Obidjon Xamidov | Buxoro davlat universiteti rektori

👍
👍
👍
👍
👍
👍
👍
📘
BuxDU va Buxoro Olimpiya hamda Paralimpiya sport turlariga tayyorlash markazi o‘rtasida hamkorlik memorandumi imzolandi
2026-yil 9-iyun kuni Buxoro davlat universitetida sport ta’limi va ilmiy-amaliy hamkorlikni yangi bosqichga olib chiqishga qaratilgan muhim uchrashuv bo‘lib o‘tdi. Unda Buxoro davlat universiteti rektori
O.X. Xamidov
hamda Buxoro Olimpiya va Paralimpiya sport turlariga tayyorlash markazi direktori
Sh.S. Ochilov
o‘rtasida o‘zaro hamkorlik memorandumi imzolandi.
Mazkur memorandumning asosiy maqsadi sport, ta’lim va ilm-fan integratsiyasini kuchaytirish, zamonaviy talablar asosida malakali mutaxassislar tayyorlash, talabalar amaliyotini samarali tashkil etish hamda dual ta’lim tizimini rivojlantirishdan iborat.
Shuningdek, tomonlar o‘rtasida ilmiy-tadqiqot ishlari, seminar va treninglar tashkil etish, sport sohasidagi innovatsion loyihalarni amalga oshirish hamda iqtidorli yoshlarni qo‘llab-quvvatlash bo‘yicha hamkorlik yo‘lga qo‘yiladi.
Uchrashuv davomida sport ta’limi sifatini oshirish, talabalar uchun amaliyot bazalarini kengaytirish, bitiruvchilarning bandligini ta’minlash va yuqori malakali sport mutaxassislarini tayyorlash masalalari yuzasidan fikr almashildi.
Ushbu memorandum Buxoro davlat universiteti va Buxoro Olimpiya hamda Paralimpiya sport turlariga tayyorlash markazi o‘rtasidagi uzoq muddatli hamkorlikni mustahkamlash, yoshlar orasida sportni ommalashtirish hamda sport va ta’lim sohalarining uzviy rivojlanishiga xizmat qiladigan muhim hujjat sifatida e’tirof etildi.
Bizni kuzatishda davom eting:
🌐
Telegram
🌐
Facebook

#rektor_tabrigi
📘
BUXORO DAVLAT UNIVERSITETI REKTORI TABRIGI
Hurmatli Buxoro davlat universiteti voleybolchi yigitlar jamoasi a’zolari!
Sizlarni Toshkent shahrida o‘tkazilgan
“Yangi O‘zbekiston talabalari olimpiadasi”
doirasidagi voleybol musobaqalarida yuksak mahorat, matonat va g‘alabaga bo‘lgan cheksiz ishonch namoyon etib, faxrli
3-o‘rinni
egallaganingiz hamda musobaqaning
bronza medallar
iga sazovor bo‘lganingiz bilan samimiy muborakbod etaman.
Ayniqsa, Farg‘ona davlat universiteti jamoasiga qarshi kechgan murosasiz va shiddatli bahslarda sizlar haqiqiy sport xarakterini namoyish etdingiz. Qiyin vaziyatlarda ham iroda va jamoaviy birdamlikni saqlab qolib, g‘alaba sari dadil intilganingiz nafaqat universitetimiz, balki Buxoro viloyati sport jamoatchiligi uchun ham katta faxr va quvonchdir.
Mazkur tarixiy natijaga erishishda o‘z hissasini qo‘shgan jamoa a’zolari -
Haqberdiyev Elbek, Ilhomov Jasurbek, Hasanov Asilbek, Mustafoyev G’olibjon, Begimqulov Xakim, Narzullayev Amirbek, Alekseyev Nodirjon, Tolibov Shamshod, Yarashev Dilshod, Abdumalikov Behruz, Safarov Elbek, Tojialiyev Og’abek hamda Xakimov Diyorbekni
erishilgan muvaffaqiyat bilan alohida tabriklayman.
Shuningdek, jamoa sardori
Mardiyev Davron
, jamoa trenerlari
Narzullayev Farrux, Kamolov Umid, Mahmudov Maqsud, Qurbonov Hakim
hamda ushbu g‘alaba ortida turgan barcha murabbiy va mutaxassislarga chuqur minnatdorlik bildiraman.
Sizlarning ushbu natijangiz Buxoro davlat universitetida sportni rivojlantirish, sog‘lom turmush tarzini targ‘ib etish va iqtidorli yoshlarni qo‘llab-quvvatlash borasida olib borilayotgan tizimli ishlarning amaliy samarasidir. Ishonchim komilki, sizlar kelgusida ham universitetimiz sharafini munosib himoya qilib, bundanda yuksak zafarlarni qo‘lga kiritasizlar.
Barchangizga mustahkam sog‘liq, sport faoliyatingizda ulkan muvaffaqiyatlar va yangi g‘alabalar tilayman!
Obidjon Xamidov
Buxoro davlat universiteti rektori
Bizni kuzatishda davom eting:
🌐
Telegram
🌐
Facebook

