BookloverCouple ✨

Shu link orqali kirib asar uchun ishlangan filmni tomosha qilishingiz mumkin.
https://youtu.be/uuFrax5TrDY?si=ReODpZsQPJ7Tcc31
@booklovercouple

#haykali
Mushuk Bob 2020-yilda taxminan 14 yoshida avtohalokat sababli vafot etgan. Uning xotirasiga atab Londonning Islington Green (Izlington Parki) hududida qad rostlagan.Haykal 2021-yil iyul oyida (Bob vafotidan bir yil o‘tib) rasman ochilgan. Bu joy tasodifan tanlanmagan: haykal aynan Jeyms Bouen o'zining ilk "Bob laqabli mushukcha" kitobini yozgan Waterstones kitob do‘koni qarshisida qad ko‘targan.Haykal taniqli haykaltarosh Tanya Rassell (Tanya Russell) tomonidan yasalgan.Bronzadan yasalgan haykalda Bob o‘zining hayotdagi eng sevimli odati — kitoblar taxlami ustida mag‘rur o‘tirgan holda tasvirlangan .
Londonga borganda albatta qidirib toping va suratga tushing.
@booklovercouple

Ikkinchi film "A Christmas Gift from Bob" (2020) Birinchi filmning davomi hisoblangan ushbu Yangi yil dramasi Jeyms va Bobning ko‘chada o‘tkazgan so‘nggi qiyin qishi haqida hikoya qiladi. Hayvonlar huquqini himoya qilish xizmati Bobni Jeymsdan tortib olmoqchi bo‘lganida, butun London aholisi ularni himoya qilib oyoqqa turadi.Bu film mushuk Bobning hayotidagi eng so‘nggi chiqishi bo‘ldi. Bob film suratga olinganidan 6 oy o‘tib, 2020-yil iyun oyida vafot etdi. Film uning yorqin xotirasiga bag‘ishlangan. Garchi kadrlar asosan haqiqiy Bob ishtirokida olingan bo‘lsa-da, ba'zi murakkab harakatlar yoki yugurish sahnalarida unga o‘xshash yana 6 ta maxsus o‘rgatilgan kaskadyor mushuklar yordam bergan.
@booklovercouple

"Bob laqabli mushukcha"
asari asosida ikkita film suratga olingan. Birinchi film: "A Street Cat Named Bob" (2016). Film kitob voqealarini to‘liq takrorlaydi. Unda uysiz ko‘cha musiqachisi Jeyms Bouenning giyohvandlik botqog‘idan chiqishi va mushuk yordamida hayotini yangidan boshlagani ko‘rsatiladi. Bosh rolda: Jeyms Bouen rolni britaniyalik mashhur aktyor Luke Treadaway ijro etgan. Rejissyor Rojer Spottisvud tomonidan suratga olingan ushbu film 8 million dollar budjet bilan tayyorlanib, dunyo prokati bo‘ylab 17.9 million dollar daromad keltirgan va tandiqchilarning yuqori bahosiga sazovor bo‘lgan .
@booklovercouple

Suratda kitob muallifi Jeyms Bouen va mushukcha Bob
💛
Voqea real hayotdan olingan!
@booklovercouple

​
#review
Bob laqabli mushukcha - Jeyms Bouen
Bugun “Bob laqabli mushukcha” — A Street Cat Named Bob kitobini o‘qib tugatdim va asar menda juda katta taassurot qoldirdi. Ushbu kitob britaniyalik ko‘cha musiqachisi James Bowen ning haqiqiy hayotiga asoslangan bo‘lib, unda inson hayoti kichik bir mehr va do‘stlik sabab qanday o‘zgarishi mumkinligi juda ta’sirli tarzda tasvirlangan.
Asarda giyohvandlik va uysizlik sabab hayotda yo‘lini yo‘qotgan insonning malla rangli ko‘cha mushugi Bob bilan uchrashuvi va shu uchrashuv uning hayotini butunlay o‘zgartirgani hikoya qilinadi. Bob oddiy mushuk emas, balki Jeyms uchun umid, motivatsiya va yangi hayot boshlashga sabab bo‘lgan haqiqiy do‘st sifatida tasvirlangan.
Menga kitobning eng yoqqan jihati — undagi samimiylik va hayotiy voqealar bo‘ldi. Muallif o‘z his-tuyg‘ularini juda oddiy, lekin ta’sirli usulda yetkazgan. Bu asar menga inson hech qachon taslim bo‘lmasligi va hatto kichik bir mehr ham inson hayotini o‘zgartirib yuborishi mumkinligini eslatdi.
2007-yilda London ko‘chalarida yashayotgan va giyohvandlikdan davolanishga urinayotgan James Bowen bir kuni yashab turgan uyining yo‘lagida yarador, holsiz malla mushukni uchratadi. O‘zi juda qiyin ahvolda bo‘lishiga qaramay, u mushukni tashlab ketolmaydi va oxirgi pullarini sarflab veterinarga olib boradi. Shundan so‘ng mushukka Bob deb ism qo‘yadi.
Jeyms Bobni yana ko‘chaga qo‘yib yubormoqchi bo‘ladi, ammo mushuk undan ayrilishni istamaydi. Bob doimo uning ortidan ergashib yuradi, hattoki avtobuslarda va ko‘chalarda ham yonidan ketmaydi. Shu tariqa ular orasida juda kuchli do‘stlik paydo bo‘ladi.
Ko‘chalarda gitara chalib qo‘shiq aytadigan Jeymsning yonida Bobning yurishi odamlarning diqqatini torta boshlaydi. Odamlar bu noodatiy do‘stlikka qiziqib, ularga ko‘proq e’tibor bera boshlashadi. Natijada Jeymsning hayoti asta-sekin o‘zgaradi va Bob unga yangi hayot boshlash uchun katta motivatsiya beradi.
O‘tkinchilar Bob va Jeymsning videolarini YouTube platformasiga yuklay boshlashadi.Ushbu videolar virusli tarzda tarqalib, millionlab tomosha yig‘adi. Dunyoning turli chekkalaridan odamlar Bobga o‘z qo‘llari bilan to‘qigan rang-barang sharflarni pochta orqali yuborishni boshlashadi.
Internetdagi mashhurlikdan so‘ng, Londonning yetakchi gazetalari va telekanallari ular haqida reportajlar tayyorlaydi.Ushbu shov-shuvlar yakunida adabiy agent Meri Paxnos Jeymsga o‘z hayoti va Bob haqida kitob yozishni taklif qiladi. Kitob nashr etilgach, Bob rasmiy ravishda dunyodagi eng mashhur mushuklardan biriga aylanadi. Jeyms o‘z intervyularida muxlislar ko‘chalarda ularni to‘xtatib, dastxat so‘rashganda, Bob uchun maxsus "panja izi shaklidagi muh yasattirganini aytib o‘tgan.
@booklovercouple

