23.5° бурчак остида
🇺🇦
🇷🇺
Украина армиясининг дрон кучлари Россиянинг Воронеж вилоятида иккита рус вертолёти уриб туширилганини билдирди ва зарбалар акс этган видеоларни эълон қилди.
🔥
@burchakostida
🇺🇸
🇮🇷
Бошқа жаноб яхши йигит бўлиш йўқ — Доналд Трамп
"Эрон ҳеч хаёлини бир жойга тўплай олмаяпти. Улар ядро қуролини тарқатмаслик тўғрисидаги битимни қандай имзолашни билишмаяпти. Эрондагилар тезроқ эсларини йиғиб олганлари маъқул!", — деб ёзди АҚШ президенти Truth Social ижтимоий тармоғида.
🔥
@burchakostida
🇺🇸
АҚШда Трампнинг портрети тасвирланган паспорт чиқарилади
Қўшма Штатлар Давлат департаменти мамлакат мустақиллигининг 250 йиллиги шарафига АҚШ паспортларининг чекланган серияси ишлаб чиқарилишини эълон қилди.
Ушбу паспорт муқовасининг ички қисмида президент Доналд Трамп, бошқа саҳифасида эса Қўшма Штатларнинг асосчи оталари тасвирланади.
Маълум қилинишича, бундай паспортлар Вашингтондаги паспорт агентлиги томонидан берилади. Трамп тасвирланган ҳужжатлар тугамагунига қадар, агентлик бошқа турдаги паспортларни таклиф қилмайди. Амалдаги президентнинг сурати туширилмаган ҳужжатни олишни хоҳловчилар буни онлайн тарзда ёки бошқа бўлимларда амалга оширишлари мумкин бўлади.
🔥
@burchakostida
🇰🇬
Қирғизистон миллий хавфсизлик давлат қўмитаси собиқ раиси Қамчибек Ташиев давлат тўнтаришига уринишда айбланди Бу ҳақда адвокат Шердор Абдиқапаровга таяниб “24 kg” нашри хабар берди. Маълум қилинишича, Ташиевдан ташқари собиқ депутат Курманкул Зулушев…
🇬🇧
🇮🇱
Буюк Британия пойтахтида яҳудийларга ҳужум қилинди. Кир Стармер буни мамлакатга тажовуз деб атамоқда –
AP
Лондоннинг яҳудий жамоаси зич яшайдиган Голдерс-Грин туманида номаълум шахс пичоқ билан одамларга ҳужум қилди. Оқибатда икки киши тан жароҳати олди. Гумонланувчи "Шомрим" хавфсизлик ташкилоти аъзолари томонидан тўхтатиб қолинган ва етиб келган полиция томонидан электрошокер қўлланилиб, қўлга олинган.
Британия Бош вазири Кир Стармер содир бўлган воқеани кескин қоралаб: "Яҳудий жамоасига қилинган ҳужум — бу мамлакатга қилинган ҳужумдир", деб баёнот берди.
Ҳозирда полиция тергов ишларини олиб бормоқда. Мазкур ҳодиса Лондонда яҳудийларга тегишли объектлар, жумладан, синагога ва тез тиббий ёрдам машиналарига ўт қўйиш билан боғлиқ кетма-кет жиноятлардан сўнг юз берди. Контртеррор бўлинмалари ушбу ўт қўйишлар ортида Эрон билан алоқадор гуруҳлар турган-турмаганини текширмоқда. Сўнгги ҳафталарда ушбу ҳужумларга алоқадорликда гумонланиб бир неча киши ҳибсга олинган, дейилади хабарда.
🔥
@burchakostida
🇺🇸
🇭🇹
🇸🇾
АҚШ Олий суди Трампнинг Гаити ва Суриядан келган мигрантлар бўйича қарорини кўриб чиқмоқда
Қўшма Штатлар Олий суди Доналд Трамп маъмуриятининг 350 минг нафардан ортиқ Гаити ва Сурия фуқароларини Вақтинчалик ҳимояланган статус (TPS) дан маҳрум қилиш ҳаракатларини ўрганмоқда. Ушбу статус уруш ва табиий офатлар туфайли ўз юртига қайта олмайдиган мигрантларга АҚШда қонуний яшаш ва ишлаш ҳуқуқини беради.
Трамп маъмурияти бу имтиёзлар доим вақтинчалик бўлганини даъво қилиб, уларни бекор қилмоқчи. Бироқ қуйи босқич судлари бу қарорни тўхтатиб қўйган.
Судьяларнинг фикрича, маъмурият давлатлардаги хавфсизлик шароитларини етарлича баҳоламаган ва қарор ортида "ирқий адоват" бўлиши мумкин. Олий суднинг якуний қарори нафақат Гаити ва Сурияликлар, балки жами 1,3 миллион муҳожирларнинг тақдирини ҳамда президентнинг муҳожирлик соҳасидаги ваколатлари чегарасини белгилаб беради.
