Chinoz tumani IM 🇺🇿

https://t.me/chinozim_ecoschoolsuzbekistan

https://t.me/chinozim_ecoschoolsuzbekistan

🇺🇿
MILLIY OHANGLAR — QALBLARDA VATAN TUYG‘USI!
Chinoz tuman ixtisoslashtirilgan maktabida o‘quvchilarning katta tanaffus vaqtlarini mazmunli va ko‘tarinki ruhda o‘tkazish maqsadida milliy ohanglar, Vatanimizni madh etuvchi kuy va qo‘shiqlar muntazam ravishda yangramoqda.
🎶
Yangragan kuy-qo‘shiqlar o‘quvchilarga nafaqat yaxshi kayfiyat bag‘ishlamoqda, balki ularda Vatanga muhabbat, milliy qadriyatlarga hurmat, yurtga sadoqat va faxr tuyg‘ularini yanada mustahkamlashga xizmat qilmoqda.
Maktab hovlisida yangrayotgan dilbar milliy ohanglar o‘quvchilar qalbiga iliqlik, quvonch va ko‘tarinki kayfiyat baxsh etmoqda.
🇺🇿
🎵
Milliy musiqa — milliy ruh ifodasi.
❇️
Vatan madh etilgan kuylar — qalblardagi faxr va iftixorning go‘zal sadosi!

🌱
ECO SCHOOL — “YASHIL BAYROQ” SARI 7 QADAM
Chinoz tuman ixtisoslashtirilgan maktabida Eco School vazirlari yig‘ilishi tashkil etildi. Yig‘ilish davomida 2026–2027-o‘quv yilida amalga oshirilishi rejalashtirilgan ekologik loyihalar, tashabbuslar va vazifalar yuzasidan muhim ma’lumotlar berildi.
🍃
Shuningdek, o‘quvchilarning ekologik madaniyatini yuksaltirish, maktab hududida atrof-muhitni asrash va obodonlashtirish ishlarini yanada kuchaytirish, tabiatga mas’uliyatli munosabatni shakllantirish masalalariga alohida e’tibor qaratildi.
💚
Yig‘ilishda “Yashil Eko bayroq” sari 7 qadam loyihasi haqida batafsil tushunchalar berilib, ushbu yo‘nalishda amalga oshiriladigan ishlar, loyiha bosqichlari hamda Eco School jamoasining vazifalari muhokama qilindi.
👥
Yig‘ilishda Chinoz tuman ixtisoslashtirilgan maktabi Ma’naviy-ma’rifiy ishlar bo‘yicha direktor o‘rinbosari Bibimashrab Isaqova, Eco School koordinatori Donyorbek Yo‘ldoshev, maktab Ekologiya vaziri Jadira Muzafarova hamda Eko qo‘mita a’zolari ishtirok etdilar.

🤝
INNOVATSION HAMDA IJODIY HAMKORLIK BO‘YICHA MEMORANDUM IMZOLANDI
Chinoz tuman “Kelajak markazi” hamda Chinoz tuman ixtisoslashtirilgan maktabi o‘rtasida innovatsion hamda ijodiy hamkorlikni yo‘lga qo‘yish maqsadida Memorandum imzolandi.
📑
Mazkur hamkorlik doirasida ta’lim-tarbiya jarayonini rivojlantirish, “Besh muhim tashabbus” yo‘nalishlari bo‘yicha o‘zaro hamkorlikni yo‘lga qo‘yish belgilandi.
🌱
Memorandumning muhim yo‘nalishlaridan biri — yosh ijodkorlarni qo‘llab-quvvatlash, iqtidorli yoshlarning qobiliyatlarini rivojlantirish va ularning iste’dodini namoyon etishi uchun zarur shart-sharoitlarni yaratishdan iborat.
💡
Hamkorlik orqali o‘quvchi-yoshlarning innovatsion fikrlashi, ijodiy salohiyati va tashabbuskorligini rivojlantirishga qaratilgan turli loyihalar, tadbirlar va amaliy mashg‘ulotlarni tashkil etish ko‘zda tutilgan.
✍️
Memorandumni Chinoz tuman “Kelajak markazi” direktori B.T. Maxkamov hamda Chinoz tuman ixtisoslashtirilgan maktabi direktori Sh.E. Zikirov imzoladilar.

