Obidjon Xamidov | Buxoro davlat universiteti rektori

😎
O'zLiDeP Бухоро вилоят Кенгаши раиси, халқ депутатлари вилоят Кенгаши депутати
Хамидов Обиджон Хафизович
нинг жорий йил I-ярим йиллик фаолияти юзасидан сарҳисоб
#uzlidep
#Buxoro
#Faoliyat
#Sarhisob
📱
Bizni kuzatib boring!

👥
👥
👥
👥
👥
👥
📘
🇺🇿
O‘zbekiston–Belarus strategik sherikligi amalda: BuxDU delegatsiyasi xalqaro xizmat safarida
O‘zbekiston Respublikasi Prezidenti Shavkat Mirziyoyevning
Belarus Respublikasiga amalga oshirgan rasmiy tashrifi yakunida ikki davlat o‘rtasida
Strategik sheriklik munosabatlarini o‘rnatish to‘g‘risidagi deklaratsiya
imzolandi. Muzokaralar davomida ta’lim, ilm-fan, innovatsiyalar, sanoat kooperatsiyasi, texnologiyalar va akademik almashinuvni rivojlantirish ustuvor yo‘nalishlardan biri sifatida belgilandi.
Mazkur oliy darajadagi kelishuvlar ijrosini ta’minlash maqsadida
Buxoro davlat universiteti rektori Obidjon Xamidov boshchiligidagi delegatsiya 27–31-iyul kunlari Belarus Respublikasi va Rossiya Federatsiyasida xalqaro xizmat safarida bo‘lib turibdi.
Xizmat safarining asosiy maqsadi Belarus va Rossiyaning yetakchi oliy ta’lim muassasalari bilan ta’lim, ilmiy-tadqiqot, innovatsiyalar hamda sanoat kooperatsiyasi yo‘nalishlaridagi hamkorlikni yangi bosqichga olib chiqish, qo‘shma ta’lim dasturlarini kengaytirish va xalqaro ilmiy aloqalarni mustahkamlashdan iborat.
Safar doirasidagi dastlabki uchrashuv
Belarus milliy texnika universiteti (BMTU)
rahbariyati bilan bo‘lib o‘tdi. Muzokaralar davomida:
🔹
muhandislik, texnologiya va raqamli iqtisodiyot yo‘nalishlarida qo‘shma ta’lim dasturlarini kengaytirish;
🔹
talabalar hamda professor-o‘qituvchilar akademik mobilligini rivojlantirish;
🔹
ilmiy-tadqiqot va innovatsion loyihalarni birgalikda amalga oshirish;
🔹
ishlab chiqarish va oliy ta’lim integratsiyasini kuchaytirish masalalari muhokama qilindi.
Samimiy va konstruktiv ruhda o‘tgan uchrashuv yakunida Buxoro davlat universiteti rektori
Obidjon Xamidov
Belarus milliy texnika universiteti rahbariyatiga universitetning ramziy esdalik sovg‘asini topshirdi.
Batafsil
rus
/
eng
Bizni kuzatishda davom eting:
🌐
Telegram
🌐
Facebook

