Банкирлар учун
⚡️
ЧАКАНА ТЎЛОВЛАРНИ ЯГОНА СВИТЧ ОРҚАЛИ ЎТКАЗИШ ТАРТИБИ ТАСДИҚЛАНДИ
Марказий банк бошқарувининг
3960-сон билан давлат рўйхатидан ўтказилган қарори
асосида банк карталари, электрон пуллар ва мобил иловалар орқали амалга ошириладиган чакана тўловларни ягона тизим орқали ўтказиш тартиби белгиланди.
☑️
Янги тартибга кўра,
Ўзбекистон банклари томонидан чиқарилган халқаро банк карталари ва электрон пуллар орқали сўмда амалга ошириладиган чакана тўловлар, пул ўтказмалари, шунингдек мобил иловалар орқали жисмоний шахслар ўртасидаги пул ўтказмалари
Марказий банкнинг ягона тўлов свитчи орқали қайта ишланади.
👉
Тўлов свитчи
— бу банклар ва тўлов тизимлари ўртасидаги операцияларни қабул қилиш, текшириш, тегишли банкка йўналтириш ҳамда ўзаро ҳисоб-китобларни ташкил этишга хизмат қиладиган марказлашган инфратузилма. Яъни мижозлар учун алоҳида илова эмас, балки тўловлар ортида ишлайдиган ягона технологик тизим ҳисобланади.
☑️
Низомга мувофиқ,
тўловларни йўналтириш жараёни 24/7 режимида
, яъни кечаю кундуз ташкил этилади. Тизимга банклар бевосита иштирокчи сифатида, тўлов ташкилотлари ва тўлов тизимлари операторлари эса ҳисоб-китоб банки орқали уланади. Уланиш бўйича аризаларни кўриб чиқиш ва тегишли қарор қабул қилишнинг умумий муддати
30 иш кунидан ошмаслиги
белгиланган.
☑️
Шунингдек, тўлов хизматларини кўрсатувчи ташкилотларга
мижознинг розилигисиз тўловни бошлаш, тўлов реквизитларини бир томонлама ўзгартириш тақиқланади
. Банк сири, шахсий маълумотлар ва операциялар хавфсизлиги таъминланиши шарт. Хато ўтказмаларни тузатиш, пулни қайтариш ҳамда низоларни ҳал қилиш амалдаги қонунчилик ва тегишли тўлов тизимлари қоидалари асосида амалга оширилади.
Мазкур қарор 2027 йил 25 январдан кучга киради.
Каналга уланиш
👉🏻
@Bankxabar
Банк мижозлари билиши керак бўлган 19 та муҳим ҳолатни бир жойга жамладик
Банкдан кредит олган, карта ёки ҳисобварақ очган, гаровга мулк қўйган фуқаролар турли вазиятларга дуч келади. Айрим ҳолларда мижоз ўз ҳуқуқларини билмайди, баъзида эса банк қандай ҳаракат қилиши кераклиги тушунарсиз бўлиб қолади.
@Bankxabar
каналида шу пайтгача банк ва мижоз ўртасидаги муносабатларга оид кўплаб масалаларни қонунчилик асосида тушунтириб келдик. Энг керакли материалларни бир жойга жамладим.
Ҳар бир мавзу устига босиб, батафсил тушунтириш билан танишишингиз мумкин.
☑️
Кредит тарихи ёмонлашган фуқаро қачон яна кредит олиши мумкинлиги
, салбий маълумотлар қанча вақт сақланиши ва кредит тарихини яхшилаш тартиби.
☑️
Кредит тўлови кечикканда банк мижозни дарҳол судга бериши мумкинлиги
ҳамда судгача қарздорликни ундириш тартиби.
☑️
Банк ходими кредит қарзини ундириш учун мижознинг уйига бориши ёки телефон қилиши
, бунда мижознинг шахсий маълумотларини ҳимоя қилиш талаблари.
☑️
Кредит тўлови кечиктирилганда пеня ва қўшимча тўловларни ҳисоблаш
бўйича белгиланган чекловлар.
☑️
Суд қарори чиққандан кейин микроқарз учун фоиз ҳисоблаш масаласи
ва бу борадаги ҳуқуқий тушунмовчиликлар.
☑️
Кредит учун белгиланган ойлик тўловдан ортиқча пул тўланганда унинг асосий қарзга йўналтирилиши
, банк ҳисоб-китоблари билан боғлиқ муаммолар.
