари ва эҳтиёжлари ўрганилиб, аниқланган камчиликларни бартараф этиш, уларга амалий кўмак кўрсатиш ҳамда ижтимоий ҳолатини янада яхшилаш юзасидан масъулларга аниқ топшириқлар берилди.
Наманган шаҳар ҳокимлиги Матбуот хизмати
_________
Ijtimoiy himoya — manzilli e’tibor va amaliy yechimlar
Har bir oilaning hayotidagi muammo va ehtiyojlarga befarq bo‘lmaslik, ijtimoiy himoyaga muhtoj xonadonlarni manzilli qo‘llab-quvvatlash bugungi kundagi ustuvor vazifalardan biridir.
Namangan shahar hokimi “Chaman” MFY hududida yashovchi ijtimoiy himoyaga muhtoj oila xonadonida bo‘lib, ularning yashash sharoiti, ijtimoiy va moddiy holati bilan tanishdi. Oilani kambag‘allikdan chiqarish, bandligini ta’minlash va daromad manbalarini kengaytirish borasida shu paytgacha amalga oshirilgan ishlar atroflicha tahlil qilindi.
Muloqot davomida oilaning mavjud muammolari va ehtiyojlari o‘rganilib, aniqlangan kamchiliklarni bartaraf etish, ularga amaliy ko‘mak ko‘rsatish hamda ijtimoiy holatini yanada yaxshilash yuzasidan mas’ullarga aniq topshiriqlar berildi.
Namangan shahar hokimligi Matbuot xizmati
Sayt
|
Telegram
|
Facebook
|
Instagram
|
X
|
YouTube