Hurmatli Prezident!
Avvalo, tavallud ayyomingiz munosabati bilan Sizni Buxoro davlat universiteti jamoasi nomidan samimiy muborakbod etamiz.
Sizning dono va uzoqni ko‘zlagan rahbarligingiz ostida mamlakatimizda ilm-fan, ta’lim va innovatsiyalarni rivojlantirish, yosh avlodni har tomonlama qo‘llab-quvvatlash hamda zamonaviy bilimli kadrlarni tayyorlash borasida amalga oshirilayotgan keng ko‘lamli islohotlar Yangi O‘zbekiston taraqqiyotining mustahkam poydevoriga aylanmoqda.
Ayniqsa, Buxoro yoshlarining zamonaviy va qulay sharoitlarda ta’lim olishi uchun barpo etilayotgan zamonaviy yangi kampus kabi ulkan bunyodkorlik loyihalari mamlakatimizda yoshlarga qaratilayotgan yuksak e’tiborning yorqin ifodasidir. Ushbu ezgu tashabbuslar uchun Sizga chuqur minnatdorlik bildiramiz.
Oliy ta’lim tizimini xalqaro standartlar asosida rivojlantirish, universitetlarning ilmiy salohiyati va xalqaro nufuzini yuksaltirish, yoshlarning zamonaviy bilim va kasb-hunar egallashi uchun yaratilayotgan keng imkoniyatlar bizni yanada yuksak marralar sari ruhlantirmoqda.
Muhtaram Prezident, ushbu qutlug‘ kunda Sizga mustahkam sog‘lik, uzoq va mazmunli umr, oilaviy baxt-saodat, xalqimiz farovonligi hamda Vatanimiz ravnaqi yo‘lidagi sharafli va mas’uliyatli faoliyatingizda ulkan muvaffaqiyat va zafarlar tilaymiz.
Tavallud ayyomingiz muborak bo‘lsin!
Hurmat bilan,
Buxoro davlat universiteti jamoasi.
Bizni kuzatishda davom eting:
🌐
Telegram
🌐
Facebook

👥
👥
👥
👥
👥
👥
📘
BUXORO DAVLAT UNIVERSITETI VA KAVKAZ UNIVERSITETI O‘RTASIDA XALQARO HAMKORLIK YANGI BOSQICHGA KO‘TARILDI
Buxoro davlat universiteti rektori, professor
Obidjon Xamidov
Gruziyaning nufuzli oliy ta'lim muassasalaridan biri - Kavkaz universiteti (Caucasus University)ga tashrif buyurdi.
Tashrif doirasida Kavkaz universiteti prezidenti, doktor
Kaxa Shengeliya
boshchiligida ishchi uchrashuv bo‘lib o‘tdi. Unda universitetning xalqaro aloqalar bo‘yicha vitse-prezidenti
Irena Melua
hamda Xalqaro aloqalar departamenti direktori
Ketevan Karbaia
ishtirok etdi.
Uchrashuv davomida ikki universitet o‘rtasidagi hamkorlikni yangi bosqichga olib chiqish masalalari muhokama qilindi. Xususan, qo‘shma ta'lim dasturlarini yo‘lga qo‘yish, qisqa muddatli akademik kurslarni tashkil etish, ilmiy-tadqiqot loyihalarini birgalikda amalga oshirish hamda professor-o‘qituvchilar va talabalar almashinuvini kengaytirish yuzasidan fikr almashildi.
Muzokaralar yakunida
Buxoro davlat universiteti va Kavkaz universiteti o‘rtasida O‘zaro anglashuv memorandumi (Memorandum of Understanding)
imzolandi. Mazkur hujjat ikki oliy ta'lim muassasasi o‘rtasidagi akademik va institutsional hamkorlikni yanada mustahkamlash, tajriba almashish, qo‘shma ilmiy loyihalarni amalga oshirish hamda xalqaro ta'lim makonidagi hamkorlikni rivojlantirish uchun yangi imkoniyatlar yaratadi.
Ushbu hamkorlik Buxoro davlat universitetining xalqaro aloqalar geografiyasini yanada kengaytirish, ta'lim va ilm-fan sohasida ilg‘or xorijiy tajribalarni joriy etish hamda universitetning xalqaro nufuzini mustahkamlash yo‘lidagi navbatdagi muhim qadamlardan biridir.
Bizni kuzatishda davom eting:
🌐
Telegram
🌐
Facebook