☑️
Кредит муддатидан олдин тўлиқ ёпилганда суғурта пулини қайтариб олиш
шартлари, қайтариладиган суммани ҳисоблаш ва мурожаат қилиш тартиби.
☑️
Кредит тўлиқ тўлангандан кейин банк гаровдаги мулкни 3 иш кунида тақиқдан чиқармаса
, банкка қўлланилиши мумкин бўлган жарима ва мижознинг ҳуқуқлари.
☑️
Кредит қарзи бор фуқаронинг чет элга чиқиши қайси ҳолларда чекланиши
, тақиқни текшириш ва уни олиб ташлаш тартиби.
☑️
2027 йил 10 январдан кредит қарзини ундиришда банк карталарида минимал маблағ қолдириш
бўйича кучга кирадиган янги талаблар.
☑️
Банкомат мижознинг картасини ютиб қўйганда уни қайтариш тартиби
ва банкнинг бу борадаги мажбуриятлари.
☑️
Банк картасига пул келиб тушганда ёки картадан маблағ чиқарилганда блоклаш масаласи
ва бундай ҳолатларнинг сабаблари.
☑️
Банк ҳисобварақларини хорижга чиқиш паспорти билан очиш
ҳамда ўз номига очилган ҳисобварақлар ҳақида маълумот олишнинг янги тартиби.
☑️
Банкда хизмат кўрсатиш, кредит тўловлари, гаровни ечиш ва қарздор билан мулоқот қилиш
бўйича мижозларнинг муҳим ҳуқуқлари.
☑️
Банкка берилган мурожаат ва шикоятлар билан ишлаш
, истеъмолчилар ҳуқуқларини ҳимоя қилиш бўйича банкларга қўйилган талаблар.
☑️
Бошқа шахснинг кредитига кафил бўлиш
қандай молиявий мажбуриятлар ва жавобгарликларни келтириб чиқариши.
☑️
Танишингизнинг кредити учун ўз уйингиз ёки бошқа мулкингизни гаровга қўйиш
қандай ҳуқуқий оқибатларга олиб келиши.
☑️
Кредит олган шахс вафот этганда унинг банк олдидаги қарзи
қандай тартибда ҳал этилиши.
☑️
Эр-хотин ажрашаётганда кредитга олинган уй, автомобиль ва бошқа мулкларни тақсимлаш
тартиби.
Ушбу материалларни
ўзингизга сақлаб қўйинг ва яқинларингизга ҳам юборинг.
Банк билан боғлиқ вазиятларда асқотиши мумкин.
Каналга уланиш
👉🏻
@Bankxabar
Таъзия
ИННА ЛИЛЛАҲИ ВА ИННА ИЛАЙҲИ РОЖИЪУН
@bankirlaruchun
ва
@bankxabar
номидан
Bankers.uz
асосчиси Исмоил Туроповга волидаси Мухтабар аянинг вафоти муносабати билан ҳамдардлик билдирамиз.
Манзил
@bankirlaruchun
⚡️
Исломий банкларда «Муробаҳа» асосида молиялаштириш учун янги қоидалар таклиф этилди
Марказий банк томонидан
1-сонли «Муробаҳа» исломий молия стандартини тасдиқлаш тўғрисидаги қарор лойиҳаси
эълон қилинди. Ҳужжат билан исломий банк фаолиятини амалга оширувчи банклар томонидан муробаҳа операцияларини ўтказиш, мижозлар билан шартнома тузиш, товарларни сотиб олиш ва улар учун ҳисоб-китоб қилиш тартибини белгилаш назарда тутилмоқда.
☑️
Лойиҳага кўра, банк мижоз буюртмаси асосида товарни аввал
ўз мулкига сотиб олиши
, шундан кейингина уни бошланғич қиймати ва олдиндан келишилган устама билан мижозга сотиши мумкин бўлади. Бунда
товар нархи ва банк устамаси шартномада аниқ кўрсатилиши, устама эса кейинчалик ўзгартирилмаслиги
белгиланмоқда.
☑️
Шунингдек, банкларга мижозни молиялаштириш мажбуриятини олгани ёки молиялаштиргани учун
алоҳида комиссия, йиғим ва бошқа тўловларни ундириш тақиқланиши
кўзда тутилган. Товарни бўлиб-бўлиб тўлаш шарти билан сотишга рухсат берилади, бироқ
тўлов кечиктирилгани ёки муддати узайтирилгани сабабли сотув нархини ошириш мумкин бўлмайди.