🔥
@burchakostida
🇬🇷
🇶🇦
Юнонистон ва Қатар мудофаа ҳамда инвестиция соҳаларидаги ҳамкорликни кенгайтиришга келишиб олди
Икки мамлакат савдо, энергетика ва мудофаа соҳаларида ҳамкорликни кучайтириш бўйича келишувга эришдилар. Бу 2024 йилда бошланган шериклик алоқаларининг давоми бўлди.
Юнонистон Бош вазири Кириакос Мицотакис ва Қатар амири шайх Тамим бин Ҳамад Ол Соний Афинадаги учрашувда мамлакат инфратузилмаси, энергетика ва маълумотларни қайта ишлаш марказларига инвестиция киритиш имкониятларини муҳокама қилишди.
Учрашувдан сўнг Қатар амири дунёдаги воқеаларни инобатга олиб, икки давлат ўртасидаги мудофаа соҳасидаги алоқаларни мустаҳкамлашни ўта муҳим деб ҳисоблашини маълум қилди. Ўз навбатида, Юнонистон томони дунёнинг етакчи газ етказиб берувчиси бўлган Қатардан ўз иқтисодиётига сармоя жалб қилишдан манфаатдор эканини билдирди.
🔥
@burchakostida
🇨🇳
🇺🇸
🇹🇼
Пекин Трамп билан музокараларда Тайван масаласини асосий шарт сифатида қўймоқда
– Reuters
Келгуси ойда АҚШ президенти Доналд Трампнинг Пекинга ташрифи кутилмоқда. Хитой раҳбари Си Жинпин бу галги музокараларда Тайван масаласини кун тартибининг энг юқори поғонасига қўйди. Бу ўтган йилги учрашувлардан фарқ қилади, чунки ўшанда Пекин бу мавзуни вақтинча четга суриб турган эди.
Тайбэй расмийлари Трампнинг иттифоқчиларга нисбатан прагматик ёндашувидан хавотирда. Улар Трамп Хитой томонидан АҚШ самолётлари ёки қишлоқ хўжалиги маҳсулотларининг йирик ҳажмда сотиб олиниши эвазига Тайванни қўллаб-қувватлаш сиёсатини юмшатиши мумкинлигидан чўчишяпти. Хитой томони эса Вашингтон йирик ҳарбий тўқнашувдан қочиш учун Тайван мустақиллигини қўллаб-қувватламаслигини очиқ баён қилиши кераклигини таъкидламоқда.
Ҳозирда АҚШ "ягона Хитой" сиёсатига амал қилиб, оролнинг мустақиллигини тан олмайди, бироқ унга ўзини ҳимоя қилиш учун ҳарбий ёрдам кўрсатиб келади. Яримўтказгичлар ишлаб чиқариш бўйича жаҳон гиганти бўлган Тайван атрофидаги вазиятнинг ўзгариши Тинч океани минтақасидаги ҳарбий мувозанатга ва Вашингтоннинг Осиёдаги хавфсизлик кафолатларига бевосита таъсир кўрсатади.
🔥
@burchakostida
🇺🇸
🇮🇷
Трамп ўз жамоасига Эронни узоқ муддатли денгиз блокадасига олишни буюрди — WSJ The Wall Street Journal манбаларига кўра, Доналд Трамп Эрон портларини тўсиб қўйиш орқали мамлакат иқтисодиёти ва нефт экспортига босимни давом эттиришга қарор қилган. АҚШ…
🇵🇱
🇺🇦
Полша ўз ҳарбий техникасини Украинадаги жанг майдонларида синовдан ўтказади
Мамлакат Мудофаа вазирлиги раҳбари ўринбосари Цезарий Томчик Полшада ишлаб чиқарилган ҳарбий техникалар эндиликда бевосита Украинадаги жанг ҳаракатлари давомида синовдан ўтказилишини маълум қилди.
Томчикнинг таъкидлашича, Украина ҳозирда хорижий армия билан тўғридан-тўғри тўқнашув кетаётган дунёдаги ягона ва ўзига хос "полигон" ҳисобланади.
Режага кўра, Полша қурол-аслаҳалари аввал ўз мамлакатидаги миллий полигонларда текширилади, сўнгра уларнинг қай даражада самарали эканини аниқлаш учун реал жанг шароитларига юборилади.
Вазир ўринбосарининг фикрича, бундай амалиёт қайси техникалар реал шароитда кутилган натижани бераётгани ва қайсиларини такомиллаштириш зарурлиги ҳақида энг аниқ манзарани тақдим этади. Шу билан бирга, хабарда Украинада вақти-вақти билан Европа давлатларининг ўз армияларини қайта қуроллантириш учун Украинадаги урушдан вақт ютиш воситаси сифатида фойдаланаётгани ҳақида танқидий фикрлар айтилиб туриши ҳам эслатиб ўтилган.
🔥
@burchakostida