#rektor_tabrigi
📘
BUXORO DAVLAT UNIVERSITETI REKTORI TABRIGI
Hurmatli Buxoro davlat universiteti voleybolchi qizlar jamoasi a’zolari!
Sizlarni Toshkent shahrida o‘tkazilgan
“Yangi O‘zbekiston talabalari olimpiadasi”
doirasidagi voleybol musobaqalarida yuksak mahorat, matonat va g‘alabaga bo‘lgan cheksiz ishonch namoyon etib, musobaqaning ilk chempionlari degan sharafli nomga sazovor bo‘lganingiz bilan samimiy muborakbod etaman.
Final uchrashuvida kuchli raqib - Urganch davlat universiteti jamoasiga qarshi kechgan murosasiz bahsda sizlar haqiqiy sport xarakterini namoyish etdingiz. Uchrashuv davomida qiyin vaziyatlarda ham iroda va jamoaviy birdamlikni saqlab qolib, g‘alaba sari dadil intildingiz. Bu muvaffaqiyat nafaqat universitetimiz, balki Buxoro viloyati sport jamoatchiligi uchun ham katta faxr va quvonchdir.
Mazkur tarixiy natijaga erishishda o‘z hissasini qo‘shgan jamoa a’zolari —
Qamarova Ruxshona, Yagmurova Marjona,
To‘raqulova Maftuna
,
Murodova Zarina, Shamsiddinova Mubinaxon, Botirova Aziza, Rustamova Zuxraxon, Rustamova Fotimaxon, Fozilova Farangiz, Akramova Rayxon, Baxodirova Sevinch, Amrullayeva Safiyabonu, Tilavova Mexrangiz
ni alohida tabriklayman.
Shuningdek, jamoa sardori
Mo‘ydinova Umidaxon
, jamoa trenerlari
Narzullayev Farrux, Kamolov Umid, Mahmudov Maqsud, Qurbonov Hakim
hamda ushbu muvaffaqiyat ortida turgan barcha murabbiy va mutaxassislarga chuqur minnatdorlik bildiraman.
Sizlarning ushbu g‘alabangiz
Buxoro davlat universitetida
sportni rivojlantirish, sog‘lom turmush tarzini targ‘ib etish va iqtidorli yoshlarni qo‘llab-quvvatlash borasida olib borilayotgan tizimli ishlarning amaliy natijasidir.
Ishonchim komilki, sizlar kelgusida ham universitetimiz sharafini yurtimiz va xalqaro maydonlarda munosib himoya qilib, yangi-yangi zafarlarni qo‘lga kiritasizlar.
Barchangizga mustahkam sog‘liq, sport faoliyatingizda ulkan muvaffaqiyatlar va yangi g‘alabalar tilayman!
Obidjon Xamidov
Buxoro davlat universiteti rektori
Bizni kuzatishda davom eting:
🌐
Telegram
🌐
Facebook

✍️
✍️
✍️
✍️
✍️
📘
Xorijda tahsil olgan yosh professor-o‘qituvchilar bilan ochiq muloqot o‘tkazildi
Buxoro davlat universiteti rektori Obidjon Xamidov
xorijning nufuzli oliy ta’lim muassasalarida tahsil olib, bugungi kunda universitetda faoliyat yuritayotgan
22 nafar yosh professor-o‘qituvchi
bilan uchrashdi. Ochiq va samimiy muloqot tarzida o‘tgan uchrashuvda
Italiya, Ispaniya, Germaniya, Buyuk Britaniya, Janubiy Koreya, Singapur, Xitoy va Rossiya
kabi davlatlarning yetakchi universitetlarida ta’lim olgan mutaxassislar
o‘z tajribalari, ilmiy faoliyati hamda ta’lim jarayoniga oid ilg‘or yondashuvlari
bilan o‘rtoqlashdilar.
Uchrashuv davomida yosh professor-o‘qituvchilarning taklif va tashabbuslari tinglanib, universitetda
xalqaro standartlar asosida ta’lim sifatini yanada oshirish, ilmiy tadqiqotlar samaradorligini kuchaytirish, xorijiy hamkorlikni kengaytirish hamda yosh kadrlarning salohiyatidan samarali foydalanish
masalalari muhokama qilindi. Tadbirning asosiy maqsadi xorijiy tajribani universitet faoliyatiga keng tatbiq etish, yosh olimlarning innovatsion g‘oyalarini qo‘llab-quvvatlash va BuxDUning xalqaro maydondagi raqobatbardoshligini yanada mustahkamlashdan iborat bo‘ldi.
Bizni kuzatishda davom eting:
🌐
Telegram
🌐
Facebook