👥
👥
👥
👥
👥
👥
📘
BUXORO DAVLAT UNIVERSITETI REKTORI FRANSIYA MILLIY BAYRAMI MUNOSABATI BILAN TASHKIL ETILGAN RASMIY QABUL MAROSIMIDA ISHTIROK ETDI
2026-yil 14-iyul kuni Toshkent shahrida Fransiya Respublikasining O‘zbekiston Respublikasidagi Favqulodda va Muxtor Elchisi
Valid Fuk (Walid Fouque)
mezbonligida Fransiya Milliy bayrami munosabati bilan rasmiy qabul marosimi bo‘lib o‘tdi.
Nufuzli tadbirda O‘zbekiston Respublikasi Oliy ta’lim, fan va innovatsiyalar vaziri o‘rinbosari
O‘ktam Salomov
, Buxoro davlat universiteti rektori
Obidjon Xamidov
, davlat va jamoat tashkilotlari rahbarlari, diplomatik korpus vakillari hamda xalqaro hamkor tashkilotlar vakillari ishtirok etdi.
Tadbir davomida O‘zbekiston va Fransiya o‘rtasidagi do‘stona munosabatlar, oliy ta’lim, ilm-fan va innovatsiyalar sohalaridagi hamkorlikni yanada rivojlantirish, akademik almashinuv dasturlarini kengaytirish hamda istiqbolli qo‘shma loyihalarni amalga oshirish masalalari yuzasidan fikr almashildi.
Buxoro davlat universiteti xalqaro hamkorlikni mustahkamlash, xorijiy oliy ta’lim muassasalari va diplomatik vakolatxonalar bilan samarali aloqalarni rivojlantirish borasidagi ishlarni izchil davom ettirmoqda.
Bizni kuzatishda davom eting:
🌐
Telegram
🌐
Facebook

#OAVda_biz
🔍
Бухоро МТРК "XABAR" информацион - ахборот дастурининг навбатдаги сонида:
😎
"Халқ билан бирга" умуммиллий дастури доирасида ЎзЛиДеП вилоят Кенгаши раиси, маҳаллий Кенгаш депутати Обиджон Хамидов ташаббуси билан Ғиждувон туманида Сайёр қабул ҳамда Тиббий кўрик ўтказилди.
#uzlidep
#XalqBilanBirga
#SayyorQabul
#SalomatlikSari
📱
Bizni kuzatib boring!

✍️
✍️
✍️
✍️
✍️
📘
G‘ijduvonda BuxDU rektori yangi o‘quv yiliga tayyorgarlik jarayonlarini ko‘zdan kechirdi
✅
Buxoro davlat universiteti
rektori Obidjon Xamidov G‘ijduvon tumanidagi "Soktare" mahallasi hududida joylashgan universitet binosiga tashrif buyurdi. Tashrif davomida o‘tgan 2025-2026-o‘quv yili yakunlari sarhisob qilinib, amalga oshirilgan ishlar va erishilgan natijalar tahlil qilindi. Rektor bino ichidagi o‘quv auditoriyalari, kutubxona va laboratoriya xonalarining holatini ko‘zdan kechirib, navbatdagi 2026-2027-o‘quv yilini yuqori saviyada boshlash uchun ko‘rilayotgan chora-tadbirlar bilan yaqindan tanishdi.
🟡
Muloqot davomida binoning moddiy-texnik bazasini yanada mustahkamlash, talabalar uchun qulay shart-sharoitlar yaratish hamda ta’lim sifatini oshirish masalalari muhokama qilindi. Obidjon Xamidov o‘quv jarayonlarini raqamlashtirish va hududiy bo‘lim faoliyatini zamon talablari asosida takomillashtirish bo‘yicha mas’ullarga aniq topshiriq va ko‘rsatmalar berdi. Mazkur tashrif hududlarda oliy ta’lim sifatini ta’minlash borasidagi tizimli ishlarning uzviy davomi bo‘ldi.
Bizni kuzatishda davom eting:
🌐
Telegram
🌐
Facebook