☑️
Қарор лойиҳасида кечиктирилган тўловлар учун неустойка ундириш имконияти ҳам назарда тутилган. Аммо
ушбу маблағлар банк даромадига ўтказилмайди, балки тўлиқ хайрия мақсадларига йўналтирилиши шарт
бўлади.
☑️
Бундан ташқари, банк товарни сотиб олишда чегирма олган тақдирда,
ушбу чегирма мижозга сотиш нархида ҳам ҳисобга олиниши
белгиланмоқда. Товар мижоз мулкига ўтказилгунига қадар унга эгалик қилиш билан боғлиқ таваккалчиликлар банк зиммасида бўлади.
☑️
Лойиҳада
олтин, кумуш ва валюталарни насияга муробаҳа асосида сотишга йўл қўйилмаслиги
, шунингдек, мижоз тўловларни тўлиқ якунламагунича товарга мулк ҳуқуқини ўтказмаслик шартини белгилаш тақиқланиши ҳам назарда тутилган.
☝️
Мазкур тартиблар ҳозирча лойиҳа босқичида.
Қарор тасдиқланса, у расмий эълон қилинган кундан эътиборан кучга кириши белгиланмоқда.
Каналга уланиш
👉🏻
@Bankxabar
Click’da o‘tkazmalar uchun komissiya 0%!
Kartalaringizdan pulni boshqa foydalanuvchilarning hamyonlariga o‘tkazish mutlaqo bepul.
Hamyondan hamyonga o‘tkazish mutlaqo bepul.
Komissiya yo‘q! Click Koshelyok!
Eslab qoldingizmi? Komissiya yo‘q! Click Koshelyok!
Ha, aytgancha, hamyondan ilovada xuddi oddiy kartadan to‘lagandek bemalol to‘lov qilishingiz mumkin.
Sizda allaqachon
⭐️
Click Koshelyok’ingiz bor — Click’ning bosh sahifasida.
Komissiya yo‘q!
Click Koshelyok
!
❤️
Instagram
|
LinkedIn
|
Telegram
✅
"
Rohat Residence” turar joy majmuasi bilan bog‘liq holat yuzasidan rasmiy munosabat
!
🔺
Ijtimoiy tarmoqlarda “Rohat Residence” turar joy majmuasi bilan bog‘liq holatlar yuzasidan tarqalayotgan xabarlar bo'yicha quyidagilarni ma'lum qilamiz.
🔺
MKBANK tomonidan “Broccoli plus” MCHJga qurilish loyihasini moliyalashtirish uchun kredit mablag‘lari ajratilgan. Kredit o‘z vaqtida qaytarilmagani sababli bank sudga murojaat qilgan.
Sud qaroriga muvofiq, qarzdorlikni undirish va undiruvni garov mulkiga qaratish belgilangan.
✅
Ta’kidlash joizki, bank fuqarolar bilan tuzilgan ulushdorlik shartnomalarining tarafi hisoblanmaydi. Quruvchi tashkilotning fuqarolar oldidagi majburiyatlari bilan bog‘liq masalalar qonunchilikda belgilangan tartibda hal etilishi lozim.
🔗
Batafsil
@nurmanovich
🗣
21:00
Бугун 23 октябрь куни банклараро тўловларни қабул қилиш
21:00 гача узайтирилди.
👍
Каналга уланиш
👉🏻
@Bankxabar
🏦
Нодиржон Рахимджанович Исматов Микрокредитбанк АТБ бошқаруви раисининг биринчи ўринбосари в.в.б. этиб тайинланди.
@bankirlaruchun
Ўзбекистон Параосиё ўйинларида умумжамоа ҳисобида иккинчи ўринга кўтарилди
Ўзбекистон терма жамоаси Японияда ўтаётган Параосиё ўйинларида жами 105 та медални қўлга киритиб, умумжамоа ҳисобида иккинчи ўринга кўтарилди. Бу ҳақда президент Шавкат Мирзиёев Қашқадарё вилояти фаоллари билан учрашувда маълум қилди.
"Ҳозиргина яхши хабар келди. Япониядаги Параосиё ўйинларида учинчи ўринда эдик. Ҳозир 33 та олтин медаль билан иккинчи ўринга кўтарилдик", — деди давлат раҳбари.
@bankirlaruchun
🏦
Ориент Финанс банк TenPay Global билан ҳамкорликни йўлга қўйиб, ОФБ иловаси орқали Хитойда Weixin Pay QR-кодлари билан
тўловларни жорий этди
.
@bankirlaruchun