🟦
🟦
🟦
✅
Fuqarolar murojaati tinglanmoqda
📌
Buxoro davlat universiteti rektori Obidjon Xamidov fuqarolarni qabul qilmoqda.
Murojaat bo'yicha fuqaro qabul qilinib, uning murojaati mutaxassislar ishtirokida ko'rib chiqildi.
Bizni kuzatishda davom eting:
🌐
Telegram
🌐
Facebook

🎥
✍️
✍️
✍️
✍️
✍️
📘
BuxDU rektori Obidjon Xamidovning sayyor qabuli bo‘lib o‘tmoda
💠
Bugun, 5-iyun kuni
Buxoro davlat universiteti
rektori Obidjon Xamidovning Tarix va yuridik fakulteti binosida navbatdagi sayyor qabuli bo‘lib o‘tmoqda. Aholi va yoshlar bilan to‘g‘ridan-to‘g‘ri muloqotni kengaytirishga qaratilgan ushbu tadbirda talabalar universitet hayotiga daxldor yangi g‘oyalar hamda mavjud masalalar yuzasidan murojaat qilmoqdalar.
🟡
Ayni damda sayyor qabul qizg‘in davom etmoqda. Rektor har bir murojaatchining taklif va muammosini sinchiklab o‘rganib, ularni hal etish yuzasidan joyida huquqiy va amaliy ko‘rsatmalar bermoqda. Bunday ochiq muloqotlar talabalarning intellektual salohiyatini ro‘yobga chiqarish hamda universitetda sog‘lom akademik muhitni mustahkamlashi bilan ahamiyatlidir.
Bizni kuzatishda davom eting:
🌐
Telegram
🌐
Facebook

🏐
🏐
🏐
🏐
📘
🏆
BuxDU rektori talaba-sportchilarni respublika final bosqichiga kuzatdi
Buxoro davlat universitetida Toshkent shahrida bo‘lib o‘tadigan
“Yangi O‘zbekiston talabalar olimpiadasi”
sport musobaqalarining respublika final bosqichida ishtirok etuvchi talaba-sportchilarni tantanali kuzatish marosimi bo‘lib o‘tdi.
Tadbirda Buxoro davlat universiteti rektori
Obidjon Xamidov
talaba-sportchilar bilan uchrashib, ularga musobaqalarda omad va muvaffaqiyatlar tiladi.
Rektor o‘z so‘zida sportchilarning viloyat bosqichlaridagi muvaffaqiyatli ishtiroki natijasida respublika finaliga yo‘llanma olganini alohida ta’kidlab, ular Buxoro davlat universiteti va Buxoro viloyati sharafini munosib himoya qilishlariga ishonch bildirdi.
Respublikadagi nufuzli musobaqada universitetning
77 nafar talaba-sportchisi
voleybol, gandbol, yengil atletika, basketbol 3x3 hamda stol tennisi sport turlari bo‘yicha ishtirok etadi.
Ta’kidlash joizki, Buxoro davlat universiteti respublika bosqichida Buxoro viloyati oliy ta’lim muassasalari orasida eng ko‘p sportchi bilan qatnashayotgan oliygoh hisoblanadi. Mazkur ko‘rsatkich universitetda sportni rivojlantirish va yoshlarning jismoniy faolligini qo‘llab-quvvatlash borasida amalga oshirilayotgan ishlarning amaliy natijasidir.
Uchrashuv yakunida universitet rahbariyati sportchilarga g‘alaba va zafarlar tilab, ularni respublika final bosqichiga tantanali ravishda kuzatdi.
BuxDU sportchilariga omad va yorqin g‘alabalar tilaymiz!
Bizni kuzatishda davom eting:
🌐
Telegram
🌐
Facebook

“Yangi O‘zbekiston talabalar Olimpiadasi” sport musobaqalariga tayyorgarlik masalalari muhokama qilindi
Oliy ta’lim, fan va innovatsiyalar vazirligida “
Yangi O‘zbekiston talabalar Olimpiadasi”
sport musobaqalarining respublika final bosqichlarini yuqori saviyada tashkil etish masalalariga bag‘ishlangan Tashkiliy qo‘mita yig‘ilishi bo‘lib o‘tdi.
Yig‘ilishda Oliy ta’lim, fan va innovatsiyalar vaziri o‘rinbosari
O‘ktam Salomov
, Sport vaziri o‘rinbosari
Shaxrillo Mahmudov
, tegishli davlat idoralari va tashkilotlar, oliygohlar mas’ul vakillari ishtirok etdi.
Batafsil:
https://gov.uz/edu/news/view/172230
#muhokama
#Talabalar_olimpiadasi
👉
На русском
👉
In English
Bizni kuzating
Facebook
|
Instagram
|
YouTube
|
Telegram