📚
NAVBATDAN TASHQARI PEDAGOGLAR YIG‘ILISHI O‘TKAZILDI
Chinoz tuman ixtisoslashtirilgan maktabida navbatdan tashqari pedagoglar yig‘ilishi o‘tkazildi.
📝
Yig‘ilish davomida umumta’lim fanlari olimpiadasiga tayyorgarlik ko‘rish va uni yuqori saviyada tashkil etish, o‘quvchilarning fanlarga bo‘lgan qiziqishini oshirish, iqtidorli o‘quvchilarni aniqlash hamda ularni olimpiada bosqichlariga puxta tayyorlash masalalariga alohida e’tibor qaratildi.
⏰
Shuningdek, “Kelajak soatlari” dars mashg‘ulotlarini belgilangan tartib asosida, mazmunli va samarali tashkil etish, darslarda tarbiyaviy mazmunni kuchaytirish hamda o‘quvchilarda vatanparvarlik, mas’uliyat, odob-axloq va milliy qadriyatlarga hurmat tuyg‘ularini shakllantirish yuzasidan tegishli vazifalar belgilandi.
👥
Yig‘ilishda ta’lim-tarbiya jarayonining samaradorligini yanada oshirish, pedagoglarning mas’uliyatini kuchaytirish va o‘quvchilarning bilim hamda tarbiyaviy ko‘rsatkichlarini yaxshilash bo‘yicha fikr-mulohazalar bildirildi.

Chinoz tuman ixtisoslashtirilgan maktabida 2026–2027-o‘quv yili qabuli jarayonlarida o‘tkazilgan imtihonlardan muvaffaqiyatli o‘tib, maktabimiz safiga qabul qilingan 5-, 6-, 7-, 8- va 9-sinf o‘quvchilari bilan tanishtiruv yig‘ilishi tashkil etildi.
🤝
Uchrashuv davomida yangi o‘quvchilarni ta’lim muassasasi muhitiga ko‘niktirish, maktabning ichki tartib-intizom qoidalari, odob-axloq me’yorlariga rioya qilish, o‘quvchilar o‘rtasidagi o‘zaro hurmat va muomala madaniyati haqida atroflicha suhbatlashildi.
🧼
Shuningdek, shaxsiy gigiyena qoidalariga amal qilish, dars jarayonlariga mas’uliyat bilan yondashish hamda maktab jamoasining yagona tartib-qoidalariga amal qilish yuzasidan muhim tavsiyalar berildi.
👥
Yig‘ilishda maktab ma’naviy-ma’rifiy ishlar bo‘yicha direktor o‘rinbosari Bibimashrab Isaqova, yoshlarni vatanparvarlik ruhida tarbiyalash bo‘yicha direktor o‘rinbosari Jasur Xudoyberdiyev, maktab psixologi Rushana Toxirxo‘jayeva hamda xotin-qizlar qo‘mitasi raisi Zuhra Baratova ishtirok etdilar.

#5_TASHABBUS_AMALDA
🇺🇿
🔰
Chinoz tuman ixtisoslashtirilgan maktabida “Havaskorlar radiosi” eshittirishlari davom etmoqda.
🎙
“Millat oydinlari” turkum radioeshittirishida 5 muhim tashabbus doirasida tashkil etilgan “Notiqlik san’ati” to‘garagi a’zolari, 5-“A” sinf o‘quvchisi Qahramonova Dilnoza Abdulla Avloniy hayoti haqida mazmunli ma’ruzalar o‘qib eshittirildi.
🎧
Shuningdek, “Oltin fondimiz” shiori ostidagi “Nodir ovozlar” radioeshittirishida Vatan madhiga bag‘ishlangan she’rlar, kuy va qo‘shiqlar o‘quvchilar e’tiboriga havola etildi.
✨
Ushbu eshittirishlar o‘quvchilarning nutq madaniyatini rivojlantirish, tarixiy merosimizga hurmat va Vatanga muhabbat tuyg‘ularini yanada mustahkamlashga xizmat qilmoqda.
🇺🇿
Yoshlar — millat kelajagi!
🎙
So‘z kuchi — tafakkur yuksalishi!

🇺🇿
“VATAN TAYANCHI” — YOSHLARDA VATANPARVARLIK VA MAS’ULIYAT TUYG‘USI!
Chinoz tuman ixtisoslashtirilgan maktabida “Vatan tayanchi” otryadi a’zolari yig‘ilishi o‘tkazildi.
Yig‘ilish CHQBT rahbari Jasur Xudoyberdiyev boshchiligida tashkil etildi. Unda otryad a’zolarining harbiy-vatanparvarlik ruhini yanada yuksaltirish, yoshlarni Vatanga sadoqat, mardlik, jasorat va intizom ruhida tarbiyalashga qaratilgan muhim masalalar muhokama qilindi.
Yig‘ilish davomida o‘quvchilarga Vatan tinchligi va osoyishtaligini asrash, davlatimiz ramzlariga hurmat bilan munosabatda bo‘lish, jamoada hamjihatlik va tartib-intizomga rioya qilish kabi fazilatlarning ahamiyati tushuntirildi.
“Vatan tayanchi” otryadi faoliyati yoshlarning bo‘sh vaqtini mazmunli tashkil etish bilan bir qatorda, ularda harbiy kasblarga qiziqish, jismoniy chiniqish, liderlik, mas’uliyat va jamoaviylik kabi muhim ko‘nikmalarni shakllantirishga xizmat qilmoqda.
🇺🇿
Vatanparvar yoshlar — yurtimizning mustahkam tayanchi!