​
#review
100/12
Xo'rlanganlar va haqoratlanganlar
Bu safar men Dostoyevskiyning juda ta’sirli va yurakka yaqin asarlaridan birini mutolaa qildim. “Xo‘rlanganlar va haqoratlanganlar” - bu shunchaki roman emas, balki inson qalbining eng nozik va og‘riqli nuqtalarini ochib beradigan asar ekan.
Asarda Sankt-Peterburg hayotining qorong‘i tomonlari - kambag‘allik, adolatsizlik va “kichik odamlar”ning taqdiri juda real tasvirlangan. Eng qiziq tomoni shundaki, moddiy jihatdan nochor bo‘lgan qahramonlar aslida ruhiy jihatdan eng boy insonlar sifatida ko‘rsatiladi.
Dostoyevskiy poytaxtdagi kambag‘al va oddiy insonlarning hayotini, ularning olijanob qalbli bo‘lishiga qaramay, knyaz Valkovskiy kabi berahm, ochko‘z va axloqan buzuq aristokratlar bilan to‘qnashuvini juda ta’sirli tarzda ko‘rsatgan.
Shuningdek, asarda insoniy qadr-qimmat masalasi ham muhim o‘rin egallaydi. Qahramonlar o‘z nomusi va g‘ururini saqlab qolish yo‘lida ko‘plab azob-uqubatlarga bardosh berishadi. Bu esa inson uchun eng katta boylik moddiy narsa emas, balki o‘z vijdoni va sha’nini asrab qolish ekanini yana bir bor isbotlaydi.
"Xo‘rlanganlar va haqoratlanganlar" asari qahramonlarini umumiy bitta g‘oya — ma’naviy poklik va ijtimoiy razillik o‘rtasidagi kurash birlashtirib turadi. Ularga quyidagicha xulosa berish mumkin:
Vanya (Ivan Petrovich): U - fidoyilik timsoli. O‘zi sevgan qiz (Natasha) boshqani tanlagan bo‘lsa-da, uning baxti va oilasi uchun o‘z his-tuyg‘ularini qurbon qiladi. Vanya orqali muallif chinakam do‘stlik va ta’masiz sevgi qanday bo‘lishini ko‘rsatgan.
Natasha Ixmeneva: U - ehtiros va pushaymonlik orasidagi qurbon. Uning obrazi sevgi ko‘r-ko‘rona bo‘lishi mumkinligini, ammo oqibatda baribir inson o‘zining ma’naviy ildizlariga (ota-onasining mehriga) qaytishini isbotlaydi.
Nelli: Bu obraz asarning eng og‘riqli nuqtasi. Nelli - bolalardagi fojia va jamiyatning shafqatsizligi mahsuli. Uning mag‘rurligi va kechira olmasligi dunyodagi adolatsizlikka nisbatan isyon hisoblanadi. U o‘limi bilan ham knyaz Valkovskiy kabi insonlarning gunohlarini fosh qiladi.
Knyaz Valkovskiy: Dostoyevskiy yaratgan eng manfur va sovuqqon obrazlardan biri. U mutlaq xudbinlikni (egoizmni) ifodalaydi. U uchun na sevgi, na farzand, na insoniy qadr-qimmatning qadri bor; uning hayot falsafasi - faqat o‘z manfaati va rohati uchun yashash.Ixmenevlar oilasi: Ular - eski tartib va g‘urur egalari. Farzandini kechira olmaslik azobi va oxir-oqibat mehrning g‘ururdan ustun kelishi inson tabiatidagi eng go‘zal jihatlar kechirimli bo‘lishda ekanini ko‘rsatadi.Umumiy xulosa:Asar qahramonlari ikki qutbga bo‘lingan: bir tomonda moddiy qashshoq bo‘lsa-da, ruhiy boy insonlar; ikkinchi tomonda esa boy-badavlat, lekin ruhan qashshoq maxluqlar. Muallif "xo‘rlangan" va "haqoratlangan" bo‘lish baxtsizlik emas, balki vijdonsiz bo‘lish haqiqiy fojia ekanini uqtiradi.
Sizningcha, asardagi qaysi qahramonning taqdiri eng ayanchli: Nellimi yoki Natasha
?
@booklovercouple