✍️
✍️
✍️
✍️
✍️
📘
INNOVATSION RIVOJLANISH AGENTLIGI VAKILLARI BILAN MUHIM UCHRASHUV BO‘LIB O‘TDI
Buxoro davlat universitetiga Oliy ta’lim, fan va innovatsiyalar vazirligi huzuridagi Innovatsion rivojlanish agentligi mas'ullari tashrif buyurdi. Tashrif doirasida mehmonlar hamda BuxDU rektori Obidjon Xamidov o'rtasida rasmiy uchrashuv bo'lib o'tdi.
Muloqotda Innovatsion rivojlanish agentligining Yangi ishlanmalarni tijoratlashtirish va iqtisodiyot tarmoqlari bilan hamkorlikni rivojlantirish boshqarmasi boshlig‘i R.Ergashev hamda Buxoro viloyati Innovatsion rivojlanish bo‘linmasi rahbari I.Murodov ishtirok etdilar.
Uchrashuv davomida quyidagi dolzarb masalalar muhokama qilindi:
🔹
Universitet professor-o'qituvchilari, olimlari hamda iqtidorli talabalari tomonidan yaratilgan yangi ilmiy ishlanma va startap loyihalarni amaliyotga joriy etish hamda ularni muvaffaqiyatli tijoratlashtirish;
🔹
Ilm-fan, ta'lim va iqtisodiyot tarmoqlari o‘rtasidagi o'zaro hamkorlik mexanizmlarini yanada kengaytirish;
🔹
Buxoro viloyatining innovatsion ekotizimini rivojlantirishda universitetning ilmiy salohiyatidan samarali foydalanish;
🔹
Innovatsion loyihalar tanlovlarida universitet jamoasining faolligini oshirish va ularni davlat tomonidan qo'llab-quvvatlash.
Ushbu amaliy uchrashuv Buxoro davlat universitetida ilmiy-tadqiqot natijalarini ishlab chiqarishga joriy etish, ilmiy g'oyalarni daromad keltiruvchi loyihalarga aylantirish va oliygohning innovatsion salohiyatini yangi bosqichga olib chiqishda muhim qadam bo'lib xizmat qiladi.
Bizni kuzatishda davom eting:
🌐
Telegram
🌐
Facebook

🎉
🎉
🎉
🎉
🎉
📘
1-iyun — Xalqaro bolalarni himoya qilish kuni muborak bo‘lsin!
Aziz ustozlar, muhtaram hamkasblar va qadrli talaba-yoshlar!
Sizlarni va siz orqali xonadonlaringizning quvonchi bo‘lgan aziz farzandlaringizni, nabiralaringizni bugungi beg'ubor bayram -
1-iyun - Xalqaro bolalarni himoya qilish kuni
bilan samimiy muborakbod etaman.
Bolalar — hayotimiz mazmuni, xonadonlarimiz fayzi va yurtimizning yorqin kelajagidir. Ularning beg'ubor kulgusi, quvonchga to‘la ko‘zlari bizga kuch-g‘ayrat beradi, ertangi kunga bo‘lgan ishonchimizni mustahkamlaydi.
Bugun mamlakatimizda yosh avlodning huquq va manfaatlarini himoya qilish, ularning zamonaviy bilim egallashlari hamda o‘z iste’dodlarini namoyon etishlari uchun barcha sharoitlar yaratilmoqda. Zero, sog‘lom va barkamol avlodni tarbiyalash — qudratli davlat poydevorini qo‘yish demakdir.
Buxoro davlat universiteti jamoasi ham yoshlarni yuksak ma’naviyatli va bilimli qilib kamolga yetkazish yo‘lida sharafli mas’uliyatni o‘z zimmasiga olgan. Biz nafaqat talaba-yoshlarimizga, balki kelajak egalari bo‘lgan kichkintoylarimizning ham baxtli va farovon ulg‘ayishlariga befarq emasmiz.
Ushbu quvonchli kunda barcha bolajonlarimizga mustahkam sog‘liq, baxtli bolalik va yorqin kelajak tilayman. Ularning yuzidan tabassum, qalbidan shodlik aslo arimasin. Xonadonlaringizda farzandlar kamoli va baxti doimo barqaror bo‘lsin!
Bayramingiz muborak bo‘lsin, aziz bolajonlar!
Hurmat bilan,
Obidjon Xamidov
O'zLiDeP Buxoro viloyati Kengashi raisi, Xalq deputatlari viloyat Kengashi deputati, Xalq deputatlari viloyat Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi raisi, Buxoro davlat universiteti rektori, iqtisodiyot fanlari doktori, professor
Bizni kuzatishda davom eting:
🌐
Telegram
🌐
Facebook