✍️
✍️
✍️
✍️
✍️
📘
BuxDU rektori yangi kampusdagi talabalar turar joylari qurilishi bilan tanishdi
12-iyul kuni Buxoro davlat universiteti rektori universitetning yangi kampusi hududida davlat-xususiy sheriklik asosida barpo etilayotgan
5400 o‘rinli talabalar turar joylari
qurilishi jarayonlari bilan tanishdi.
Qurilish maydonida amalga oshirilayotgan ishlar ko‘zdan kechirilib, xususiy hamkor
"ELEGANT INVEST"
mas'ullariga ishlarni jadallashtirish, ishchilar sonini ko‘paytirish hamda qurilishning belgilangan jadval asosida olib borilishini ta'minlash yuzasidan tegishli topshiriqlar berildi.
Shuningdek, rektor qurilish muddatlaridan ortda qolmaslik uchun mavjud kuch va vositalardan samarali foydalanish hamda ishlar sifatiga alohida e'tibor qaratish zarurligini ta'kidladi.
Bizni kuzatishda davom eting:
🌐
Telegram
🌐
Facebook

✨
✨
✨
✨
✨
📢
Hurmatli abituriyentlar, qadrli ota-onalar hamda qabul jarayonining mas’ul xodimlari!
Bugun yurtimizda oliy ta’lim tizimini tubdan isloh qilish, yoshlarning zamonaviy bilim egallashi va o‘z iqtidorini ro‘yobga chiqarishi uchun barcha sharoitlar yaratilmoqda. Xususan, Buxoro davlat universitetida 2026–2027-o‘quv yili uchun kasbiy (ijodiy) imtihonlar boshlanib, ushbu jarayon nafaqat yoshlarning talaba bo‘lish orzusi, balki ularning ertangi taqdiri va jamiyatda munosib o‘rin topishini belgilaydigan muhim bosqichdir.
Aziz abituriyentlar!
Sizning eng katta boyligingiz va suyanchingiz — bu egallagan bilimingiz, noyob iste’dodingiz hamda o‘z kuchingizga bo‘lgan mustahkam ishonchingizdir. Shuni unutmangki, oliy ta’lim ostonasidan o‘tish faqat halol mehnat va puxta tayyorgarlik natijasidir. Turli yolg‘on va’dalar, noqonuniy yo‘llar yoki firibgarlik takliflariga aslo uchmang. Sizning yorug‘ kelajagingiz faqat va faqat o‘z bilimingiz va maqsadingiz yo‘lidagi intilishingiz bilan quriladi.
Qadrli ota-onalar!
Farzandingiz kamoli va uning oliy ma’lumotli mutaxassis bo‘lishi yo‘lidagi xavotirlaringizni tushunamiz. Biroq bugungi kunda qabul jarayonlari mutlaqo ochiq, shaffof va raqamlashtirilgan tizim asosida tashkil etilgan. Shu bois, farzandingiz taqdiriga befarq bo‘lmagan holda, turli asossiz va’dalarga ishonib, qonunga zid xatti-harakatlarga yo‘l qo‘ymasligingizni so‘rayman. Eng to‘g‘ri va ishonchli yo‘l — farzandingizning qobiliyati va mehnatiga tayanishdir.
Hurmatli professor-o‘qituvchilar va imtihon komissiyasi a’zolari!
Har bir abituriyentning bilimini xolis va adolatli baholash — bizning nafaqat xizmat vazifamiz, balki vijdoniy burchimizdir. Imtihon jarayonlarida shaffoflikni to‘liq ta’minlash, manfaatlar to‘qnashuviga yo‘l qo‘ymaslik hamda korrupsiyaning har qanday ko‘rinishiga nisbatan murosasiz bo‘lishimiz shart. Bizning maqsadimiz — eng munosib, iqtidorli va ilmga tashna yoshlarni saralab olishdir.
Buxoro davlat universiteti va barcha ta’lim muassasalari qabul jarayonida qonuniylik va adolat tamoyillariga qat’iy amal qiladi. Biz yoshlarimizning sifatli ta’lim olishi va munosib kasb egalari bo‘lib yetishishlari uchun bor imkoniyatimizni safarbar etamiz.
Barcha abituriyentlarga imtihonlarda muvaffaqiyat, hamkasblarimga esa mas’uliyatli vazifada kuch-quvvat tilayman.
Obidjon Xamidov
O'zLiDeP Buxoro viloyati Kengashi raisi, Xalq deputatlari viloyat Kengashi deputati, Xalq deputatlari viloyat Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi raisi, Buxoro davlat universiteti rektori, iqtisodiyot fanlari doktori, professor
✅
Murojaat uchun:
@buxdu_anti_corbot
Bizni kuzatishda davom eting:
🌐
Telegram
🌐
Facebook

✍️
✍️
✍️
✍️
✍️
📘
G‘ijduvonda bepul tibbiy ko‘rik: Buxoro davlat tibbiyot instituti jamoasi aholiga salomatlik ulashdi
Aholi salomatligini mustahkamlash, kasalliklarning erta oldini olish hamda ijtimoiy himoyaga muhtoj fuqarolarni qo‘llab-quvvatlash maqsadida G‘ijduvon tumanidagi 2-son oilaviy poliklinikada keng qamrovli bepul tibbiy ko‘rik tashkil etildi.
Tadbir Xalq deputatlari Buxoro viloyati Kengashi deputati Obidjon Xamidov tashabbusi bilan tashkil etilib, O‘zLiDePning
“Xalq bilan birga”
dasturida belgilangan vazifalar ijrosining amaliy ifodasi bo‘ldi.
Tibbiy ko‘rikda
Buxoro davlat tibbiyot instituti rektori Shuhrat Teshayev boshchiligidagi
malakali shifokorlar jamoasi ishtirok etdi. Institutning oftalmolog, terapevt, urolog, nevrolog hamda boshqa yo‘nalishlarda faoliyat yuritayotgan
15 nafar tajribali mutaxassisi
“Zarangari”, “Mustaqillik” va “Bo‘lakiyon” mahallalarida istiqomat qiluvchi kam ta’minlangan, ehtiyojmand va ijtimoiy himoyaga muhtoj fuqarolarni tibbiy ko‘rikdan o‘tkazdi.
Ko‘rik davomida
100 nafardan ortiq fuqaro
malakali shifokorlar qabulida bo‘lib, ularga zarur tibbiy maslahatlar berildi, kasalliklarning oldini olish bo‘yicha tavsiyalar bildirildi hamda davolanish uchun tegishli yo‘llanmalar tavsiya etildi.
Mutaxassislar fuqarolar bilan muloqot chog‘ida sog‘lom turmush tarziga amal qilish, to‘g‘ri ovqatlanish, sanitariya-gigiyena qoidalariga rioya etish va muntazam tibbiy ko‘rikdan o‘tish inson salomatligini asrashdagi eng muhim omillardan biri ekanini alohida ta’kidladilar.
Shuningdek, tadbir ishtirokchilari 2-son oilaviy poliklinikada yaratilgan zamonaviy sharoitlar bilan tanishdilar. Ayni paytda muassasa tomonidan
19 372 nafar aholiga
sifatli tibbiy xizmat ko‘rsatilib, poliklinika zamonaviy laboratoriya, rentgen, UTT hamda boshqa diagnostika uskunalari bilan jihozlangani kasalliklarni erta aniqlash va samarali davolash imkonini bermoqda.
Tibbiy ko‘rik yakunida ehtiyojmand fuqarolarga
bepul dori-darmon vositalari
tarqatildi.
Tadbir ishtirokchilari ushbu ezgu tashabbus uchun tashkilotchilar va shifokorlarga samimiy minnatdorlik bildirib, bunday bepul tibbiy ko‘riklar aholining salomatligini mustahkamlash, kasalliklarni erta aniqlash hamda fuqarolarning tibbiy xizmatlardan foydalanish imkoniyatini kengaytirishda muhim ahamiyat kasb etayotganini ta’kidladilar. Aholi vakillari bu kabi xayrli tashabbuslarning muntazam davom ettirilishiga umid bildirdilar.
Bizni
kuzatishda davom eting:
🌐
Telegram
🌐
Facebook